03/10/2024
متشريش موطور مزال مخرجاتش ليه البلاكة خصوصا موطور باقي يلاه ضارب شهر ولا شهرين 👍 علاش !!
أولا : متشريش عند شخص مكتعرفوش ولا فشي مدينة بعيدة ✅
ثانيا : متشريش موطور بالوكالة ولا إلتزام حيث مغاديش ياكل ليك خصوصا إلى تشد ليك الموطور فشي مخالفة فيها الحجز ضروري خاصك مول الموطور لي بسميتو هو لي غادي إخرجو ليك ✅
ثالثا : متشريش موطور موديل أقل من 2015 ومراكباش ليه البلاكة حيث مغاديش تقدر تردو بسميتك لأنه أي موديل أقل من سنة 2015 وبغيتي تركب ليه بلاكة ضروري خاصك تمشي حتى كازا وفيها بززاف ديال الطلوع والهبوط حسب القانون الجديد ديال Narsa ✅
وبطبيعة الحال متبيعش موطور باقي مخرجاتش ليه بلاكة لأنه مزال محسوب عليك وأي حاجة وقعات بالموطور كتبقى نتا ديما طرف فيها لأنك نتا المسؤول المدني ونتا لي الموطور بسميتك ✅
بغيتي تشري ولا تبيع موطورك تكاتب مع مولاه وكتبو بسميتو وتبعو حتى إرجع شهادة ملكية الدراجة بسميتو باش تهنى وتنسى داك الموطور ديرها فراسك هادي 👍
والقانون لايحمي المغفلين ✅
