Mini Mart & Liquor Store Whole Sale and Retail
13/09/2024
စေတီဟောင်းများ ပြုပြင်ရခြင်းအကျိုး
++++++++++++ တိပိဋက မြန်မာပြန်
၁။ စေတီဟောင်းကို ပြုပြင်သောဘဝမှ ကွယ်လွန်ပြီးနောက်
တာဝတိံဿာ နတ်ပြည်၌ ဖြစ်ရခြင်း ၊
၂။ နတ်ပြည်၌ ယူဇနာ၆၀မြင့် ယူဇနာ၃၀ကျယ်သော ရွှေဗိမာန် ပေါ်ပေါက်ခြင်း ၊
၃။ အကြိမ် ၃၀၀ နတ်မင်းဖြစ်ရ ၊ ၂၅ကြိမ် စကြာဝတေးမင်း ဖြစ်ရခြင်း ၊
၄။ ဘဝကြီးငယ် အသွယ်သွယ်၌ စည်းစိမ်ဥစ္စာ ပြည်စုံခြင်း ၊
၅။ ထမ်းစင်စီး(ဝါ) ဆင်စီး၍ လိုရာခရီး သွားရခြင်း ၊
၆။ သွားလေရာရာ သစ်ငုတ် ဆူး မထိခိုက်ခြင်း ၊
၇။ နူနာ အိုင်းအမာနာ ပွေးညှင်းနာ ဝက်ရူးနာ ခြေဖဝါကွဲနာ ဝဲနာ ယားနာများ မဖြစ်ခြင်း ၊
၈။ ခန္ဓာကိုယ်ပေါ်၌ အဖုအလုံး မရှိ ၊ မပေါ်ပေါက်ခြင်း ၊
၉။ လူ့ဘဝ နတ်ဘဝ ၂မျိုး၌သာ ကျင်လည်ရခြင်း ၊
၁၀။ ဘဝဆက်တိုင်း ရွှေအဆင်းရှိခြင်း ၊
၁၁။ မနှစ်ဖွယ်ရာများကို မတွေ့ရ နှစ်သတ်ဖွယ်များကိုသာ တွေ့ရခြင်း ၊
၁၂။ စိတ်စင်ကြယ်ပြီး တည်ကြည်ခြင်း ၊
၁၃။ တစ်ထိုင်တည်းဖြင့် အရဟတ္တဖိုလ်သို့ ဆိုက်ရောက်ခြင်း ( ရဟန္တာ ဖြစ်ခြင်း)
🛡🛡🛡🛡🛡🛡🛡🛡🛡🛡🛡🛡🛡🛡🛡🛡
၁။ပဒုမုတ္တရဘဂဝတော ၊ လောကဇေဋ္ဌဿ တာဒိနော။
ဝိပိနေ စေတိယံ အာသိ ၊ ဝါဠမိဂသမာကုလေ။
🙏 လောက၌ အကြီးအမှူးဖြစ်၍ တာဒိဂုဏ်နှင့် ပြည်စုံတော်မူသော ပဒုမုတ္တမြတ်စွာဘုရား၏ စေတီသည် သားရဲ
တိရိစ္ဆာန်တို့ဖြင့် ရောပြွမ်းသော တော၌ ရှိ၏။
၂။န ကောစိ ဝိသဟိ ဂန္တုံ ၊ စေတိယံ အဘိဝန္ဒိတုံ။
တိဏကဋ္ဌလတောနဒ္ဓံ ၊ ပလုဂ္ဂံ အာသိ စေတိယံ။
🙏တစုံတယောက်သောသူသည် စေတီတော်ကို ရှစ်ခိုးခြင်းငှါ မသွားဝံ့ချေ။ စေတီသည် မြက် ထင်းနွယ် တို့ဖြင့် မြှေးယှက်အပ်သည်ဖြစ်၍ ပျက်စီးလျှက် ရှိ၏။
၃။ဝနကမ္မိကော တဒါ အာသိ ံ၊ ပိတုမာတုမတေနဟံ။
အဒ္ဒသံ ဝိပိနေ ထူပံ ၊ လုဂ္ဂံ တိဏလတာကုလံ။
🙏ထိုအခါ ငါသည် အမိအဖတို့ ကွယ်လွန်သဖြင့် တော၌ အမှုလုပ်သောသူ ဖြစ်၏။တော၌ မြက်နွယ်တို့ဖြင့် မြှေးယှက်လျှက် ပျက်စီးသော စေတီကို တွေ့မြင်ရ၏။
