Shëndeti dhe sëmundjet

11/04/2022

Keni problem me peshën dhe doni që të dukeni mirë, operacione në lukth të bëra me sukses, me doktorët më të mirë të Turqisë. Operacion + akomodim + përkthyes me çmim shumë të volitshëm. Për më shumë detaje na shkruani në mesazh.

11/03/2022

22/12/2019

i Heshtur
Monoksidi i karbonit (CO)

* Formohet me djegien e lëndëve që përmbajnë sasi të larta karboni:
Druri, qymuri, gazi natyrorë, benzina,etj.
Gaz pa erë, pa ngjyrë dhe pa shije.

Burimet:
Mjetet ngrohëse;
Veglat pjekëse (skara);
Mjetet e trafikut;
Duhani.

Faktorët që ndikojnë në helmimin me CO:
Stina e dimrit;
Lodosa ( fryerja e erës në anën e kundërt)
Tubat e sobës (qymkat) e vendosura keq, të
pamjaftueshme dhe të vjetëra;
Lëndë diegëse jo kualitative.

Çregullime të rënda në shëndetin e njeriut:
- Muskulin e Zemrës;
- Qelizat e Trurit;
- Qelizat të Veshkëve;
- Qeliza të tjera.

Simptomat e helmimit
Marramendje, të përziera, dhembje koke, vështirësi në frymëmarrje, dëshira për të fjetur, alivanosje.
Pasi që paraqitet si dëshirë për të fjetur në shumicën e rastëve nuk vërehet.

Parandalimi:
-Gypet transportuese të tymit(qymkat) të pastrohen dhe mirëmbahen rregullisht dhe sa të mundet të shmanget vendosja e tyre në pozitë horizontale;
-mos të ndizen mjetet aq shumë që të krijoje nxehtësi të lartë;
-mos të flehet në dhomën ku ndizet;
-të bëhet ajrosja e shpeshët e dhomës;
-gjatë gjumit mjetet ngrohëse duhen fikur.

Një sasi e vogël e pranisë së CO prej 0.6mm Hg shkakton helmim serioz deri në vdekje.

05/07/2016

Gëzuar Bajramin Vëllezër dhe Motra të nderuara, Zoti i Gjithesise derdhtë mbi ju begatitë dhe mirësitë e tij të pafundme! Gëzuar Familjarishtë.

05/06/2016

31/05/2016

Paraliza faciale

është një sëmundje që prek vetëm njërën anë të fytyrës e cila vjen nga prekja e nervit të shtatë të kokës. Është një sëmundje që prek një përqindje të madhe të popullsisë

Jo rrallëherë kushtet atmosferike bëhen shkak për sëmundje të ndryshme. Kështu, shkaku kryesor i paralizës së fytyrës është pikërisht të ftohtët. Paraliza faciale është një sëmundje e shpeshtë nga e cila preken një numër i madh njerëzish.

Doktor, çfarë është paraliza faciale?

Shpeshherë muskujt e fytyrës i ndiejmë të ngrirë nga klima e ftohtë. Pjesa më e madhe e muskujve të fytyrës kontrollohen nga nervi facial. Paraliza faciale (paraliza e BELL) është një sëmundje që prek vetëm njërën anë të fytyrës dhe vjen nga prekja e nervit të shtatë të kokës. Është një sëmundje nga e cila preket një përqindje e madhe e popullsisë.

Paraliza e fytyrës mund të vijë papritmas ose mund të ndodhë gradualisht gjatë një periudhe që mund të zgjasë me muaj, si për shembull në rastin e një tumori në kokë. Në varësi të shkakut, paraliza mund të zgjasë për një periudhë të gjatë ose për një periudhë të shkurtër. Sipas Institutit Kombëtar të Çrregullimeve Neurologjike, forma më e zakonshme e paralizës faciale është ajo që vjen në mënyrë të menjëhershme. Lajm i mirë është se shumica e pacientëve me paralizë të menjëhershme shërohen plotësisht në rreth gjashtë muaj.

Ushtrime paraliza faciale Si shfaqen simptomat e paralizës faciale?

Shfaqja e shenjave të para brenda 48 orëve nga prekja:

Ngrirje e muskulutarës.
Një pamundësi lëvizjeje e cila të jep ndjesinë e kryerjes së veprimit.
Humbje të sensibilitetit, edhe një shfaqje estetike jo e këndshme.
Shpeshherë njëri sy është i pamundur për t’u mbyllur.
Shtrembërim i buzëve edhe një tërheqje e faqes.

Cilat janë vështirësitë me të cilat përballet një person që preket nga kjo smëundje?

