ابو القنادر

07/07/2023

تراك رجالي خامه درجه اولى
نفس الي بصوره اي اختلاف ارفض الطلب
سعر القطعة 15الف
قطعتين 25 الف
توصيل كل محافظات العراق 🚕5الاف
قياسات ستندر M-L _XL_XXL

21/06/2023

صباحكم سعادة والسعادة يعني اني اكيد
صباحكم حب والحب يعني اني اكيد
صباحكم لوز واللوز يعني اني اكيد
صباحكم راحة والراحة يعني اني اكيد

صارلي أسبوع إقرأ كتاب تطوير الذات وكيف تكون نرجسي ب امتياز يعني تحملوني كاعد اطبق الي قريته براسكم يا بعد گلبي وغراضه
باعولي اليوم جايبلكم قنبله الموسم صاروخ الزمان والمكان ويعني ابو القنادر صاحب المشاريع الشگاكية الانفلاقيه صفنت على القنادر الي نجعصن بالزلزال كلت راح اتفرج وابقى ساكت ؟
اكيد لا طبعا لا شي اكيد لا
وعليهِ اني شخصياً ابو القنادر اعلن لكم هذا الخبر العاجل 🚨🚨🚨🚨
راح اصير من ابو القنادر الى ابو التراكسودات 😎
حتى اكمل كشختكم حبايبي اهم شي اطلعكم تطكون بالكاع
وقد جاء هذا القرار بعد تفكير طويل وعميق گلت لازم ارجعلكم بسالفه جديده
عيب عليه ارجعلكم وايدي فارغه 😂
ونختم هذا الحديث بهذه الفكره يا روحه لابو القنادر حفظني الله لكم وادامني لتكشيخكم دائمآ وابدا كولوا امين 🙂

راح يجلطكم_بافكاره_العظيمة

20/06/2023

مساكم الله بالخير والعافية حبايب گلبي
العشق الاول والاخير يا بعد گلبي وغراضه والله حاير منين ابدي وياكم مستحي منكم الله شاهد بس فد نددددددمممماااااااان لان عفتكم هل فترة .. وهسه جابني الشوگ
راح تكلولي وين جنت مختفي انتوا تعرفون اني من اختفي يعني مشغول تعرفون بعد اهم رجل اعمال بالكرة الارضية ..
وجنت هم صافن بزماني تعرفون يعني رجل اعمال مهم خوما يبقى على مشروع واحد
لا طبعاً لازم فد ٦ او ٧ مشاريع يلا استقر
اي حبيبي اهم شي عندي اوفرلك كلشي تريده وتحتاجه من كل بلدان ألعالم ..
خاف عبالكم علمود ازيد الفلوس لالا قلطانين كلش 🫠
والعباس ابو فاضل عندي الكم مشروع جديد الا بشدة بس شنو لازم اتكتك زين اي بعد رجل اعمال
خوما افتح اي مشروع طبعا لا
هسه هذا الفلم الي كلته الكم فوك كله حطولياه على صفحة ..
الحقيقة بالزلزال وكعت الشقة على راسي وكوه طلعت قنادري الناس تسحب احبابها من جوه الانقاض اني اسحب قنادري وتخيلوا انتوا ..
المهم حبايبي غيركم ماعندي وغيري ماعدكم ..


الاشتياق

وعاشوا عيشة سعيده وباجر قندرة جديده

23/07/2022

اليوم ابو القنادر الطاك ضايج من الادمنية شوفوا بعينكم الشخصيات الي مجاي يجاوبون عليها
حايرين يجاوبولي الي ضام القطعة يمة صار شهر وهسه اكتشف انو جبيرة چا الشهر ٣٠ يوم مفطنت الغندرة جبيرة
عوفك من هذا خلي اجاوب العالم رغم مشغول بس ميخالف

يولي آمبر اني مو نصحتج تاخذين من قنادري حتى جون ميطلكج هيج احسلج هسه
شسوي متسمعين كلامي

