Sandy's Gifts

31/08/2020

بفكركم إن النهاردة آخر يوم لعرض الDollhouse kit ⏳⏳

13/08/2020

ناس كتير من زمان ولحد دلوقتي كانت بتطلب مني اعمل ورشة لتعليم الأطفال المصغرات 👧👦

.. بس الحقيقة أنا مكنتش بفضل اعمل حاجة زي كدة لكذا سبب ولما فكرت آخد خطوة واعمل كدة جت ظروف الكرونا اللي خليتنا كلنا قعدنا في البيت

وكان انسب حاجة اعملها هي الكيت دي عشان تبقى أول خطوة في تعليم الأطفال فن المصغرات 😍

الكيت عبارة عن بيت عرائس🏠
للاطفال من سن ٧ ل ٥٠ سنة 😄
بيركبوه كله بنفسهم والتعليمات كلها موجودة في الفيديو دة👇
https://youtu.be/g9ACFnRJv7Q

⁦🖌️⁩ البيت معمول عالخشب عشان يبقى عندهم حرية وابداع في تلوينه على مزاجهم 🎨⁦
⁦🖌️⁩ مقاسه بعد التركيب ٣٠ سم * ٣٠* و عمق ٢٠ سم
⁦🖌️⁩ البيت عبارة عن دورين و الأثاث بتاعهم وورق حائط للخلفية

=====================================
الكيت ب ٣٥٠ بدل ٤٥٠ جنيه
إلحقوا العرض لأنه لفترة محدودة جدا 😉📣💰💰

للطلب ادخلوا عاللينك دة 👇
https://gohandy.co/product/dollhouse-do-it-yourself-kit/

Powered by Handy

08/08/2020

Very Soon 🤩🤩🤩

Soon ⏳ ⏳🛋️

🤝 Sandy's Gifts

02/07/2020

Get ready for the #1 miniature DIY Kit in Egypt 🤩🎨🖌️👩‍🎨
Powered by Handy

الكيت بقت متاحة دلوقتي من اللينك دة 👇
https://gohandy.co/product/dollhouse-do-it-yourself-kit/

20/06/2019

Back to Dream Gifts Soon 😍
Stay tuned 😉

18/05/2019

لو عايزين تعرفوا عني أكتر
انتظروني كمان ساعة في برنامج InBox
على قناة صدى البلد ٢ ☺☺

16/05/2019

هدية فزورة قهوتك معي النهاردة برعاية
Sandy's Gifts 😍
https://www.facebook.com/1919868888299796/posts/2396922843927729/

الفزوره الحاديه عشر 1️⃣1️⃣

اليوم 11 من رحلتنا حنشرب قهوتنا سوا و نعيش تجربه ساحره بطعم مميز وانيق هذا النوع من القهوه التقليديه لهذا البلد تشبه قهوه اللاتيه لكنها تختلف عنها باستخدام القهوه المخمره و ليس الاسبرسو يتم استخدام نسب متساويه من القهوه المخمره و الحليب المبخر و تعتبر نسخه مخففه من قهوه اللاتيه.. و تسمى Cafe ole ☕☕
لا يصار عاده الى و ضع الاضافات باستثناء السكر ..

07/05/2019

هـدايا النـاس بـعضـهـم لبـعض *** تولـد فـي قـلبهـم الوصـالا
وتـزرع في الضمير هوى وودًا *** وتكسوك المهابة والجلالا
مـصـايـد للـقـلـوب بـغـيـر تعب *** وتـمنحك المحبة والجمالا

*******************************************************************
كنت بدور عن تاريخ الهدايا في الإسلام .. بما إننا في رمضان و كدة و لقيت الأبيات اللي فوق دي 😍

للأسف وسط زحمة الحياة بننسى إن الهدية سنة نبوية وإن المهاداة من خلق الإسلام .. ومن الأفعال اللي حث عليها الرسول عليه الصلاة والسلام

الهدية في الإسلام هي رسول خير، ومظهر حب، ووسيلة قربى،... تـُقرِّب البعيد، وتصل المقطوع، وتشق طريق الدعوة إلى النفوس 👩‍❤️‍👩👨‍❤️‍👨

الهدية من أهم وسائل كسب القلوب، وبناء العلاقة بين الناس، وممكن تكون بسيطة جدًا في قيمتها، ولكنها تدخل سرورًا، وتظهر مدى الاهتمام.

