White Rose Convenience Store

28/12/2024

You cannot make omelettes without breaking eggs
ဘာသာရေးပုဂ္ဂိုလ်တစ်ဦးက တရားရှာသူတစ်ဦးကို ရေနွေးကြမ်းတိုက်တယ်။ အပြည့်ပါပေမယ့် အေးစက်နေတဲ့ ရေနွေးခွက်ပါ။ ရေနွေးအိုးထဲမှာ ပူပူနွေးနွေး ရေနွေးတွေရှိတယ်။ တရားရှာသူက ရေနွေး အအေးတွေကို သွန်ပစ်လိုက်ပြီး အိုးထဲက ရေနွေးပူကို ငှဲ့ပြီးယူတယ်။ ပုဂ္ဂိုလ်ကြီးက ပြုံးတယ်။ ဒါပဲပေါ့။ ရေနွေးပူကို လိုချင်ရင် ရေနွေးအအေးတွေကို သွန်ပစ်ရမှာပေါ့လို့ တစ်ခွန်းတည်းပြောတယ်။ ဆင်ခြင်ကြည့်ပါ သား။
“ မင်းဟာ ကြက်ဥကို မခွဲဘဲနဲ့ ကြက်ဥမွှေကြော် လုပ်လို့မရဘူး”
#တာရာမင်းဝေ #ခေတ်နေအတွက်စာတရွက်

28/12/2024

Ethic ရှိတယ်ဆိုတာ...
စည်း ရှိတယ် ဆိုတာ...
ဘယ်လိုမျိုးကိုခေါ်တာလဲ❓

#စည်း 🤐🔇

တယောက်နဲ့တယောက် အရမ်းခင်နေရာကနေ
အကြောင်းမတိုက်ဆိုင်လို့ မခင်ကြတော့ဘူး။
မုန်းသွားမယ်ဆိုတောင်
ခင်မင်ကြတုန်းက ပြောခဲ့တဲ့ လှို့ဝှက်ချက်တွေ
အတွင်းစကားတွေကို အတင်းမပြောတဲ့ စည်း။

တယောက်နဲ့တယောက် ရန်ဖြစ်ရင်
မဆိုင်တဲ့ personalတွေ
သူတပါးအားနည်းချက်တွေကို မပြောသင့်တဲ့ စည်း။

ကိုယ့်ကိုယုံကြည်လို့ ပြောခဲ့တဲ့စကားတွေကို
မျက်နှာလို မျက်နှာရ လိုချင်ဇောနဲ့
သွားသတင်းမပေးသင့်တဲ့ စည်း။

⛔ ကိုယ်သိချင်တုန်းက ခေါ်မေးခဲ့တဲ့စကားတွေကိုသူတစ်ပါးကပဲ တမင်အပုပ်ချ လာပြောနေသလို မိတ်ဆွေ သူငယ်ချင်းတွေဆီမှာ သွားပြီး ဂုန်းတိုက်သွေးထိုးပြီး ရန်တိုက်ပေးတာမျိုးတွေ မလုပ်သင့်တဲ့ စည်း။ ⛔

စည်းမရှိတော့ ဘာဖြစ်လဲ⁉
#ရှက်စရာကြီးပေါ့ 🥴🙈
😁 ဟုတ်ကဲ့။ ဘာမှတော့ မဖြစ်ပါ။
ကိုယ့်တန်ဖိုး ကိုယ် သတ်မှတ်တာပေါ့။ ။

😇

Ethic ကို လူ့ကျင့်၀တ်၊ ကိုယ်ကျင့်သိက္ခာ၊ကျင့်၀တ်တရား၊ ကိုယ်ကျင့်တရား စသည်ဖြင့် အမျိုးမျိုးအဓိပ္ပါယ်ဖွင့်ဆိုကြပါတယ်။

အချင်းချင်းပေါင်းသင်းဆက်ဆံနေရတဲ့ လူ့အသိုင်းအဝိုင်းကြီးထဲမှာ Ethic ဆိုတဲ့လူ့ကျင့်၀တ်ရှိတတ်ဖို့ကအရမ်းကိုအရေးကြီးပါတယ်။

လူ့ကျင့်၀တ်ကိုသိတတ်ခြင်းဆိုတဲ့ အထဲမှာ အချင်းချင်းလေးစားမှုတွေ၊စည်းကမ်းတွေ၊လူသားချင်းစာနာမှုနဲ့နားလည်မှုတွေ အများကြီးပါ၀င်ပါတယ်။

ဒီတော့ ဘယ်အရာမျိုးတွေက Ethic ရှိတယ်လို့ခေါ်တာလဲ❓

◼️ Public Areaတွေမှာ စကားကိုအကျယ်ကြီးမပြောတာမျိုး၊သီချင်းသံအကျယ်ကြီးမဖွင့်တာမျိုး။

◼️၀င်ပေါက်နေရာမှာ ပိတ်မရပ်တာမျိုး။

◼️တခြားသူတွေ စကားပြောနေတဲ့အချိန်မှာ ကြားဖြတ်ပြီး၀င်မပြောတာမျိုး။

◼️ငွေကြေးအခက်အခဲရှိနေတဲ့ သူငယ်ချင်းတစ်ယောက်ရှေ့မှာ ကိုယ်သုံး‌‌နေတဲ့ တန်ဖိုးကြီး Brandတွေ အကြောင်းမပြောတာမျိုး။

◼️မိသားစုဖြစ်နေစေကာမူ သူများအခန်းထဲ၀င်မယ်ဆိုရင် တံခါးခေါက်တာမျိုး။

◼️အမှိုက်ကို အမှိုက်ပုံးထဲ‌ သေချာစွန့်ပစ်လိုက်တာမျိုး။

◼️ Privacy ကိုထိခိုက်စေနိုင်တဲ့မေးခွန်းတွေ (ဥပမာ- ကလေးမယူကြသေးဘူးလား၊ လစာက ဘယ်လောက်ရလဲ၊ နင်တို့သမီးရည်းနှစ်ယောက် လက်မထပ်ကြသေးဘူးလား စတဲ့မေးခွန်းတွေ) မမေးတာမျိုး။

◼️သူတစ်ပါးရဲ့ ဖြစ်တည်မှုကို မရှုံ့ချတာမျိုး။ (ဥပမာ- ဟယ် နင်၀လာလိုက်တာ၊ နင်အသားတွေမဲသွားတယ်နော်၊ အမလေး နင့်မျက်နှာကြီးကလဲ အဖုတွေနဲ့နော် Skin Care မလုပ်ဘူးလားစသည်ဖြင့်)

စတဲ့အသေးမွှားမွှားကိစ္စလေးတွေက အစ ကြီးကြီးမားမားကိစ္စတွေအဆုံး သိတတ်နားလည်ခြင်းကို Ethic ရှိတယ်လို့ခေါ်ပါတယ်။

Ethic ရှိတယ်ဆိုတာ IQ ဘယ်လောက်ကောင်းတယ်၊စာဘယ်လောက်တော်တယ်၊‌ ငွေဘယ်လောက်ရှာနိုင်တယ်ဆိုတာနဲ့ မဆိုင်ပါဘူး။

ဘယ်လောက်တော်တော် ဘယ်လောက်ကောင်းကောင်း Ethic မရှိတဲ့သူကမရှိတာပါပဲ။

သင့်မှာ ရှိတဲ့ Ethic နဲ့ စည်းဟာ
သင့် အဆင့်အတန်း တန်ဖိုးပါပဲ
#သင့်စိတ်ဓာတ်အဆင့်အတန်းကိုမြှင့်တင်လိုက်ပါ



ကျန်းမာ​ပျော်ရွှင် ချမ်း​မြေ့ကြပါ​စေ...

အလုပ်အကိုင်လုပ်ငန်းများ ​အောင်မြင်တိုးတက်ကြပါ​စေ...