مارك حبيبي احلى قندرة ضاملك بس طيارتي الخاصة بالصيانة جان دزيتها خلال ٥ دقايق توصلك انطيني مجال لتلح

حجي عاصي الحلاني مشيها بس هل حفلة بدون قنادري والباقي يمي عيب من العالم اشتروا التذاكر بعد

وكلها بجفة وريال وبرشلونة بجفة ثانيةً
لو يطلعولي طاقتهم بالملعب بمكان ما واحد يتشمت بالثاني جان احنه بخير وصحة وعافية وستر

شاروخان حبيبي ساعة ب ٩ توصلك القندرة جبتها الك ركض بشرفي
طبعا هاي المسجات عدا الاتصالات
انطوني مجال يمعودين كلكم البسكم قنادري

😑




👞

👞عاشت عيشة سعيدة باجر قندرة جديدة 👞

11/07/2022

مساكم الله بالخير والعافية أعزائي وأحبائي زبائن ابو القنادر الكرام
عمي اليوم ابو القنادر جايبلكم خبر يطگ بالكاع مو خبر عادي لا بويه تكول غنبلة مو هيج
طبعا من هذا المنبر حاب ابشركم خويكم ابو القنادر فتحلكم معمل خاص بي يصنعلكم الي يعجبكم والاهم من هذا جماعة الجملة راح اوفرلك العدد الي يعجبك شتريدون بعد واحتمال احتمال اشد حيلي واسويلكم قياسات خاصة جماعة ال ٤٧ الى ٥٠ 🌚🌚 بس محتاج دفعه صغيره + تشجيع
احتمال حتى قنادر ابو الاصبع اسوي
تجار العراق شلونكم بعد گلبي 😂
المهم حبايب البي انتظروني قريبا جدا
وبما انو اني شخصية ممطروقة ومشهورة ومنفلقة خاف اختفي وزعوا على روحي ثواب بشرفكم 😂😂

👞

👞وعاشت عيشة سعيدة باجر قندرة جديدة 👞

09/07/2022

مساكم الله بالخير والعافية والصحة والسلامة :-
اما بعد اخوكم ابو القنادر حاب يهنيكم بحول عيد الاضحى المبارك نتمنا لكم عيدًا مباركً
أعاده الله عليكم باليمن والمسرات، وتقبل الله منا ومنكم صالح الأعمال.

اي حبايب البي مستحيل تمر مناسبة بدون ما اطل عليكم ب إطلالتي البهية جا اني شوية غير ابو القنادر صكار تجار القنادر في العراق العظيم

مع تمنياتي لكم بالصحة والسلامة دائمًا وأبدآ
والي يذبح يندل محلي حبايبي 🐏🤫

👞عاشت عيشة سعيدة باجر قندرة جديده 👞

👞 👞

06/07/2022

محبوب الجماهير باقي منه ٤١ فقطططط

سعره ١٢ الف فقططط

06/07/2022

ابو القنادر هو وصافن سوالكم عرض بهاي القطعة الرقيقة الخفيفة

باقي منها ٤١ و ٤٢ فقط ابيض واسود جلد صناعي

السعر القديم ١٨ الف

السعر الجديد ١٦ الف

كولوا ابو القنادر موخوش 🌚😎

01/07/2022

ويعني ابو القنادر فدوة لگلبة شغلته بالحياة يجيبلكم القنادر الزينة والعروض الخرافية

شوف حبيبي شوف القندرة بالبحر جاي تتشمس لان نفسيتها تعبانة
شوف حبيبي هاي القطع مريحة جميله ظريفه براسها ٦٠ حظ
تلبس ويه برموده بنطرون حتى ويه دشداشه
بيها كل البلى ٧ صنايع الله وكيلكم

طبعا هاي صنعت خصيصًا لزبائن ابو القنادر العجوزية حتى ميتعب نفسه ويشد قيطانة
هاي القندرة مايلبسها ياهو الجان حصرا للكشاخة العجوزي
لا يهمها مي ولا مطر ولا تراب ولا حتى كوارث كونية
يا جبل ميهزك ريحححح طبعا مع تحياتي لحسون

