Fullerton Market

03/15/2025

အုန်းနို့ခေါက်ဆွဲစားရင် သွေးတိုးမှာစိုးတယ်ဆိုတဲ့ သူတွေအတွက် နို့စိမ်းခေါက်ဆွဲလေးချက်စားကြည့်နော် ။ 🍜

ဟင်းရည်ချက်ရန် ပါဝင်ပစ္စည်းများ

- နို့စိမ်း
- ကြက်သား
- ပဲစိမ်းမှုန့်
- ဘဲဥ ၊ ကြက်ဥ
- ဆီ ၊ ဆား ၊ ငံပြာရည် ၊ သကြား
- နနွင်း ၊ အရောင်တင်
- ကြက်သွန်ဖြူ ၊ ကြက်သွန်နီ ၊ ဂျင်း

ပြုလုပ်နည်း

- ကြက်သားကို အတုံးသေးသေးတွေတုံးပြီး ဆား ၊ နနွင်း ၊ အရသာမှုန့်တွေနဲ့နယ်ထားပါ ။

- ကြက်အရိုးကို အိုးထဲမှာ ရေတစ်လီတာခွဲလောက်ထည့်ပြီး ဆားအနည်းငယ် ၊ ဂျင်းအနည်းငယ် လှီးထည့်ပြီးပြုတ်ထားပါ ။

- ပဲစိမ်းမှုန့်ကို ဆန်ချိန်ခွက်နဲ့တစ်ခွက်စာလောက်ကို ရေထည့်ပြီး ဖျော်ထားပါ ။

- ကြက်သားဆီသတ်ဖို့အတွက် ကြက်သွန်ဖြူ ၊ကြက်သွန်နီ ၊ ဂျင်းကို ရောထောင်းထားပါ ။
ပြီးရင်ဒယ်အိုးမှာ ဆီပူအောင်စောင့်ပြီး ထောင်းထားတာတွေကို နနွင်းမှုန့် ၊ အရောင်တင်မှုန့်နည်းနည်းထည့်ပြီး ဆီသတ်ပါ ။ အနံ့မွှေးလာရင် ငံပြာရည်ဇွန်းကြီး နှစ်ဇွန်းလောက် ထည့်လိုက်ပါ ။

- ပြီးရင် နယ်ထားတဲ့ ကြက်သားတွေထည့်ပါ ။ ကြက်သားကထွက်လာတဲ့ရေ ကုန်အောင်ချက်ပြီး ဆီပြန်ရင်ရပါပြီ ။ ပြီးရင် တည်ထားတဲ့ ကြက်ပြုတ်ရည်အိုးထဲကိုဖျော်ထားတဲ့ပဲစိမ်းမုန့်တွေထည့်မွှေပေးပါ ။ ပဲစိမ်းနံ့ ပျောက်အောင်ဆယ်မိနစ်လောက်တည်ပြီးရင် ကြက်သားဆီသတ်ထားတာတွေထည့် ။ ဘဲဥ ၊ ကြက်ဥ ကြိုက်နှစ်သက်ရာထည့်ပါ ။ အချိုအတွက် သကြားနှစ်ဇွန်းလောက်ထည့်ပါ ။

🥛 အားလုံးပြီးမှ နို့စိမ်းထည့်ပါနော် ။

ဒါဆိုရင်တော့ ခေါက်ဆွဲလေးနဲ့တွဲစားဖို့ အရသာရှိပြီး ကျန်းမာရေးအတွက် စိတ်ချရတဲ့ နို့စိမ်းခေါက်ဆွဲ ဟင်းရည်လေးရပါပြီရှင် ။

#နို့စိမ်းခေါက်ဆွဲ

03/13/2025

ကိုယ့်ရဲ့ 𝗟𝗼𝘃𝗲 𝗟𝗮𝗻𝗴𝘂𝗮𝗴𝗲 က 𝗖𝗼𝗼𝗸𝗶𝗻𝗴 ဆိုတဲ့သူတွေရှိလား 🥘🤍

မိသားစု ၊ သူငယ်ချင်း ၊ ချစ်ရသူတွေအပေါ် ချစ်ပုံချစ်နည်းတွေ မတူကြဘူးနော် ။ အဲ့ထဲကမှ ချက်ပြုတ်ပြင်ဆင်ပြီး ချစ်ခြင်းမေတ္တာကို ဖော်ပြကြတဲ့သူတွေလည်း ရှိပါတယ် ။ 🍓

တစ်ရက်တစ်ရက် ဘယ်လိုဟင်းလေးတွေချက်ကျွေးရမလဲ ကြိုတွေးပြီး ပျော်နေတတ်တာမျိုး ။ မုန့်အသစ်အဆန်းလှလှကလေးတွေဆိုရင်လည်း ဝယ်ကျွေးလိုက်ရတာထက် ကိုယ်တိုင်လုပ်ပေးချင်စိတ်ကပိုများနေတတ်ကြတာမျိုးပေါ့ ။ သူတို့ကတော့ ရှင်းတယ် ။ ချစ်လို့ပြင်ဆင်ချက်ပြုတ်ပေးတယ် အဲ့တော့ စားရမယ် 😅