قال البخاري -: "باب قبول الهدية" وروى فيه عن ثابت قال: كان أنس يقول: "يا بني تبادلوا بينكم؛ فإنه أود لما بينكم"

وقد كان النبي -صلى الله عليه وسلم- يقبل الهدية، ويثيب عليها، ويدعو إلى قبولها، ويرغب فيها

ومن خصائص الهدايا في الإسلام:

1- تدخل سرورًا، وتظهر مدى الاهتمام. 🥰

2- تؤدي إلى الحب بين الطرفين. 💜

3- تذهب وحر الصدر والبغضاء والشحناء. 😇

4- تفتح القلوب، وتقرب بين وجهات النظر.🤗

5- من أهم وسائل كسب القلوب، وبقاء العلاقة بين الناس. 👭

***آخر 4 قطع من بوكس لمة العيلة موجودين دلوقتي في The Passion Point

👈مربع ١١٦٠ شارع المشير أحمد اسماعيل عمارة ٦ أمام الاكاديمية العربية للعلوم و التكنولوجيا خلف كافيه سوبريم ..شيراتون هيلوبوليس

05/05/2019

عن "لمة العيلة" في مصراوي ❤❤👇

https://bit.ly/2VL3Hyq

فرحة على الخشب هدايا ساندي تحقق الحلم و لمة العيلة في رمضان | مصراوى

03/05/2019

عندي حلم 💭
إن يبقى فيه في كل بيت قطعة فنية أنا اللي عملاها بإيديا 👐
اللي يشوفها تسعده 😍.. تديله أمل ☺ .. أو تحمسه يعمل حاجة بيحبها ❤
و إن تبقى الهدايا اللي بعملها سبب في إسعاد الناس و فرحتهم 🎉🎉
هدايا يتوصل بيها الود ..
يتصالح بيها المتخاصمين ..
يتعبر بيها عن حب ..
و يوصل بيها الرحم ..

جمعة مباركة عليكم 💚
لطلب بوكس لمة العيلة ابعتولي رسالة على الصفحة 📩

28/04/2019

لمة العيلة ❤❤
لتفاصيل أكتر من هنا 👇
https://m.facebook.com/story.php?story_fbid=471633513375911&id=126119647927301

28/04/2019

قطع محدودة من بوكس لمة العيلة متاحة حاليا للتسليم الفوري من
The Passion point
مربع ١١٦٠ شارع المشير أحمد اسماعيل عمارة ٦ أمام الاكاديمية العربية للعلوم و التكنولوجيا خلف كافيه سوبريم ..شيراتون هيلوبوليس

20/04/2019

"لمة العيلة"
وصل وصل وصللللللل 🥳🎉🎉🎉🎊🎊🎊
من فترة نزلت أشتري فانوس عشان أديه هدية لواحدة صاحبتي برة مصر و لما قعدت أدور الحقيقة اتصدمت 😟
كله شبه بعضه ..شبه بتاع السنة اللي فاتت و اللي قبليها ..الفوانيس الخشب المعروفة ..كلها نفس التقطيعة أو المعدن اللي كل الناس عارفاها ..
وأنا من طبعي بحب التميز جدا 😍 ... و بحب لما أعمل أو أشتري حاجة تبقى
Unique & One of a kind 😎
وعشان كدة وأنا بفكر هعمل هدية إيه في رمضان خدت وقتي شوية و قعدت أسأل الناس اللي حوالية إيه أهم حاجة عندكم بتميز رمضان 🌙

وكان معظم رد الناس هو "لمة العيلة" ساعة الفطار 👨‍👩‍👧‍👦
وعشان من أهم معالم رمضان في مصر هو شارعها من ساعة أذان المغرب لحد الفجر .. الزينة و البيوت 🎊🌃 ... فطار العيلة و لمتها 👨‍👩‍👧‍👦... الكنافة الحلوة و مشروب الفطار🥃🥮 ..صلاة التراويح .. لحد سحور الفول المتين 😌

حاولت أجمع دة كله في "بوكس لمة العيلة " عشان يبقى هدية مميزة لكل حبايبنا .. ويفكرهم بالأوقات الحلوة اللي بنقضيها سوا في الشهر الفضيل

