Sandanezwe Short Stories

Sandanezwe Short Stories This page is for everyone who like to write short stories

20/01/2025

"ISITHUNZI SIKAMUFI" Loading , ngikhumbula ukunibhalela ngoba usaniduba u Cmindlore

11/04/2024

"IZINYEMBEZI ZOMFELOKAZI"

Ani commente kule skhoko ni reacte, if ama Reaction ebe u 50+ ngzobuya nendaba ngaso le shloko .... I hope seni interested senizoba supportive

06/01/2024

Nisazifuna iztory???

05/09/2023

Indandatho Yezinyembezi 2(C)

Sebefikileke manje emzini kaNomusa."Qoo , sesihambe sabuya futhi Mrs Mkhize" kusho uDetective."Oh kulungile Mseshi ungangena"."Cha angizungena,ungaphuma wena ngikuphathele izivakashi"asho njalo maqede aphume ngempela uNomusa."Nazi izivakashi zakho zihamba ngalemoto"."Iyona qobo le number lemoto ebilapha izolo"kusho uNomusa ecweba izinyembezi egcwala ukudinwa."Madoda ningobani amagama wenu"kubuza uMseshi."Mina nginguSanele Luthuli"kuphendula uMthoko eqamba amanga."Mina ngu Lindani Mdluli" kusho uBusani naye eqamba amanga."Oukay, ubani uMr.Vilakazi niyamazi?"kubuza uMseshi.Ashaywe uvalo uBusani nakhu uzwa isbongo sakhe sangempela."Ay lutho asmazi muntu womthetho" kuphendula yena impela uBusani."Oukay, la ngine card lase Capitec lalowo mlisa, engizokwenza ngizoya eHhovisi lakhona ngyobheka isthombe salo muntu ukuthi ubani ngempela" kusho uMseshi,"Sayitsheni Mzobe bafake ozankosi laba bese ungilinda la nabo la ngize ngbuye"

05/09/2023

Indandatho Yezinyembezi 2(B)

Kuseminini manje izkhathi zikhomba ihora leshumi nambili kubonakala imoto yohlobo lwepholo iyisivinini iqonde emzini kaMaMhlongo eLalucia nakhu phela abafana bakaSphamandla beyobheka lo wallet kaBusani osale ngayizolo ngenkathi begila umhlola.Bathe nje befika bazthele phezu kweven yamaphoyisa la kaMaMhlongo imile. "Eish Majita ijumpile, Maboni mfethu faka eliya emumva" . "Kanjan manje singayitholile lento what if bebengakawucoshi".Babephikisana bodwa abafana ngaleskhathi amaphoyisa ebabuka esbukweni seVan."Noma kunhathiwani leya moto iyo inumber plate aqeda kusnika yona uMaMhlongo le" kusho iphoyisa. Balifake eliya emumva abafana maqede bayijikise ngokushesha ihlabe ibuyele emuva namaphoyisa nawo abe sezthendeni zabo.

KuseMhlanga emzini kaSpha uhleli udla amathambo ekhanda nakhu ayimphethe kahle lento yalabafana.kusenjalo bese kukhale ucingo lwakhe alubambe ngokushesha nakhu belungekho kude vele "Sure Busani, ngyethemba uzongitshel ukuthi seniyilungisile lenyakanyaka yenu" ."Besifisa kanjalo boss,kodwa akunjalo kunalokho amaphoyisa asezthendeni zethu manje sufike sazthela phezu kwawo laphana"."Nxii shid man, fuseg, lalelanike manibanjwake ningalinge ningifake ngzozam kunikhipha fast neh" esho evala ucingo lwakhe maqede azulazule indlu yonke.Nakhu labafana aesbajahe aze abafica amaphoyisa qede abavimba abakhipha emotweni."Anishoke zinsizwa nibalekelani"kwakubuza uDetective enganake lutho nje ngomoya ophansi."ay thina? Ay asbaleki thina"."hehehe njengoba nijike phambi kwesango lomuzi womuntu nje nijikeleni"."E..e. ay thina besthunyiwe kulowamuzi"."Ay okay kulungile madoda aksikhona okwam ukwaz ukuthi benithunyweni, kodwake asambeni niyodlulisa lokho ebenikuthunyiwe nokuthi uban obenithumile, ngenani kule yami imoto, le yenu uzeza nayo usayitsheni uMzobe" esho ebakhombisa iVan maqede abadudulele phakathi.Ajikele ngaphambili ayihlohloloze ibuyele emuva kwaMaMhlongo nemoto ilandela ngemuva.Ngaleso skhathi ulokhu ebuka lewallet ayiphethe.

