¿E ti pódesme facer?

01/05/2021

Sempre é un bo momento pra render homenaxe á xente traballadora, especialmente cando ademáis trátase dun traballo tan ben feito e con tanto cariño dentro ♥

20/01/2021

O prometido é débeda: Velaquí tendes o "¿Como se fixo?" do pirogravado que vos ensinei o outro día, para que o desfrutedes 😊

Graciñas eternas ós Bastards on Parade por cederme o tema para a banda sonora do vídeo

👇🏼👇🏼👇🏼

Time-lapse do proceso de pirogravado dunha táboa de rechapado de carballo para un encargo. O tema musical da banda sonora está interpretado e cedido polo gru...

19/01/2021

Vivimos tempos difíciles nos que precisamos sentir preto o cariño da nosa xente, e precisamente por iso vouvos falar do traballo de xente que confiou no meu, e así poder apoiarnos mutuamente.

Tócalle o turno á tenda Comercio Xusto SIG Ourense, o lugar no que impartín o meu primeiro (e único por agora 😅) taller de coiro.

Esta tenda pertence á ONG Solidariedade Internacional de Galicia, que leva xa máis de 20 anos traballando en diferentes eidos; dende a educación para a cidadanía con un alumnado do máis amplio e diverso, pasando por moitos proxectos de cooperación que amosan a relevancia do traballo ben feito, ademáis de levar a cabo actividades para implicar á cidadanía para que actuemos (podedes consultar toda ista e máis información na súa web).

O Comercio Xusto é outro dos piares desta Asociación; Sabes que o que estás pagando vai chegar á xente que se encargou de producir ou fabricar o producto que estás mercando, e que vai recibir o que lle corresponde por xustiza (este concepto, entre outros, forma parte dos obxectivos de desenrolo humano para 2030 aprobados por moitos gobernos a escala mundial), así como promover productos reutilizables e ecolóxicos. Como son un comellón, recoméndovos que vos paredes a mirar ben na sección de alimentación, onde atoparedes entre outras cousas cafés, infusións e chocolates dunha calidade abraiante.

Tamén realizan actividades varias (cando o COVID llelo permite), coma charlas, encontros ou talleres por exemplo, así como organizar periódicamente un intercambiador de roupa (o vindeiro está ó caer) no que podedes levar esa roupa que tendes ocupando sitio no armario e nunca poñedes para que outra persoa que o precise a poida levar, e mesmo levarvos vós o que vos guste dentro do que a outra xente aportou, contribuíndo a reducir o impacto negativo dos xigantes da industria téxtil.

A guinda do pastel, por se aínda non vos chamou nada disto a atención, é que aparte de todo o anterior tamén fan diversas exposicións. A actual amosa o traballo dalgunhas cooperativas cas que traballan no Salvador, Honduras ou Guatemala (mola moito o que fan Atípica Guatemala, especialmente riquiñas as bonecas quitapesares). Anímovos a pasarvos e botarlle un ollo (e ó resto da tenda tamén, por suposto). En Ourense atoparédela na rúa Bailén nº 4 así que xa sabedes, se tendes que consumir, que sexa o XUSTO.

02/01/2021

Ano novo, encargo novo entregado. Desta vez é un rótulo para unha adega familiar que fai 50 anos... ¡¡¡Noraboa e a por outros tantos como mínimo!!!

Trátase dun pirogravado en madeira de carballo de 1 metro por 0,70 do que en breve vos amosarei un vídeo do "¿Como se fixo?".
Mentres, sigo traballando en cousas novas e agardo con ansia o seguinte reto que me poñades diante.

¡Arrincamos, 2021!

Explore ¿E ti pódesme facer... ?'s photos on Flickr. ¿E ti pódesme facer... ? has uploaded 277 photos to Flickr.

28/12/2020

¡Non vale parar!

27/12/2020

Con todo o cariño do mundo, velahí vai esa funda pro álbum de fotos... ¡¡¡Felices dez anos, parella!!!

https://flic.kr/p/2kmeyon

Explore ¿E ti pódesme facer... ?'s photos on Flickr. ¿E ti pódesme facer... ? has uploaded 277 photos to Flickr.

17/12/2020

Vivimos tempos difíciles nos que precisamos sentir preto o cariño da nosa xente, e precisamente por iso vouvos falar do traballo de xente que confiou no meu, para que o teñades en conta de cara a esta compricada campaña de Nadal.

Seguimos con Rita, a propietaria de "La Quinta". Ela ofreceume o seu escaparate para promocionar os meus productos e, de feito, foi a primeira vez que alguén que non fose eu vendía unha peza miña.

Agora ben... ¿Como funciona "La Quinta"? Pois, explícavolo ela mesma: "Somos una tienda de consignación, es decir, los artículos que quieras vender en nuestro local se dejan en depósito durante 3 meses. Se tasan individualmente, y tú te llevas el 40% del precio final. Si nos traes artículos para donar, ese porcentaje se destina a fines sociales".

Podedes atopar moitas cousas, sobre todo libros, antigüidades e obxectos curiosos, e sempre vos van atender e asesorar de xeito amable, atento e con toda a profesionalidade de quen coñece o producto que ten pra ofrecer. Botádelle un ollo no seu Instagram ou, mellor todavía, achegádevos á Avenida das Caldas nº 22 e perdédevos nesas estanterías.