ဟင်းပွဲလေးတွေကို သေသေချာချာအလှဆင်ပြီး ပြင်ဆင်ထားတာက ပျင်းလို့ ၊ အချိန်တွေပိုနေလို့ လုပ်နေတာမဟုတ်ဘဲ သေချာပေါက် ချစ်ခြင်းမေတ္တာကို ဟင်းပွဲတွေ ၊ မုန့်တွေနဲ့ပြသနေတာမျိုးပါ ။ 🍰❤

ဒါကြောင့် အိမ်မှာ အမြဲပြင်ဆင်ချက်ပြုတ်ပေးနေတဲ့သူရှိရင် ကျေးဇူးတင်ကြောင်းပြောပြီး ကိုယ့်ရဲ့ ကိုယ်ပိုင် '' Love Language '' နဲ့ ချစ်ကြောင်း ပြန်ပြလိုက်ပါနော် ။ 💖

03/12/2025

( 𝟯 ) 𝗺𝗶𝗻 အတွင်း မိုင်လိုကိတ်လေးလုပ်စားကြမယ် 🥧

အလွယ်ကူဆုံးဆိုတာတောင် သူ့ထက်မလွယ်လို့ အချိန်လည်းအများကြီးမပေးရဘဲ လုပ်စားကြည့်ကြမယ်နော် 񈄁

ပါဝင်ပစ္စည်း

◾ဂျုံမှုန့်
◾မိုင်လိုမှုန့်
◾သကြား
◾မုန့်ဖုတ်ပေါင်ဒါ ( Baking soda / powder )
◾နွားနို့
◾ဆား အနည်းငယ်
◾ဆီအနည်းငယ်

အားလုံးကို ကိုယ်ဖုတ်မယ့် ပန်းကန်ထဲ သမသွားအောင်ရောမွှေပေးလိုက်ရုံပဲနော် ။ ပျစ်ပျစ်နှစ်နှစ်ကလေးဖြစ်သွားပြီဆို Microwave နဲ့ တစ်မိနစ်ဖုတ်လိုက်ရင် အရသာရှိတဲ့ မိုင်လိုကိတ်ကလေးရပါပြီ ။

ကဲ... ( ၃ ) မိနစ်ပဲနော် 🤩

03/09/2025

ကျော်မသွားသင့်တဲ့ မနက်စာ ( သို့မဟုတ် ) နေ့တစ်နေ့ကို အကောင်းဆုံးစတင်နိုင်ဖို့ အဓိကလိုအပ်ချက် ✅

မနက်စာကို နေ့တစ်နေ့ရဲ့ အရေးအကြီးဆုံးအစိတ်အပိုင်းလို့ သတ်မှတ်ထားကြပါတယ် ။ အစားအသောက်နဲ့ပတ်သတ်ပြီး ပြောလေ့ပြောထရှိတဲ့ မှတ်သားစရာစကားလေးတွေရှိတယ်နော် ။ ❝ မနက်စာကို ဘုရင်လို စားပါ ၊ နေ့လည်စာကို သူဌေးလိုစားပါ၊ ညနေစာကိုတော့ သံသယရှိသူလိုစားပါ ❞ တဲ့ ။ 👀

မနက်စာစားခြင်းက တစ်နေ့တာလုံး သွားလာ လှုပ်ရှားနိုင်ဖို့ လိုအပ်တဲ့ energy တွေကို ဖြည့်ပေးတယ် ။ အာရုံစူးစိုက်မှုကောင်းစေတယ် ။ စိတ်ကြည်လင်စေတယ် ။ မနက်စာ မစားဘဲ နေလိုက်ခြင်းက တစ်နေ့တာကို အရှုံးနဲ့စတင်လိုက်သလိုပါပဲနော် ။

မနက်စာစားခြင်းကနေ ရရှိမယ့်အကျိုးကျေးဇူးတွေကလည်း အများကြီးရှိပါတယ် ။

🖇 တက်ကြွလန်းဆန်းတဲ့နေ့ရက်ကလေးကို စတင်နိုင်ဖို့ လိုအပ်တဲ့ အားအင်တွေကို မနက်တည်းက ထောက်ပံ့ပေးနိုင်တယ် ။

🖇 ဦးနှောက်ရဲ့လုပ်ဆောင်နိုင်စွမ်းကို တိုးတက်စေပါတယ် ။ မှတ်နိုင်စွမ်း ၊ အာရုံစိုက်နိုင်စွမ်းတွေ ၊ လုပ်နိုင်စွမ်းတွေကို ပိုပြီးအားကောင်းလာစေပါတယ် ။

🖇 ခန္ဓာကိုယ်တွင်း Metabolism ( ဇီဝဖြစ်စဥ် ) ကို အထောက်အပံ့ပြုပါတယ် ။ ကယ်လိုရီတွေ လောင်ကျွမ်းဖို့နဲ့ အလေးချိန်ကိုကောင်းကောင်း ထိန်းညှိပေးဖို့ အထောက်အကူပြုပါတယ် ။

🖇 အလွန်အကျွံစားသောက်ခြင်းကိုလည်း ကာကွယ်ပေးပါတယ် ။ မနက်စာစားလိုက်ခြင်းက အဆာလွန်ပြီး အစားအသောက်ကို အလွန်အကျွံစားမိတာမျိုး ၊ မလိုအပ်ဘဲ ကျန်းမာရေးနဲ့မညီညွတ်တဲ့ မုန့်တွေစားတာမျိုးကို လျှော့ချပေးနိုင်ပါတယ် ။