၄။ဒိသွာနာဟံ ဗုဒ္ဓထူပံ ၊ ဂရုစိတ္တံ ဥပဋ္ဌဟိ ံ။
ဗုဒ္ဓသေဋ္ဌဿ ထူပေါယံ ၊ ပလုဂ္ဂေါ အစ ္ဆတီ ဝနေ။
🙏ငါသည် မြတ်စွာဘုရား စေတီတော်ကို ဖူးမြင်ရ၍ ဘုရားမြတ်၏ ဤစေတီသည် တော၌ ပျက်စီးလျက်နေ၏ဟု ရိုသေလေးစားသောစိတ်ကို ဖြစ်စေခဲ့၏။
၅။နစ်ဆန်နံ နပ်ပတိရူပံ ၊ ဇာနန်တဿ ဂုဏာဂုဏံ။
ဗုဒ္ဓထူပံ အသောဓေတွာ ၊ အညံ ကမ္မံ ပယောဇယေ။
🙏ဂုဏ်ရှိဂုဏ်မဲ့ကို သိသောငါသည် ဘုရားစေတီကို မသုတ်သင်မူ၍ အခြားအမှုကိစ္စကို အားထုတ်ခြင်းသည် မသင့်တော် မလျှောက်ပတ်ချေ။
၆။တိဏကဋ္ဌဉ္စ ဝလ္လိဉ္စ ၊ သောဓယိတွာန စေတိယေ။
ဝန္ဒိတွာ အဋ္ဌ ဝါရာနိ ၊ ပဋိကုဋိကော အဂစ ္ဆဟံ။
🙏ငါသည် စေတီတော်၌ မြက်ထင်းကို၎င်း နွယ်ကို၎င်း သုတ်သင်၍ ရှစ်ကြိမ်တိုင်တိုင် ရှစ်ခိုးပြီးလျှင် နောက်ဆုတ်လျက် သွားခဲ့၏။
၇။တနေ ကမ်မနေ သုကတနေ ၊ စတေနာပဏိဓီဟိ စ။
ဇဟိတှာ မာနုသံ ဒဟေံ ၊ တာဝတိ ံသမဂဈဆဟံ။
🙏ငါသည် ကောင်းစွာပြုအပ်သော ထိုကောင်းမှုကံကြောင့်၎င်း စေတနာတောင့်တမှုကြောင့်၎င်း လူ၌ဖြစ်သောကိုယ်ကို စွန့်၍ တာဝတိ ံနတ်ပြည်သို့ ရောက်ခဲ့၏။
၈။တတ္ထ မေ သုကတံ ဗျမှံ ၊ သောဝဏ္ဏံ သပဘဿရံ။
သဋ္ဌိယောဇနမုဗ္ဗိဒ္ဓံ ၊တိ ံသယောဇနဝိတ္ထတံ။
🙏ထိုနတ်ပြည်၌ ငါ၏ကောင်းစွာပြုအပ်သော ဗိမာန်သည် ရွှေဖြင့်ပြီး၏၊ ပြိုးပြိုးပြက်ပြက် ထွက်သောအရောင်ရှိ၏၊ ယူဇနာ၆၀မြငိ့၏၊ ယူဇနာ၃၀ကျယ်၏။
၉။တိသတာနိ စ ဝါရာနိ ၊ ဒဝရေဇျဇမကာရယိ ံ။
ပဉ္စဝီသတိက္ခတ္တုဉ္စ ၊ စက္ကဝတ္တီ အဟောသဟံ။
🙏အကြိမ်ပေါင်း၃၀၀တိုင်တိုင်လည်း နတ်မင်း အဖြစ်ကို ပြုခဲ့၏၊ ငါသည် စကြာဝတေးမင်း ၂၅ကြိမ်လည်း ဖြစ်ခဲ့၏။
၁၀။ဘဝါဘဝေ သံသရန္တော ၊မဟာဘောဂံ လဘာမဟံ။
ဘောဂေ မေ ဦနတာ နတ္ထိ ၊ သောဓနာယ ဣဒံ ဖလံ။
🙏ငါသည် ဘဝကြီးငယ်၌ ကျင်လည်သည်ရှိသော် ဥစ္စာစည်းစိမ်များစွာကို ရ၏၊ ငါ့အား စည်းစိမ်ဥစ္စာသည် ယုတ်လျော့ခြင်းသည် မရှိ၊ ဤသို့ ဖြစ်ရခြင်းသည် စေတီကို သုတ်သင်ပြုပြင်ရခြင်း၏ အကျိုးတည်း။