Instagram: https://www.instagram.com/laquintaourense/

17/12/2020

Traballando...

B.S.O. (https://www.youtube.com/watch?v=I1Yy0_tFGHM)

07/12/2020

"God is in the details"

(Ludwig Mies van der Rohe)

Explore ¿E ti pódesme facer... ?'s photos on Flickr. ¿E ti pódesme facer... ? has uploaded 272 photos to Flickr.

24/11/2020

Vivimos tempos difíciles nos que precisamos sentir preto o cariño da nosa xente, e precisamente por iso vouvos falar do traballo de xente que confiou no meu, para que o teñades en conta de cara a esta compricada campaña de Nadal.

Hoxe tócalle o turno a Noa, a persoa que está detrás de Belcebú Artesanía. Ela foi a responsable de que impartise o meu primeiro taller de coiro hai xa uns aniños, e axudoume con algún que outro mercadillo (graciñas de novo), así que merece que vos ensine o seu traballo.

A modo de resumo rápido, adícase a facer todo tipo de xoiería; colares, pendentes, colgantes, gargantillas e moitas outras cousas chulas, usando o macramé e/ou pezas traballadas con metáis, mineráis ou outros elementos da natureza. Explícanolo ela nas súas propias verbas, ¡botádelle un ollo ó seu traballo! 👇🏼👇🏼👇🏼

"Belcebú Artesanía nace dunha viaxe e dun encontro persoal co aquí e o agora... hoxe seis anos despois daqueles primeiros nós desfruto creando pezas orixinais e únicas. Se non atopas o que buscas non dubides en contactar comigo e crearémolo xuntas!!"

📸 https://www.instagram.com/belcebuartesania/

💻 https://m.facebook.com/belcebuartesania/?ref=bookmarks

🛒 https://www.etsy.com/es/shop/BelcebuArtesania?ref=s2-header-shopname&listing_id=682722631 (⚠️ en construcción)

24/11/2020

Colorinchos...

Explore ¿E ti pódesme facer... ?'s photos on Flickr. ¿E ti pódesme facer... ? has uploaded 272 photos to Flickr.

17/11/2020

A Mesa pola Normalización Lingüística está impulsando unha Iniciativa Lexislativa Popular (ILP) para a creación dunha canle que emita 24 horas na TVG contido infantil e xuvenil en galego.

Se tendes máis de 18 anos e queredes asinar, podédesvos pasar por O cabalo fosforito (Avenida de Marín nº 37, Ourense) e axudar a completar a folla 😊

ℹ️ Máis info: https://www.amesa.gal/xabarin
🌍 Mapa con tódolos puntos pra asinar: https://www.google.com/maps/d/embed?mid=19DtgHzZqTFoDjDXSd645QATZupwAYKZW

Somos poucos xabaríns,
Que temos que ser cen mil
No colexio ou na escola
Temos que pasa-la bola
Un exército de berros,
¡Oink, oink, oink, oink!
Este berro pra molar
¡Xabarín popular!
Socio, busca un socio,
Novo socio, busca un socio
Novo socio, busca un socio
Novo socio...

15/11/2020

Vivimos tempos difíciles nos que precisamos sentir preto o cariño da nosa xente, e precisamente por iso vouvos falar do traballo de xente que confiou no meu, para que o teñades en conta de cara a esta compricada campaña de Nadal.

Hoxe quero comezar con Laura, a persoa que está detrás de Renovo. Ela encargoume que lle pirogravase a man o seu logo nuns troncos que usa para que a xente se exercite co método 5P (reeducación Postural ProPiocePtiva Perineal, graciñas Google 😅), para facer de cada peza algo único e persoal.

Se buscades un trato cercano e amable, e ademáis profesionalidade e bo facer (falo con coñecemento de causa) recoméndovos que vos poñades nas súas mans. Aparte da fisioterapia e a osteopatía, tamén organiza diversos cursos; aparte do método 5P tamén imparte pilates ou hipopresivos, entre outros.
En resumo, moi boa profesional, e aínda mellor persoa. O seu lema é "Renuncia al dolor" e non minte. Por mor da situación na que estamos, o mellor é que contactedes con ela telefónicamente no 640 613 736, no seu mail [email protected] ou mediante as súas redes sociáis e senón, atoparédela na Praza San Rosendo, número 15 baixo.

Non vos arrepentiredes ;)

06/03/2020

¡Atención a esta preciosidade de tema!

Paga a pena adicarlle uns minutos a este chute de dopamina feito co corazón, pero é que ADEMÁIS cada escoita tradúcese en apoio económico para unha causa moi nobre, así que anímovos a desfrutala e compartila ☺👇🏼

Luces do Norte is a song written to support the Pequenos Superheroes Association for Children with Rare Diseases. If you would like to support the associatio...

18/02/2020

Vaites, pois seica...

¡Inauguramos nova colección!
👇👇👇

Explore ¿E ti pódesme facer... ?'s photos on Flickr. ¿E ti pódesme facer... ? has uploaded 272 photos to Flickr.

18/02/2020

¡Recén sacadiñas do forno!

Explore ¿E ti pódesme facer... ?'s photos on Flickr. ¿E ti pódesme facer... ? has uploaded 272 photos to Flickr.