مواصفات بوكس لمة العيلة 👨‍👩‍👧‍👦
👈البوكس مقاسه 30*20 سم
👈مصنوع من الخشب الMDF
👈متجمع و متلون يدويا 👐
👈 مزود بإضاءة LED
👈السعر 300
👈السعر مش inbox 😎😂

للطلب ابعتولي رسالة فيها :
👈العدد المطلوب
👈رقم تليفون
👈والعنوان اللي هيتشحن عليه

وكل رمضان و لمة العيلة متجمعة 👨‍👩‍👧‍👦🎉🎉

17/04/2019

جاهزين 😎؟🎉🎉🌚🌙🌃

08/04/2019

امتى آخر مرة احتفلتي بإنجازك و كافئتي نفسك؟

أثبتت الدراسات إن الإحتفال بالإنجازات وتحقيق الأهداف بيحرك الشخص إنه يتنقل و يحقق الهدف اللي بعديه بسهولة و يسر أكتر 🎉🎉
وإن عدم الاحتفال ممكن يؤدي للإحتراق الذاتي المعروف ب الBurn out 💀

لأن الاحتفال بالإنجازات بيخلي المخ يفرز هرمون الاندورفين و بيخلي الشخص راضي عن نفسه و عن اللي بيعمله 😎

ولأن النجاح بيجذب نجاحات أكتر لازم نتعود نحتفل بإنجازتنا الصغيرة اللي حققناها و نكافيء نفسنا دايما 💃🎁

بعيدا عن الأكل و الشيكولاتة ...جبتلكم ٦ طرق تحتفلوا بيها بإنجزاتكم👇:
👈 خصصي وقت لنفسك وبس .. تفصلي فيه و تعملي فيه حاجة تبسطك 👸

👈 دلعي نفسك 💆💇 .. روحي اعملي جلسة مساج أو روحي ال Spa أو اعملي قصة شعر جديدة

👈 خوضي تجربة جديدة 🏄 .. جربي تلعبي رياضة جديدة ..زوري متحف او جاليري مرحتيهوش قبل كدة

👈 اشتري أداة تساعدك تستمتعي بالمهام الصعبة 💁
زي أدوات المطبخ اللي كان نفسك تجيبيها بس كنت بتعتبريها رفاهية

👈 اعملي حاجة مكنتيش تقدري تعمليها قبل كدة 🏃🏇 ..
جربي تجري ٥ كيلو من غير توقف او اتسلقي جبل مطلعتيهوش قبل كدة

👈 وفري مجهودك واستمتعي برفاهيات صغيرة 👸💁..
فكري ايه الحاجة اللي بتاخد منك وقت و مجهو وخلي حد يعملهالك مرة في الشهر .. زي انك توفري وقت الshopping وأجري حد يعملهولك أو لو الطبيخ بيدايقك اتفقي مع مكان يعملك الأكل وويبعته عالبيت...

والأحسن كمان من كل دة انك تكافئي نفسك بهدية
أو بماكيت عبارة عن حلمك 😍
لو عايزة تعرفي أكتر عن ماكيت الحلم زوري اللينك دة 👇
http://www.sandy-gifts.com/ -him
ومتنسيش تسألي عن عرض شهر أبريل 😉

01/04/2019

Stay Tuned 😉🤗

17/03/2019

Special Offer for a limited time 🎉🎉🎉

اشتري ماكيت الحلم "Size M"
واحصلي على خصم ٢٠٪ من
Emy's handmade soap
https://www.facebook.com/emysoap/

و جلسة كوتشينج مجانية مع كوتش مها رزق

https://www.facebook.com/Maha-Rezk-299095143850443/

العرض ساري من اليوم حتى ١٨ أبريل
لتفاصيل أكتر عن ماكيت الحلم دوسي عاللينك دة👇

http://www.sandy-gifts.com/ #3

14/03/2019

"بعد ما خلصت الهدية دي افتكرت مشروع تخرجي 🙈"

