InkwenkwezisTar

InkwenkwezisTar Contact information, map and directions, contact form, opening hours, services, ratings, photos, videos and announcements from InkwenkwezisTar, New rest, Idutywa.

12/05/2024

Followers plz 🙆

15/04/2024

HAMBA NAM UNDIPHELEKE P5

uDikela uhleli noDuma bayancokola umbalisela ngezinto zase zilalini nendlela ubomi obatshintsha ngayo kuphela yonke into nemfuyo nekati ilele eziko
Duma: kwekhu intle ke lemoto yakho inomzobo wehashe bhut Dikela
Dikela: hay kanti k mfo wakuthi nawe ungayiqhuba lemoto undoqo NJ mnye ukuba unganesibindi
"Uthetha ukuthini k tar D"
"Uyayibona lantyatyambo ubuyothuka yasuk emva koko yanyamalala"
"Ewe nto nje ndoyike ukubuza yonke into"
"Mamela k mfo phaya ezirobhotsini andikuthathiswang kuba ndidinga umntu oncedisayo qha ndixelelwe ngumhlobo wam ofana nalo wakho owamshiyelwa nguyise omkhulu ukuba mandikuncede uzokukhulula uyise emakhamandeleni"
"Ta D andikuva uyandibhida ngoku"
"Kufuneka lomngani wakho ozAkuphathela ubutyebi umenzele isiko ukuze azakuyeka ukunohlutha izinto zakhe kuba boonke obabutyebi bukayise mkhulu babuze ngaye lo" Etsho ekhomba kwale ntyatyambo esuke yegqi qhambu apho angaziyo naye uDuma
Kwasuke kwabanda ulwimi kuDuma kwangevezela amadolo uvalo lubethela ukuphuma ngomlomo kukoyika
"Dikela ziinton ezi uzithethayo sukundoyikisa"
"Khululeka mfo wasemzini akuzukwenzeka nento le undoqo iyakuba kuk*mamela ungabina nkani. Kusasa ngenja ixukuxa kufuneka siyokuhlolela kwenye yenkintsela yexhwele endilaziyo elandinik obubutyebi ngokunik umhlobo lo wam"

Watsho ecofa isitshixo semoto yaswabuluka intsimbi yomlungu iferari, kwasuka kwathi vumbu iPython(inyoka) emibalabala

Waaxhuma uDuma ekhamisile ewakhuphe azingqanda amehlo enga ngath atyhalwa ngamanye kukothuka.
Umchamo wawunkcenkceza andithethi k watsho ngomntyangambo womsuzo owayibeth yabopha iyadi 🤣

"Tyhini bafondini awnantloni uligwala kanti"😆
Watsho uDikela isiqhazolo sentsini
"Asoze akwenzento lomfo"
"Ta D kant uhlala negqajolo lenyoka engaka kulemoto😭 "
"Kanti k mfo ka Nxukhwebe ingxaki ayikho TU kwaphela, kusasa kuzakufuneka sizamile sitshayelele umsebenzi ngokuba awsenaxesha lingakanani uzakude ulimale umhlobo wakho u
ukhangelana nawe futhi k akuzukuzikhethela wakhethelwa usesesizalweni sikanyoko lomsebenzi esizakuwenza iyakuba yimfihlo yakho yanaphakade ude uyongena engcwabeni"

Kwasa okungaliyo
UDikela uthathe isigxadavu sakhe se Land Cruiser bangena endleleni bafike ngecala emva kwentsimbi yeshumi kwelase Natal Kwa Mhlabuyalingana.......