05/08/2023

INDANDATHO YEZINYEMBEZI 2(A)

Kusekuseni manje izkhathi zikhomba ihora le-6 lapha eMzini kaMaMhlongo kupphithizela abaseshi nakhu phela babiziwe njengoba kuhlaselwe uMaMhlongo bamphuca bonke ubucwebe obobusemzimbeni wakhe. "Wena ngabe kukhona mhlampe ongamkhomba kwabenze lento"kubuza iphoyisa libhekise kuMaMhlongo."Cha anginanga noyedwa ngoba bebezimbozile bonke ubuso kanti futhi konke kwenzeke nje ngokuphazima kwelihlo"kuphendula uMaMhlongo."Lokho kuchaza ukuthi abantu ebekungenzeka ubazi laba"kuqhuba iphoyisa lichwaya.Khona lapho kuqhamuke elinye iphoyisa limemeza,"Detective!!"kumemeza usayitsheni uZwide."Yebo Zwide"."Nakhu ngithola iWallet la kodwake une card lase Bank nje kuphela".Awuthathe uDetective Bhengu lo wallet maqede awuvule afice icard lase Capitec phakathi kanye no R50 nje kuphela."Mr B.Vilakazi" esho efunda ama Initials abhalwe ngaphandle kuleli card."Kulungile asambeni madoda ngicabanga kuthi sesiwutholile uMkhondo" kusho uBhengu, khona manjalo basuke bangene emotweni bashaye bachithe.

Kusemzini kaSphamandla la eLalucia uzipholele kwazise nelanga selithanda ukuphakama uhleli kwisthabathaba somuzi kanokusho. "Okumnandi nje angichitho gazi kulo msebenzi kphel ngizidelilela nobucwebe"kusho uSpha ecabanga ,masinya abuyise izintshwaqa,"Yaz labafana kmele baphinde kulowa muzi nginesqiniseko buningi ubucwebe obungaphakathi, phela lobu izinto ezincane ayezfakile lo mfazi" esho maqede amoyizele kukhomba ukuba iyamjabulisa lento ayicabangayo.Kusenjalo kungene imoto yabafana bakhe ijikijeleka."Kwenzenjani Madoda nangena seniphoseka nje nibizwe ubani" kubuza uSphamandla ebuza izinsizwa zakhe lezi."Ey boss akuhambi kahle,izolo uBusani uqathaze iwallet manje asazi noma uyiqathaze endawen yesgameko yini"kuchaza uMthoko."Yeses maarn nina seningamavukane yini senicareless ngalendlela" kzomele niumwuthole fast lowo wallet ngob uzoz utholwe abantu abangafanele, angaz nizowuthola kanjani, and thandazani kungabe usale endawen yesgameko ngob makunjalo nizogaxela

02/08/2023

Indandatho yezinyembezi 1(B)

Kuyacaca nje ukuthi iyamdina yonke lento abayenzile ufisa nokubabamba ngezandla."Syaxolisa boss"."Fuseg maan thathani lemali yenu niyoyicaza le kude ningaphinde niwenze lodoti, sizoyibalela phezu kwayo iholo lenu niyajwayela".Aphume eshesha amadoda nalo wallet elandelana.