زي ما معظمكم عارفين أنا أصلا
Software Engineer سابقا 🙈
وأنا في الكلية كان مشروع تخرجي بعنوان
"Estimating 3D structure from 2D images"
كنت بصمم برنامج عشان يحول الصور العادية لهيكل ثلاثي الأبعاد 😃
اه والله زمبؤلك كدة 😂😂
ودة تقريبا اللي عملته في الهدية دي
نسرين كانت عايزة هدية تشكر بيها مدربة السباحة بتاعتها عشان المجهودات اللي عملتها معاها خلال سنة كاملة
و كانت عايزة زي simulation للمكان اللي كانت بتدرب فيه ..
بس المكان دة طبعا انا عمري ماروحته ولا شوفته عالحقيقة .. بعتتلي شوية صور ليه كدة بس مكانتش واضحة كفاية الحقيقة .. أنا بقى قعدت ادعبس في الصور دي يمين و شمال لحد ما بقى عندي شبه تخيل كدة للمكان عامل ازاي ... ورسمت رسمة كروكي كدة عشان اتأكد ووريتهالها قالتلي اه ..هو فعلا عامل كدة
وقد كان ..وطلع الماكيت اللي انتم شايفينه دة 😍

لو عايزين تعرفوا اكتر عن ماكيت الحلم ادخلوا عاللينك دة👇
http://www.sandy-gifts.com/ -him

11/02/2019

Single? Want to have a date & a gift on valentine 😉?

إذن هيا بنا 🎉🎉🎉🎉
هنتقابل يوم الجمعة الجاية ونحتفل والهدية علية 😍😍
هنتكلم عن الحب و الفن و الهدايا
هستناكوا يوم الجمعة ١٥/٢ الساعة ١١ قبل الصلاة في Oldish وسط البلد
والlocation اهو
Oldish

https://goo.gl/maps/j8n9mBmi4Ny
اللي مستعد ييجي يكتب كومنت عشان ابعتلها المكان و المعاد بالظبط 👌
بسرعة عشان الهدايا محدودة 😉😉

10/02/2019

"جربت قبل كدة تمسك حلمك بين إيديك؟" 🤔

فكرت قبل كدة إنك كنت عايز تشتري نوع عربية معين ولقيت نفسك طول ما انت ماشي في الشارع مبتشفش غيرها؟ 🚗

طيب جربت قبل كدة تبقى بتفكر في حد أوي و حاسس إنه على بالك بزيادة و تلاقيه من غير مناسبة بيتصل بيك؟ 😍😂

طب دة إية دة اللي بيحصل دة بقى!!!
دة اسمه التصور الابداعي 😌.. و هو يعتبر من إحدى تمارين قانون الجذب
هو تكنيك عقلي بنستخدم فيه خيالنا عشان تخلي أحلامك و أهدافك تتحق 🔮

لما بتتصور حدث أو موقف معين فانت بتجذبه لحياتك ولما بتعمله صح وباستمرار بيبقى زي السحر .. بيبقى كإنك عندك جني تحت أمرك 🧞‍♂️

العقل اللاواعي بيقبل الأفكار اللي دايما بتكررها و بيحول تفكيرك،عاداتك و تصرفاتك على أساسها وبالتالي العادات و الأفعال الجديدة هتجذب ليك الناس و المواقف والظروف اللي هتساعدك في تحقيق أهدافك اللي كنت بتفكر فيها 😇😎

👇 ودول 6 خطوات تعملهم عشان تمارس التصور الابداعي :
1- اظبط مودك 🧖‍♂️🚶‍♂️: اتمشى شوية .. خد شاور دافي أو اسمع موسيقى هادية
2- ادخل في حالة التأمل 🧘‍♀️: اقعد كام دقيقة مبتعملش حاجة غير إنك مركز مع تنفسك و بس
3- اتخيل هدفك أو حلمك 🧠 : مثلا اتخيل نفسك حصلت على الترقية اللي عايزها أو بنيت الشركة اللي نفسك تفتحها و شكلها و انت واقف فين فيها و شكل المكان و الناس حواليك
4- احتفظ بالمشاعر اللي كنت حاسس بيها لما حققت الحلم دة بقية اليوم 😍🥳🤗: حاسس بالفخر..الفرح .. الثقة
5- خصص وقت لممارسة التخيل دة في يومك ⏳ : ممكن مثلا تعمل كدة 10 دقايق قبل ماتنام
6- اشتغل و اجتهد عشان تحقق هدفك 👨‍🔧👨‍💼🦸‍♂️.. وانتهز أي فرصة ممكن تساعدك في تحقيق حلمك