Jobs4U

28/12/2024

‘ရဟန်းတပါးနဲ့သေနတ်တလက်’

◼️ညီလင်းအိမ်

အခုရုပ်ရှင်အကြောင်းကို မပြောခင် ကျနော်တို့ အရင်စပြောရမှာ‌တွေက အများကြီး ရှိတယ်။ ဘာဖြစ်လို့လဲ ဆိုတော့ ယခုရုပ်ရှင်ကပေးတဲ့ ခံစားမှုအရသာစစ်စစ်ကို ထိတွေ့မိဖို့က နောက်ခံအကြောင်းတွေကို တူးဆွဖို့ အများကြီး လိုအပ်သေးတာကိုး ။ ဒီရုပ်ရှင်က ဘူတန်မှာ အခြေပြုရိုက်တာ ။ ရိုက်တဲ့ ဒါရိုက်တာကတော့ အိန္ဒိယနိုင်ငံသား ။ လူလတ်ပိုင်း လေးဆယ်အရွယ်ပဲ ရှိသေးပေမဲ့ ပွဲဦးထွက်ရုပ်ရှင်နဲ့တင် အကောင်းဆုံး နိုင်ငံရပ်ခြားအော်စကာဆန်ခါတင်အဖြစ် လျာခံထားခွင် ရခဲ့တဲ့သူ ။ အဲဒီလိုဒါရိုက်တာမျိုးက ရိုက်ပြတဲ့ ရုပ်ရှင်ဆိုမှတော့ မကောင်းမှာ ပူနေစရာ အကြောင်းကို မရှိတာ။

နည်းနည်းပေါ်လွင်အောင် ခိုင်းနှိုင်းရရင် ကျနော်တို့ ကမ္ဘာကြီးတခုလုံးက လောင်မီးကျနေတဲ့ ကန္တာရကြီး ဖြစ်နေတယ် ဆိုကြပါစို့ ။ တကယ်လည်း လက်ရှိခေတ်ကမ္ဘာက အဲဒီအခြေအနေဆီကို ရွေ့လျားနေတာပဲ မဟုတ်လား။ အဲလိုထဲမှာမှ ဘူတန် နိုင်ငံကလေးက အရာအားလုံး လုံးဝအရာအားလုံးနဲ့ ကင်းလွတ်နေတဲ့ အိုအေစစ် နယ်မြေကလေးလို့ ပြောလို့ရပါတယ်။ ဘူတန်က အရမ်းသေးတဲ့ ကုန်းတွင်းပိတ် နိုင်ငံကလေးပါ။ တရုတ်နဲ့ အိန္ဒိယ နိုင်ငံ နှစ်ခုအကြားမှာ တည်ရှိတယ်။ နိုင်ငံက အရမ်းသေးပြီး တသန်းတောင် မပြည့်တဲ့ လူဦးရေပဲ ရှိနေတာကြောင့်လားတော့ မပြောတတ်ပါဘူး။ တိုင်းပြည်တခုလုံးရဲ့ ပြည်သူပြည်သားတွေအပေါ်ကို အစဉ်အဆက် အုပ်စိုးလာတဲ့ ဘုရင်ရဲ့ ဩဇာသက်ရောက်မှုက ရာနှုန်းပြည့် တည်ရှိနေတယ် လို့ ဆိုပါတယ်။

လက်ရှိခေတ်ကာလမှာ ဘယ်လိုမှပေါင်းစပ်လို့မရတတ်တဲ့ ဘာသာတရားရဲ့ ကိန်းဝပ်တည်မှီရာ ဖြစ်တဲ့ ဗုဒ္ဓအယူဝါဒရဲ့ အဓိက သော့ချက်ဖြစ်တဲ့ မေတ္တာတရားနဲ့ အုပ်ချုပ်မှုကို ပေါင်းစပ်ထားပြီး ကျင့်သုံးတဲ့ တိုင်းပြည်လို့ ဆိုထားတယ်။ ဒါကြောင့် သူတို့တိုင်းပြည်ကလေးမှာ ‌ဒေါသမောဟလောဘကြောင့် ဖြစ်တဲ့ ပြဿနာတွေက အရမ်းရှားပါးတယ်လို့ ဖတ်ရပါတယ်။ အုပ်ချုပ်သူများက တိုင်းပြည်ရဲ့ GDP ညွှန်းကိန်းကို တိုင်းတာမှုကလည်း လုံးဝ အံ့ဖွယ်ပဲ ။ အခြားသောပြည်တွေလို တိုင်းသူပြည်သားရဲ့ တဦးချင်း ဝင်ငွေ ၊ အလုပ်အကိုင် အခွင့်အလမ်း အဲဒါတွေကို တိုင်းတာတာ မဟုတ်ပါဘူးတဲ့။ သူတို့တိုင်းသူပြည်သားတွေ တနှစ်တနှစ်မှာ ဘယ်မျှပျော်ရွှင်ကြရသလဲ ၊ သောကကင်းစင်စွာ ပြုမူနေထိုင်ခွင့် ရရပါသလဲ ဆိုတာနဲ့ တိုင်းတာတာပါတဲ့။

ပြီးတော့ ကျနော်တို့လက်ရှိခေတ်မှာ စိမ်းလန်းစိုပြေရေးဆရာတွေ အော်နေတဲ့ ပလပ်စတစ် ကင်းစင်ရေး ၊ ကာဗွန်ဒိုင်အောက်ဆိုဒ် လျော့ကျရေး ၊ နောက် Feminism တွေ ပြောနေကြတဲ့ ဖိုမ တန်းတူညီတူ ဝါဒ ၊ တိရစ္ဆာန်များအား အလွန်အကျွံ ဖမ်းဆီးသတ်ဖြတ်မှု စတာတွေကို ဘူတန်နိုင်ငံဟာ လွန်ခဲ့သော နှစ်သုံးဆယ်ကျော်လောက်ကတည်းက လုပ်ဆောင်ထားပြီး ဖြစ်တယ်။

စာတွေအရ 1990 လောက်ကတည်းက သူတို့ဆီမှာ ပလပ်စတစ် မသုံးစွဲရသလို ၊ သစ်ပင်ဝါးပင်တွေကို ခုတ်ယူခြင်းကိုလည်း လုံးဝ တင်းကြပ်စွာ တားဆီးထားပါတယ်။ တောရိုင်းတိရစ္ဆာန်တွေအား ဖမ်းဆီးစားသောက်ခြင်းကိုလည်း လုံးဝတားမြစ်ထားပြီး အသားငါးစားဖို့အတွက် အိန္ဒိယနိုင်ငံဘက်ကနေပဲ တင်သွင်းခွင့် ပြုပါသတဲ့။ နောက် ဖိုဝါဒအားကောင်းဖို့ဆိုတာ ဘူတန်မှာ မဖြစ်နိုင်ပါဘူး။ အိမ်ထောင်မှုတခုရဲ့ အရေးကြီးတဲ့ ကဏ္ဍတွေကို အမျိုးသမီးတွေကပဲ ဦးစီးကြရသလို အမွေခွဲရင်တောင် အမျိုးသမီးများကပဲ ပိုရပါသတဲ့။

ဆိုတော့ ကျနော်က အပေါ်က အကြောင်းအရာတွေကို အလဟဿ လျှောက်ရေးနေတာတော့ မဟုတ်ပါဘူး။ ယခုရုပ်ရှင်ထဲက အကြောင်းအရာတွေဟာ အဲဒီ အချက်အလက်တွေနဲ့ အကုန် ဆက်စပ်နေလို့ပဲ ဖြစ်ပါတယ်။ ဇာတ်လမ်းအကြောင်းအရာကို ပြန်ကောက်ရရင် ဘူတန်မှာ တဦးတည်းအုပ်ချုပ်မှုစနစ်ကနေ ခေတ်ကာလနဲ့ လျော်ညီအောင်ဆိုပြီး ဘုရင်ကြီးက ဒီမိုကရေစီ စနစ် ပြောင်းလဲပြဌာန်းမယ် ဆိုတဲ့ 2006 လောက်က ကာလကို အခြေခံထားတာ ဖြစ်ပါတယ်။ အဲဒီအချိန်မှာပဲ နိုင်ငံထဲကဩဇာတိက္ကမရှိတဲ့ ဆရာတော်တပါးက သူ့လက်အောက်က ပဉ္ဇင်းငယ်တပါးကို သေနတ်တလက် ရှာဖွေခိုင်းပါတယ်။ တိုက်ဆိုင်စွာပဲ အမေရိကက ရှားပါးလက်နက်တွေ ရှာဖွေစုဆောင်းသူ အမေရိကန်သား တဦးကလည်း ဘူတန်နိုင်ငံအတွင်းသို့ ဝင်ရောက်လာတာ ဖြစ်တယ်။ ယင်းနောက်မှာတော့ သူတို့တွေ ဘာလုပ်ကြလဲ ၊ ဘာကြောင့် ဒီသေနတ်ကို လိုချင်ကြရသလဲ ဆိုတဲ့ စိတ်ဝင်စားဖွယ် အကြောင်းအရာတွေကို ပါ့စပ်မစေ့ရအောင် ပြုံးမိရင်း စိတ်ကြည်နူးချမ်းမြေ့စွာနဲ့ ကြည့်ရှု့ကြရမယ့် ရုပ်ရှင် ဖြစ်ပါတယ်။