၁၁။သိဝိကာ ဟတ္ထိခန္ဓေန ၊ ဝိပိနေ ဂစ္ဆတော မမ။
ယံ ယံ ဒိသာဟံ ဂစ်ဆာမိ ၊ သရဏံ သမ်ပတေ ဝနံ။
🙏ထမ်းစင်ဖြင့်ဖြစ်စေ ဆင်ကျောက်ကုန်းဖြင့်ဖြစ်စေ အလိုရှိရာအရပ်သို့ သွားတိုင်းသွားတိုင်းသော ငါ့အား တောသည် ကိုးကွယ်ရာအဖြစ်ဖြင့် ပြီးစီး၏
၁၂။ခါဏုံ ဝါ ကဏ်ဋကံ ဝါပိ ၊ နာဟံ ပဿာမိ စက်ခုနာ။
ပုညကမ္မေန သံယုတ္တော ၊ သယမေဝါ ပနီယရေ။
🙏ငါသည် သစ်ငုတ်ကို၎င်း ဆူးကို၎င်း မျက်စိဖြင့် မတွေ့မြင်ရချေ၊ ကောင်းမှုကံနှင့် ယှဉ်သည်ဖြစ်၍ အလိုလိုသာလျှင် ဖဲသွားကုန်၏။
၁၃။ကုဋ္ဌံ ဂဏ္ဍော ကိလာသော စ ၊ အပမာရော ဝိတစ ္ဆိကာ။
ဒဒ်ဒု ကစ်ဆု စ မေ နတ်ထိ ၊ သောဓနာယ ဣဒံ ဖလံ။
🙏နူနာ၎င်း အိုင်းအနာ၎င်း ပွေးညှင်းနာ၎င်း ဝက်ရူးနာ၎င်း ခြေဖဝါးကွဲနာ၎င်း ဝဲနာ၎င်း ယားနာ၎င်း (ဤအနာတို့သည်) ငါ့အား မရှိကုန်၊ ဤသို့ ဖြစ်ရခြင်းသည် စေတီတော်ကို သုတ်သင်ပြုပြင်ရခြင်း၏ အကျိုးပေတည်း။
၁၄။အညမ္ပိ မေ အစ္ဆရိယံ ၊ ဗုဒ္ဓထူပဿ သောဓနေ။
နာဘိဇာနာမိ မေ ကာယေ ၊ ဇာတံ ပိဠကဗိန်ဒုကံ။
🙏ဘုရားစေတီကို သုတ်သင်ပြုပြင်ရခြင်းကြောင့် (ဆိုအပ်ခဲ့ပြီးသည်မှ) တပါးသော အံသြဖွယ်သည် ငါအား ဖြစ်ပေါ်ခဲ့၏၊ ငါ၏ကိုယ်၌ အဖုငယ် ပေါက်ရောက်သည်ကိုမျှ မသိရပေ။
၁၅။အညမ္ပိ မေ အစ ္ဆရိယံ ၊ ဗုဒ္ဓထူပမှိ သောဓိတေ။
ဒုဝေ ဘဝေ သံသရာမိ ၊ ဒေဝတ္တေ အထ မာနုသေ။
🙏ဘုရားစေတီ၌ သုတ်သင်ပြုပြင်ခြင်းကြောင့် အခြားတပါးသော အံ့သြဖွယ်သည် ငါ့အားဖြစ်ပေါ်ခဲ့၏၊ နတ်ဘဝ၎င်း ထိုမှတပါး လူ့ဘဝ၎င်း ဤဘဝနှစ်ပါး၌သာ ကျင်လည်ရ၏။
၁၆။အညမ္ပိ မေ အစ ္ဆရိယံ ၊ ဗုဒ္ဓထူပမှိ သောဓိတေ။
သုဝဏ္ဏ ဝဏ္ဏော သဗ္ဗတ္ထ ၊ သပ္ပဘာသော ဘဝါမဟံ။
🙏ဘုရားစေတီ၌ သုတ်သင်ပြုပြင်ခြင်းကြောင့် အခြားတပါးသော အံ့သြဖွယ်သည် ငါ့အားဖြစ်ပေါ်ခဲ့၏၊ ငါသည် ခပ်သိမ်းသောဘဝတို့၌ ရွှေအဆင်းနှင့်တူသော အဆင်းရှိသောသူ အရောင်ရှိသောသူ ဖြစ်ရပေ၏။