الوانها
الاسود والدبان ابيض
الاسود سادة
الرصاصي فاتح
الرصاصي غامق
النيلي

العرض الي يطك بالكاع

قطعه ٢٠ الف
قطعتين ٣٥ الف
٣ قطع ٥٠ الف

هاي القطعه فقط مدللة توصيلها مجاني





👞عاشت عيشة سعيدة باجر قندرة جديدة 👞

30/06/2022

وياكم ابو القنادر من جديد مع غواصة الموسم مع حورية البحر مع الجمال والاناقة والخفية خفيفة لدرجة اهلها ممربيها ابد هاي القطعة الشعب العراقي كله يرغبها لان كاتلهم العجز محسسني راح يحضر علم الذرة مو شدة قيطان من مميزات هذه القندرة الجميلة ضد الماء ضد الحر ضد الغبار ضد الريحة الي تخلي الكاعد يمك يبجي

مع ابو القنادر البس قنادري ولا أخسر اصدقائي

عندك الرصاصي فاتح ضيم مو غندرة تكول جبل النيلي قلم الجاف ميلحكة
الاسود استحي امدحة
الرصاصي غامق دولة وعلم
احجز هسه تاج راسي الموديل هذا اسبوع ميطول

سعرها ٢٠ الف مع التوصيل مجانًا ❌فقط هاي القطعه توصيلها مجاني مو تكول مكلي ابو القنادر

👞

👞عاشت عيشة سعيدة باجر قندرة جديدة 👞

29/06/2022

من تجيب شركة أوربية يصورون قنادرك وتدري بنفسك جنت فاشل بالتصوير مع هذا ما اكطع الامل
عندي يقين بنفسي احسن الخربطة الي جنت اسويها من اصور
او اكلكم عادي مو ضروري يعجبكم تصويري القديم المهم عاجبني فدوة لايدي شكد جنت اتعب علمودكم

المهم حبايب قلبي هاي القطعة فوك راسها ريشة مو شقة والله شوف النصبة شوف الاناقة خوب الوزن ارشق وحده بين خواتها تكول اميرة البيت مو هيج

سعرها ٢٠ الف وتوصيل مجاني
احجز يبعد عيونة لابو القنادر لان بس هاي القطعه المدلله توصيلها مجاني 🌚

28/06/2022

و ابو القنادر يحيكم من جديد مع عروض البضاعة الجديدة

بعد كله رياضة ودايت … دايت ورياضة
مش هرحم نفسيييي ابدا

المهم حبايب البي هذا الموديل شيبتوا راسي بي
دكول الشعب العراقي كله عجوزي ميحب يشد قيطان
وابو القنادر الله يحفظة الكم ميكدر يرفضلكم طلب گلبه رهيف گلب والده بعد
قطعه خفيفة رشيقة جميله
هاي القندره بالذات يرادلها تمثال على جمالها واناقتها ببسطاتها
لو تلبسها ويه دشداشة هم ترهم لا ادير بال لبرموده ولا لبنطرون وين متحطها ترهم
🎺🎺🎺🎺🎺🎺🎺
هاي اجتني بيها عرض يطك بالكاع
من كاعها سعرها 20 الف مع التوصيل مجانا فقط هاي القطعه توصيلها مجاني يعيوني

شتريد بعد متكلي قيطان ماكو ثكل ماكو ريحة قندرتك الي عامية العالم هم ماكو توصيل ماكو احجز هسه ولتكلي وره شهر اريد منها هذا الموديل ميبقى اسبوع اني اعرفه اللهم اني بلغت

👞 👞

👞عاشت عيشة سعيدة باجر قندرة جديدة 👞

25/06/2022

يبعد عيونة لابو القنادر هذا الموديل الي صار انقلاب عليه
باقي منه قياس ٤١ فقططططط ❌