KukwaMkhize manje ihora le-12 ebsuku kubonaka uNomusa ephaphama edidekile kwazise phela uyedwa njengoba nabantwana bengekho nje bevakashe eGoli,aqaphele ukuthi ubucwebe bakhe bonke abukho."Thixo ngikubona koonke nje kodwa indandatho yami engayithengelwa umnyeni wami ibiza kangaka" esho esithihla isililo, phela lendatho yathengwa ezweni laphesheya ngesamba sika R95 000 mhla uSthembiso esoshada noNomusa..

"Lenake indandatho angizukuyishintshisa yona ngizoyibeka kuyothi mhla ngishada uLizeka bese ngimnika yona phela eyekhethelo ayivamile kuleli lakithi" kusho uSphamandla ehleka kancane maqede abuke lobu obunye ubucwebe"lelo washi lilodwa nje lizongenzel R100 000"esho ekhomba ngamehlo

BAFUNDI KSAYISQALO UYEZA U Part 2 ....yibani active

02/08/2023

INDANDATHO YEZINYEMBEZI 1(A)

Kusebusuku manje izkhathi zikhomba ihora lesi-9 njengoba kubonakala imoto kaMaMhlongo oneminyaka ethi ayibe ngamashumi ama-33 ubudala oshadele kwaMzimela nakuba indoda yakhe Sthembiso Mzimela ingasekho emhlabeni ngenxa yokudliswa upoison. Inyonyobeke imoto kaMaMhlongo ewuhlobo lweFortuner ize izongena lapha eGarage ayipake maqede ehle bese eyikhomba ngesikhiye ibange umsindo omncane okukhomba ukuthi iyakhiyeka. Ngebhadi uthe ethi uyaphenduka wase ezithela phezu kwamadoda amathathu amkhombe ngezibhamu ebsweni zifake izankwana azibonakali. "Shhhhh ungabe usakhuluma lutho sfebe, letha amacici, iNecklace, iwatch, ile ndandatho esemnweni wesobunxele bese uletha no Wallet" kusho esinye sezigebengu ezimkhombe ngezibhamu."Haweee , ningobani, ningene..." Angabe esaqeda ukukhuluma uMaMhlongo enye yalezi nsizwa imsakaze ngesidunu sesibhamu ekhanda awe phansi maqede imkhiphe indandatho emnweni, imkhiphe iwashi likabokusho lohlobo lwesiliva imkhumule iNecklace yeaGolide yohlobo oluphambili maqede imkhumule amacici kanokusho.Phela uNomusa(MaMhlongo)Mkhize lona wabe engusomabhizinisi onezimali ezishisiwe ophethe iNkampani yokwakhiwa kweMishanguzo."Asishayeni sichithe madoda sesiqedile" kusho enye yalezi zinsizwa maqede ziphume ngesango zibaleke.

Emva kweskhathi engamashumi amathathu nje lezi nsizwa zase zifikile endaweni yakwaMashu zisuka eLalucia lapho beziyigila khona lo Mhlola."Sesbuyile Maphara mfwethu sisishayile ispani ayikho engaphandle"."Vezani umsebenzi madoda niyeke ukulanda" kusho uSphamandla okungungqondo ngqondo walo msebenzi.Phela uSphamandla lona unobuhlakani bokushintshisa izinto ezakhiwe ngegolide, isiliva kanye nePlatinum bese edla eshisiwe imali le, inkinga ukwenza lokhu ngendlela engekho emthethweni."Manje uWallet bese niwenzani,kusuka nini nithatha izmali zabantu manje ngoba sithatha ubucwebe kuphela kubantu,futhi kungani le necklace inegazi,kusuka nini manje sichitha igazi masenza umsebenzi"kubuza uSphamandla ethetha ejulukile

01/08/2023

"Indandatho Yezinyembezi"

"Ngivuka Emathuneni"

Votelani isihloko la ngibhale indaba , comment ngesihloko nje osivotelayo ureact...ngo 10 ebsuku liyavalwa ivoti

31/07/2023

Are you ready ukuthi ngiqhubeke nokubhala?? Senizoyenza into eright??

