Ajncla

24/12/2024

22/12/2024

Skuli tego iże Gody już richtig hned, bydymy dlŏ wŏs ôdewrzyni we nojbliższy pōniydziołek a nawet we Wilijõ.

18/12/2024

We Ajncli ôstało nōm jeszcze porã kalyndŏrzy Grzegorza Chudego na 2025r. Dostympne ino sztacjōnarnie. Na zajcie zaś eźli niy szafniecie przijechać to na www.ajncla.eu znojdziecie moc ciykawych rzeczy kere idzie kōmu pod krizbaum szynknōnć.

07/12/2024

Wczorej bōł u nŏs ślōnski Mikołoj, ale szrajbnoł do nŏs jak już wrōcioł na Anaberg, iże stracioł kajś bryle i musi sie po nie wrōcić. Beztōż roztomiyli, jak chcecie jeszcze dzisiej trefić na naszego ślōnskigo Mikołoja to definitywnie przijedzicie na Jarmark na Nikiszu! Bydymy ôd 11:00 do 20:00, jutro ôd 11:00 do 20:00. Ino dejcie pozōr na Beboka z Nikisza bo łazi po ajnfartach a napasztuje tych co na Jarmarku nic niy kupiōm!

Zaś Ci kerzi niy poradzōm dojechać, a chcōm same dobre gyszynki sprŏwić to wejzdrzijcie na naszã zajtã www.ajncla.eu

05/12/2024

Już jutro napoczynŏ sie nojwiynkszy fajer we kerym bierymy udzioł - Jarmark na Nikiszu! Sprŏszōmy już jutro do Ajncle bo dostalimy ôdpowiydź iże na byzuch ku nōm przidzie Ślōnski Mikołoj! Zaś nojlepij na Nikisz we nojbliższy weekend zajechać to przi pōmocy załōnczōnyj rozpiski!

03/12/2024

We tyn barbōrkowo-jarmarkowy tydziyń bydymy ôdewrzyni:

strzoda 07:00-16:00
sztwŏrtek 11:00-18:00
piōntek 14:00-20:00
sobota 11:00-20:00
niydziela 11:00-20:00

29/11/2024

-20% na wszyjsko na www.ajncla.eu

Na tyn Czŏrny Piōntek mōmy do wŏs szpecjalnõ ôkazyjõ. -20% na cołki azortymynt dzisiej. Zaś -10% jutro a piyrszego grudnia.

Prōmocyjŏ fōnguje ino na besztelōngi słożōne bez interetowõ zajtã

24/11/2024

Na portalu ŚLĄZAG ukŏzoł sie artikel ô Ajncli a ô prequelu naszego geszeftu. Zachyncōmy do przeczytaniŏ.

Zainjteresowani po przeczytaniu? Przidźcie do naszego geszeftu abo wlyźcie na www.ajncla.eu

https://www.slazag.pl/dlaczego-wisi-tu-ukrainska-flaga-czyli-co-slychac-na-rynku-gornoslaskich-gadzetow

Napoczątku było oburzenie i niezrozumienie. Później górnośląskawiosna - oficjalnie ponad 800 tys. Ślązaków. Koszulki, szaliki i żółto-niebieskie flagi…

19/11/2024

www.ajncla.eu

Po bezma 2 latach wrŏcŏ nazŏd nasza zajta www! Znojdziecie na nij pōnad 170 produktōw we roztōmajtych kategoryjach. Przesyłki na tyn mōmynt realizowane ino bez firmã InPost.

Piyrszŏ zajta www niystety skuli lawiny technicznych felerōw musiała ôstać zawartŏ. Tym razym postawilimy na platformã, kerŏ je ôdpowiedzialnŏ za stworzynie cołkigo systimu geszeftu online. Idzie za tym moc korziści, jak choby technicznŏ stabilność, kerŏ ubiyła poprzedniŏ zajta, ale tyż niysie to za sobōm porã wad. Nojwiynkszym ôgraniczniym nad kerym ubolewōmy, je brak wsparcia do ślōnskij gŏdki, i zajta fōnguje ino we polskij gŏdce.

Zachyncōmy do skorzistaniŏ ze zajty coby narychtować geszynki na Barbōrkã a Gody!

15/11/2024

Niy czekej na ôstatni dryker ze geszynkami na Barbŏrkã. Kup je skorzij we Ajncli, a dej je 4.12 swojim nojbliższym grubiŏrzōm ⚒️⚒️

05/10/2024

Dzisiej mōmy fajer! Geburstag 🎊! Gynau piynć lŏt do zadku piyrszy rŏz ôdewrzōny ôstoł nasz geszeft. Wtedy jeszcze na ul. Czechowa ;)

16/09/2024

Zamlujymy rzeczy dlŏ potrzebujōncych!

Eźli mŏcie tyż sugestie kaj mogymy ze naszymy ludźmi przijechać a fizycznie pōmōc dejcie nōm znać

27/07/2024

Roztōmiyli, jutro zaś je tyn dziyń ze jednym ze nojwiynkszych nikiszowskich fajerōw. Jarmark u Ōmy Anny. Sprŏwdźcie jak nojlepij dojechać na te wydŏrzynie a widzymy sie jutro ô 10:00 do 20:00 :)

08/07/2024

Dejcie pozōr, szukōmy sprzedŏwcy na weekendy :)

12/06/2024

Ôd dzisiej w naszym “śląskim sklepiku z gadżetami" dostympnŏ je nojnowszŏ "książeczka" Szczepōna Twardocha "Powiedzmy, że Piontek". Po tydniowyj pauzie wrōciyły tyż inksze buchy tego autora :)

Gratulujymy tyż ze tego placu za utrzimanie mandatu ojroposła. Tym barzij nŏs raduje iże nojwiyncyj we cołkich Katowicach Łukasz dostoł sztymōw we kōmisyje pod kerõ podlegŏ chociŏżby ul. Krawczyka, czyli gynau tak samo jak Ajncla

17/05/2024

Richtig rekōmyndujymy nojnowszy buch ôd Leszka Jodlińskigo "Powidoki Görbersdorfu (Sokołowska). Przewodnik subiektywny". Ô tym jak wyglōndała ta znōnŏ miyścina we Dolnym Ślōnsku, abo jakimi metodami leczōno choroby pucne a moc inkszych ciykŏwych informacyji znojdziecie we tyj pozycyji. Dejcie pozōr bo mōmy tego ino ôgraniczōnõ wieloś!