အဲတော့ ဒီရုပ်ရှင်ထဲမှာ အဓိက ဟိုက်လိုက်လုပ် ပြောချင်မိတာက ရောင့်ရဲတင်းတိမ်မှု ဆိုတဲ့ အခြင်းအရာကိုပါ ။ လက်ရှိခေတ်ကြီးထဲမှာ အဲဒီစကားကို ပြောဖို့ဆိုတာ ရယ်ဖို့အင်မတန် ကောင်းလွန်းပါတယ်။ ကျနော်တို့တွေဟာ အရင်းရှင် ကမ္ဘာကြီးထဲမှာပဲ စနစ်ကျ သားကောင်များအဖြစ် ပြိုင်ဆိုင်မှုတွေ နောက်ကို လိုက်ပါနစ်မြုပ်နေကြတော့တယ်။ သာလွန်ပညာရေး ၊ သာလွန် အလုပ်အကိုင် ၊ သာလွန်တဲ့ ဝင်ငွေ ၊ သာလွန်တဲ့ အိမ်ရာပိုင်ဆိုင်မှု ၊ သာလွန်တဲ့ လူသိများကျော်ကြားလိုမှု စတဲ့ အရင်းရှင်ကမ္ဘာကနေ ဖန်တီးသိမ်းသွင်းလိုက်ပြီဖြစ်တဲ့ အချက်အလက်တွေ အကြားမှာ အပြိုင်ကူးခပ်ရင်း ရောင်ရဲနိုင်မှု ဆိုတဲ့ သဘောတရားကို လုံးဝ လက်ခံ ကျင့်သုံးနိုင်မှု မရှိကြတော့ပါဘူး။ အဲဒါကို လွတ်လပ်သောဈေးကွက် ဖန်တီးမှုနဲ့ လက်ခံသုံးစွဲသူများအကြားကို တန်းတူညီမျှသောမျှခြေအဖြစ် ဖန်တီးပြောင်းလဲနိုင်မှုက ဒီမိုကရေစီစနစ်သာ ဖြစ်တယ် ဆိုပြီး ကျနော်တို့မှာ အဲဒီစကားကို မသုံးမဖြစ် ကျယ်ကျယ်လောင်လောင် ပြောကြရပြန်ပါတယ်။

အဲဒါတွေကို သုံးမှရမယ် ဆိုတဲ့ သဘောနဲ့ ဘူတန်နိုင်ငံကလေးဆီကို တင်သွင်းလာတဲ့အခါမှာ ရယ်စရာတွေပဲ ဖြစ်ကုန်ပါတယ်။ အဝတ်အထည်အတွက်လည်း ရိုးရာထုတ်ကုန်တွေနဲ့တင် လုံလောက်ပြီးသား။ ကျန်းမာရေးလတ်ဆတ်ရှင်သန်ဖို့အတွက်လည်း ကောင်းမွန်တဲ့ လေထုနဲ့ သဘာဝအသီးအရွက်တွေကို လိုသလောက် ရနိုင်တဲ့ လယ်ယာမြေတွေ အသင့်ရှိနေတဲ့ သူတို့အတွက် ဒီ ဒီမိုကရေစီ ဆိုတာကြီးက ငြိမ်းချမ်းစွာ ဘာရယ်မှ ပြိုင်ဆိုင်မှု မရှိသလောက်နဲ့ မိသားစုဝင်တွေအချင်းချင်း ကျွန်းကိုင်းမှီ ကိုင်းကျွန်းမှီ ဖြတ်သန်းလာကြတဲ့ အချိန်မျိုးမှာ ဒင်း ဒီမိုကရေစီ ဆိုတာကြီး ရောက်လာမှ ဘယ်ပါတီကို ပေးရမယ် ၊ ဘယ်ပါတီက ဘာတွေပိုကောင်းတယ် စတဲ့ စကားတွေကို ကြားကြရတဲ့အခါမှာ နားကလော်ကုန်ကြတယ်။ သက်သက်အချင်းချင်း ရန်တိုက်ပေးနေတဲ့ အရာကြီးလို့ပဲ မှတ်ယူမိကြပါရော။

ဘာတဲ့ ဒီအရာကြီးက ကျွန်တော်တို့ တိုင်းသူ ပြည်သားတွေ အပေါ်ကို ခေတ်မီတဲ့ အခြေအနေဆီ ရောက်အောင် ဆွဲခေါ်သွားစေမယ် ၊ ပိုမိုပျော်ရွှင်ရတဲ့ ဘဝကို ရောက်ရှိလာစေမှာတဲ့။ ဘယ်နှယ် သူတို့အတွက် ဘဝက အရာရာအဆင်သင့် ပြာလွင်သန့်စင်တဲ့ အရောင်နဲ့ အုပ်မိုးထားတဲ့ ကောင်းကင်ပြာကြီးနဲ့ လတ်ဆတ်တဲ့လေပြည်မွှေးမွှေးတွေကို သယ်လာတဲ့ အမြဲစိမ်းတောင်တန်းကြီးတွေနဲ့ ပြီးတော့ ဘုရင်ကြီးရဲ့ နွေးထွေးချမ်းမြလှတဲ့ အရာတွေသာ ပေးစွမ်းတဲ့ ၊ သူရို့မျိုးဆက်တလျှောက် ဓားမဦးချယုံကြည်ကိုင်းရှိုင်းလာခဲ့ကြတဲ့ ဗုဒ္ဓဘုရားရဲ့ မေတ္တာတရားတွေကိုပါ တလုံးတဝ ရရှိနေပြီးခဲ့ပြီပဲ။


ဘာတွေလိုအပ်သလဲ ပေါ့။ ကြည့်နေတဲ့ ကျွန်တော့်မှာ ပုံပြင်ထဲမှာလောက်ပဲ တွေ့နိုင်တော့မယ်ထင်တဲ့ အကြောင်းအရာတွေကို လက်တွေ့ ရှု့မြင်လိုက်ရတော့ အံ့ဩလို့ မဆုံးသာ ဖြစ်လို့နေရ ။ ကိုကာကိုလာ ဘူးကို မြင်တော့ ဦးဇင်းကို အဲဒီရေနက်တွေ တိုက်ပါဦး လို့ ပြောတာ ကြည့်ရင်း ရယ်မိလိုက် ။ အီးကုန်း စက္ကူအဖြစ်လောက်တောင် သဘောထားပုံ မရတဲ့ ဘူတန်ပြည်သားတွေအလယ်မှာ သန်းဂဏန်းရှိတဲ့ ပိုက်ဆံထုပ်ကြီးနဲ့ ကြောင်ပျောက်နေတဲ့ အမေရိကန်သားကို ကြည့်ရင်း ရယ်မိလိုက်နဲ့ ။

ရုပ်ရှင်လည်း ကြည့်ပြီးတော့ လူရွှင်တော် မော့စ်ရဲ့ စကားကိုပဲ ယူပြီး တကိုယ်ရည် ရေရွတ်မိနေပါတယ်။ ခင်ဗျားတို့ ဘူတန်သားတွေက တကယ်ရော အဲဒီလိုလား တကယ် ရှိနေကြတာတော့ ဟုတ်ရဲ့လား ။ ဟုတ်ကောဟုတ်ရဲ့လားဗျာ စလို့ပေါ့။

ရုပ်ရှင်ရည်ညွှန်း - The Monk And The Gun Movie ( 2023 )
#ညီလင်းအိမ်

#ခေါ်သံ

28/12/2024

❝ နိုင်ငံရပ်ခြားမှာ အစုလိုက်အပြုံလိုက် သေဆုံးတဲ့ မုန်တိုင်းတပ်တွေ ❞

ရုရှားရောက် မြောက်ကိုရီးယားစစ်သားရဲ့ အရှင်မိဓာတ်ပုံကို တောင်ကိုရီးယာက စပိုင်က Telegram မှာ ထုတ်ပြလိုက်တယ်။ (ကွန်မန့်ထဲက ကျမ telegram ထဲမှာ ပြထားပါတယ်)