Liyaqala ke ngoku ibali serious ndiyeke ukugwegweleza

Nzomqala p6 ngo 9 after 20 reactions

15/04/2024

HAMBA NAM UNDIPHELEKE P⁴

Bahambe bebuzisa ngesikhululo samapolisa esikufutshane kuba bebengena ndawo yokufihla intloko ngelolanga.lalisele lisiya kunina lisithi ndithenge.
Ngethamsanqa bayifumana balala apho ngobobusuku
Ngosuku olulandelayo bangena endlelen behamba becela umsebenzi
UDuma yena wayeme ezirobhotsini njengabantu boonke
Uhambile yena uDeliwe waya kwi saluni ezilapha edolophini kuba wayekwaz ukwaluka iinwele
Ngethamsanqa ngelolanga bayifumana imisebenzi uDuma yena wathathwa ngomnye umfo wayeqala ukukhwela imoto eluhlobi lwe ferari "tyhini madoda yimotoni" ecingela ngaphakathi
Bahamba nalomfo apha endleleni bayancokola
"Mnuzana mna ngu Dikela lo umbona ndingeva elakho igama "
Duma:mna bhuti ndingu Duma isiduko ngu Nxukhwebe"
Dikela: oh ndyakuva k mnumzana uyabonakala ukuba irhawuti Eli awliqhelanga liphi ikhaya"
Bancokola de bayokufika emzini walomfo xabefika kwelipomakazi lalomfo sisithabathaba somzi house ngolwase mzini
Kuthulekile emzini walendoda akukho nenja Le
Uthe esehla emotweni uDuma engekakhonjiswa nomsebenzi azakuwenza wabona intyantyambo entle wayincoma
Yasuke yathi lendoda kuye
Uyabona k mfo ka Nxukhwebe BEAUTIFUL THINGS COME AT A VERY HIGH PRICE. Wahlekela phantsi uDuma
Wathi uDikela thatha umthwalo wakho emotweni uze ndikubonise igumbi ozakuhlala kulo wenza njalo k wabuya kodwa into emangaza uDuma kukuba akasayiboni lantyantyambo ebeyibona kodwa wothukela ngaphakathi enemibuzo eyinqwaba engenazimpendulo

[Emakhaya kwilali yaseNtilini uMatshezi bagcakamele ilanga]
kungene umnxeba osuka kuDuma ukuba noko izinto noko zibhetele bavuya kakhulu abazali
Ebusuku kulelwe ubawo uNxukhwebe eve ilizwi elimkhwazayo kanti uyaphupha
"Mzimasi"(umzimasi k ligama lika bawo unxukhwebe)
Liyele lisondela elilizwi naye asabele
"Ngubani lowo"
"Nyana wam iinkani asokuze zikuphumelelise ebomini"
"Tata nguwe lowo"
"Kutheni uhluphekisa igazi lakho kodwa ndakushiya nobutyebi obungaka"
"Tata tata sundishiya ndinemibuzo"
Uthe emlandela utata wakhe kweliphupha kodwa kwasuke kwalidami wazama uk*mleqa wasuke woyela. Uthe xa eqala ukurhaxwa wothuka ebile emanzi
Kodwa kwezonzulu zobusuku uMatshezi wayelele obentlombe
Kwasa ekuseni yaphuma phandle ingwevu yakwa Nxukhwebe Yaya kugcakamela ilanga ngasebuhlanti
"Kwekhu madoda yinto endizakuyithini le ndandithe kutata andiyifuni mna lento 😭 andisokuze ndithenge ubutyebi ngegazi lam asoze" yile gwevu Le izithethela yodwa, yothuka kulongcingane isothuswa nguMatshezi owayemphathele isidudu samazimba.
"Mazi yakuthi kukhona apho kufuneka nditsibe khona
"Awu tata kanjan ngokuba uyatotoba nje"
"Hay wena zikhona isentana ebendizigcinile kulemali yam yesibonelelo ndizakukhwela ngayo kodwa k akukudanga apho ndiya khona"
"Uyaphi tata"
"Ezinye izinto azifuni bafazi marn kutheni wandixina ngemibuzo engaka" watsho ngomsindokazi omkhulu uNxukhwebe akazange agqibe nesosidudu watatsalaza k wenjenjeya ukuya esitopini