Paraliza e fytyrës ka një ndikim të madh në cilësinë e jetës së një personi. Njerëzit mund të humbasin besimin. Përveç kësaj paraliza e fytyrës mund të shkaktojë:

Dhimbje të fytyrës
Dhimbje koke ose marramendje
Vështirësi në të folur
Paaftësi për të shprehur emocione
Vështirësi për të ngrënë ose për të pirë
Dridhje të muskujve
Thatësi e gojës dhe e syrit
Risku më i madh është dëmtimi i mundshëm në sy.

Cilat janë metodat edhe qëllimet e rehabilitimit të një paralize faciale?

Terapia fizike mund të ndihmojë forcimin e muskujve dhe për të parandaluar dëme të përhershme. Rehabilitimi i nervit facial konsiston në teknika manuale edhe ushtrime të fytyrës për të thjeshtësuar edhe stimuluar lëvizjet. Qëllimi i trajtimit është rekuperimi i funksioneve motore edhe sensitive të nervit. Rikthimi sa më shpejt në gjendje të mëparshme e mimikës edhe e fytyrës. Përveç masazhit të fytyrës edhe teknikës që përdoret në të, ushtrimet që duhen bërë PARA PASQYRëS, janë :

Lëvizje e vetullave
Shkelja e syrit
Fryrja e faqeve
Veprimi i qeshjes
Lëvizja e buzëve
Artikullimi i zanoreve, edhe i rrokjeve (në rastet kur e folura është e kufizuar)
Rrudhja e ballit

Cilët janë shkaktarët e paralizës?

Nga shkaktarët kryesorë janë HERPES SIMPLEX edhe infeksione të tjera. Prek më shumë gratë, personat me diabet, edhe ata që vuajnë nga gripi.

Shkaktarë të tjerë janë edhe goditja nga i ftohti, ekspozimi ndaj të ftohtit është një rrezik konstant edhe mjaft serioz.

Shkaqe të tjera:

Dëmtimi i kafkës ose i fytyrës (Goditjet nga jashtë që vijnë drejt vesh*t apo fytyrës janë rreziku i radhës për paralizën faciale).
Tumoret (tumoret që shkaktohen në zonat e rrugës ku kalon nervi facial mund të shkaktojnë paralizë. Mund të jenë beninj ose malinj. Sidomos tumoret e gjendrave të pështymës)
Infeksioni kronik i vesh*t të mesëm ose të tjera dëmtime të vesh*t
Presioni i lartë i gjakut
Diabeti
Mungesa e vitaminave
Së fundi, për sa u përket shkaktarëve të kësaj sëmundjeje tepër të rrezikshme, edhe operacionet e ndryshme që realizohen në kokë, vesh apo tek gjendrat e pështymës mund të shkaktojnë pa dashje dëmtim të nervit.

Paraliza Bell është paraliza faciale më e shpeshtë. Shkaku nuk dihet plotësisht. Mendohet për një enjtje në veshin e brendshëm. Era dhe i ftohti kanë një ndikim tepër të madh. Theksuam më lart që në të shumtën e rasteve shërohet plotësisht, pavarësisht se në varësi të shkakut përcaktohet edhe koha që duhet për t’u shëruar.

Sindromi Ramsay Hunt shkaktohet nga viruset. Përveç mosfunksionimit të mirë të nervit, ka dhimbje dhe disa plagë në rrugën e jashtme të vesh*t. Përsa i përket shërimit, në ndryshim nga paraliza Bell është shumë e vështirë që të shërohet plotësisht.

Diagnoza

Vendosja e diagnozës kryhet pas një anamneze të hollësishme, edhe kryerjes së një EMG (ele romiagramë), në shumë raste është e nevojshme edhe një rezonancë magnetike për të përjashtuar ose jo komplikime të tjera.

30/05/2016

STENOZA SPINALE

Në kolonën lumbare kanali spinal ka hapësirë mëse të mjaftueshme për nervat spinalë. Kanali ka një diametër prej 17­18 milimetrash. Stenoza spinale ndodh në rastet kur diametri i kanalit arrin 12 mm ose më pak. Kur përmasat janë nën 10 mm, atëherë shfaqen simptoma të rënda të stenozës spinale.

Ka shumë arsye pse zhvillohen simptomat e stenozës spinale. Arsyet që hasen më shpesh janë:
Stenoza kongenitale (ngushtim i kanalit spinal i lindur)
Degjenerim spinal
Instabilitet spinal
Hernie diskale

Simptomat
Stenoza spinale zhvillohet gradualisht në një periudhe të gjatë kohore. Një dëmtim apo një hernie diskale mund të bëjnë që simptomat të zhvillohen shpejt brenda një periudhe të shkurtër kohore. Pacientët me stenozë spinale jo gjithmonë ndiejnë dhimbje shpine. Ata kanë dhimbje dhe dobësi kryesisht në gjymtyrët e poshtme, zakonisht në të dy gjymtyrët njëkohësisht.