တောင်ကိုရီးယာက စပိုင်က ယူကရိန်း အထူးစစ်တပ် ( SOF) က ရတဲ့ပုံပါ။

▪️
အမှန်တော့ သူတို့က မြောက်ကိုရီးယားရဲ့တကယ့် ကွန်မန်ဒိုတွေပါ—

သူတို့ရဲ့ အဓိကအခန်းကဏ္ဍက စစ်အတွင်းရန်သူလိုင်းတွေရဲ့အတွင်းထဲထိုးဖောက် ပြောက်ကျားမစ်ရှင်လုပ်ဖို့၊နောက်ကွယ်မှာ အထူးစစ်ဆင်ရေးမစ်ရှင်တွေကို လုပ်ဖို့ဖြစ်တယ်၊ ရန်သူ့လက်နက်တွေ ဖျက်ဆီးတယ်၊တိတ်တဆိတ် လုပ်ကြံသတ်ဖြတ်တယ်၊ ကင်းထောက်တယ်၊ သမားရိုးကျ သူချ ကိုယ်ချ စစ်ပွဲထဲ ဝင်တိုက်သူတွေ မဟုတ်ဘူး။
▪️
မုန်တိုင်းတပ်—

သူတို့က ကင်ဂျုံအန် ရုရှားကိုပို့တဲ့ မြောက်ကိုရီးယား ‘Storm Corps’ (မုန်တိုင်းတပ်)အထူးယူနစ်ပါ။ တကယ့်လက်တွေ့ စစ်မြေပြင်မှာ သူတို့ တွေးထင်ထားတာတွေ လုံးဝမှားတာပဲ။

မြောက်ကိုရီးယားမှာ ဒရုန်းနည်းပညာလို AI မတိုးတက်ဘူး။ စစ်သားတွေက တကယ့်စစ်မြေပြင်အတွေအကြုံမရှိ၊ မြောက်ကိုရီးယားက တကယ့်တောသားတွေနော်၊ ဒရုန်း တောင် အတွေ့အကြုံမရှိ၊ မသိကြဘူး။
▪️
Storm Corps ဆိုတာဘာလဲ—

နောက်တစ်ခုက မြောက်ကိုရီးယား ‘Storm Corps’ က အထူးစစ်ဆင်ရေးအတွက်ပဲလေ့ကျင့်ထားတာ။

ရုရှားတပ်ဖွဲ့တွေက သူတို့ကို အခြေခံခြေလျင်တပ်ရင်းလိုသုံးတာ။လက်နက်ကလည်း အနည်းအကျဉ်း၊ သူတို့ မထွက်ရဲတဲ့ နေရာမျိုးကို ရှေ့ပြေးအနေနဲ့သုံးပစ်တယ်။

ဥပမာအားဖြင့်— သူတို့ကို ကျည်ကာချပ်ဝတ်တန်ဆာ၊ လက်နက် အပြည့်အစုံမပါဘဲ ကွင်းပြင်ထဲကိုလွှတ်တယ်။
ဒရုန်းတွေက သူတို့ကို သတ်တယ်။ ယူကရိန်းက မြောက်ကိုရီးယားစစ်သားတွေကို တိုက်နေတုန်း၊ ရုရှားစစ်သားတွေက ရန်သူကို ခန့်မှန်းလို့ရပြီး ပြန်ချတာ

အထက်လူကြီးကပြောတဲ့ စကားကလည်း ရုရှား၊ အင်္ဂလိပ်ဘာသာမို့ နားမလည်၊ ရန်သူဘက်က ဒရုန်းနဲ့ ကင်းထောက်ရင်တောင် ပုန်းအောင်းမနေကြဘဲ ဒီအတိုင်းကြီးသွားနေကြတာတွေ့ရတယ်၊ သေကြပါလေရော။

( 📖 Storm Corps ဆိုတာဘာလဲ- မြောက်ကိုရီးယားပြည်သူ့တပ်မတော် (KPA) က တရားဝင်ဖွဲ့ထားတဲ့ မြောက်ကိုရီးယားစစ်တပ်ရဲ့ အထူးစစ်ဆင်ရေးတပ်ဖွဲ့တစ်ခုဖြစ်တယ်။ (Pochonbo Torchlight Brigade သို့မဟုတ် Reconnaissance Bureau Unit 11) လို့လည်းခေါ်ကြတယ်။ )

‘Storm Corps’ က မြောက်ကိုရီးယားမှာ အမြင့်မားဆုံး လေ့ကျင့်သင်ကြားထားတဲ့ အထူးပြုယူနစ်တွေထဲက တစ်ခုဖြစ်တယ်။ အဖွဲ့ဝင်တွေက သစ္စာရှိတယ်၊ ရုပ်ပိုင်းဆိုင်ရာကြံ့ခိုင်တယ်၊တိုက်ခိုက်ရေးစွမ်းရည်ကောင်းတယ်။

အမေရိကန်မှာဆို ’U.S. Navy SEALs’ (Delta Force) ရုရှားမှာဆို ‘Spetsnaz’ ။
တောင်ကိုရီးယားမှာဆို ‘UDT/SEAL’ ( 707 အထူးမစ်ရှင်တပ်ရင်း) တို့လို ဒိတ် ဒိတ်ကြဲတွေ။
▪️
စိတ်ဓာတ်ပိုင်းဆိုင်ရာ ပြဿနာ

စစ်ပွဲတစ်ခုမှာ စိတ်ဓာတ်ပိုင်းဆိုင်ရာ ပြဿနာရှိရင် မိုတီမရှိတော့ဘူး။ ဒီစစ်ပွဲကို ငါတို့ဘာလို့ အသေခံတိုက်နေရပါလိမ့်ဆိုတဲ့တိကျတဲ့ အဖြေမရှိ၊အကြောင်းပြချက်မရှိ၊ ရည်ရွယ်ချက်မရှိ။

ရုရှားက စ တောင်းတာမဟုတ် ကင်ဂျုံအန်ကဖားပြီး စကားစ တာနော်။
ရုရှားကိုထောက်ပံ့ဖို့ မြောက်ကိုရီးယားစစ်သားတွေပေးတာ တစ်ကမ္ဘာလုံးကို ဒုက္ခပေးတာပဲ။ ဒါဟာ တတိယ အမ္ဘာစစ် စစ်အေးကြီးကို ပူ အောင် မီးရှို့လိုက်တဲ့သဘော။
▪️
‘နိုင်နေတယ်၊ အခြေအနေကောင်းတယ်’ —

ကင်ဂျုံအန်နဲ့ ပူတင်က မြောက်ကိုရီးယားပြည်သူတွေကိုလိမ်ပြီး ‘နိုင်နေတယ်၊ အခြေအနေကောင်းတယ်’ သတင်းအတုတွေထုတ်နေပေမဲ့ တကယ့် အပြင်မှာဖြစ်နေတဲ့ အဖြစ်အပျက်က ထိတ်လန့်စရာကောင်းပါတယ်။ မြောက်ကိုရီးယားက စစ်သားတွေ သေတာမှ အစုလိုက် အပြုံလိုက်…။
▪️
ဒါတစ်လအတွင်းနော်—

ပူတင်နဲ့ ကင်ဂျုံအန် ထင်သလို ဖြစ်မလာတာ မြောက်ကိုရီးယားစစ်သားတွေရဲ့ စိတ်အခြေအနေကြောင့်ပဲ။

ပထမတော့ အဲ့ဒီစစ်သားတွေက ကင်ဂျုံအန်ကို ဘုရားတစ်ဆူလို ကိုးကွယ်ကြတာ၊ ဘဝတစ်ခုလုံး ဦးဏှောက်ဆေးခံရတာကိုး ။ သူတို့တွေက မြောက်ကိုရီးယားမှာရှိနေကတည်းက အထူးတပ်ဖွဲ့တွေမို့ မိသားစုတွေနဲ့ တွေ့ခွင့် မရနေတာကြာပေါ့၊ စိတ်ပိုင်းဆိုင်ရာ အတော်ထိနေပြီ၊ အခုအခြေအနေက နိုင်ငံရပ်ခြားတောင်ရောက်နေပြီဆိုတော့ အတော်စိတ်ဓာတ်ကျနေပြီ။ စိတ်ဖိစီးမှုတွေနဲ့ အိမ်ကိုလွမ်းနေကြပြီ။
▪️
သေကြတာ မနောမနည်း—