Ufikile emzini welixhwele ubesiya kulo kuba wawusecaleni kwendlela umzi walo
"Ndyabhotisa Kwa Diliz' intaba nkanyamb' enkulu ecand' iziziba
Kuthe kisenjalo waphathwa yintloko kwangevezela amadolo uNxukhwebe Wawa didli phantsi
Waphaphama sele esesigodlweni selixhwele
"Ndiphi haybo"
"Ungothuki wena ndodenkulu sele ndikuhlole ndagqiba kuba kwaphupha Eli uliphuphe phezolo ndiyalazi"
"Ewe Rhadebe"
"Ixesha sele lixhatshwe yinja ke mfo wakuthi ngoba utata okuzalayo sele ekuhambela phambili ngoku wohlutha konke awayekushiye Nako ngoba ichanti lakhe awayethe ukushiyela lona liyalambatha yilonto umzi uphela. Abantwana bayaphephetheka, nanku uNtondo wakho ekwelaziwa Nguye ebaleke isikolo ngenxa yenkani zakho.

Sele efuna ukukugqithisa amafu ngoku. Kodwa k kuba iligazi lakhe sele ekhethe unyana wakho lo wesibini ukuba ibenguye ozakungena ezihlangwini athathe lentwalo"

"Nkanyamba lento yiyo Le eyagqiba odade bethu kunye nabantakwethu. Ndingathini ukuthenga ubutyebi ngegazi lam ngoba utata wayesisityebi esaziwayo umhlaba jikelele kodwa abantwan basekhaya kunye nomama bawunabela uqaqaqa ngenxa yalenyoka andiyifuni mna nalomzi kungcono uphele"
"Uyabona k mfo ka Nxukhwebe sele woyisakele wena ngoba kuyafana nokuba awufuni lenyoka ihleli izakulitya igazi lakho uthanda ungathandi. UDuma unyana wakho sele imlandela futhi ayikho into angayenza ngapha Koko iyak*mbulala nya.

15/04/2024

HAMBA NAM UNDIPHELEKE P³
"mama thina ngoku siyayeka esikolweni siyokufuna umsebenzi"
Uvakele esitsho uDeliwe kunye noDuma kwaye bebonakala ukuba baxhwalekile emoyeni nasebusweni
MaTshezi: nithinina bantwana ndini apha k*m hay sanukundidwabela unobenani apha.
"Mama kubuhlungu ukubona ubulalek uyintlekisa kulelali uzamela thina phofu sibe sihleli singenzinto silinde ukhongozwa nguwe kodwa wen notata nasifundisa Naze nancama nemfuyo yenu. Ngoku sele ilithuba lokuba nathi sizibonakalise kuba sikhuliswe kakuhle futh ngengqeqesho enisinike Yona asokuze singakwazi ukujongana nelizwe kunye nemiceli mngeni elapha phandle"
Uvakele esitsho umafungwashe kaMaTshezi
"Tyhini Thixo nithi ababantwana bangenwe yintoni na?
Kungene ubawo uNxukhwebe sele etotoba ngomlenze wakhe wesitha
Aw madoda ingwevu yakwa Nkxwekhube esele ingasakwazi ukuphatha nayiphi ngaphandle kwecephe lomngqusho nokusela iipilisi isakugqiba ijike nelanga.
Ingubani na ongalisola elixhego elalinentsebenzo eyayingako noxa nje sele iyinja ekhokhotha ileli ngecala nje

MaTshezi: Tyhini tata kaDeliwe khawuve ababantwana lembudane bandifundekela ngayo. Bathi bayokukhangela umsebenzi kuba mna ndyoyisakala.
Deliwe: mama akhange sitsho kanjalo klk sithe noko nathi sele sibadala ngoku sifuna ukuncedisana nawe.
Intombi k leyakwa Jalamba yayiyintombi apha eziqinisayo nokuba sekunzima kangakanani wayezifihla enegugu futh ezixelela ukuba akakho onak*ma endleleni yakhe
Kwacetyiswana k lolusapho ze yaphuma kubazali bobabini imvume kunye nezibusiso zokuba bangayibopha ibemincinci eyabo imithwalo basingise kwanyama ayipheli kuphela amazinyo endoda EGoli k ukutsho.
Enziwa k amalungiselelo waxhela iinkuku Zambini uMaTshezi wabhaka imibhako yamibini wagqiba wafaka kwingobozi
Kusuku olulandelayo kwalungiswa kwathandazwa Waze uMatshezi wabapheleka ke uMatshezi ukuya kwisikhululo seebhasi ezisingise eGoli
Zabonakala zisithi ciphi ciphi inyembezi esithi oh bantwana bam yanga uThixo angahamba nani anikhusele
Yanduluka k ibhasi isitsho ngesandi esayibetha intliziyo kaDuma noDeliwe yabetha ngamandla kaloku ngoku akusekho mama akusekho tata ngabo bobabini etshatshalazeni baya kwilizwe leembali abaqalayo nokulibona apho kuthiwa ixoxo nexoxo liyazigxumela
Yatyhabatyheka ibhasi icanda iinduli neentaba kunye namathafa isingise kwelikude