Disa pacientë thonë se ndiejnë sikur po u këputen këmbët nga trupi kur i referohen këtyre simptomave. Shtypja e nervit nga stenoza mund të japë ndjesinë e shpimit me gjilpëra në lëkurën mbi trajektoren ku kalon nervi. Përgjigjja reflektore ngadalësohet. Disa pacientë referojnë se kanë ndjesinë e krampeve ose ngurtësimit në muskujt e këmbës, disa të tjerë referojnë se kanë ndjesinë e rrjedhjes së ujit nëpër këmbën e tyre.

Trajtimi jokirurgjikal
Nëse simptomat tuaja janë me intensitet të moderuar dhe nuk ka rrezik për përkeqësim pjesa më e madhe e mjekëve e fillojnë trajtimin në mënyrë konservative. Në fillim, mjeku mund të kërkojë imobilizimin e pjesës fundore të shpinës. Një korse mbështetëse për mesin përdoret për pacientët me stenozë spinale.

Korseja mund të ulë presionin e ushtruar mbi disk dhe të parandalojë lëvizje të tepruara të shpinës. Zakonisht pacientët këshillohen të mbajnë korse për 1­2 javë.

Kirurgjia
Kur ka shenja që presioni mbi nervat spinal po vjen duke u rritur është e nevojshme kirurgjia, në disa raste dhe në mënyrë urgjente. Shenjat të cilat bëjnë që mjekët të marrin këtë vendim, janë: dobësi e muskujve të këmbës, dhimbje që nuk lehtësohet dhe problem me zorrën e trashë ose fshikëzën urinare.

Nëse shtypja nuk lirohet menjëherë mund të shkaktohet paralizë e përhershme e zorrës së trashë dhe fshikëzës së urinës. Mjekët rekomandojnë kirurgji urgjente për të liruar nervat nga shtypja. Procedura kirurgjikale kryesore në trajtimin e stenozës spinale është laminektomia lumbare. Në disa pacientë është e nevojshme kryerja e kirurgjisë së fuzionimit (ngjitjes) menjëherë pas laminektomisë nëse ka instabilitet spinal.

15/12/2015

Hemoroidet shkaqet dhe trajtimi i tyre.

Hemorroidet janë zgjerimi i venave në a**s dhe të varurit e tyre duke marrë ngjyrë blu në të kuqe. Ndonjëherë mund të formohen tromboza brenda tyre duke shkaktuar dhimbje të forta dhe ënjtje (edem). Por shenjat më të shpeshta janë hemorragjia me gjak në të kuqe të fortë dhe kruajtje. Zakonisht nuk janë të dhimbshëm.

Formimi…
Shkaku kryesor është konstipacioni (kapsllëku). Më pas mund të radhisim kolitin, proktiti, infeksionet e zorrëve, alkooli, higjiena, zmadhimi i prostatat, qëndrimi i tej zgjatur në shtrat apo në këmbë, hipertensioni portal, miomë uteri, shtatzënia, kolla kronike, mbipesha apo problemet e lindura të mureve të venave.

Llojet e hemorroideve
Së pari ndahen në të brendshëm dhe të jashtëm. Ato që janë nën vijën që ndan qelizat e a**sit nga të zorrëve të trasha janë të jashtme dhe ato hemorroide që janë sipër kësaj vize quhen të brendshme. Shumica janë të brendshëm dhe kanë 4 gradë. Ka akut dhe kronik apo i thjeshtë dhe i komplikuar.

Grada e parë: Kur hemorroidi qëndron brenda dhe nuk shihet veçse me anoskop. Si shenjë ka vetëm hemorragji (pikon gjak). Zakonisht janë pa dhimbje, janë më të vogla se 1 cm dhe nuk preken me dorë.
Kurimi: Mund të lidhen ose mund të përdoret injeksioni i një lënde sklerozane apo me laser mund të koagulohen. S’ka nevojë për operacion. Zakonisht një dietë e mirë, çlodhja e mjaftueshme dhe disa ilaçe si pomadat me kortizon, kremrat e ndryshëm, analgjetik (qetësues) apo banjo me ujë të vakët bëjnë dobi. Nëse ka infeksion mund të duhet antibiotik.

Grada e dytë: Gjatë shtrëngimit në banjë dalin dhe preken me dorë ndërsa kur ngrihet në këmbë futen vet brenda. Janë rreth 1-3 cm dhe pa dhimbje. Kanë hemorragji sikur pikon. Shkaktojnë anemi dhe ndonjëherë mund të mos futen brenda. Edhe këtu kurimi është jo me operacion por si në shkallën e parë.

Grada e tretë: Dalin shpesh jashtë a**sit dhe shoqërohen shpesh me tromboza kështu që janë të dhimbshme dhe të ënjtura. Duhen të shtyhem me gisht që të futen dhe dalin përsëri. Megjithëse mund të bëhen operacion përsëri fillohet me metodat konservative. Më të përdorshme janë lidhja dhe koagulimi infrared (laser).