၁၇။အညမ္ပိ မေ အစ ္ဆရိယံ ၊ ဗုဒ္ဓထူပမှိ သောဓိတေ။
အမနာပံ ဝိဝဇ္ဇတိ ၊ မနာပံ ဥပတိဋ္ဌတိ။
🙏ဘုရားစေတီ၌ သုတ်သင်ပြုပြင်ခြင်းကြောင့် အခြားတပါးသော အံ့သြဖွယ်သည် ငါ့အားဖြစ်ပေါ်ခဲ့၏၊ မနှစ်သက်ဖွယ် ဟူသမျှသည် ကင်းရှင်း၏၊ နှစ်သက်ဖွယ်ဟူသမျှသည် ကပ်၍တည်၏။
၁၈။အညမ္ပိ မေ အစ ္ဆရိယံ ၊ ဗုဒ္ဓထူပမှိ သောဓိတေ။
ဝိသုဒ္ဓံ ဟောတိ မေ စိတ္တံ ၊ ဧကဂ္ဂံ သုသမာဟိတံ။
🙏ဘုရားစေတီ၌ သုတ်သင်ပြုပြင်ခြင်းကြောင့် အခြားတပါးသော အံ့သြဖွယ်သည် ငါ့အားဖြစ်ပေါ်ခဲ့၏၊ ငါ၏ စိတ်သည် အထူးစင်ကြယ်၏၊ တခုတည်းသော အာရုံရှိသည် ဖြစ်၍ ကောင်းစွာတည်ကြည်၏။
၁၉။အညမ္ပိ မေ အစ ္ဆရိယံ ၊ ဗုဒ္ဓထူပမှိ သောဓိတေ။
ဧကာသနေ နိသီဒိတွာ ၊ အရဟတ္တမပါပုဏိ ံ။
🙏ဘုရားစေတီ၌ သုတ်သင်ပြုပြင်ခြင်းကြောင့် အခြားတပါးသော အံ့သြဖွယ်သည် ငါ့အားဖြစ်ပေါ်ခဲ့၏၊ တထိုင်တည်းဖြင့် နေ၍ အရဟတ္တဖိုလ်သို့ ရောက်ခဲ့၏။
၂၀။သတသဟဿိတော ကပ္ပေ ၊ ယံ ကမ္မမကရိ ံတဒါ။
ဒုဂ္ဂတိ ံနာဘိဇာနာမိ ၊ သောဓနာယ ဣဒံ ဖလံ။
🙏ဤဘဒ္ဒကမ္ဘာမှ ကမ္ဘာတသိန်းအထက်၌ (ဘုရားစေတီ၌) သုတ်သက်ပြုပြင်မှုကို ပြု ခဲ့ရသော အခါမှစ၍ အပါယ်လေးပါး လားရသည်ကို မသိစဘူးပေ၊ ဤသို့ဖြစ်ရခြင်းသည် (ဘုရားစေတီအား) သုတ်သင်ပြုပြင်ရခြင်း၏ အကျိုးပေတည်း။
၂၁။ပဋိသမ္ဘိဒါ စတေဿာ ၊ ဝိမောက္ခာပိ စ အဋ္ဌိမေ။
ဆဠဘိညာ သစ်ဆိကတာ ၊ ကတံ ဗုဒ်ဓဿ သာသနံ။
🙏လေးပါးသော ပဋိသမ္ဘိဒါတိုကို၎င်း ရှစ်ပါးသော ဤဝိမောက္ခတို့ကို၎င်း ခြောက်ပါးသော အဘိညာဉ်တို့ကို၎င်း မျက်မှောက်ပြုအပ်ပါကုန်ပြီ၊ မြတ်စွာဘုရား၏ အဆုံးအမတော်ကို လိုက်နာကျင့်သုံး ပြီးပါပြီ။
�ဣတ်ထံ သုဒံ အာယသ်မာ ဥမာပုပ်ဖိယော ထရော ဣမာ ဂါထာယော အဘာသိတ်ထာတိ။
🙏 ဤသို့လျှင် အသျှင်ပဘင်္ကရမထေရ်သည် ဤဂါထာတို့ကို မိန့်ဆိုတော်မူ၏။
🙏🙏🙏ကျမ်းညွန်
�ပဘင်္ကရတ္ထေရအပါဒါန ၊ အပါဒါနပါဠိ ပ-၃၁၀ ၊ ၃၁၁ ၊ ခုဒ္ဒကနိကာယ ထေရာပဒါနပါဠိ။
#တိပိဋကမြန်မာပြန်