11/05/2023

Hawu ngithi ngzobhala u Paper 2 ngifica aba Reactions awu 9 😳😳😳weee ay asyekeni for Good 👐👐

10/05/2023

UMCEBO WEGAZI 1(B)

Phela wayesengaze acikeke angishiye ngibulawa yindlala nezingane eziyi 4 njengoba eNamabhizinisi nje uMthimkhulu sngenisa izindodla zemali"esho lizula ikhanda uMaNkosi ngenxa yemcabango nembuzo ephambana ekhanda lakhe nangazi ukuthii iyophendulwa ubani mhla zingakhi."Manje baba awungitshele,kungabe yiwo lo muzi owubona emaohusheni wakho amabi"esho entshontsha umyeni wakhe ngeso.Athule uMthimkhulu angaphenduli,kunalokho aphefumulele phezulu samuntu okhokha umoya."Ay vele uzthulele mtaka Nkosi nakhu usushade ismungulu"esho egoqa izandla zakhe maqede awathi njoo amehlo emgwaqeni okhanyiswa amalambu emoto maqede athuswe ukuphaphalaza kwayo nakhu isandla sikaMthimkhulu sesimubambe ngqi entanyeni kungathi ubanjwe inhlwathi engafuni kumdedela."Yabona wen ugcin ukukhuluma nami engathi ukhuluma nesiyoyo sendoda,uyezwa mfazi"esho ebhoka ngolaka uMthimkhulu nakhu nemoto igcwala umgwaqo lapha phakathi nehlathi."Ngiya...xo.lisa" esho ewudedela umchamo uMaNkosi wehla ngamathanga maqede kulandele imbibizane esheshayo nekuyiyo eyamcisha umoya nakhubuyithele emakhaleni uMthimkhulu maqede yalala ja inkosikazi kwacisha izibani nakhu kungathi iqulekile.Kubonakale uMthimkhulu ehlisa iwindi lemoto efuna kungene umoya lapha emotweni.Kubonakale ishosholoza imoto emnyama i4x4 engu 4 doors iyojiyina umgwaqo onguthelawayeka.

"Yaz kwakumnandi ngisayiqala lento,kodwa manje isiyisqalekiso empilweni yami" zisho sehla izinyembezi kuMthimkhulu."Yaz abantu bazitshela ukuthi ngiphila kamnandi futhi ngijabule ngoba nginayo yonke into engiyidingayo nemali eningi,abazi ukuthi ngyakhala ngaphakathi ngize ngifise ukuba ilabo baba abavuka bayofuna imsebenzi ngoba ngyazi abanayo le nkinga enginayo"."Ngyaz abanye bayafisa ukuba yimi abazi ukuthi nami ngifisa ukuba yibo" esho ebibitheka uMthimkhulu.Asule izinyembezi ngesihlakala maqede adle imihlathi nakhu usizi lumumele ngezinyawo.Kuphele amahora amathathu maqede imoto ithathe umgwaqo u R35 obhalwe ukuthi Nkalibombo,kuphele imzuzu engu 40 bese iphinda ithatha umgwaqo owubhuqu nakhu kungathi ubheke epulazini njengoba kubonakala amasimu omoba nje.Kubonakale imoto ishosholoza phakathi kwawo umoba maqede iqhamukele kubhazabhaza womuzi obiywe ngocingo lukagesi.Kubonakale isango lizivulekela maqede ingene imoto ize iyopaka eduze komnyango weGaraji.Libonakale nalo lizivulekela maqede ingene phakathi imoto kaMthimkhulu inyonyoba ngesizotha.Kubomakale uMthimkhulu ehla eyovula ngakwesokudla maqede akhiphe umkakhe ametshathe ahambe naye ephaseji ayombeka ekamereni.Afike amphose embedeni.