🖇 ကိုယ်တွင်းသကြားဓာတ်ကိုလည်း ထိန်းညှိပေးတဲ့အပြင် ပင်ပန်းနွမ်းလျတာမျိုးကိုလည်း လျှော့ချပေးနိုင်ပါတယ် ။

မနက်စာ စားတဲ့အခါမှာ ကျန်းမာရေးနဲ့ညီညွတ်ပြီး အထောက်အကူဖြစ်စေတဲ့ Healthy Breakfast ကို ရွေးချယ်စားဖို့ကလည်း အရေးကြီးပါတယ်နော် ။

ဒါကြောင့် ကိုယ့်ရဲ့ တစ်နေ့တာကို ပထမဆုံး အောင်မြင်တစ်ခုပြုတဲ့အနေနဲ့ မနက်စာစားပြီး စတင်လိုက်ပါ ။

ကျန်းမာပျော်ရွှင်ပြီး အောင်မြင်တဲ့ နေ့ရက်ကောင်းတွေကို ပိုင်ဆိုင်ကြပါစေလို့ Fullerton မိသားစုကနေ ဆုတောင်းပေးလျက်ပါရှင် ။ ❤

03/09/2025

𝗛𝗲𝗮𝗹𝘁𝗵𝘆 𝗕𝗿𝗲𝗮𝗸𝗳𝗮𝘀𝘁 𝗜𝗱𝗲𝗮 လေးတွေ ပြောပြမယ် 🥰

မနက်စာကို ကျော်မသွားဘဲ ဂရုတစိုက်စားသင့်တယ်ဆိုပေမယ့် ကိုယ်စားလိုက်တဲ့ မနက်စာက Healthy ဖြစ်ဖို့လည်းလိုတယ်နော် ။ ဒါကြောင့် Healthy breakfast idea လေးတွေကို ဝေမျှပေးလိုက်ပါတယ် ။

✔ ပရိုတင်းဓာတ်ကြွယ်ဝတဲ့ မြန်မာမနက်စာ

ကြက်ဥနဲ့ ပဲတွေက ပရိုတင်းဓာတ်ကြွယ်ဝတဲ့ Basic food တွေပဲဖြစ်ပါတယ် ။ မြန်မာတို့ရဲ့ ရှေးတည်းက မနက်စာဖြစ်တဲ့ ပဲပြုတ်နဲ့ ထမင်းဆီဆမ်းကလည်း Healthy breakfast ပဲနော် ။ ပြီးတော့ တိုဟူးကလည်း ပရိုတင်းဓာတ် အများကြီးပါဝင်တဲ့ အစားအစာဖြစ်ပါတယ် ။

✔ အမျှင်ဓာတ်များတဲ့ အစားအစာတွေ

မြန်မာတွေအကြိုက်ဖြစ်တဲ့ လက်ဖက်နဲ့ ပဲခြမ်းသုပ်ကလည်း အမျှင်ဓာတ်များတဲ့ အစားအစာဖြစ်ပါတယ် ။ မုန့်ဟင်းခါး ၊ တိုဟူးနွေးနဲ့ ပဲတွေ ၊ အစေ့အဆံတွေလည်း ပါပါတယ် ။

✔ လွယ်လွယ်ကူကူနဲ့ မြန်မြန်ပြင်ဆင်နိုင်မယ့် Healthy ဖြစ်တဲ့ မနက်စာ

ကြက်ဥပြုတ် ၊ Banana and fresh fruit Smoothie တွေ ၊ ပေါင်မုန့်ကြက်ဥကြော် ၊ ထမင်းကြော်တွေက လွယ်လွယ်ကူကူပြင်ဆင်နိုင်တဲ့ Healthy ဖြစ်တဲ့ မနက်စာတွေပဲနော် ။

✔ ဒေသရိုးရာ မနက်စာ

နိုင်ငံအလိုက် ဒေသအလိုက်ကွဲပြီးတော့ ဒေသ ရိုးရာမနက်စာလေးတွေလည်းကွဲသွားတယ်နော် ။

မြန်မာမှာဆိုရင်လည်း တစ်ဒေသနဲ့ တစ်ဒေသ မတူတဲ့ ရိုးရာအစားအစာလေးတွေရှိပါသေးတယ် ။ မြေပြန့်မှာဆို မုန့်ဟင်းခါး ၊ နန်းကြီးသုပ်နဲ့ တခြားအစားအစာတွေ ၊ ရှမ်းပြည်ဘက်မှာဆို

ရှမ်းခေါက်ဆွဲ ၊ တိုဟူးနွေး နောက် တခြားဒေသတွေဆိုရင်လည်း ရခိုင်မုန့်တီ ၊ ရေစိမ် အများကြီးပါပဲ ။ ဒါကြောင့် ရွေးချယ်စရာ မနက်စာတွေများလို့ မနက်စာမစားတာမျိုးမလုပ်ဘဲ ဂရုတစ်စိုက်စားဖို့လိုပါတယ် ။

အနှစ်ချုပ်အနေနဲ့ဆိုရင် Healthy Breakfast ဖြစ်ဖို့ -

ပရိုတင်း ၊ အမျှင်ဓာတ် ၊ လိုအပ်တဲ့ အဆီပမာဏ ပါဝင်ဖို့လိုပါတယ် ။

အချိုများတာတွေ တတ်နိုင်သလောက်လျှော့ပါ ။ ရေဓာတ်ပြည့်ဝအောင်လို့ Herbal tea ဒါမှမဟုတ် ရေလုံလောက်အောင် သောက်ဖို့လည်းလိုပါတယ် ။