Grada e katërt: Kur kapsllëku bëhet kronik dhe hemorroidet zgjaten jashtë a**sit si në tualet ashtu edhe kur qëndrohet gjatë ulur. Janë vena të fryra, pa dhimbje dhe të qullura. Kanë hemorragji dhe probleme me injeksionet dhe pastërtinë e kësaj zone. Kur ulet dhe shtyp mbi to ndjen dhimbje.
Kurimi: Megjithëse disa përmirësohen me dietë që pengon kapsllëkun, me një disiplinë tualeti dhe me një higjienë të mjaftueshme përsëri tek disa raste mund të lind nevoja e kurave që zbatohen tek gradat e tjera. Por në shumicën e rasteve duhet bërë operacion.

Nëse nuk e përballojnë dot këtë për arsye të ndryshme atëherë gjithë jetën duhet të mbajnë dietë me lëngje të bollshme dhe supa, me perime dhe fruta dhe të qëndrojnë larg çajit (kinez), kafes, kokakolës dhe ushqimeve pikante. Edhe sporti i rregullt ka shumë dobi. Largojuni ambienteve shumë të nxehta si sauna. Gjithashtu duhet të pihet ujë i bollshëm gjatë ditës (1.5-2 litra).

Ndërlikimet
Si pasojë e hemorragjisë anemi, tension i ulët, këputje dhe zbehje. Si pasojë e plagëve dhe infektimit temperaturë. Strangulacioni: Fryrja dhe dalja jashtë a**sit duke u kyçur aty dhe duke shkaktuar dhimbje si pasojë e trombozave brenda këtyre venave. Nuk futen brenda duke bërë të pamundur procesin e jashtëqitjes. Pengon aktivitetin ditor. Duhet kuruar me urgjencë.

21/11/2015

21, 22 dhe 23 nëntor në Anaderm bëhet shërimi bashkëkohor i venave të zgjeruara

Institucioni i parë i cili merret me qasjen e plotë ndaj venave të sëmura është Qendra Diagnostike Terapeutike “Anaderm", Prishtinë.
Më datat 21, 22 dhe 23 nëntor, Anaderm ofron trajtimin/eliminimin e venave me laser nga doktorë të huaj.
Ekspertët e saj ofrojnë metodat më bashkëkohore të diagnostikimit dhe të shërimit, të cilat fare nuk shkaktojnë dhembje, ndërkaq janë maksimalisht të efektshme.
Ju mundojnë këmbët e lodhura, të ënjtura, dhembjet, ngërçet në gjumë, të kruarit, djegiet, keni vena të imta të degëzuara në këmbë, të ashtuquajtura kapilare, vena varikoze? Nuk ju ndodh vetëm juve. 40% e femrave dhe 20% e meshkujve vuajnë nga venat e zgjeruara.

Venat e zgjeruara prishin pamjen estetike, mirëpo mund t’ju shkaktojnë edhe dhembje, ngërçe në gjumë, ndjenjën e peshës në këmbë, por edhe komplikime serioze, siç janë krijimi i plagëve të hapura në këmbë, trombozat, emboli të rrezikshme të mushkërive...
Intervenimi bëhet kur masat preventive – barnat dhe format e tjera të terapisë – nuk japin rezultate, ndërkaq ekzistojnë simptoma që mund të pasojnë komplikime.

Operacioni me laser i venave është operacion minimal invaziv, i cili bëhet me anestezion lokal. Nuk ka prerje siç janë ato klasike, nuk ka anestezion të përgjithshëm, nuk ka vraga. Kështu ndërpritet zhvillimi i sëmundjes dhe pengohet mundësia e shfaqjes së komplikimeve, të cilat mund të jenë fatale.

21/11/2015

Zbulohet paraziti që rrit fertilitetin tek gratë

Sipas një studimi të bërë tek 986 nëna indigjene në Bolivi, veprimi i të ashtuquajturit ascaris lumbricoides "lehtëson" zhvillimin e dy shtatzënive më shumë.
Infeksioni i provokuar nga një krimb parazitar mund të rrisë fertilitetin tek gratë. Dhe siç rezulton nga një studim nga 'Universiteti i Kalifornisë” i kryer në 986 gra indigjene në Bolivi i publikuar në revistën “Science”, studiuesit kanë zbuluar që ascaridiasi, i shkaktuar nga ascaris lumbricoides, "lehtëson" zhvillimin mesatarisht të dy shtatzënive më shumë. Sipas shkencëtarëve fenomeni varet nga ndryshimet e sistemit imunitar të shkaktuara nga sëmundja.
"Bërthamat familjare Tsimane janë të përbëra mesatarisht nga nëntë fëmijë e rreth 70% e nënave është e infektuar me ascaridiasi", nënvizojnë kërkuesit shkencorë amerikanë.