ولهذا اعزائي المشاهدين الكرام سوف يتم تخفيض سعره من ١٩ الف
الى ١٥ الف فقططط ❌

17/06/2022

بعد اخوك المبلل ما يخاف من المطر

وياكم ابو القنادر من جديد حبايب گلبي
شوفلي هاي القطعه الجميله الفريدة العزيزة الرخيصة
هاي القطعة عزيزة على گلبي اجتني بس هل لون والشكل
حبيبي هاي القطعه للكشاخ الانيق مو ياهو الجان يلبسها
باع اللون الجبلي حجي اطك بالكاع
موش غندرة ضيمممم سوي تاك لصحابك الكشاخ حبيبي
تعالوا ابو القنادر ينتظركم من مميزتها يحبيبي
رخيصة وجميلة وظريفه
اذا زعلان تضحكك
اذا اكو طسة كبالك تنبهك
اذا ضايج اطلعك
اذا اكو مطر تثبتك
اذا اكو بالشارع طين لا اعرفك ولا تعرفني

وكل هذا سعرها ١٥ الف فقط الله يديمك يا رخص

توصيل بغداد ٣ الالف
توصيل محافظات ٥ الالف

👞وعاشت عيشة سعيدة باجر قندرة جديدة 👞

👞

11/06/2022

هاي كايز شو الاخبار
اسف اليوم حلكي معوج لان بردان 😁
اليوم اجواء اوربية تركيا. اني انزل هذا المنشور ومقهور على درجة الحرارة اليمكم ٤٥
اليوم مابية حيل اكعد اصفط حجي هواي لان مثل مكتلكم بردان
وبهاي المناسبة حاب اكلكم

مطر مطر يا حلبي عبر بنات الجلبي مطر مطر ياشاشه عبر بنات الباشا ...

بابا گوم سويلنااااااااا محلبييييي 😫😫

كملنا الدراما والبرد والمطر
هاي الجميلة الخفيفة الظريفة المتعوب عليها الي براسها ٦٠ حظ
بيها ضمان ١٠ سنوات ركض مطر تراب عواصف صعود 🧗 جبال نزول جبال
بيها الوان تقتل تشل اسود رصاصي فاتح ورصاصي غامق
والباقي يمك تاج راسي

سعرها ٢٠ الف

توصيل بغداد٣ الف
محافظات ٥ الف

👞وعاشت عيشة سعيدة باجر قندرة جديدة 👞

👞 👞

08/06/2022

🦎🦎🦎🦎🦎🦎🦎🦎🦎🦎🦎🦎🦎🦎

🦎🦎🦎🦎🦎ابو البريعصي 🦎🦎🦎🦎🦎

🦎🦎🦎🦎🦎🦎🦎🦎🦎🦎🦎🦎🦎🦎

ابو القنادر اليوم حب يمسي عليكم من ابو البريعصي الجديد
الانيق الجميل اللطيف
جايب الكم بضاعة اطگ بالكاع مو بضاعة ضيممم براسها ٦٠ حظ
بس شنو جانوا يصورون بالمكلوبي ومضيعين جمال قنادري رجعت اني من تركيا حتى اصورلك واجيبلك بضاعة وارجع باجر لتركيا متخيل شكد احبك واحب اكشخك اني

شوف حبيبي اناقة هل قطعة شوف شلون التمساح منتظرك تكشخ بي جنة بريعصي 🦎 جوعان طالع اللة وكيلكم ..ومثل متعرفون بضاعتي يوم ونص وتخلص تعال احجز بسرعة.

