ضربة جزاء لارضاء الخواطر، لكن االله كبير. لقطة صعيب تعلن فيها على ضربة جزاء، الحكم كان ذكي و مبغاش يمشي الفار باش يخلي المسؤولية و التقدير لحكم الفار و يخرج هو من باب واسع.
12/02/2021
توصل نادي الرجاء الرياضي بعرض رسمي من نادي أولمبيك مارسيليا من أجل تسريح ورقة نجمه سفيان رحيمي للنادي الفرنسي مقابل 8 ملايين يورو ، وهو الملبغ الذي رآه المتتبعون للشأن الرياضي المغربي دون قيمة نجم الرجاء الرياضي الأول
وحسب تسريبات العقد فينتظر أن يحصل الرجاء الرياضي على مبلغ 8 ملايين يورو كدفعة كاملة مع متغيرات تقدر بمليون يورو اضافية ، ونسبة 10% من أي انتقال مستقبلي ، فيما سيحصل النجم المغربي على عقد ل خمسة مواسم ، بمليون ونصف المليون يورو للموسم
هذا ويسعى المغربي ناصر لارغيت المدير الفني الجديد للنادي الفرنسي استغلال قربه من محيط اللاعب والنادي المغربي من أجل تسريع ضم اللاعب خلال الانتقالات الصيفية المقبلة
جدير بالذكر أن أولمبيك مارسيليا كان قد أقام علاقة تشاركية مع نظيره الرجاء المغربي ، من أجل تبادل الخبرات والتجارب في مجالات عدة ..
01/12/2020
فاش انت كتخلص ب 600 ولا 400 مليون العام sans prime de rendement sans prime de match sans salaire.
وكتلعب في الرجاء وفي التيران لا اعداد بدني لا تقنيات ل مهارات لا تكتيك لا اعداد نفسي لا والو.
راه انتما ماشي ولاد الناس ملي الجمهور كيقطع بالعداب والهليكة وبنادم كيتسلف ويتكلف ويبيع حوايجو باش يشوف الرجاء تفاجي همو وتنسيه الفقر وتنسيه البطالة وتنسيه غدر الزمان وغدر الشمايت وطعنات الزمان لي كيبكي في صمت وانتما كتجيو تسطاو عليه.
تخبيتو ب les salaires رزقكم خديتوه على الرغم انكم درتو اضرابات وكنتو كتعزلو الماتشات وصكتونا وقت ما بغيتو بلا تراعيو لمشاعرنا دنبنا انكم كتلعبو في الرجاء.
بحال شي واحد صاحبك وخوه ماديك وانت كتحشم على وجه خوه حيث تشاركتو الطعام وببناتكم مواقف ومحبة في الله.
زيد الجمهور لي كيصنع منكم نجومية كرطونية نجومية الانسطكرام والتبعصيص والعياقة والتكبر و صفر انسانية وصفر مبادئ وصفر قيم.
ولاو الرجال مهمشين والشمايت كطبلو لهم.
عزيز عليكم المظاهر حيث الاغلبية مربي ماشبعانش في قلبو راه الرجاوي الاصيل كيشم يدو كيشبع وكيقدر المردودية والتضحيات ماشي نوع السيارة ولا الفيلا ديال اللاعب.
كتعيشو l'élevage humain في حياتكم حيث ملي وليتي كتشوف واحد كيسلخ الام ديالو والاب ديالو ونكر خيرهم عادي انه مايقدرش الناس لي كضحي على الرجاء عادي انكم طبلو لوحدين لاشيء.
هادشي سببو ان الرجاء في كل انجاز كاتجي واحد الفئة ماهارفاش اشناهي الرجاء ومبادئها وقيمها.
كمثال :كايكون واحد الاختصاص مهني مربح وكينوضو مالين الشكارة كيستتمرو فيه وكيولي مدلول من بعد حيث الحريفية كيتهرسو ومول الشكارة ماشي ولد الحرفة .
من 96 جات fusion .
6 البطولات متابعين جات فئة دخلات وسط الجمهور ومافاهماش شكون هي الرجاء لحسن الحظ لقاو ناس كتفهم في البالون ورجاويين جوهريا وبمبادئها وبزز منهم نصاهرو مع منظومة الرجاء.