UMthimkhulu athuswe izigi zomuntu ongaphakathi ekamereni."Kungaba ubani lowo ngoba amadodana wami awekho lapha ekhaya"esho lumuthi nke uvalo maqede adonse isbhamu enqulwini maqede asikhombe bese enyonyoba eyoma emva kwesivalo nakhubulinde okuzongena emnyamgo ebese ekuchitha ubuchopho ngenhlamvu,kusobala yisgebengu lesi esicathama lapha ephaseji.Azizwe izigi zisondela maqede zixoma eduzane komnyango.Alindele okuzowuvula uMthimkhulu kodwa kuphele imzuzu emithathu engekho evulayo."Baba kwenzenjani"kusho uMaNkosi ngezwi elincane nakhu uzama ukuvuka embhedeni kodwa kungavukeki nakhu uzwa ikhanda linkenketha kanti nomqondo usagcwele ukudideka."Shiiii thula wena" esholo phansi uMthimkhulu ebuka umkakhe ngobuso obuhwaqabele."Ubani lowo osemzini wami"esho ememeza uMthimkhulu maqede kuzwakale ukukhonkotha kwezinja phandle nakhu ezinye zishaya umkhulungwane."Nooo akusiye umuntu ophilayo lo obelana,kusobala uNkongobela usezofuna okungokwakhe,eeewu Nkosi yami"esho zigcwala amehlo izinyembezi uMthimkhulu.

Part 2 is loading

10/05/2023

UMCEBO WEGAZI 1(A)

Kuntambama manje kuyobumbana ihora lesi 6 kubonakala kuma imoto emnyama lapha esangweni lomuzi oyistezi.Yize sekuqala ukuba mnyama lapha phandle kodwa kuyabonakala ukuthi akusahlali muntu kulomuzi.Okuthusa kakhulu ukuthi unkankwe yihlathi elimnyama okungathi kuzoqhamuka uholokoqo lwenyoka kulo.Kubonakale uMaNkosi eqalaza macala wonke nakhu naye ubukeka ethukile futhi edidekile."Baba kungabe yiwo lo muzi"kubuza uMaNkosi ngezwi eligcwele ukwesaba.Athule uMthimkhulu nakhu uwathe njoo amehlo akhe kulendlu eyistezi enesthunzi okungathi kunemimoya yabantu asebafa kuwo kanye nezilwane zabathakathi."Mthimkhulu kungabe yiwo lo muzi esikuwo noma sidukile na?"kubuza uMaNkosi ngezwi elithethayoke manje.Abonakale uMthimkhulu enqekuzisa ikhanda kancane samuntu ovumayo."Baba,kungabe kukhona yini ongangitsheli khona"kubuza uMaNkosi edidekile."Nkosikazi ngibona kuyisubelihle ukuthi sibuye kusasa sizobona lo muzi sekukhanya bha"kusho uMthimkhulu.Kuthuleke emotweni maqede ibonakale ijika ilifulathela isango isuka ngesivinini,khona lapho kubonakale ngesthunzi sento sithi shazi ewindini elifile lapha kulestezi nakhu kubukeka engathi besibabhekile sonke le skhathi.uMaNkosi ajeqeze umkakhe ngamehlo anemibuzo"Kukhona angifihlela khona uMthimkhulu,ukuthi kuyini angazi kodwa khona kuyozwakala,okungixaka kakhulu ukuthi nasebusuku akasalali kahle ngoba uhlaselwa nangamaphupho amabi amkewulisayo"."Yaz selokhu sabhala eNkantolo akakaze ayithi vuu indaba yabantu bakubo,cabanga sesize sanabantwana abane(4) kodwa umndeni wakubo nabo abawazi"."Okungethusa kakhulu indlela abekewula ngayo namuhla ekamereni ekhala nangomfowabo ethi akakhohliwe isthembiso uzosigcina,ukuthi esanike nam angazi,kodwa ngizizwa nginovalo ngob mangimbuza ngalento uvuka ulaka aphenduke islwane"."Ngyasola ikhona into eyenzeka ngomndeni wakhe uMthimkhulu ngaphambi kokuba ngimazi,futhi inkulu ayincane.Phela iphelile iminyaka engu 20 sashada nalona kodwa akayiphathi eyokuya kubo,namike ngakhathala ukuyikhuluma"

15/04/2023

Sengibuyile la sengzobhala futhi, ningadinwa bengisabhala kwenye indawo , sengbuyile kodwa.