Simptomat e infeksioneve (dhimbje barku, temperaturë) janë shumë të ngjashme në fakt edhe me patologjitë e provokuara nga parazitë të tjerë, shumë më të rrezikshëm. "Në të kundërt me ascaris lumbricoides – shpjegojnë studiuesit – sëmundjet e shkaktuara nga krimbat e quajtur anchilostomi shkaktojnë 'humbjen' mesatarisht të tre shtatzënive gjatë jetës së indigjeneve boliviane".
"Gjithçka varet nga përgjigjja e sistemit imunitar ndaj infeksionit - shpjegon Aaron Blackwell, bashkëautor i studimit – sepse në disa raste, krimbat arrijnë të asgjësojnë mbrojtësit e organizmit ".
Zbulimi që është bërë pranë Universitetit të Kalifornisë mundet që të jetë shumë i rëndësishëm përsa i përket "kurimit" të fertilitetit femëror.
"Teste të reja mbi veprimin e këtyre paraziteve -shton Blackwell – mund të çojnë në zhvillimin e terapive dhe medikamenteve , për të reduktuar në minimum efektet kolaterale në shëndet ".

03/03/2015

IVF – Metodat e reproduksionit të asistuar

Fëmija i parë “në epruvetë” ishte Louise Brown. Ajo u lind në Britani të Madhe me 25 korrik të vitit 1978. Lindja e saj iu dha shpresë çifteve që s’kishin fëmijë, në tërë botën. Që nga ajo kohë, me mijëra çifte janë mjekuar me fertilizimin in vitro (IVF) dhe me teknika të tjera të koncepcionit të ndihmuar. Suksesi i këtyre mjekimeve po rritet vazhdimisht.

Sot, trajtimi bëhet varësisht nga gjendja dhe nevojat e pacientes. Këto procedura kombinohen me barna me qëllim që të rritet përqindja e suksesit. Mesatarisht një nga pesë çifte ka sukses dhe do të ketë fëmijë pas aplikimit të teknikave të reproduksioni të ndihmuar.

Këto procedura janë invazive dhe të shtrenjta. Ndonëse në shumicën e rasteve nuk ka efekte të dëmshme, disa teknika shoqërohen me rrezik të shtuar për defekte të lindjes, krahasuar me disa metoda tjera. Për këtë arsye është e domosdoshme që të kontrolloheni shpesh te gjinekologu juaj.

Problemi më i madh lidhur me procedurat e koncepcionit të asistuar është shtatzënia multiple (me më shumë se një fryt). Edhe pse juve ju duket një ngjarje e mrekullueshme që të keni një shtatzëni me binjakë ose me trinjakë, janë disa rreziqe që shoqërojnë shtatzënitë multiple.

Shumica e mjekëve përdorimin e procedurave të reproduksioni të asistuar I ruajnë si “armë” të fundit për t’i ndihmuar gruas që të mbetet shtatzënë.

Shkurtimisht, këto janë metodat e koncepcionit të asistuar:

• Inseminimi intrauterin (Intrauterine insemination – IUI): është një mjekim kur s***ma futet direkt në mitrën e gruas, në kohën kur ajo ka ovulacionin.

• In vitro fertilizimi (IVF): në këtë mjekim, merren qelizat vezë nga vezoret dhe bashkohen me s***matozoidet e burrit, gjithmonë në kushte laboratorike. Në këtë mënyrë krijohen embrionet të cilat pastaj transplantohen në mitrën tuaj.

• Transferi i gameteve në tubat e mitrës (Gamete intrafallopian transfer – GIFT): merren qelizat vezë dhe përzihen në laborator me s***mën e burrit tuaj. Pastaj ato barten në tubat e mitrës. Fertilizimi (bashkimi I qelizës vezë me s***matozoidin) ndodhë në mitrën tuaj dhe embrioni implantohet në mënyrë natyrale.

• Injektimi i s***matozoidit në citoplazmën e qelizës vezë (Intracytoplasmic s***m injection – ICSI ): një s***matozoid I vetëm në kushte laboratorike injektohet direkt në një qelizë vezë. Embrioni I cili krijohet transplantohet në mitrën tuaj.

• Spermatozoidet e donuara shfrytëzohen në rastet kur burri ka numër të vogël të s***matozoideve ose kur nuk ka fare. Në këtë rast s***ma e donorit (dhuruesit) shfrytëzohet për inseminim intrauterin (IUI).

• Qelizat vezë ose embrionet e donuara shfrytëzohen nëse gruaja nuk mund të mbetet shtatzënë për shkak të defekteve në vezore. Qeliza vezë nga donorja (dhuruesja) përzihet me s***mën e burrit dhe embrioni implantohet në mitër. E njëjta procedurë bëhet edhe embrionin e dhuruar.