جا كاس العالم للاندية 2000 جات فئة اخرى نفس الشيء لكن الناس لي تفرجت في الستينات والسبعينات الثمانينات رجعو الوراء حيث الصحة تهرست فئة خوات كازا فئة في الغربة وفئة تقلب عليها الزمان وفئة تهرست في صحتها وفئة بعدات لاسباب اجتماعية.
لكن المبادئ والقيم بقات ثابتة .
جات 2005 تما صلينا الجنازة على هوية الرجاء من نهار ماتش الجيش الملكي ارمون مشات البطولة.
الهوية مشات اختلط الحابل بالنابل.
جات 2010 بداو جراديستات مع احتراماتي لبنات الناس الرجاويات الحرات الطاهرات حيث كاينين.
جا 2013 وبدا تقديس الاشخاص اللاعبين وماخاصكش تعطي رايك وترجاويت ضربات المبادى والقيم في خبر كان وولينا كاي فريق.
التقييم مابقاش بالمردودية ولا بالانسطغرام والتبعصيص مابقاش بالكرة.
الرجال مظلومين اعلاميا وجماهيريا وشمايت كيتجبدو في كل لحظة بثناء ومدح منقطع النظير.
السبب هو ان بنادم اصلا مامربيش حتى في دارهم .
الرجاء كيان واللاعبين عطاشة خماسة عندنا .
حنا الرجاء.
ظلمي عبد الرحيم مستودع بصير بتي عمر النجاري توفيق رحمه الله جمال كلشي تسب.
بيتشو احسن عالم في تاريخ أفريقيا وتسب.
راه كنا كندخلو المغانة كيخرجو معنا الناس les devoirs في الفرنسية homework في الانجليزية .
كنا كناقشو مواضيع ثقافية واقتصادية .
قدامي واحد شرح لدري التكامل integral والمتتاليات les suites
دافعة ارخميدس la poussée d'archimede.
كانوا ناس كيكتبو القصائد la poésie.
في déplacement كنتي كتمشي تاكل في الطريق كاتنوض تخلص حتى كيقوليك caissier راه داك دري مول زرق راه خلص عليك.
كنا كنطلعو في الكار كتنعس كتنوض كيقوليك واحد خويا طاحت لك هاد الفلوس.
دوزنا التكافل والتضامن وهادشي والله ماغاتعيشوه حيث انتما ساسكم راشي.
المغانة كانت عبارة عن حضن للتنمية البشرية.
الوازيس عامر وشحال من اللاعب كان كيجي وخايف حيث جمهور شبعان كرة شاف العلم الكروي .
ماكانش كيقوليك نسيتي خيرو.
جيب الصورة ديالو نهار جا الرجاء والصورة الحالية ديالو وغتشوف فضل الرجاء عليه.
العماري الله برحمو قال كلمة في 97 قبل ماتش اورلندو بيراتس في كازا.
قال الرجاء الا بغات تربح لا يهم الخصم كتربح والرجاء كتخسر نفسها بنفسها.
كنا خوت واحباب وجيران وكلشي.
اخر الرجاء حسيت بها ومبادئها وقيمها هي الرجاء ديال 93 94 95 الالقاب ماكانتش ولكن حب كبير عشناه.
الحب ماغتفهموش حيتك صعيب تستوعبو حيث الجب تربية وثقافة ونبل انسانية.
حرام تدخل للوازيس ومامتلقاش صورة بنابادجي العشفوبي الربحانؤ الكادري وبن الصديق وحجاج والناوي وعبد القادر جلال.
حرام متلقاش صور الروداني بهيج بيتشو ظلمي موسى بينيني غاندي مستودع الحمراوي بصير النجاري رضى الشادلي توفيق.
حيث هاد الصور اي لاعب دخل للوازيس كيفهم اش كيتسناه وشكون هي الرجاء وماعمرو غيكبر على التوني وحتى الجمهور غاتكون واحد الهبة كيحس بها مع الرجاء télépathie spirituelle.