"ANIBOBHULA ESANGOMENI"

Nasi isihloko esngizoxincengela ngaso

18/02/2023

SIHLUSHWA IMKHOVU 1(D)

Kubonakale omunye nje umama osekhulile egqoke ezimnyama wase eshuqula iduku lakhe elimnyama nalo.Abonakale lo muntu wesifazane eyongena komunye umuzi onenkunzimalanga yethende.Kusemini yasekuseni kugcwele kuyachichima ethendeni nakhu kungcwatshwa uSihle Mlambo naye oshone ngendlela ethusayo.Kuthiwa uvele nje wawa waphuma igazi ngamakhala wavoshoka ukhakhayi kwase kuba ukudlula kwakhe emhlabeni.Ukushona kwezingane ezisakhula lapha eNcwadi kuthanda ukwethusa kakhulu.Nakhu nakule sonto eledlule bekufihlwa lo mfana wakwaKhumalo otholakale ezilengisile ngaphansi kwesihlahla,kanti bekusanda kutholakala nesidumbu somuntu ongaziwa ngasedamini sidindilizile singenakhanda."Ngyabonga ukuthola leli thuba lokukhulumela abangani,igama lami nginguTusani Mbatha kwabangangazi"esho kuqathaka izinyembezi zilandelana ehlwibila namafinyila nesifuba sigubhazela kuthi akadazuluke akhale kodwa abuye azibambe nakhu phela kuthiwa indoda ayikhali."Inhliziyo yam ibuhlungu uma ngibona umngani wami elele kanje,umphakathi uthuli engathi akwenzeki lutho lapha endaweni yaseNcwadi,akekho ozmisele ngokuthatha umnyakazo ngokufa kwabantu,angazi noma nifuna kuze kufe ezenu yini izingane bese kuba ima nisukuma nithatha izinyathelo"."Yonke lento isobala nje ukuthi kunabantu abahlangene ngokusbulala,umphakathi awuhlangane kuyiwe emhlahlweni kuyohlolwa ukuthi ubani lo oqeda abantu abasha kangaka"."SIHLE mngani wami lala ngokuthula"esho ehluleka ukuzibamba uTusani adazuluke kakhulu."Angsoze ngaphumula ngingakabatholi abenzi bokubi"

Ashintshe abe bomvu amehlo kaMashimane ubuso bugqunqe bube mnyama, amehlo wakhe ahlabayo awathi njo kuTusani emnyukuluza ngeso elibi elinonya nolaka.Azethuke uTusani amehlo wakhe eseqondana nawalo mama ofake inzilo emnyama,aluzwe lumuthi nke uvalo

Kungene uMaNxele ehayiza lapha ethendeni maqede bethuke bonke abantu."Ingane yami,ingane yami ithathwe zilwane ngicela ningifunise ingane yami"esho ekhala kakhulu uMaNxele

End of Part 1

18/02/2023

SIHLUSHWA IMKHOVU 1(C)