ကျန်းမာရေးနဲ့ ညီညွတ်တဲ့ မနက်စာလေးတွေရွေးချယ်စားပြီး တစ်နေ့တာကို energy အပြည့်နဲ့ စတင်လို့ရပါပြီ 🍽🤎

03/02/2025

50% 𝙤𝙛𝙛 𝙋𝙧𝙤𝙢𝙤𝙩𝙞𝙤𝙣 က မနက်ဖြန် နောက်ဆုံးနော် ✨

𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 ရဲ့ ❝ ကြိုက်သလောက်ရွေး တစ်ဝက်ပဲပေး ❞ 50% 𝙤𝙛𝙛 𝙋𝙧𝙤𝙢𝙤𝙩𝙞𝙤𝙣 လေးက ( ၄ ) ရက်တိုင်တိုင် အရှိန်အဟုန်နဲ့ ရောင်းချပေးနိုင်ခဲ့ပါပြီ ။ 🤗

ဒီ (၄)ရက်တာအတွင်း လူကိုယ်တိုင် ဆိုင်ထိ လာရောက်အားပေးကြတဲ့ Customers တွေရော ၊ website က တဆင့် ဝယ်ယူအား‌ပေးကြသူ‌ အားလုံးကို 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 မိသားစုမှ အထူးကျေးဇူးတင်ကြောင်း ပြောကြားလိုပါတယ် ။ ✨

(၅) ရက်တာစီစဥ်ပေးထားတဲ့ ❝ ကြိုက်သလောက်ရွေး တစ်ဝက်ပဲပေး ❞ promotion က မနက်ဖြန် ( 𝗠𝗮𝗿𝗰𝗵 𝟮 ) ဆို ပရိုမိုးရှင်း နောက်ဆုံးရက်ဖြစ်ပါတယ် ။

ဒါကြောင့် promotion ကာလလေး မကုန်ခင် လူကိုယ်တိုင် ဆိုင်ကို လာရောက်ပြီးတော့ပဲဖြစ်ဖြစ် ၊ 𝗢𝗻𝗹𝗶𝗻𝗲 𝘄𝗲𝗯𝘀𝗶𝘁𝗲 ကနေဖြစ်ဖြစ် မြန်မြန် ဝယ်ယူထားလိုက်တော့နော် ။

အနီးနားက ကိုယ့်ရဲ့မိတ်ဆွေတွေကိုလည်း Fullerton ရဲ့ ထူးရှယ်ပရိုမိုးရှင်းလေးအကြောင်းကို လက်တို့ဖို့မမေ့နဲ့နော် ။ 🤗👀



#50%off

02/28/2025

❝ ကြိုက်သလောက်ရွေး တစ်ဝက်ပဲပေး ❞
50% 𝙤𝙛𝙛 𝙋𝙧𝙤𝙢𝙤𝙩𝙞𝙤𝙣 မှာ တခဲနက် လာရောက်အားပေးကြတဲ့ မိတ်ဆွေတွေကို Fullerton မိသားစုကနေ အထူးကျေးဇူးတင်ပါတယ် ။ ❣

❝ ကြိုက်သလောက်ရွေး တစ်ဝက်ပဲပေး ❞ promotion ဟာ Fullerton ကို အစဥ်မပြတ်အားပေးလာတဲ့ မိတ်ဆွေတွေကို ကျေးဇူးတုံ့ပြန်တဲ့အနေနဲ့ ၂၀၂၅ ခုနှစ်မှာ ပေးနိုင်တဲ့ အကောင်းဆုံးလက်ဆောင်ပါ ။ မိတ်ဆွေအသစ်တွေအတွက်လည်း Fullerton ကို ယုံယုံကြည်ကြည်နဲ့ အားပေးနိုင်အောင်လို့ ကြိုးစားလှမ်းထားတဲ့ ခြေတစ်လှမ်းဖြစ်ပါတယ် ။ 💯

ဒီ promotion လေးကိုတော့ ဆိုင်ကို လူကိုယ်တိုင် လာရောက်ဝယ်ယူသူတွေတင် မကဘဲ Online 𝘄𝗲𝗯𝘀𝗶𝘁𝗲 က ဝယ်ယူသူတွေပါ ရရှိနိုင်မှာဖြစ်ပါတယ် ။🙆🏻

promotion ရက်ကို ( ၅ ) ရက် စီစဥ်ပေးထားတာဖြစ်လို့ promotion မှာ မပါဝင်ရသေးဘူးဆိုရင် ဆိုင်မှာ item တွေ အများကြီးမလျော့သွားခင် သွက်သွက်ကလေးဝယ်ယူလိုက်ပါ ။

အနီးနားက ကိုယ့်ရဲ့မိတ်ဆွေတွေကိုလည်း Fullerton ရဲ့ ထူးရှယ်ပရိုမိုးရှင်းလေးအကြောင်းကို လက်တို့ဖို့မမေ့နဲ့နော် ။ 🤗👀





#50%off

FOOD Store

02/28/2025

❝ ကြိုက်သလောက်ရွေး တစ်ဝက်ပဲပေး ❞
50% 𝙤𝙛𝙛 𝙋𝙧𝙤𝙢𝙤𝙩𝙞𝙤𝙣 ဒုတိယရက်ကို ရောက်ရှိလာပြီနော်... 🎉