يعني هادشي ماكينش ادن غياب ثقافة الاعتراف وغياب الجحود وضرب عرض الحائط مبادئ وقيم تأسيس النادي .
ادن فمرحبا بالعبث والعشوائية.
هادي هدمة المسييرين.
فاش كتشوف واحد كينوض كيقوليك مانديرش abonnement annuel حيث الفلوس غيديها فلان ادن انت عندك فكر مادي مسبق والرجاء تاسست ضد الرسمالية ويلا خلصتي لاكارط راك كتخلصها من تجل الرجاء ككيان وليس من اجل الشخص x.
لاكارط حاجة بديهية من المسلمات بحال شريب الماء من الاساسيات.
هنا نستنتج ان هناك جماهير رجاوية بالاسم والكمية وليس بالجودة.
فاش كتشوف ان الرجاء فقد بوصلته لانه تخلى مبادئ وقيم التاسيس.
ملي كتشوف جمهور dédicaces و selfies.
جمهور طلع التيفو سالا عندو الماتش.
جمهور التبعصيص والعياقة وكيتهكم على واحد لابس حلومة كيضحك عليه.
باش انت رجاوي وانت كضحك على مول حلومة فين هي 30 مليون نسمة رجاوية راه الفقر الفكري راه كارثة اكثر من الفقر المادي وهاداك لي كضحك عليه يقدر يكون شرف منك ومقامو امام الله احسن منك.
فاش كتشوف وتحد شاري ورقة 50 درهم ويبيعها 200 درهم لرجاوي بحالو مسحوق ماعندو ماياكل وكتقول ولد الشعب .
ماعندكش مبادئ وقيم ولاد الشعب وبمعنى مبادئ الرجاء.
لو تأسسالرجاء بارض سكنديناف او كندا او نيوزيلندا او استراليا سيكون لها مكانة كبيرة لان مبادى ترجاويت نبيلة وتشبه مبادئ المدينةالفاضلة.
لكن للأسف......
فريق بدون مقومات احترافية .
ادارة تقنية.
ادارة رياضية.
خلية لدراسة الخصوم.
مسؤولين على الانتدابات.
بهادشي باش ت valider للاعب يطلع الفربق الاول ولا يدار انتدابحسب دراسات ومقايس علمية les normes.
وهادشي خاص المسييرين يديروه حيث حشومة من 2000 وحنا عايشين في تدبير الازمة وماشي تسيير الرجاء.
نعطي الراي لكن مانفرضوش حيث ماعندناش licence a b c .
وماقارنيش management sportif.
احترام الآراء ونقاش الافكار بدون سب وشتم راه من مبادى ترجاويت المحبة في الله والانصات .
عارف والله ماغتفهمني .
ماعمرك تقدر t exister f le monde dyali.
Être rajaoui=avoir un diplôme.
والله ماغتفمني.
حيث عقلك غارق في الرسمالية المتوحشة لي ردات منكم جسد بدون روح.
ترجاويت والفكر المادي خطان متوازيان وغير متصلان.
مبادئ ترجاويت متناقضة مع مبادئ المجتمع المغربي.
ديما الرجاء لي بغينا ايام الوازيس بلا باب.
02/05/2020
حدث في مثل هذا اليوم من سنة 2012
عندما أذل وداد المقاومة بقيادة أسطورة الفريق نبيل ميسي الرجاء في نهائي كأس رمضان الدولي بطنجة
100 لقب 🔴👊 ا القرودة 🐒
02/05/2020
تحية لآيت منا لي شاري اللعابة للوداد و كي خلصهم واخا الكونفينما✋
02/05/2020
مسكينة فيها les regles
متقدارش تعوم
01/05/2020
هههه 😂😂 لي كا نعرفو كاملين النجم تانية حتى 2019
ههه 1999 بوجمعة قصاب معلق النجمة تانية فشورات هه😂😂
من بكري اهوما كايزيدو النجمات وقتما بغااو 😂😂😂
برطاجي برطاجي 😂😂😂
و طاكي الحولي عشيرك سول شحاال من نجمة عندهم 😂😂
Be the first to know and let us send you an email when DIMA RAJA posts news and promotions. Your email address will not be used for any other purpose, and you can unsubscribe at any time.