မကြာသေးပါဘူးအမေရိကန် သမ္မတအိမ်ဖြူတော်က အယောက် (၁၀၀၀) ဒါဏ်ရာရသေဆုံးသွားတယ်လို့ အတည်ပြုတယ်။ ဆိုပေမဲ့ တကယ်က (၃) ဆပါ။ ယူကရိန်းသမ္မတ Volodymyr Zelensky က Kursk မှာ မြောက်ကိုရီးယားစစ်သား ၃၀၀၀ ကျော် သေဆုံးဒဏ်ရာရတယ်လို့ သူ့ X ( အရင်က Twitter)မှာရေးထားတယ်။

ဒါတစ်လအတွင်းနော်၊ စစ်သား ၃၀၀၀ ထောင်၊ အတော်တုန်လှုပ်နေကြတယ်။ ဘယ်နေ့ ငါ့အလှည့်လဲပေါ့။

ငါ့စစ်သားတွေ ဘယ်လောက်တော်လဲဆိုတာကြွားပြီး ကမ္ဘာကို ဝါဒဖြန့်မလို့ ထုတ်သုံးကာမှ သောက်ရှက်တွေကွဲကုန််တာပဲ။ ဘာစစ်မှတောင် မယ်မယ်ရရမတိုက်လိုက်ရသေး၊ သေကြတာ မနောမနည်း။
▪️
ခရစ္စမတ်အပြီး ၂၆ ရက် မှာ—

ယူကရိန်းအထူးစစ်ဆင်ရေးတပ်ဖွဲ့ (SOF)က ရုရှားမှာ တပ်စွဲထားတဲ့ ပထမဆုံး မြောက်ကိုရီးယား စစ်သားတစ်ယောက်ကို အရှင်ဖမ်းခဲ့တယ်။ခရစ္စမတ်အပြီး ၂၆ ရက် မှာ။

ဓာတ်ပုံထဲမှာတော့ စစ်သားက သိသိသာသာ ဒဏ်ရာတွေ ရထားပုံရပြီး ဆေးကုသမှု ခံယူမလား ဒါမှမဟုတ် သူ့ရဲ့ လက်ရှိအခြေအနေလား ဆိုတာတော့ မသိရသေးဘူး။
▪️
‘ဒုတိယကမ္ဘာစစ်’ များမှတ်နေကြလား

ယူကရိန်းထောက်လှမ်းရေးတွေ၊ ကာကွယ်ရေးအရာရှိတွေက မြောက်ကိုရီးယားတပ်ဖွဲ့တွေက ခေတ်မမီတော့တဲ့ နည်းဗျူဟာတွေသုံးနေတယ်၊‘ဒုတိယကမ္ဘာစစ်’ များမှတ်နေကြလားမသိဘူးတဲ့။

နိုင်ငံရပ်ခြားမှာ အစုလိုက်အပြုံလိုက် သေဆုံးတဲ့ မုန်တိုင်းတပ်က မြောက်ကိုရီးယားစစ်သားတွေပါ။ အနှိမ်ခံရတယ်၊ ခွဲခြားဆက်ဆံခံရတယ်၊ ထိုးကျွေးခံရတယ်။ ချမ်းသာသွားတာ ကင်မ်ဂျောင်အန်းနော်။ မြောက်ပြည်သူတွေ ပိုငတ်နေကြပြီ။ လက်နက်တွေ ရုရှားကိုထောက်နေရလို့ ရှိသမျှ ပုံအောနေရတာ။

မင်းအောင်လှိုင် ဆရာ—
ကင်မ်ဂျောင်အန်းက စစ်ရေး၊စီးပွါးရေးအကျိုးအမြတ်ရအောင် သူ့လူတွေထိုးကျွေးနေတဲ့အတိုင်းမင်းအောင်လှိုင်က လိုက်လုပ်နေတာပါ။ နှိုင်းယှဉ်စဉ်းစားလို့ရအောင် ဒီဆောင်းပါးကို ဘာသာပြန်ရေးလိုက်ပါတယ်။

▬▬▬▬▬▬▬▬
မရွှေမိုး-ကိုရီးယား
December 28th,2024


References
⭕️ [이슈] "사살한 북한군 병사 품속에서 발견"...우크라군이 공개한 한글 편지 / 젤렌스키 "러 쿠르스크서 북한군 사상자 3천명 넘어" 24.12.26 | MBN NEWS
⭕️ [여의도튜브] "북한군 부상병 엄청 먹어!" 러 병원 '포착' /머니투데이방송
⭕️ 우크라 "북한 병사 첫 생포"…'평균 21살' 소대 명단 보니｜지금 이 뉴스

28/12/2024

PETALING JAYA: The bus that plunged into a lake in Norway left the airport at Narvik without a list of passengers, making it difficult to identify those on board although some among them are believed to be Malaysians.

27/12/2024

27/12/2024

မေမြို့မှာ ကလေးငယ်ကို အဓမ္မကျင့်တဲ့ အသက် ၆၀ အရွယ် အမျိုးသားကို ရပ်ကွက်က ဖမ်းဆီး ရိုက်နှက်ရာ လက်လွန် သေဆုံး၊

ဒေါ်လာ/MFP၊ ဒီဇင်ဘာ - ၂၆

မန္တလေးတိုင်း၊ မေမြို့၊ ပွဲကောက်ကျေးရွာမှာ ဒီဇင်ဘာလ ၂၄ရက် ညနေပိုင်းက အသက် ခုနှစ်နှစ်အရွယ် ကလေးငယ်ကို အဓမ္မပြုကျင့်တဲ့ အသက် ၆၀ အရွယ် အမျိုးသားကို ရပ်ကွက်က ဝိုင်းဖမ်းဆီးပြီး ရိုက်နှက်ရာက လက်လွန်သေဆုံးတယ်လို့ သတင်းရရှိပါတယ်။

ဒီဇင်ဘာလ ၂၄ရက် ညနေ ၆ နာရီခွဲဝန်းကျင်အချိန် မေမြို့ ပွဲကောက်ကျေးရွာ ရေတံခွန်အနီးမှာ အမျိုးသားတစ်ဦး သေဆုံးကြောင်း ဖုန်းဆက် အကြောင်းကြားလို့ အလောင်းကို သယ်ယူကာ မေမြို့ဆေးရုံကြီးကို ပို့ဆောင်ပေးခဲ့တယ်လို့ ပြင်ဦးလွင် နာရေးကူညီမှုအသင်းက ဆိုပါတယ်။

“ပြင်ဦးလွင်မြို့ ပွဲကောက်ကျေးရွာ ရေတံခွန်အနီး ၇ နှစ်အရွယ် ကလေးငယ်တစ်ဦးအား အသက် ၆ဝ အရွယ် အမျိုးသား တစ်ဦးမှ အဓမ္မ ပြုကျင့်ပါသဖြင့် ပြည်သူများမှ ဝိုင်းရိုက်မိရာမှ သေဆုံးသွားပါသဖြင့် ဖုန်းဆက် အကြောင်းကြားရာ အသင်းမှ DeadBody (အလောင်း) တင်ယာဥ်ဖြင့် သွားရောက် ခေါ်ဆောင်ပြီး ပြည်သူ့ ဆေးရုံကြီး ပြင်ပလူနာဌာနသို့ ပြသ၍ မော်ကျူရီသို့ ပို့ဆောင်ပေးခဲ့ပါသည်” လို့ ပြင်ဦးလွင် နာရေးကူညီမှုအသင်းက ဖော်ပြပါတယ်။

သေဆုံးသူ အမျိုးသားအကြောင်းနဲ့ မှုခင်းဖြစ်စဉ် အသေးစိတ်ကိုတော့ MFP အနေနဲ့ မသိရသေးပါဘူး။

စစ်အာဏာသိမ်းပြီးနောက် မေမြို့ အပါအဝင် မန္တလေးတိုင်းအတွင်း ဖြစ်ပွားတဲ့ မှုခင်းဖြစ်စဉ်တွေကို စစ်အုပ်စုက အလေးထား ကိုင်တွယ် ဖြေရှင်းတာ မရှိတော့ဘဲ ငွေရနိုင်တဲ့ မှုခင်းဖြစ်စဉ်တွေကိုသာ ဦးစားပေး ကိုင်တွယ် ဖြေရှင်းတော့တယ်လို့ ဒေသခံတွေက ဆိုပါတယ်။

MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ တယ်လီဂရမ်မှာလည်း ကြည့်နိုင်ပါတယ်။

27/12/2024

27/12/2024

ရုရှား လေကြောင်းရန်ကာကွယ်ရေးစနစ်က အဇာဘိုင်ဂျန် ခရီးသည်တင်လေယာဉ်ကို ပစ်ချခဲ့ဟု သတင်းရင်းမြစ်တွေ ပြော