"Thula mama ungakhali,ekseni sizovukela kwaMthandazi,sizomthola umuntu owenza lento ebuhlungu ksngaka kudadewethu"kusho indodana endala kaMaNxele ithulisa unina."Kuzophoqa ukuthi singalali,sizohlala sigade uSmelelo ukuze anganyamalali sisalele"kusho enye yamadodakazi kaMaNxele iphusha itafula iyovala ngalo emnyango ukuze engezukwazi ukuphuma uSmelelo noma sekuthiwani.Bahlale ubusuku bonke bebhekile bexoxa kuze kuphele izindaba bebhekile nakhu akusi nezkhathi kungathi zihamba kancane kakhulu manje.Kubonakale kuvumbuka eminye imkhovu emthathu lapha endlini maqede kucishe ikhandlela.Kubonakale kudonseka itafula,nakhu lizwakala lihuhuluza phansi.Kuzwakale umnyango udonseka uvuleka wonke gengelezi.Kubonskale uSmelelo evuka ema phuhle ngezinyawo kuhle komuntu obaziwe.Abonakale esuka lapho ebelele khona eyophuma ngomnyango.Kuzwakale izinja zibanga umsindo zikhonkotha zize zyofika ngasesangweni nakhu kusobala zihamba nayo lento eziyibonayo.Zizwakale izinja sezikhonkothela kude lee ngasehlathini.

Kusekuseni uMaNxele uzibona ulapha ensimini yakhe yombila elapha ngasemgwaqeni omkhulu.Ahlakule kabili kathathu maqede ezwe umsindo wamathayi emoto kanye nomsindo wento eqhumayo.Kuzwakake kuqhuma isililo nakhu kukhona oseshayiswe imoto lapha ezansi nomgwaqo.Lumuthi nke uvalo nakhu ubona abantu sebengunge isdumbu somuntu oshayiswe imoto.Uma esondela esixukwini bavele bamshalazele bonke abantu maqede bamdlulise.Athuswe ukubona izimpahla azaziyo zigcwele igazi.Athi mayesondelo kulomuntu oshayiswe imoto athi nhla maqede abone ubuso bukaSmelelo bugcwele igazi.Akhale kakhulu uMaNxele."Mama vuka uyaphupha"kusho enye yamadodakazi kaMaNxele igcwele izinyembezi."Iphi ingane yami"esho ememeza eqalaza ixhiba lonke uMaNxele."Mama nathi sivuke engasekho uSmelelo,itafula lisusiwe nomnyango uvuleke gengelezi".Kuqhume isililo endlini."Ingani benithe ngeke nilale nizombheka kuze kuse"."Mama nathi asazi ukuthi sizumeke nini kanjani"isho ikhala indodana kaMaNxele.

18/02/2023

SIHLUSHWA IMKHOVU 1(B)

KukwaMpanza lapha ekhaya kubonakala amadoda amabili amafushane agqoke amabheshu emile phakathi negceke.Kuzwakale kukhonkotha izinja zingaqedi nakhu zishaya umkhulungwane igceke lonke kusobala kukhulu ezikubonayo.Kubonakale indodakazi kaMaNxele isukuma ima ngezinyawo phezu kwesiphontshi ebilele kusona.Ithule ime inganyakazi ibhekise ikhanda layo ngasemnyango,kumnyama njalo endlini kuzwakala umsindo wabantu abahonqayo.Kubonakale uSmelelo esuka ezingubeni eqonda emnyango afike adonse umshudo uzwakale ukhala"Khexe".Awudonse kancane kancane umnyango uSmelelo uzwakale uhuhuluza phanzi njengoba vele usumdala nawo lo mnyango.Kuzwakale ukukhonkotha kwezinja kusondela eduze komnyango walapha exhibeni.Yonke lento yenzeka nje wonke umuntu ulele ubuthongo ,kanjalo noSmelelo akaziboni njengoba enza yonke le mgilingwane.Avuke gubhu uMaNxele nakhu uthuswa umsindo wezinja ezikhonkotha emnyango njengoba zisho ukungena ngaphakathi endlini.Lumuthi nke uvalo uma ebona umnyango wexhiba uvuleke gengelezi,phakathi nendawo kumi indodakazi yakhe ithe phuhle kungathi ibaziwe.Akhahlele ingubo uMaNxele avuke ngejubane eqonde emnyango afike agxavule indodakazi yakhe ngesankahlu.Yethuke nayo indodakazi maqede ikhale kakhulu."Mama kwenzakalani,ngifunani emnyango ebusuku kangaka"."Smelelo ngane yami,nami ngivuka ebthongweni uyophuma ngomnyango"esho ememeza ekhala kakhulu uMaNxele kuze kuphaphame ezinye izingane zakhe ezilele lapha endlini.Wonke umuntu ababaze umhlolo lapha endlini,bashunqise impepho bezama ukuxosha izilwane ebezizama ukuthatha uSmelelo."Mama kunomuntu ongimemezayo,nangu uthumele abantu bakhe bazongilanda"esho ekhala uSmelelo ezama ukudlubulunda efuna ukubaleka.Bazame ukumbamba bamcindezele phansi maqede bamshunqisele impepho nangezinye izinyamazane kube sengathi uphelelwa amandla nakhu engasalwi."Kodwa nkosi ngoneni kubani ngivele ngizihluphekela,kungani ngiloyelwa ingane yami"esho edazuluka ekhala kakhulu uMaNxele,zizame ukumthulisa izingane zakhe zabafana