👞👞سعر القطعة 20 الف 👞👞

توصيل بغداد 3 الالف
محافظات 5 الالف

بعد گلبي حار ومكسب ورخيص الحك احجز حبيبي لتجيني بعد اسبوع اريد ام البريعصي او ام التمساح
ام البريعصي نفسها عزيزة ماتبقى اسبوع يوم ونص وتخلص هيج معلم قنادري. اني

👞وعاشت عيشة سعيده باجر قندرة جديدة 👞

👞

01/06/2022

شلووووونهم الحلوين
كلنا سمعنا بسالفة اخونا

خطية سودة بوجهي حتى اصبعة كصتة تكول مو مره صايرة جاكي شان
لو تشتغل بمكافحة الارهاب هم موهيج

المهم عيني شبابنا الموضوع صاير يخوف مو نسوان ذني صايرات بروس لي هكذا تكتب
واحنه نكولة بروسلي
فه يعيوني انتوا يجب اخذ الحيطة والحذر من هذه المخلوقات العنيفة

ومن هذا المنبر حاب أبارك لاخونا جون وعوف الحب يمعود كافي فوك ما كل يوم جنت تنطحن بالبيت نوب صارت سيرتك على لسان الكرة الارضية كلها الله وكيلك مسويتك طحين شعير
كان معكم مفتي الحب والجذب عندما يترك القنادر ويشارك في قضايا الرأي العام
شدخلني بالموضوع ما ادري بس فرحت من فاز. نشكر المحكمة العادلة الموقرة على فوز جون الي احنه مالنة علاقة بي اصلا. بس لازم ندعم العنف ضد الرجال فريقنا ناقص من كاعة ول يااااابة


😎

31/05/2022

يابه شلونهم الحلووووين
شوف عزيزي من فوائد المشروع مالتي
طبعا هاي وحده من الف لان تعرفون مو شوية ابو القنادر كله فوائد فيتامين سي صرت مو ابو قنادر
المهم

من اصعد طياره ... ويطلع طاقم الطيارة لابس قنادري ... يداروني ويدللوني
واذا يشدون حيلهم حتى يخلوني اسوق الطيارة اني
بس كتلهم تعبان شوية عذروني عود غير مره اسوقلكم
اي ثكيل مو بيدي

شلون وجبة وصيتتتتتتلكم بوووووياي مو قطع ضيم
عيني تجار العراق العظيم عزلوا شوفولكم غير مصلحة
القنادر يمي واكطع

👞 👞

👞 👞

18/05/2022

صباح الخير مساء الخير كل عام وانتوا بالف خير

هاي القطعة بهذلت احوالي واضح من بدايتي وياكم شوف الجمال شوف الاناقه هاي القطعة للكشاخة حصررررا هاي القطعة ضيم وضلايم هاي القطعة تربعت بنص گلبي شوف الترتيب شوف الجمال شوف الدبان جنها صاروخ 🚀

حبيبي الغالي نحن في عصر العالم تباوع شلابس برجلك اول واذا عرفوا لابس من ابو القنادر عيد وعرفات سوكك مشى بعد گلبي احجز ولتفكر بضاعتي يوم ونص وتخلص

سعرها ١٥ الف فقطططط

توصيل بغداد ٣ الالف فقط
توصيل محافظات ٥ الالف فقط

هاي القطعة بالذات المندوب تبرع يضحك بدون ما اجبره ابو راس اليابس اقتنع هاي القطعه شكاكية خنفشارية

مو قندره جنها العافيه هاي تنحط بمزهرية بالمعرض هاي تحفة فنية جنها طيارة حربية

👞وعاشوا عيشة سعيدة باجر قندرة جديدة 👞

👞 👞

13/05/2022

وعاد ابو القناد من جديد هو ابو القنادر لو يلح باليوم ينزل ١٠ موديلات لو يدخل بسبات يومين المهم

شوفلي هاي القطعة حبيبي هاي للذواقة هاي القطعة نار 🔥 وشرار هاي جبت منها مره ثانيه لان كفيلكم العباس الي حجز منها رجع يحجز من جديد

هاي القطعة من اول طشتها متربعة بنص گلبي جمال واخلاق ولطافة لون صيفي خريفي شتوي ربيعي يبووو متتت عليها من يومها واكع بحبها