ဆိုင်ကို လူကိုယ်တိုင်လာရောက်ပြီးတော့ရော ၊ Website ကနေ တခဲနက်ဝယ်ယူအားပေးကြတဲ့ Fullerton ရဲ့ မိတ်ဆွေတွေကို အထူးကျေးဇူးတင်ပါတယ် ။ 🙆🏻

🎯 50% 𝙤𝙛𝙛 𝙋𝙧𝙤𝙢𝙤𝙩𝙞𝙤𝙣 မှာဆိုရင် 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 မှာ instock ရှိသမျှ

- လက်ဖက်အကြော်စုံ

- ငါးပိရည်ကျို

- ငါးခြောက်အမျိုးမျိုး

- ဟင်းအနှစ်ထုပ်အမျိုးမျိုး

- ဟင်းခတ်အမွှေးအကြိုင်အမျိုးမျိုး

- မြန်မာအသင့်စား စားသောက်ကုန်များ

- မုန့်မျိုးစုံ

- အသားခြောက်မျိုးစုံ

- နေ့စဥ် စားသောက်ကုန်များ

- ရှမ်းမြောက်ပိုင်းရိုးရာ စားသောက်ကုန်များ ပါဝင်ပါတယ် ။

အရသာကောင်းမွန်ပြီး ယုံကြည်စိတ်ချစွာ စားသုံးနိုင်တဲ့ စားသောက်ကုန် အမျိုးအစားတွေစုံလင်တာမလို့ အကြိုက်ရွေးလို့ရတာပေါ့ ။

စိတ်ကြိုက်ရွေးထားတာတွေကိုမှ ကျသင့်ငွေ တစ်ဝက်ပဲပေးချေရမှာနော် ။ 🤗

Promotion က ငါးရက်တောင်ဖြစ်လို့ ကြိုက်တဲ့ရက်ကို ရွေးဝယ်ပါ ။ ဆိုင်မှာ 𝗜𝗻𝘀𝘁𝗼𝗰𝗸 𝗶𝘁𝗲𝗺 လေးတွေ မလျော့သွားခင် အမြန်ဝယ်ထားဖို့လိုမယ်နော် ။ 👀

နှစ်သစ်ကူး 𝗕𝗶𝗴 𝗣𝗿𝗼𝗺𝗼𝘁𝗶𝗼𝗻 ကြီးဖြစ်လို့ ကိုယ့်ရဲ့ မိတ်ဆွေ ၊ သူငယ်ချင်းနဲ့ ချစ်ရတဲ့သူတွေကိုလည်း Sharing လုပ်ဖို့ မမေ့နဲ့နော် 🧏🏻‍♀️





#50%off

02/27/2025

𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝘁 ရဲ့ ၂၀၂၅ခုနှစ်အတွက် ပထမဆုံးနဲ့ အကြီးမားဆုံး နှစ်သစ် 𝗣𝗿𝗼𝗺𝗼𝘁𝗶𝗼𝗻
❝ ကြိုက်သလောက်ရွေး တစ်ဝက်ပဲ ပေး ❞ 📣

𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝘁 က ရောင်းချပေးနေတဲ့ တစ်ဆိုင်လုံးမှာရှိတဲ့ စားသောက်ကုန်ပစ္စည်းအားလုံးကို ကြိုက်သလောက်ရွေးပြီး ကျသင့်ငွေ တစ်ဝက်ပဲပေးချေရမှာပါ ။ ဘာပဲယူယူ 50% off ဖြစ်ပါတယ် ‼

ဘာမှအထွေအထူး ခေါင်းစားနေစရာ မလိုပါဘူး။ နှစ်သက်တာရွေးပြီး Cart ထဲ ထည့်လိုက်ရုံနဲ့ Check Out လုပ်ချိန်မှာ 50% Auto လျှော့ပြီးသား ဖြစ်သွားမှာပါ။

ဒီ promotion ကိုတော့ ဆိုင်ကို လူကိုယ်တိုင် လာရောက်ဝယ်ယူသူတွေတင် မကဘဲ Online 𝘄𝗲𝗯𝘀𝗶𝘁𝗲 က ဝယ်ယူသူတွေပါ ရနိုင်တာမလို့ အမြန်ဆုံးဝယ်ယူလိုက်တော့နော် ။ 🙆🏻

Promotion စမယ့်ရက်ကတော့ ဒီနေ့ ( February 26 ) ပဲဖြစ်ပါတယ် ။ အချိန်ကတော့ မိတ်ဆွေ အခု ဒီပို့စ်ကို မြင်တဲ့အချိန်ကနေစပြီး '' ကြိုက်သလောက်ရွေး တစ်ဝက်ပဲပေး '' promotion ကို ရရှိသွားပါပြီ ။

အသိနောက်ကျလို့ promotion ကို လွဲချော်တာမျိုးမဖြစ်ရလေအောင် Promotion ရက်ကို ( ၅ ) ရက်တောင်စီစဥ်ပေးထားပါတယ် ။ အားတဲ့တစ်ရက်ရက်ကိုသာ ရွေးချယ်ပြီး စိတ်ကြိုက်လာဝယ်လိုက်နော် ။ ✨