18/02/2023

SIHLUSHWA IMKHOVU 1(A)

Kusebusuku ophansi emhosheni kubonakala abantu abathathu abazihuqe ngomlotha umzimba wonke bebaleka beyongena ehlokoxini lameva elinomgodi omude omnyama owehlela ezinguzungeni zamadwala amakhulu agudle umfula.Kuthelekile kuthe cwaka njengoba kubonakala ifu lentuthu emnyama liphafuka kuleli hlokozi lameva maqede kuvunguze umoya obandayo onamandla onyakazisa izihlahla namagatsha wazo maqede kuvumbuke isiqhoqho sabantu abafushane abanamakhanda amakhulu bemi phezu kwezihlahla bephethe imkhonto emide begqoke namabhesu, amehlo wabo makhulu ayesabeka futhi acwebe igazi."Hhuye!!Hhuuuye!!"kusho lemkhovu kanyekanye iphakamisela inkhonto phezulu,ishaye ngonyawo kabili emagatsheni emi kuwo maqede kuvunguze umoya omkhulu.Kubonakala umuntu wesfazane ofake inzilo emnyama eqhamuka esekhokhoba ephethe inkunzimalanga yokhamba olushunqa intuthu emnyama esho iyohlangana nalena equbuka kuleli hlokozi lameva."HHUYE!!HHUYEE"kumemeza imkhovu ibhekisa imkhonto yayo kulo muntuvwesfazane ophethe ukhamba.Isondele le nkosikaz yenzilo maqede ifike ilubeke eduze kwehlokozi lameva lolu khamba eluphethe.Ibonakale isiguqa ngamadolo le nkosikazi ibheke phezulu maqede imemeze kakhulu,"Smelelo Mpanza,woza,ngithi vuka uze kimi,woza njengamanje ngyakudinga,woza ngane yami,woza ntombazane"esho egoqoza okhambeni lwakhe lomfazi egoqoza ngengalo yakhe eyomile engathi ukhuni,kusobala nje ukuthi kwanqunywa ingalo yomfanyana nje onemnyaka eyishumi yase yonyiswa njengoba sekuthakathwa ngayo nje lapha ehlathini."Mhlangabezeni bafana bami,mlandeni"esho ephakamisela umkhonto phezulu lo mama wenzilo emnyama maqede kuqathake izigqishimbane ezimbili zemkhovu nakhu zidilika esihlahleni zigqoke amabheshu zisakaze namehlo abomvu agijima ihlathi lonke."Mlandeni lo ntombazane ningabuyi ningamuphethe syezwana"esho ebhavumula ngolaka lo mfazi wenzilo maqede ahlome umkhontokazi wakhe phansi bese ekhomba indlela ngengalo eyomisiwe.Ibonakale iphelela emoyeni imkhovu inyamalala ngokukhulu ukushesha.

Address

Ixopo

Website

Alerts

Be the first to know and let us send you an email when Sandanezwe Short Stories posts news and promotions. Your email address will not be used for any other purpose, and you can unsubscribe at any time.

Shortcuts

Share