جنها عروس الله وكيلكم هيج قطع متلكاها عد غيري ليش لان فوك راسي ريشة

احجز ولتفكر هواي صناعة تركية براسها ٦٠ حظ متفشل ضمان ٦ سنوات ضد الحر والبرد

سعر القطعة 19. الف حبيبي

مع فيل 🐘 هدية لاسرع ٣ يحجزون

توصيل
بغداد ٣ الالف
محافظات ٥ الالف

لا تجيني وره شهر اريدها القطع مالتي يوم ونص وتخلص لان براسها حظ مو قندرة جنها مزهرية تنحط على الطبلة الله وكيلك

👞وعاشوا عيشة سعيدة باجر قندرة جديدة 👞

👞

13/05/2022

ويعني ابو القنادر صاحب العروض الجميلة
الي مكشخكم الي مغركم بعروضة الي اطگ بالكاع

شوف حبيبي هاي القطعه من فصيله القطع المنقرضة تكول جنها ديناصور 🦕 موش غندرة

الاسود سيد الالوان ما اكدر امدحه هواي استحي منه ومن جماله
الرصاصي الكباري الفخامة الاناقة
الزيتوني للكشاخة للي يدور تميز ولفت أنظار الجمهور

عمكم ابو القنادر ميجيب شلون مجان كل قطعه تخبل خرافية
وها صدك شكد ما خفيفة باوعت على رجلي مرتين عبالي طالع وناسي البس قندرة

سعر القطعه ١٩ الف حبيبي

توصيل بغداد ٣ الف
توصيل محافظات ٥ الف

عندك ضمان عندك جمال عندك اناقة عندك لباقة عندك قطعة منقرضة متلكاها بس يمي لان تعرف انت بعد فوك راسي ريشة
فه يا حبيبي شمنتظر تعال اخذها وصير من جماعة الكشاخة....

👞عاشت عيشة سعيدة باجر قندرة جديدة 👞

👞 👞

11/05/2022

يبعد عيونة لابو القنادر هاي القطع لاعزاز الگلب
هاي قندرتي ضيم براسها ٦٠ حظ ادفيك تبردك واذا بنفسك ثلج هم تثلجلك اي حبيبي صدق او لا تصدق
ابو القنادر ميجيب شلون مجان بضاعتي يوم ونص
حبيبي علمودك اني

شوف الالوان حبيبي الرصاصي غامق والاسود والرصاصي فاتح ترهم.وية كل لبساتك متحيرك ولا تحيرني اشتري تره تعبتني

قياسها من ٤٠ الى ٤٤

السعر ٢٠ الف فقطططط

توصيل بغداد 3 الالف
توصيل محافظات 5 الالف

06/05/2022

غالي وغالي هاي القطعه مميزه
رقه وجمال واخلاق انهجم بيتها ع هل جمال
شوف حبيبي شكد انيقه
ميلبسها ياهو الجان حبيبي حصرا للكشاخة
من تشوفها تكول شكد ثكيله وهي ريشة ومريحة
ليش لان ابو القنادر ميجيب شلون مجان حبيبي
اركض بالمطر والبرد والثلج حتى اجيبلك الاحسن
لانك تستاهل تاج راسي

السعر١٦ الف

توصيل بغداد ٣ الالف
توصيل محافظات ٥ الالف

👞عاشت عيشة سعيدة باجر قندرة جديدة 👞

👞 👞

06/05/2022

ويعود آبو القنادر بالموديلات الخنفشارية والالوان الشكاكية
باوع حبيبي جمال هل قطعه ويه سيقان آبن الرافدين تصير قنبلة الموسم شوف الاناقة واللطافة والحلاوة

مو قنادر عادية جنهن العافيه الله وكيلك العالم العادية. يخلون ورد بمزهرية اني حاط قنادري بمزهرية شكد ما معجب بيهن

هذا الموديل مايلبسه ياهو الجان حتى سيف نبيل ماعنده منة تعال حبيبي ابن الرافدين احجز قبل نفاذ الكميه الوقت المتبقي يوم ونص قنادري عدها كرامة متبقى اكثر من يوم ونص فدوة رحت للكرامة