Promotion ရက်တွေကတော့ 𝗙𝗲𝗯𝗿𝘂𝗮𝗿𝘆 𝟮𝟲 ၊ 𝟮𝟳 ၊ 𝟮𝟴 ၊ 𝗠𝗮𝗿𝗰𝗵 𝟭 ၊ 𝟮 နေ့အထိ ( ၅ ) ရက်ဆက်တိုက်ဖြစ်ပါတယ် ။

𝗕𝗶𝗴 𝗣𝗿𝗼𝗺𝗼𝘁𝗶𝗼𝗻 ကြီးဖြစ်လို့ ကိုယ့်ရဲ့ မိတ်ဆွေ ၊ သူငယ်ချင်းနဲ့ ချစ်ရတဲ့သူတွေကိုလည်း Sharing လုပ်ဖို့ မမေ့နဲ့နော် 🧏🏻‍♀️



#50%off

FOOD Store

02/24/2025

မြန်မာစကားပုံမှာ '' စားတတ်ရင် ဆေး ဖြစ်ပြီးတော့ မစားတတ်ရင် ဘေး '' ဆိုတဲ့အတိုင်း တည့်တဲ့အစားအစာ ၊ တွဲဖက်မစားသင့်တဲ့အစားအစာဆိုတာ ရှိတယ်နော် ။ 🧏🏻‍♀️

ဒီနေ့မှာတော့ အစားအသောက်နဲ့ပတ်သတ်တဲ့ ဗဟုသုတ ဥာဏ်စမ်းလေး ဖြေကြည့်ကြမယ် ။

🎯 မေး - ကြောင်လျှာသီးနဲ့ ငါးသေတ္တာ တွဲဖက်စားလို့ရပါသလား ။ မရရင်ရော ဘယ်လို ဆိုးကျိုးရှိနိုင်ပါလဲ ။ ( မူး ၊ အန် ၊ သေ )

ကိုယ့်မှာ အစားအသောက်ကျန်းမာရေး ဗဟုသုတ ဘယ်လောက်ရှိလဲသိရအောင် ဖြေကြည့်မယ်နော် ။

Sharing is caring မလို့ အစားအသောက်နဲ့ ပတ်သတ်တဲ့ ကိုယ့်ရဲ့အတွေ့အကြုံနဲ့ ဗဟုသုတလေးတွေကို ဝေမျှပေးသွားပါဦးနော် ။

02/23/2025

လွယ်လွယ်ကူကူ လမ်းသရဲမုန့်လုပ်စားကြရအောင် 👻

တစ်ချို့အရပ်ဒေသတွေမှာတော့ ရေမုန့်လို့လည်းခေါ်ကြသေးတယ် 🤗

ပါဝင်ပစ္စည်းများ

- ဆန်မှုန့် ( ၂ ခွက် )
- ရေ ( ၄ ခွက် )
- ဆိုဒါ ( လက်ဖက်ရည်ဇွန်း ၃ ပုံ ၁ ပုံ )
- ဆား ( လက်ဖက်ရည်ဇွန်း တဝက် )

အစာပလာအတွက်ကတော့ ပမာဏရော အမျိုးအစားရော ကိုယ့်စိတ်ကြိုက်ထည့်ချင်တာတွေ ထည့်နော် ။

- ပဲပြုတ်
- ခရမ်းချဉ်သီး
- ဂေါ်ဖီ
- ငရုတ်သီးစိမ်း
- နံနံပင်
- မာဆလာ

📌 ပြုလုပ်နည်း

( ၁ ) ပထမဆုံး ပန်းကန်တစ်ခုထဲမှာ ( ဆန်မှုန့် ၊ ဆိုဒါ ) ကို သမအောင် ရောနယ်ပါ ။ ပြီးမှ ( ရေ ၊ ဆား ) တို့ကို သမအောင် ရောမွှေထားပြီး နာရီဝက်ခန့် ထားထားပေးပါ ။

( ၂ ) ပြီးမှ ဒယ် ( မကပ်အိုးထဲကို ) ဆီ စားပွဲတင်ဇွန်း ၁ဇွန်းခန့် ထည့်ပေးပါ ။

( ၃ ) ဆီပူလာရင် မီးအပူရှိန်ကို လျှော့လိုက်ပြီးမှ ဆန့်မှုန့်ရည် ( ယောက်ခွက်တစ်ဇွန်းစာ ) ထည့်ပေးပါ။

( ၄ ) ပြီးရင်တော့ ပဲပြုတ် ၊ ခရမ်းချဉ်သီး ၊ ဂေါ်ဖီ ၊ ငရုတ်သီးစိမ်း ၊ နံနံပင် ၊ မဆလာ အနည်းငယ် ဖြူးပေးပါ ။

( ၅ ) မုန့်ဘေးသားများ ကြွပ်လာတဲ့အထိ မီးအသင့်တင့်နဲ့ အဖုံးအုပ်ပြီး ကြာကြာထားပေးပါ ။

( ၆ ) မုန့်ဘေးသားဘေးတွေ ကြွပ်လာပြီဆိုရင်တော့ လမ်းသရဲမုန့်လေးကို တစ်ဝက်ခေါက်ပြီး စိတ်ကြိုက်စားလို့ရပါပြီရှင့် ။