03/03/2015

Kiropraktika dhe filozofia e dhembjeve

Kiropraktika është disiplinë, e cila sot gjithnjë e më shpesh përmendet, gjithnjë e më e popullarizuar dhe e pranuar, ndërkaq gjithnjë e më shumë njerëz u drejtohen mjekëve të kiropraktikës.

Mirëpo, nga ana tjetër, shumë pak syresh dinë të shpjegojnë se ç’është kiropraktika, për çka shërben, kush do të duhej t’i drejtohej mjekut të kiropraktikës dhe, ajo që është më e rëndësishme, si t’i dallojë ekspertin, mjekun e kiropraktikës nga personat të cilët vetëm quhen kiropraktikues, ndërkaq për të nuk janë të përgatitur.

Një numër goxha i madh i bisedave të përditshme bëhet rreth shëndetit – sëmundjeve akute dhe kritike, dhembjeve lidhur me mënyrën bashkëkohore të jetesës dhe dhembjeve të shkaktuara nga tragjeditë, traumave psikike apo fizike, vdekja e të ngjashme. Dhembja fizike mund të manifestohet në mënyrë të ashpër, të thellë dhe sipërfaqësore; ajo mund të jetë pulsuese apo lokalizuese. Dhembja fizike mund të shkaktojë dhembje psikike dhe emocionale, ndërkaq analog me të, dhembja psikike mund të shkaktojë atë fizike apo emocionale.

Dhembja na tërheq vërejtjen, na mbron dhe na shpëton; ka funksion alarmi në organizëm. Andaj, nga perspektiva mjekësore, dhembja mund të kuptohet si diçka e mirë, por edhe si diçka e keqe. Kjo, në të vërtetë, varet edhe nga pikëpamja, bindjet personale dhe përvojat e individëve.

Njëra nga qasjet e mundshme të eliminimit të dhembjes është qasja e zakonshme alopatike, por e njohur. Është modeli në të cilin mbështetet industria farmakologjike, e ndërtuar në simptomatologji dhe në parimet sipas të cilave nga jashtë ndikon në simptomat e sëmundjes. Nga ana tjetër, ekziston qasja holistike e shërimit, e cila mbështetet në parimet natyrore. Mjekësia aktuale mbështetet në modelin aloplatik. P.sh., kur ju dhemb shpina, do të merrni analgjetik dhe dhembja do të pushojë. Ai është fokusuar në dhembje dhe sipas atij parimi ndërmerret çdo gjë që dhembja të zvogëlohet, të eliminohet apo të maskohet, derisa e kundërta e saj, modeli holistik i shërimit njeh dhe përfshin edhe komponentë të tjerë të cilët përbëjnë shëndetin, e ata janë: psikikë, emocionalë, edukativë dhe fizikë. Nga kjo qasje ka lindur edhe kiroprktika.

Kiropraktika është shkencë, art dhe filozofi e cila merret me raportin midis strukturës dhe funksionit të trupit dhe si po ndikon ajo raport në shëndetin. Kiropratika zbulon dhe korrigjon disfunksionet lokomotorike në organizëm. Cilido qoftë disfunksion i pazbuluar në trup, në kiropraktikë konsiderohet potencialisht i rrezikshëm për shëndetin. Kur është fjala për boshtin kurrizor, dhembjet e lidhur me të në rastet më të shumta shkaktojnë simptoma me të cilat kiropraktikuesit si ekspertë për çdo ditë i takojmë në praktikë. Dhembja e shpinës është gjendje në të cilën disfunksioni bëhet irritues deri në atë masë sa që trupi më nuk është në gjendje në mënyrë të pavarur t’i eliminojë me mekanizmin vetjak mbrojtës. Roli i kiropraktikës është zbulimi i disfunksioneve të tilla, përmirësimin e tyre me ndihmën e teknikave korrektuese manipulative dhe kthimin e boshtit kurrizor në gjendje normale. Dhembja zvogëlohet në harmoni me atë se sa kthehet boshti kurrizor në funksion.

Kiropraktika është shumë efektive, e sigurt dhe financiarisht e dobishme, jo vetëm si terapi te sindromat e dhembjeve, por edhe si veprim preventiv në boshtin kurrizor dhe në ekstremitetet me korrektimin e segmenteve të subluksuara. Nëse ndokush nuk rri drejt ulur, kjo me siguri do të ndikojë në boshtin e tij kurrizor, mirëpo nuk do të ketë dhembje menjëherë.

Është me rëndësi që me kohë të intervenohet dhe të ndryshohen shprehitë e këqija. Mjeku juaj i kiropraktikës jo vetëm që do të ndikojë pozitivisht në boshtin tuaj kurrizor, por do t’ju edukojë për shprehitë e mundshme të këqija dhe për mënyrat se si t’i përmirësoni dhe t’i zëvendësoni me shprehi pozitive. Duke pasur parasysh që boshti kurrizor mbron palcën e shpinës nga e cila degëzohen nervat, ndërsa boshti kurrizor është shtyllë mbajtëse e organizmit, është e kuptueshme se sa është me rëndësi të kemi boshtin kurrizor të shëndetshëm dhe funksional.