طبعا االصناعة التركية والكوالتي لا يعلى عليه واذا معجبتك او مو نفس الصوره رجعها بيد المندوب الي ٢٤ ساعه مطنكر.
مو تنيمها يمك اسبوع والله طلعت صغيرة حبيبي قيسها حتى نبدلها بنفس اليوم مو تجيني وره اسبوع حتى اني ناسي الموديل يا بعد گلبي

قطعة ... ١٦ الف

توصيل بغداد 3 الالف
توصيل محافظات 5 الالف

مع هدية زرافة لاسرع ٣ اشخاص يحجزون 🦒

لتضيع هل عرض الخنفشاري وتعال احجز وارجع اكلك بضاعتي يوم ونص لتجيني بعد اسبوع. ادور هيج عرض براسة ٦٠ حظ

👞👞وعاشت عيشة سعيدة باجر قندرة جديدة 👞👞

06/05/2022

بعد عركة شطولها شكبرها حصلتلكم خصم بسعره يبعد عيونة لابو القنادر

الوان قوس قزح 🌈 كلها عندي يابه
من صححححح
Nike الجميل الظريف ابن عائلة مربى زين
من مميزاتها:-
الكرعة وام الشعر تكوم تباوع على جمال قندرتك
وتكلك هاي منين وانت كلها ابو القنادر عايش واني البس 😎 و اذا جنت تعبان اكمز مرتين تزيد السرعة حبيبي
واذا تكمز ٣ مرات تعطيك جوووووانح هاي ريدبول مو قندرة

سعره ١٦ الف فططططط

توصيل بغداد ٣ الالف
توصيل محافظات ٥ الالف

👞وعاشت عيشة سعيدة وباجر قصة جديدة 👞

👞 👞

06/05/2022

20/04/2022

يبعد عيونة لابو القنادر هاي القطع لاعزاز الگلب
هاي قندرتي ضيم براسها ٦٠ حظ ادفيك تبردك واذا بنفسك ثلج هم تثلجلك اي حبيبي صدك
جنها دبابة ابو القنادر ميجيب شلون مجان بضاعتي يوم ونص
حبيبي علمودك اني

السعر ١٨ الف فقطططط

توصيل بغداد 3 الالف
توصيل محافظات 5 الالف

👞عاشت عيشة سعيدة باجر قندرة جديدة 👞

👞 👞

20/04/2022

ابو القنادددددر عاد من جديد يقول لكم تفرجوا على الجمال باباتي
شوف اللطافة والاناقة مو قطعه عادية هاي
صاروووخ
تغسل نفسها بنفسها ضد الغبار والحر والبرد والثلج تصعد جبال تنزل جبال تكول جي كلاس مو قندرة باع نصبتها حبيبي

سعرها ١٩ الف فقططط

توصيل بغداد ٣ الالف
توصيل محافظات ٥ الالف

👞 وعاشت عيشة سعيدة باجر قندره جديده 👞

👞 👞

05/04/2022

ويعني ابو القنادر صاحب العروض الجميلة
الي مكشخكم الي مغركم بعروضة الي اطگ بالكاع

شوف حبيبي هاي القطعه من فصيله القطع المنقرضة تكول جنها ديناصور 🦕 موش غندرة

الاسود سيد الالوان ما اكدر امدحه هواي استحي منه ومن جماله
الرصاصي الكباري الفخامة الاناقة
الزيتوني للكشاخة للي يدور تميز ولفت أنظار الجمهور

عمكم ابو القنادر ميجيب شلون مجان كل قطعه تخبل خرافية
وها صدك شكد ما خفيفة باوعت على رجلي مرتين عبالي طالع وناسي البس قندرة

سعر القطعه ٢٣ الف حبيبي

توصيل بغداد ٣ الف
توصيل محافظات ٥ الف

عندك ضمان عندك جمال عندك اناقة عندك لباقة عندك قطعة منقرضة متلكاها بس يمي لان تعرف انت بعد فوك راسي ريشة
فه يا حبيبي شمنتظر تعال اخذها وصير من جماعة الكشاخة....

👞عاشت عيشة سعيدة باجر قندرة جديدة 👞

👞 👞