Ithe ibetha intsimbi yokuqala yase sele igalelekile kwidolophu eyawathibaza amehlu kwaDuma kunye noDeliwe
:Yhu mntase xazinokudilika ezizinto singafela apha soonke"😭 uvajele esitsho uDeliwe
"Yhu jonga ingath ihamba emoyeni zintoni ezi zimenyezelayo jonga kukho nabantu ngaphakathi. Iyhu asoze ndingena pha mna xa inokubotyoka lento yhu nkosi yam" nguDuwa low utsho ephendula eDeliwe
Kuvakele kusithi qhuzu qhuzu intsini ebhasini. Kaloku yimimangaliso Kubo Le gxebe iyafana nokungathi basemaphupheni

Yagaleleka ibhasi esikhululweni wonke umntu wohlika ingulowo esiya ngendawo yakhe

15/04/2024

HAMBA NAM UNDIPHELEKE P²

Emva kweminyaka engamashumi amathandathu(60) walifulathelayo eli lima begade ahlabayo ubaw' omkhulu uNxwekhube. Kekaloku izinto noko bezithande ukutshintsha kuba kaloku uNxukhwebe lo ubesidla ilifa likayise kuba kwinzala kabawo omkhulu uNxukhwebe kwakunguye owayesele
Imfuyo ibithande ukungandi futhi ke nentsimi zayo ingwevu le ezinye zazo bezisele zilele kuba iinkabi ezi zesipani bezibhityile zingenawo amandla okudontsa iiplanta, izikhoji kunye nezileyi

Kwixesha lonyaka lase busika ngamanye amaxesha noko ikati ibisele ithanda ukozela apha eziko gxebe nokulala ngamanye amaxesha Ngenxa ke yesivuno ebesingekho sihle TU kwaphela

Ihambile iminyaka ileqela eshumini(10) izinto zithanda ukujika zinzima mpela ngoku
Intombi yakwa Tshezi uMajalamba umlingani lo kabawo uNxukhwebe ubesele ehamba ehlakulisa, evunisa enkinkqa apha ekuhlaleni ukuze Abeke isonka efafileni
Into ebangela konke oku imfuyo yayisele ithengisiwe yonke kuleminyaka elishumi idlulileyo kufundiswa ngayo k uDuma, uDeliwe kunye noDiliza ababesele bek*mabanga aphakamileyo kwisikolo iZweliwelile
UDeliwe nguMafungwashe kabawi uNxukhwebe kulandele uDuma ize iphelo ibengu Diliza
Ihambile iminyaka beqhuba kakuhle ezikolwen futhi bekrelekrele bonke bengathumani manzi. Waqala wagqiba ibanga lakhe leshumi uDeliwe kwalandela uDuma ze kwasala uDiliza ke lo kuba ubengu ntondo apha noko othe qelele ngeminyaka apha k*mkhuluwa wakhe kunye nodade wabo
"Tyhini hay ndigugile" uvakale esitsho ubawo uNxukhwebe lo mhla esemasimini dele engcambaza kuhle. Awu madoda ingwevu eyayikhuthele inamandla futhi yondlekile. Tyhini bafondini indlala le inamanyala.