03/03/2015

A është rrezik nëse bebja e ka kërthizën rreth qafës?

Afërsisht çdo e treta bebe lind me kordon rreth qafës. Por, mos keni frikë, sepse bebja nuk mund të ngulfatet dhe t’i zihet fryma.

Kërthiza (apo kordoni umbilikal siç i thonë mjekët) është një gyp i cili ka gjatësi rreth gjysmë metri dhe i cili e lidh beben me placentën. Përmes placentës dhe kordonit umbilikal bebja merr të gjitha substancat për të cilat ka nevojë. Pra, bebja në mitrën e nënës as nuk mund të hajë dhe as nuk mund të marrë frymë – gjithçka që i duhet bebes e merr nga nëna përmes placentës.

Bebja brenda në mitrën e nënës noton vazhdimisht në ujë. Pra, për nëntë muaj bebja noton vazhdimisht në lëngun amnial. Gjatë tremujorit të parë dhe të dytë bebja noton shumë më tepër për shkak se trupi e ka më të vogël dhe ka hapësirë të mjaftueshme brenda mitrës për të notuar lirshëm. Prandaj, kordoni umbilikal mund të mbështillet rreth qafës, dorës ose rreth trupit. Afërsisht çdo e treta bebe lind me kordon rreth qafës.

Por, mos keni frikë, sepse bebja nuk mund të ngulfatet dhe t’i zihet fryma. Bebja nuk merr frymë derisa është brenda trupit të nënës. Për këtë arsye rekomandohet që edhe pasi që të lind bebja të mos lidhet menjëherë kërthiza, sepse i ndihmon nëse edhe për dy-tre minuta vazhdon të marrë materie ushqyese nga nëna. Keni parë lindjen e bebes në ujë? Bebja e cila lind në ujë nuk vdes, sepse edhe pse del nga mitra e nënës në ujë, ajo vazhdon të marrë oksigjenin përmes kërthizës nga nëna.

Po nëse kërthiza është e rrotulluar rreth qafës së bebes? A paraqet rrezik për beben? Kjo është një nga brengat më të mëdha që kanë nënat e ardhshme (mund të themi edhe brenga më e madhe që mund të ketë një shtatzënë dhe burri i saj).

E thashë më sipër se kordoni umbilikal është një gyp. Në brendi të këtij gypi janë tri enë gjaku: dy arteriet umbilikale dhe një venë umbilikale. Nëpër këto enë të gjakut qarkullon gjaku me një shtypje të lartë të gjakut dhe vetë kërthiza është e mbështjellur me një masë xhelatinoze të cilën ne e quajmë substanca Wharton. Masa xhelatinoze wharton bën që kërthiza të jetë e rrëshqitshme dhe nuk mund të shtrëngohet.

A ndodhë shpesh që bebet të lindin me kërthizë të rrotulluar rreth qafës? Po! Rreth 30% e bebeve lindin me kërthizë rreth qafës. Bile shpeshherë mjekët dhe mamitë as që e përmendin këtë fakt ngaqë është i shpeshtë. Nëse kërthiza është rreth qafës mjeku ose mamia që e udhëheqë lindjen e liron kordonin (nëse është i shtrënguar rreth qafës) derisa të lind koka.

Sipas Kolegjit të Obstetërve dhe Gjinekologëve të Mbretërisë së Bashkuar kordoni rreth qafës nuk është arsye për të cilën duhet të kryhet lindja me operacion.

Ka raste kur nuk shkon çdo gjë ashtu siç kemi dëshirë dhe siç kemi planifikuar, por mos keni frikë se kordoni mund ta ngufatë beben. Ndonjëherë mjekët nuk mund t’ju japin përgjigje se përse ndodhë ndonjë komplikacion. Trupi i njeriut është një mrekulli! Ndonjëherë na duket se është shumë i thjeshtë, kurse shpeshherë e shohim se është shumë i komplikuar dhe ka një përsosmëri perfekte. Ndonjëherë mund të ndodhin probleme për të cilat nuk mund të gjendet asnjë fajtor, por shumicën e herëve është një mekanizëm i përkryer i evitimit të problemit që Krijuesi e ka bërë plan.

Prandaj, kini besim se gjithçka do të shkojë mirë, ndonëse shpeshherë nëpër kokë ju vërshojnë mendime për problemet e mundshme të cilat mund të ndodhin gjatë shtatzënisë dhe lindjes.

Paçi një shtatzëni të mbarë dhe një bebe të shëndetshme! Me fat!