ဧရာဝတီတိုင်းမ်
ဒီဇင်ဘာ ၂၇ ရက်

ဒီဇင်ဘာလ ၂၅ ရက်က ကာဇတ်စတန်နိုင်ငံမှာ ပျက်ကျခဲ့တဲ့ အဇာဘိုင်ဂျန်လေကြောင်းလိုင်းမှ ခရီးသည်တင်လေယာဉ်ကို ရုရှား လေကြောင်းရန်ကာကွယ်ရေးစနစ်က ပစ်ချခဲ့တာလို့ စုံစမ်းစစ်ဆေးမှုနဲ့ နီးစပ်မှုရှိတဲ့ သတင်းရင်းမြစ် (၄) ခုက ပြောပါတယ်။

Embraer အမျိုးအစား ခရီးသည်တင်ဂျက်လေယာဉ်တစ်စင်းဟာ မကြာသေးမီလတွေအတွင်း ယူကရိန်းရဲ့ ဒရုန်းတိုက်ခိုက်မှုတွေကို တုံ့ပြန်ဖို့ ရုရှားနိုင်ငံက လေကြောင်းရန်ကာကွယ်ရေးစနစ်တွေ အ သုံးပြုခဲ့ရာ ရုရှားနယ်မြေတစ်ခုမှ လမ်းကြောင်းပြောင်းလာပြီးနောက် ကာဇတ်စတန်နိုင်ငံ၊ Aktau မြို့အ နီး ပျက်ကျခဲ့ရာ လူ (၃၈) ဉီး သေဆုံးခဲ့ပါတယ်။

အဇာဘိုင်ဂျန်လေကြောင်းလိုင်းမှာ J2-8243 ခရီးသည်တင်လေယာဉ်ဟာ အဇာဘိုင်ဂျန်နိုင်ငံ၊ ဘာကူးမြို့မှ ပျက်ကျခဲ့ရာ ကက်စပီယန်ပင်လယ်နဲ့ ဆန့်ကျင်ဘက်ဖြစ်တဲ့ ရုရှားနိုင်ငံ၊ ချေချင်းညာဒေသ၊ ဂရိုဇနီမြို့သို့ မိုင်ရာချီ မောင်းနှင်ခဲ့တာဖြစ်ပါတယ်။

အဆိုပါ ခရီးသည်တင်လေယာဉ်ဟာ ငှက်အုပ်နဲ့တိုက်မိတာကြောင့် ပျက်ကျခဲ့တာလို့ ရုရှား လေ ကြောင်းပို့ဆောင်ရေးဌာနက ပြောပါတယ်။

ယူကရိန်းနိုင်ငံက ဒီလအတွင်း ရုရှားနိုင်ငံတောင်ပိုင်း ချေချင်းညာဒေသကို ဒရုန်းတွေနဲ့ တိုက် ခိုက်ပြီးနောက် အဇာဘိုင်ဂျန် ခရီးသည်တင်လေယာဉ် ပျက်ကျခဲ့တာပါ။

အဇာဘိုင်ဂျန် ခရီးသည်တင်လေယာဉ်ရဲ့ ပျံသန်းတဲ့လမ်းကြောင်းမှာရှိတဲ့ အနီးဆုံး ရုရှားလေဆိပ် ဟာ ဒီဇင်ဘာလ ၂၅ ရက်မနက်ပိုင်းက ပိတ်ထားခဲ့ပါတယ်။

ရုရှား၊ အဇာဘိုင်ဂျန်နဲ့ ကာဇတ်စတန် တာဝန်ရှိသူတွေက ခရီးသည်တင်လေယာဉ် ပျက်ကျမှုကို စုံစမ်းစစ်ဆေးဖို့ တောင်းဆိုခဲ့ပါတယ်။

ကိုးကား - Reuters
Ref; Azerbaijan Airlines flight was downed by Russian air defence system, four sources say

27/12/2024

လူသတ်ကားလုသွားသူများအား မုံရွာပလဖက တစ်ရက်အတွင်း ဖမ်းမိ

ဇေအောင်/People's Spring

စစ်ကိုင်းတိုင်း၊ မုံရွာမြို့တွင် လူသတ်ကားလုယူသွားသူများအား တစ်ရက်အတွင်း ဖမ်းဆီးရမိခဲ့ကြောင်း မုံရွာမြို့နယ်ပြည်သူ့လုံခြုံရေးအဖွဲ့ (ပလဖ)က သတင်းထုတ်ပြန်သည်။

ဒီဇင်ဘာ ၂၆ရက် နံနက်ပိုင်းက မုံရွာမြို့ပေါ်၌ လူသတ်ပြီး ကားလုယူပြေးသူများအား မုံရွာမြို့နယ်ပလဖ တာဝန်ခံကိုအာကူး ဦးဆောင်၍ ရဲဘော်များက ၁၂နာရီအတွင်း ဖော်ထုတ်ဖမ်းဆီးနိုင်ခဲ့ကြောင်း အသိပေးသည်။

ကျူးလွန်များ၏ ဓါတ်ပုံနှင့်တကွ နောက်ဆက်တွဲအရေးယူမှုများ၊သက်‌သေခံထွက်ဆိုချက်များကို ပြည်သူများအား တရားဝင် ထုတ်ပြန်သွားမည်ဟု မုံရွာပလဖက ထပ်မံအသိပေးသည်။

လူသတ်ကားလုသူများအား မုံရွာပလဖနှင့်အဟာမိတ်များက လိုက်လံဖမ်းဆီးခဲ့ရာ အက်တောရပ်ကွက်လမ်းပေါ်တွင် ကားထားထွက်ပြေးသွားပြီးနောက် ညပိုင်းတွင် ဖမ်းဆီးရမိခဲ့ခြင်းဖြစ်သည်။

ကျူးလွန်သူများအား ဖမ်းဆီးရမိ​ခဲ့သည့်အခြေအနေနှင့်ပတ်သက်၍ မုံရွာပလဖက ဆက်လက်ထုတ်ပြန်ပေးမည်ဟု ၎င်းအဖွဲ့တာဝန်ရှိသူက ပြောသည်။ ထို့အပြင် ဖမ်းမိသည့်အရေအတွက်ကိုလည်း မသိရသေးပေ။

မုံရွာမြို့၊ ဗိုလ်တေဇလမ်းမြောက်ပိုင်းဘက် မန်ကျည်းပင်စျေးအနီး၌ ကားလုယူခံရခြင်းဖြစ်ပြီး ကားပိုင်ရှင်အမျိုးသမီးမှာ သေနတ်ဖြင့် ၄ချက်ပစ်ခတ်ခံရပြီးနောက် သေဆုံးခဲ့ကြောင်း၊လုယက်သူများမှာ လူငယ်အမျိုးသားနှစ်ဦးနှင့် အမျိုးသမီးတစ်ဦးဖြစ်ကြောင်း စစ်ကောင်စီ၏ ဝါဒဖြန့်တယ်လီဂရန်ချန်နယ်များတွင် ရေးသားထားသည်။

"ပစ်သတ်လုသွားတဲ့သူတွေထဲမှာ မိန်းကလေးတွေလည်းပါတယ် ပြောတယ်။"ဟု ဒေသခံတစ်ဦးက ပြောသည်။

၂၀၂၃သြဂုတ်ကလည်း မုံရွာမြို့၊ ထန်းတောရပ်ကွက်၊ အင်းဖြတ်လမ်းရှိ နေအိမ် ဓါးပြတိုက်ခံရပြီး သေနတ်ဖြင့်ပစ်ခတ်မှုကြောင့် ကိုယ်ဝန်ဆောင် အမျိုးသမီးတစ်ဦးသေဆုံးခဲ့သည်။

၂၀၂၂ ဒီဇင်ဘာ ၂၀ရက်ကလည်း မုံရွာမြို့၊ ဗိုလ်ချုပ်လမ်းပေါ်ရှိ ​ရွှေမုံရွာရတနာရွှေဆိုင်ဓားပြတိုက်ခံရပြီး ဆိုင်ရှင်အမျိုးသားပါ သေနတ်ဖြင့် ပစ်ခတ်ခံခဲ့ရသည်။

မုံရွာမြို့ပေါ်တွင် အာဏာသိမ်းကာလတလျှောက် ရွှေဆိုင်များ၊အခြားစီးပွားရေးလုပ်ငန်းများ မကြာခဏ ဓါးပြတိုက်ခံနေရပြီး လူသေဆုံးသည့်ဓါးပြမှုများပင် ရှိခဲ့သည်။