15/04/2024

HAMBA NAM UNDIPHELEKE P¹

ubaw' omkhulu uNxukhwebe kwimbali yase Makhonjweni ezimbalini waye sisinhanha, eyindoda emadodeni, apho wayehamba khona kwakungasali thuli ngokuba wayebezicaka zakhe ezazimpheleka naphi na apho asingise khona. Wayne xa esihla kwiqegu lakhe lomhlobo we Mesidisi(Mercedes) I wagoni ngelamandulo I've iimbongi zihlalamba futh ziphele spho kuba wayengafuni ukuthuthwa ngeziduko zakhe ezipheleleyo kwaye nesizathu sasikwa Lele apha kuye uNxukhwebe lol.
Zazisith xazigqithe " sinhanga somhlaba esith sakunyathela kingaqhumi thulu, yenjenjalo k into kaanxukhwebe madoda indoda emadodeni into esakuhleka kundil" izulu" yayisi ingekagqibi nalombongi ayinqamle uNxukhwebe ngokungath yindoda enolunta kodwa imisebenzinyakhe ekuhlaleni yayincumisa futhi bemthanda ubawomkhulu unxukhwe owayenguyise ka Zanokhanyo nditsho ubawo uNxukhwebe k lo ongumlingane kaMatshezi
Ezimbalini kude phaya ubawo uNxukhwebe lo waye enamadodana amabini uDuma no Diliza kunye nezibulo lakhe gxebe umafungwashe wakhe udeliwe. Udeliwe lo wayeyimbi apha ecikiziweyo, babesithi abafana abasuka ezinkomeni xabedlula ngendlela beza ukuqhaza iintombi kuth gqi uDeliwe owayelikroti nditsho esogqitha amakhwenkwana.
Andithethi ke ngee dyongo needyongwana wayebetha iqatha enyuke ayoqhina ngomhlana ngenxa yamava abenawo udeliwe lo kuba kaloku ubekhula nama khwenkwe inguye yedwa intwazana kokwabo kunye nalamakhwenkwana mabini

15/04/2024

HAMBA NAM UNDIPHELEKE P1 (Based on a true story



Kwinyanga yomdumba kwiveki yokuqala Ezilalini Kwa nkxwekhube kwixesha lonyaka(season) lase kwindla amathunzi anabile namadlelo ahlaziyekile iziqhamo nemifuno zihlayekile
Nezulu sele lihlomile kude phaya ezintabeni ngaphesheya kwaNxwekhube uMatshezi ongumfazi ka Nxukhwebe ufulele embindibi wegadi. Ezikho unopotyana uyadlwabhaza ngamaceba kunye nebhaqolo amabolose ndibala ntoni na
Amalahle eziko abomvu kosiwe umbona omtsha kuyachutyelwana umbona ingulowo ucela ukulele lowo indlela eya kokwabo😀

Loonke usapho lungxangile kuba kwaXhosa Sesona sidlo esasikhe sanambitheka ESO futhi isesona sidlo n esinesondla ngendlela esingummngaliso.wonke ubani waye echulumamncile ngendlela engathethekiyo
Olu ibilusapho uluphila ngokulima nokufuya kodw kwicala lemfuyo noko amaduna namathokazi ebethe ukunqongophala. Kwimbali yolusapho utata ozala lengwevu yakwa Nkukhwebe kwakukuyiyindoda eyayi sisinhanha futhi ke wonke ubani ngezontsuku wayeyihlonipha, iyindoda enobubele kwaye ibathanda abantu
Kwimizi ehlelelekileyo lendoda yayifika incedise apho ikhaya lingenazo impiko zokubhabhela khona
Eneneni ubawo omkhulu uNxukhwebe wayebazi abantu Kwaye nabantunbasekuhlaleni babemazi

Lengwevu esithetha ngayo apha ngasentla nguyise kaBawo uNxukhwele esizakunibalisela ngaye kwelibali esele liqhuba elithi HMBA NAM UNDIPHELEKE(based on a true story)

Address

New Rest
Idutywa

Website

Alerts

Be the first to know and let us send you an email when InkwenkwezisTar posts news and promotions. Your email address will not be used for any other purpose, and you can unsubscribe at any time.

Share