30/04/2024
【日本酒の認識 - ✧酒米「五百万石」x 原酒 x 熟成酒✧】
今期MOW清酒小學堂想同大家介紹另外一款常見人氣酒造好適米 — 「 #五百万石」。
「五百万石」,原產於 #新潟縣,於1944 年通過「新200號」為父親與「菊水」為母親呢兩種稻米以人工育種方式培育出來嘅交配品種,名為「交系290號」。可惜因受第二次世界大戰影響,其栽培曾一度終止,直至1957年新潟縣米嘅生産量達到五百万,為咗紀念呢個數字,呢款優良品種終被正式登記及命名為「五百万石」。
由於五百万石屬於早熟種酒米,因此其心白較大,容易破碎,精米步合難低於50%,所以不適合用於高精米釀造酒,如 #大吟釀 等級嘅高級酒。五百万石酒質同屬於肉厚型嘅「 #山田錦」或「 #雄町」唔同,其比較硬身,所以可釀製出酒質清澈,以及帶有清爽香氣感覺嘅清酒。因此,五百万石更可以話係淡麗辛口日本酒嘅最佳代表。
五百万石係新潟嘅驕傲,其穩定嘅培植性能同高適應性,曾一度喺2001年超越山田錦,成為栽種面積最大嘅酒米,而於2022年酒米生產量中更排列第二。五百万石現時嘅產量已占全日本一半左右,在全國約20個府縣中都有栽種。
#邂逅 思 #純米大吟釀 除咗用咗五百万石釀製外,更使用咗熟成原酒釀造。其酒香中帶有芬芳嘅果香,蘊含獨有濃烈熟香,品感輕快怡人,味道柔和圓滑。
-
凡購滿$𝟝𝟘𝟘免送運費👀
-
客人亦可選擇到觀塘門市取貨,門市時間如下:
星期一至五 10:00 - 17:30
*星期六日及公眾假期休息
-
#觀塘 #低溫派送 #送貨上門
#日本直送 #日本直送香港
#日本酒 #清酒 #梅酒 #果酒 #小食
#日本威士忌 #威士忌