လွယ်ကူရိုးရှင်းတဲ့ မုန့်လေးဖြစ်လို့ အိမ်မှာ လုပ်စားကြည့်နော် ။ 💯❤

#လမ်းသရဲမုန့်

#ရေမုန့်

#မုန့်လုပ်နည်း

02/22/2025

𝗘𝗕𝗧 𝗖𝗮𝗿𝗱 နဲ့ 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝘁 မှာ စျေးဝယ်လို့ရပြီဆိုတာ သိပြီးကြပြီလား ❓

မိတ်ဆွေတို့ဆီ အမြဲတမ်းအကောင်းဆုံးတွေပဲ ပေးချင်တဲ့ 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝘁 ဟာ 𝗘𝗕𝗧 𝗖𝗮𝗿𝗱 နဲ့ ငွေပေးချေလို့ရအောင်လည်း စီစဥ်ပေးထားပါတယ်။ ဆိုင်မှာ လူကိုယ်တိုင် စိတ်တိုင်းကျ လာရောက်ဝယ်ယူရင်း 𝗘𝗕𝗧 𝗖𝗮𝗿𝗱 ကို အသုံးပြုနိုင်ပါတယ်နော် ။ 💯

𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 မှာ

- လက်ဖက်အကြော်စုံ
- ငါးပိရည်ကျို
- ငါးခြောက်အမျိုးမျိုး
- ဟင်းအနှစ်ထုပ်အမျိုးမျိုး
- ဟင်းခတ်အမွှေးအကြိုင်အမျိုးမျိုး
- မြန်မာအသင့်စား စားသောက်ကုန်များ
- မုန့်မျိုးစုံ
- အသားခြောက်မျိုးစုံ
- နိဗ္ဗာန်ကုန်ပစ္စည်းများ
- မြန်မာဆေးဝါးများ
- နေ့စဥ် စားသောက်ကုန်များ
- ရှမ်းရိုးရာ စားသောက်ကုန်များ

သန့်ရှင်းလတ်ဆတ်ပြီး ကျန်းမာရေးနဲ့ညီညွတ်တဲ့ မြန်မာအစားအစာမျိုးစုံကို တစ်နေရာတည်းမှာ အစုံအလင် ရရှိနိုင်ပါတယ် ။

ဒါကြောင့် ဘာပဲလိုလို 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝘁 မှာ အပြေးလေး လာဝယ်လိုက်တော့နော် 🙆🏻

02/16/2025

ထမင်းစားမြိန်စေမယ့် ဘာလချောင်ကြော် series 💯😋 ချို ၊ ချဥ် ၊ ငံ ၊ စပ် အစပ်အဟပ်လေးတည့်မှလည်း ထမင်းစားမြိန်တာနော် ။
အခုဆို ကိုယ်တိုင်ကြော်လှော်စရာမလိုဘဲ အိမ်ချက်လက်ရာအတိုင်း ကျန်းမာရေးနဲ့ညီညွတ်အောင် ချက်ပြုတ်ထားတဲ့ ဘာလချောင်ကြော် series တွေ 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 မှာ ရနေပါပြီ ။ 🧏🏻‍♀️

02/15/2025

လက်ဖက်ကလေးမှ မပါရင် ပွဲမစည်ဘူးနော် 💯

မြန်မာတွေရဲ့ ရိုးရာအစားအစာထဲမှာ လက်ဖက်လည်းအပါအဝင်ပဲဖြစ်ပါတယ် ။ အလှူမင်္ဂလာတွေကစလို့ တခြားသော ဘယ်ပွဲမျိုးမှာမဆို လက်ဖက်နဲ့ ရေနွေးကြမ်းကို မပါမဖြစ်ဆိုသလို ဧည့်ခံကြပါတယ် ။ ဘယ်နေရာရောက်ရောက် လက်ဖက်မပါရင် ပွဲမစည်ဘူးပေါ့ရှင် ။

နေ့လည်နေ့ခင်း ရေနွေးကြမ်းလေးသောက်ရင်း လက်ဖက်နဲ့ပဲခြမ်းသုပ်လေး စားမလား ။ ဧည့်သည်မိတ်ဆွေကိုပဲ ဧည့်ခံဦးမလား ။ လက်ဖက်သုပ်ကလေးနဲ့မှ ထမင်းစားမြိန်လို့ ထမင်းနဲ့ပဲတွဲစားဦးမလား ။ လက်ဖက်ဆိုတာ မြန်မာတို့ရဲ့ Signature တစ်ခုပဲနော် ။

ကဲ...US ရောက်လည်း အလွမ်းဆုံးကတော့ မြန်မာ လက်ဖက်ပါပဲဆိုတဲ့သူတွေအတွက် 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝘁 မှာ လက်ဖက်သား ၊ အသင့်စား လက်ဖက်တံဆိပ်မျိုးစုံနဲ့ ၊ ပဲအကြော်စုံမျိုးစုံကို စုံစုံလင်လင်ရရှိနိုင်ပါပြီရှင် ။

◾ပွဲတော်အုပ် လက်ဖက်နှင့် ပဲကြော်စုံ
◾H & H လက်ဖက်ချဥ်စပ်နှပ်
◾ဖောင်းစိန် လက်ဖက်
◾မတုတ်မ ရှယ်လက်ဖက်ထောင်းနှပ်
◾ယုဇန လက်ဖက်
◾ရှမ်းရွှေတောင် လက်ဖက်