(လုယက်ခံရသောကားအား လမ်းဘေး၌ တွေ့ရစဥ်။ဓာတ်ပုံ - မုံရွာပလဖ)

27/12/2024

မုံရွာမြို့လယ်တွင် အမျိုးသမီးတစ်ဦးကို သတ်ဖြတ် ဓားပြတိုက်မှုကျူးလွန်သည့်အဖွဲ့ကို တော်လှန်ရေးတပ်ဖွဲ့က ဖမ်းမိ

ရန်ကုန်၊ ဒီဇင်ဘာ ၂၇

စစ်ကိုင်းတိုင်း၊ မုံရွာမြို့လယ်ခေါင်တွင် လူသတ်ဓားပြတိုခိုက်မှုကျူးသည့်အဖွဲ့ကို ဖမ်းမိထားကြောင်း မုံရွာမြို့နယ်ပြည်သူ့လုံခြုံရေးအဖွဲ့ -ပလဖ မှတာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံ သို့ ပြောကြားသည်။

ဒီဇင်ဘာလ ၂၆ ရက်နေ့က မုံရွာမြို့လယ်ခေါင်ရှိ နေအိမ်တစ်ခုအတွင်း လူတစ်စုက ဝင်ရောက်ကာ အိမ်ရှင်ဖြစ်သူ အမျိုးသမီးတစ်ဦးကို သတ်ဖြတ်ပြီး Toyota Wish အဖြူရောင်ကားတစ်စီးပါယူဆောင် သွားသည့် ဓားပြအဖွဲ့ကို မုံရွာမြို့နယ် ပြည်သူ့လုံခြုံရေးအဖွဲ့ရဲဘော်များက သက်ဆိုင်ရာနယ်မြေအ လိုက်ရှိတော်လှန်ရေးအဖွဲ့အစည်းများနှင့်ပူးပေါင်းဖော်ထုတ်ခဲ့ရာ ၁၂ နာရီအတွင်း ဖမ်းခဲ့ခြင်းဖြစ် ကြောင်း၊ ဓားပြတိုက်သူများ၏ ပစ်ခတ်မှုကြောင့် စီးပွားရေးလုပ်ငန်းရှင် အသက် ၄၀ကျော် အရွယ် မမို့မို့စန်း သေဆုံးခဲ့ပြီး သားသမီး ၃ ဦး ကျန်ရစ်ခဲ့ကြောင်း သိရှိရသည်။

“အခုစစ်ကြောရေးဝင်နေပါတယ်။ အကုန်မိပါပြီ၊ ပြစ်မှုထဲမှာပါဝင်တဲ့ ယောက်ျားလေးတွေရော၊ အဲဒီကိစ္စကို ကြိုးကိုင်တဲ့သူတွေရော အကုန်မိထားပါတယ်။ မိန်းကလေးတွေရောပါတယ်။ အိမ်ထဲဝင် တိုက်တာက ၆ ယောက်၊ ကြိုးကိုင်တာက ၃ ယောက်ဆိုတော့ ၉ ယောက်လောက်ရှိတယ်။ခန့်မှန်း ပေါ့၊ ဖမ်းမိတဲ့သူတွေအားလုံး ကျနော့်ဆီမရောက်သေးဘူး။ ဖြန့်ကောက်နေရတာမို့၊ ပစ္စည်းသိမ်း ဆည်းမှုနဲ့ပတ်သက်လို့ကတော့ စစ်ဆေးနေတုန်းပဲ” ဟု မုံရွာမြို့နယ်ပြည်သူ့လုံခြုံရေးအဖွဲ့ -ပလဖ မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံ သို့ ပြောကြားသည်။

ဖမ်းဆီးရရှိထားသည့် ဓားပြမှုကျူးလွန်သူများကို မုံရွာမြို့နယ် ပလဖ (တာဝန်ခံ)ကို အာကူးဦး ဆောင် ၍ မြို့နယ် ပလဖ တပ်ဖွဲ့ဝင် ရဲဘော်များကကြိုးစားမှုကြောင့် ၁၂ နာရီ အတွင်း ဖော်ထုတ် ဖမ်းဆီး နိုင်ခဲ့ခြင်းဖြစ်ပြီး နောက်ဆက်တွဲအရေးယူမှုများ၊ သက်‌သေခံထွက်ဆိုချက်များကို မှတ်တမ်းဓာတ်ပုံ များနှင့် တကွ ဆက်လက် ထုတ်ပြန်ပေးသွားမည်ဖြစ်ကြောင်း အသိပေးထားသည်။

ဓာတ်ပုံ- ဓားပြတိုက်သူများ၏ သတ်ဖြတ်မှုကြောင့် သေဆုံးသူ စီးပွားရေးလုပ်ငန်းရှင် မမို့မို့စန်း။

26/12/2024

26/12/2024

ပုဂံတွင် ​ရေ​မြောင်းတူးရင်းတွေ့သည့် အဖိုးတန် ရှေးဟောင်း​ပစ္စည်းများ စစ်ကောင်စီ အစဖျောက်
သွားပြီဟုဒေသခံများပြော

■​တွေ့ရှိ​သော​ရွှေထည်အ​ရေအတွက်အများစု
စစ်​ကောင်စီထုတ်ပြန်မှုတွင်မပါ​တော့ဟု​ဒေသခံများ​ပြော

အိမ်သွင်/People's Spring

ပုဂံရှေးဟောင်းနယ်မြေ၊ မြင်းကပါရွာအနီးတွင် ​ရေ​မြောင်းတူးရာမှတွေ့ရှိသောရွှေဆင်းတုတော် နှင့် ရွှေသံလျက်အပါအဝင် ရှေးဟောင်းပစ္စည်းများဖြစ်စဉ်ကို ရွှေထည်အများအပြားထိန်ချန်ပြီး စစ်ကောင်စီကသတင်းထုတ်ပြန်လာသည်ဟု ဒေသခံများကပြောသည်။

မြင်းကပါရွာအနီးတွင် စက်တင်ဘာလ၂၀ရက်က ရေမြောင်းဖောက်ရန်မြေတူးရာမှ အလေးချိန် ၅ပိသာခန့်ရှိသည့် ရွှေဆင်းတုတော်အပါအဝင် ရွှေသံလျက်၊ရွှေစလွယ်နှင့် လက်ဝတ်ရတနာများ တွေ့ရှိခဲ့ခြင်းဟု ဒေသခံများကပြောသည်။ရွှေသံလျက်၊ ရွှေစလွယ်၊ရွှေဘယက်နှင့် ရွှေဆင်းတုတော်အပြင် လက်ဝတ်ရတနာအများအပြားကို မြေတူးလုပ်
သားများက အိုးလိုက်တွေ့ရှိခြင်းဟုသိရသည်။

စစ်ကောင်စီက ယနေ့(ဒီဇင်ဘာလ၂၆ရက်) ၌ သတင်းထုတ်ပြန်လာရာ ရွှေလက်ကောက် ၁၀ ကွင်း၊ ရွှေလုံး ၂ ခု၊ ရွှေဘယက်အချို့တွေ့ရှိခဲ့ကြောင်းနှင့် အဆိုပါပစ္စည်းများကို ထုခွဲရောင်းချသူ သုံးဦးအား ဖမ်းဆီးထားပြီး ၁၁ဦးလွတ်မြောက်နေသည်ဟု ဖော်ပြထားသည်။ဖမ်းဆီးထားသူသုံးဦးနှင့် လွတ်မြောက်နေသူ ၁၁ဦးကို ပုဂံနယ်မြေ ရဲစခန်း၌ ရှေးဟောင်းဝတ္ထုပစ္စည်းများ ကာကွယ်ထိန်းသိမ်းရေး ဥပဒေပုဒ်မ ၁၇/၁၉ ဖြင့် အမှုဖွင့်ထားပြီး အရေးယူနိုင်ရေးဆောင်ရွက်​နေသည်ဟု စစ်ကောင်စီက ဆိုသည်။

ထို့ကြောင့် စစ်ကောင်စီနှင့် ရဲတပ်ဖွဲ့က တန်ဖိုးကြီးရှေးဟောင်းပစ္စည်းအများအပြားကို သက်သေ
ခံပစ္စည်းစာရင်းတွင် သွင်းမထားဘဲ ယူဆောင်သွားပြီဟု ဒေသခံများက ပြောသည်။