03/03/2015

Hirsutizmi, problem jo vetëm kozmetik

Te shumica e femrave, hirsutizmi vjen si tepricë e androgjenëve, që mund të kenë prejardhje nga ovaret, gjëndra suprarenale ose nga medikamentet. Arsyet e shfaqjes së sëmundjes mund të jenë të ndryshme.

Androgjenët e nxisin shtimin e numrit dhe trashësisë së qimeve terminale në fushat androgjen sensitive. Arsyet e shfaqjes së sëmundjes mund të jenë të ndryshme: PCOS (Sindroma e ovareve policistike), hirsutismi mund të paraqitet edhe për shkak të mungesës së enzimeve steroide të gjëndrës suprarenale dhe ovareve, për shkak të tumoreve ovariale dhe suprarenale sekretuese, apo te sëmundjet endokrine si: sindroma Cushing, sëmundja e metabolizmit të kortizolit, hiperprolaktinemia dhe akromegalia.

Simptomat
Shfaqja e qimeve të tipit mashkullor: Qimet fillojnë të shfaqen në vende të trupit ku nuk kanë qënë të pranishme më parë , sidomos në vende tipike si: në fytyrë, mbi buzën e sipërme, në mjekër, në mesin e gjoksit, në shpinë, në pjesën e hernies, në fundshpinë, në mes këmbëve, në vijën e barkut prej pubisit deri tek kërthiza.

Virilizimi: Niveli i lartë i androgjenëve është shkaktar i Hirsutizmit atëherë në këtë moment zhvillohen shenjat e tjera të njohura me emrin Virilizim që nënkupton: trashjen e zërit, shfaqjen e akneve, zvogëlimin e gjinjve, rënien e flokëve të tipit mashkullor.

Shkaqet
Normalisht në pubertet vezoret e një vajze fillojnë të prodhojnë hormone seksuale në mënyrë të sinkronizuar dhe kjo çon në rritjen e qimeve normale në pjesën pubike dhe nën sqetulla që njihen edhe si shenjat sekondare të pjekurisë seksuale. Nëse ky prodhim i balancuar dhe miks i hormoneve seksuale femërore dhe mashkullore disbalancohet (çrregullohet) atëherë kemi të bëjmë me shenjat e para të Hirsutizmit.

Disa nga shkaktaret kryesorë janë:

Sindroma e Vezoreve Policistike: është gjendje e shpeshtë sidomos tek vajzat e reja në moshë, që shkaktohet nga disbalancimi i prodhimit të hormoneve seksuale mashkullore e që mund të manifestohet me cikël menstrual të çrregullt, obezitet (shtim të peshës në masë të madhe), infertilitet (pamundësi për të ngelur shtatzënë) e nganjëherë edhe ciste multiple në vezoret e femrës.

Sindroma Cushing: kjo sindromë shkaktohet kur trupi është i ekspozuar ndaj niveleve të larta të hormonit Kortizol, që vjen si pasojë e prodhimit të tejshtuar të Kortizolit nga gjëndra mbiveshkore ose si pasojë e përdorimit të medikamenteve si Prednizoni për një kohë më të gjatë kohore.

Hiperplazioni (zmadhimi) i lindur i gjëndrës mbiveshkore: kjo gjendje e trashëguar e gjëndrës mbiveshkore karakterizohet nga prodhimi i tejshtuar dhe abnormal i hormoneve steroide duke përfshirë këtu edhe kortizolin dhe androgjenët.

Faktorët e riskut
Faktorët të riskut që i kontribuojnë zhvillimit të hirsutizmit janë:
Historia familjare, shumë gjendje që e shkaktojnë hirsutizmin si sindroma e vezoreve policistike dhe rritja kongjenitale e gjëndrës mbiveshkore janë pjesë e ndonjë anëtari të familjes prandaj pritshmëria që disa prej anëtarëve të familjes të ballafaqohen me këtë problematikë është e madhe.
Origjina, femrat nga vendet e Mesdheut, Lindjes së Mesme dhe Azisë Jugore janë më të predisponuara të zhvillojnë hirsutizëm pa ndonjë shkak të definuar.

Komplikimet
Hirsutizmi shpeshherë është emocionalisht i veshtirë, sepse femrat me shumë të drejtë ndihen jo komode për shkak të qimeve të cilat rriten në pjesët e padëshiruara për një femër. Po ashtu nëse pacientja ka hirsutizëm dhe cikël menstrual të çrregullt ka të bëjë me sindromën e vezoreve policistike që çon deri tek infertiliteti ose pamundësia për të ngelur shtatzënë. Edhe femrat që përdorin medikamente për trajtimin e hirsutizmit duhet të evitojnë shtatzëninë për shkak të rrezikut për defekte të lindura. Qimet mund të largohen me rruajtje, me dyllë, pincetë, elektrolizë, zbardhje me peroksid hidrogjeni, laser.