◽ပွဲတော်အုပ် ပဲကြော်စုံ
◽ရှမ်းရွှေတောင် ပဲကြော်စုံ
◽H & H စစ်ကိုင်းပဲရေပွကြော်
◽ဝင်းဝင်း နှစ်ပြန်ကြော်
◽ပွင့်ဖြူ မြေပဲကြော်
◽အခြားပဲကြော်စုံများ

တံဆိပ်တစ်မျိုးချင်းစီရဲ့ အသင့်စား လက်ဖက်အချိုနှပ် ၊ ချဥ်စပ် ၊ အစိမ့် ၊ အညွန့်နှပ် ၊ လက်ဖက်ထောင်း ၊ လက်ဖက်သား အစုံကိုရရှိနိုင်ပါတယ် ။

𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝘁 မှာ မြန်မာလက်ရာစစ်စစ် အစားအသောက်မျိုးစုံကိုရရှိနိုင်တာမလို့ လူကိုယ်တိုင်ဖြစ်စေ ၊ '' 𝑯𝒆𝒍𝒍𝒐 '' တစ်ချက်နဲ့ဖြစ်စေ အရောက်လှမ်းခဲ့လိုက်ပါနော် ။

https://myanmarproducts.us





#လက်ဖက်အကြော်စုံ

02/14/2025

𝗨𝗦 က မိတ်ဆွေတို့အတွက် 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 🏪

Fullerton Market ဟာ မြန်မာအစားအစာ အမျိုးအစားအစုံအလင်နဲ့ အသုံးအဆောင်အမျိုးမျိုးကို instock ရောင်းချပေးနေတဲ့ 𝗔𝗺𝗲𝗿𝗶𝗰𝗮 က 𝗖𝗼𝗻𝘃𝗲𝗻𝗶𝗲𝗻𝗰𝗲 𝗦𝘁𝗼𝗿𝗲 ပဲဖြစ်ပါတယ်။

US က Customer တွေနဲ့ Fullerton ကြားမှာ အရင်တည်းက စစ်မှန်ပြီး သန့်ရှင်းကောင်းမွန်တဲ့ စားသောက်ကုန်တွေ ၊ ပြည့်စုံတဲ့ဝန်ဆောင်မှုတွေက ခိုင်မာတဲ့ဆက်ဆံရေးတစ်ခုဖြစ်အောင် အကောင်းဆုံးပံ့ပိုးပေးထားပါတယ်။ 💯

အရည်အသွေးပိုင်းဆိုင်ရာမှာတော့ ပြစ်ချက်မရှိတဲ့ မင်မင်တို့ရဲ့ Fullerton Market ကို စားသုံးဖူးသူတွေအနေနဲ့လည်း ဆက်လက်အားပေးရင်း၊ မိတ်ဆွေအသစ်တွေအနေနဲ့လည်း လာရောက်အားပေးကြည့်ပါ။ 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 က အမြဲကြိုဆိုပါတယ်ရှင်။

𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 မှာ

- လက်ဖက်အကြော်စုံ
- ငါးပိရည်ကျို
- ငါးခြောက်အမျိုးမျိုး
- ဟင်းအနှစ်ထုပ်အမျိုးမျိုး
- ဟင်းခတ်အမွှေးအကြိုင်အမျိုးမျိုး
- မြန်မာအသင့်စား စားသောက်ကုန်များ
- မုန့်မျိုးစုံ
- အသားခြောက်မျိုးစုံ
- နိဗ္ဗာန်ကုန်ပစ္စည်းအမျိုးမျိုး
- မြန်မာဆေးဝါးများ
- နေ့စဥ် စားသောက်ကုန်များ
- ရှမ်းမြောက်ပိုင်းရိုးရာ စားသောက်ကုန်များ

သန့်ရှင်းလတ်ဆတ်ပြီး ကျန်းမာရေးနဲ့ညီညွတ်တဲ့ စားသောက်ကုန်အမျိုးအစားအစုံအလင်ကို တစ်နေရာတည်းမှာ ရရှိနိုင်ပါတယ်။

မိတ်ဆွေတို့လိုအပ်သမျှကို 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 မှာ ရရှိနိုင်တာမလို့ အရောက်လာဖို့ပဲလိုပါတယ်ရှင်။

အချိန်အနည်းငယ်ကြာပြီးတဲ့နောက်မှာ မင်မင်တို့ 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 က လန်းဆန်းတက်ကြွမှုတွေနဲ့ အတူ ပြန်လာပါပြီ။ ✨

📍 𝗢𝗻𝗹𝗶𝗻𝗲 မှာရော အပြင်မှာပါ ကောင်းမွန်ပြည့်စုံတဲ့ ဝန်ဆောင်မှုတွေနဲ့ အတူရှိနေမှာမလို့ ဘာပဲလိုလို 𝗙𝘂𝗹𝗹𝗲𝗿𝘁𝗼𝗻 𝗠𝗮𝗿𝗸𝗲𝘁 ကို သတိရလိုက်နော်။

10/28/2024

R Zarni One Man Show Ticket
တွေအားပေးကြပါဦးဗျို့

ကျောင်းသားတွေအတွက်လဲ ကျောင်းသားကဒ်ပြရင် Discount ရှိတာမို့ ဝယ်ယူအားပေးချင်တယ်ဆိုရင် CB ကနေဆက်သွယ်လို့ရပါတယ် ကျေးဇူးပါရှင့်

10/25/2024

11/03/2023