"ဒီအမှုကို ကျနော်တို့အမြဲမပြတ်နားစွင့်နေခဲ့တာ။ ရတဲ့ရှေးဟောင်းပစ္စည်းကမနည်းဘူး။ ရဲတွေသိမ်းသွားတာတော်တော်များတယ်။ အခုသတင်းထုတ်ပြန်လာတော့ ရွှေထည်ကနည်းနည်းလေးဖြစ်နေတယ်။ စစ်တပ်နဲ့ရဲ ပေါင်းပြီး ခိုးသွားပြီ" ဟု ဒေသ
ခံတစ်ဦးကပြောသည်။

အဆိုပါအမှုကို စစ်ကောင်စီနှင့် ရဲတပ်ဖွဲ့က စတင်ကိုင်တွယ်စဉ်ကတည်းကရှေးဟောင်းပစ္စည်းအ
များအပြား သိမ်းယူသွားပြီး ပစ္စည်းတချို့သည် စစ်ကောင်စီလက်ထဲ၌ အစအနပျောက်နေသည်ဟု ရှေးဟောင်းပစ္စည်းကျွမ်းကျင်သူအချို့ကထောက်ပြခဲ့သည်။

စတင်တွေ့ရှိသည့် ပန်းရံလုပ်သားနှင့် ရေ‌မြောင်းတူးဖော်ခွင့်ရသူ ကန်ထရိုက်တို့ကြား ဝေစုခွဲရာမှ
အဝေမတည့်ဖြစ်ပြီး စစ်ကောင်စီနှင့် ရဲတပ်ဖွဲ့ထံ သတင်းပေါက်ကြားသွားပြီးနောက် ယင်းကဲ့သို့ သိမ်းဆည်းခံရခြင်းဟုစုံစမ်းသိရသည်။

တူးဖော်တွေ့ရှိခဲ့သည့် ရှေးဟောင်းပစ္စည်းများ၏
စာရင်းကို အတိအကျမသိရသေးဘဲ သိန်းပေါင်းသောင်းချီတန်ကြေးရှိသည်ဟု ဒေသခံများက ခန့်မှန်းကြသည်။ စစ်ကောင်စီက ယခုထုတ်ပြန်လာရာတွင်လည်း အသေးစိတ်ဖော်ပြခြင်းမရှ်ိသလို တူးဖော်တွေ့ရှိသည့်ပစ္စည်းစုစုပေါင်း၏ ဆယ်ပုံတစ်ပုံပင်မရှိကြောင်း ဒေသခံများကပြောသည်။

ရှေးဟောင်းပစ္စည်းများအား အရည်ကြိုစဉ် ၅
ပိဿာခန့်ရှိ ရွှေဆင်းတုတစ်ဆူကို အရည်မကြိုဘဲ ဘုန်းကြီးကျောင်းသို့ပို့ဆောင်ထားသည်ကို စစ်ကောင်စီကသွားရောက်သိမ်းဆည်းသွားသည်ဟု ဒေသခံများကပြောကြားခဲ့ပြီး ယခုစစ်ကောင်စီထုတ်ပြန်သည့်စာရင်းတွင် အဆိုပါ ရွှေဆင်းတုပါဝင်လာခြင်းမရှိပေ။ရွှေသံလျက်၊ရွှေစလွယ်နှင့် လက်ဝတ်ရတနာများကို စစ်ကောင်စီနှင့် ရဲတပ်ဖွဲ့က ခွဲဝေယူဆောင်သွားကြပြီဟု ပုဂံဒေသခံ ဆယ်ဦးထက်မနည်းကပြောသည်။

တွေ့သည့် ပစ္စည်းစာရင်းများအရ ရှေးခေတ်ဘုရင်များလက်ထက် သင်္ချိုင်းရာဖြစ်ဖို့များပြီး ဘုရင့်အသုံးဆောင်များဖြစ်နိုင်သည်ဟု ရှေးဟောင်းသု‌ တေသနပညာရှင်တစ်ဦးက သတင်းစတင်ထွက်ပေါ်ခဲ့သည့် အချိန်ကတည်းကမှတ်ချက်ပြုရေး
သားခဲ့သည်။

"ရှေးပစ္စည်းတွေရတယ်ဆိုတဲ့ သတင်းက လာလာပေးကြပေမယ့် သစ်သားဆင်းတု၊ ကြေးဆင်းတုလောက်ဖဲ ထင်ထားတာ။ ခုလို သိန်းသောင်းချီတန်တဲ့ ရွှေထည်တွေ တွေ့လိမ့်မယ်လို့ ထင်မထားမိတာတော့ အမှန်ပါဘဲ။ ခုလို ဖုံးမရဖိမရဖြစ်လာတာကလည်း တန်ဖိုးကြီး၊ ပစ္စည်းအရည်အတွက်များလို့ဆိုတာ သေချာတယ်" ဟု အဆိုပါပညာရှင်က လူမှုကွန်ရက်မှတစ်ဆင့် သုံးသပ်ခဲ့သည်။

ပုဂံတွင် ပြီးခဲ့သည့်စက်တင်ဘာလကလည်း မိုး
သည်းထန်စွာရာသွန်းပြီး အေဒီ ၁၂ ရာစုနှင့် ၁၃ ရာစု လက်ရာ ရွှေစည်းခုံ၊ သဗ္ဗုညု အပါအဝင် စေတီပုထိုးနှင့် ရှေးဟောင်းအဆောက်အဦ ၁၂ ခု ထိခိုက်ပျက်စီးခဲ့သည်။ ထိုစဉ်ကလည်း ရှေး
ဟောင်းပစ္စည်းများ တွေ့ရှိခဲ့ကြောင်း သတင်းများထွက်ပေါ်ခဲ့သည်။

ထို့အပြင် စစ်ကောင်စီ ခေါင်း ဆောင်ဗိုလ်ချုပ်မှူးကြီး မင်းအောင်လှိုင်နှင့်စစ်တက္ကသိုလ် တပတ်စဉ်ထဲတက်ခဲ့သည့် လက်ရှိ သာသနာရေးနှင့်ယဉ်
ကျေးမှု ဝန်ကြီး ဦးတင်ဦးလွင်နှင့် ရှေးဟောင်း
သုတေသနနှင့် အမျိုးသားပြတိုက်ဦးစီးဌာန (ပုဂံဌာနခွဲ)ညွန်ကြားရေးမှူး ဦးကျော်မျိုးဝင်းတို့က ပုဂံရှေးဟောင်းယဉ်ကျေးမှုနယ်မြေ၌ ရေစီးရေလာကောင်းမွန်ရေးဟုအကြောင်းပြကာ ရေမြောင်းများတူးဖော်နေခြင်းသည် ရှေးဟောင်းပစ္စည်းများရှာဖွေခြင်းဟု ဝေဖန်ခံခဲ့ရသည်။ ​ရေ​မြောင်းတူး​ဖော်ရာတွင်လည်း အ​ဟောင်းကိုပြန်​ဖော်ခြင်းမဟုတ်ဘဲ ​ရေ​မြောင်းအသစ်များသာတူး​နေခြင်းဖြစ်၍​ရေ​မြောင်းတူးသည်အ​ကြောင်းပြကာ ​ရှေး​ဟောင်းပစ္စည်းများရှာ​ဖွေ ​နေကြခြင်းဖြစ်နိုင်​ကြောင်း​​ဒေသခံများက​​ပြောသည်။

ယဉ်ကျေးမှုအမွေအနှစ် အပေါ် ထိခိုက်မှု ရှိ၊မရှိ လေ့လာဆန်းစစ် ချက် (HIA) မပြုလုပ်ဘဲ ​ရေ​မြောင်းများ​တူး​နေမှုများအတွက် ရှင်းလင်းရန်ထုချေလွှာတင်ရန် စစ်ကောင်စီယဉ်ကျေးမှုဝန်ကြီးဌာနသို့ ယူနက်စကိုအဖွဲ့က တောင်းဆိုခဲ့သည်။ဦးကျော်မျိုးဝင်းသည် ပြီးခဲ့သည့်စက်
တင်ဘာလတွင် ဌာနပြောင်းရွှေ့သွားပြီဖြစ်သည်။

(​​ရှေး​ဟောင်းယဥ်​ကျေးမှုနယ်​မြေတွင် ရေ​မြောင်းတူး​နေ​သော အဖွဲ့တဖွဲ့ အနားယူ​နေသည်ကို ၂၀၂၃ နှစ်ကုန်ပိုင်းက​တွေ့ရစဥ်။ဓါတ်ပုံ-CJ)