وممكن أوفر عليك أول خمس خطوات 😄 و أعملك ماكيت لحلمك يفضل قدامك طول الوقت عشان متبقاش بس بتتخيل لأ دة هتبقى شايف حلمك وممكن تمسكه بإيديك 👐
لو حابب تعرف أكتر عن ماكيت الحلم ادخل عاللينك دة
http://www.sandy-gifts.com/ -him

01/02/2019

Any Singles out there 😃😃??
شهر فبرابر بدأ .. يعني عيد الحب كمان أسبوعين 💑... ناس كتير بتفكر تجيب لبعض ايه واحنا قاعدين في النص كدة 😏😏

يا ترى لو فكرت أعمل حاجة للSingles فقط هلاقيهم مهتمين 😍؟
اللي حابب يعرف هعملكم ايه يكتب أنا مهتم 👇
هيا بنا نحتفل 💃💃💃💃💃💃

31/01/2019

"طب أنا مش بعرف أجيب هدايا!"

"الهدية هي الحاجة اللي ممكن تمسكها بإيدك و تقول "ايه دة دة بيفكر فية 😍" ... أو ايه دة دي فاكراني!"

بس أنا مش بعرف أجيب هدايا 😕.. مجليش هدايا كتير وأنا صغير..
ومتعلمتش ازاي اختار الهديا ..دي مش طبيعتي 😒

عشان كدة دكتور تشابمان بيقدملنا 👈 "عشر نصائح" تعملهم لو شريك حياتك أو أي حد عزيز عليك لغة الحب عنده الهدايا: 👇
==========================================
1- حاول تقدم مجموعة من الهدايا الصغيرة (شيكولاتة ..وردة ..كارت) 🎁🛍

2- خلي الطبيعة توجهك : يعني وانت بتتمشى كدة دور على هدية ليه/ليها .. ممكن تكون عبارة عن حجر أو وردة وممكن تحطلها معاني زي ان الحجر الناعم دة بيرمز لجوازكم اللي خلا الأماكن الجافة عندك بتلمع أو ان الوردة بتفكرك بجمال زوجتك 🌹

3- اكتشف قيمة الحاجات اللي مصنوعة يدويا واعملها هدية بإيدك 👐🤹‍♂️ ... ودة احتمال يتطلب منك انك تتعلم حرفة يدوية زي النحت أو اعمال الخزف او الرسم ... وساعتها الهدية دي هتتورث من جيل لجيل

4- اديها هدية كل يوم لمدة أسبوع 📆 ...مش شرط أسبوع معين لكن أي أسبوع ..واوعدك ساعتها انه هيبقى "الأسبوع الذي كان"وهتفضل فاكراه طول عمرها 😍🥰

5- احتفظ بمفكرة و سميها مفكرة أفكار الهدايا 🗒📝: وكل مرة تسمعها بتقول على حاجة انها عجبتها أو عايزة دة جدا اكتبها في المفكرة واسمعها كويس وساعتها هيبقى عندك ليستة كبيرة بالهدايا اللي ممكن تجيبها لما تيجي المناسبة

6- "ساعدني! أنا محتار" 🙋‍♂️🙋‍♀️ ... لما تبقى محتار فعلا و مش عارف تجيب هدية ايه اطلب المساعدة من احد اصحابها أو قرايبها غالبا بيبقوا مستمتعين أوي بإسعاد صحابهم لما يختارولهم هدية مش هم اللي هيشتروها 😄

7- اعرض حضورك كهدية 👫 ... قولها /قوليله عايز احضر معاك مناسبة الشهر دة وساعتها ممكن تتفاجئ انك هتستمع بحفلة موسيقية أو فيلم جديد قي السينما..

8- اديها كتاب 📘 .. واتفقوا انكم تقروا سوا و تتناقشوا كل اسبوع في فصل منه .. بس يكون كتاب في موضوع يهمكم انتم الاتنين مش على ذوقك انت

9- ادفعلها صدقة جارية 💵💰 ..وخلي الجمعية أو المكان اللي اتبرعتله يبعتلها كارت بإسمعها تقوله فيه عاللي عملته

10- قدم هدية حية 🌲 ..شجرة مثلا أو نبتة زهور و ازرعها و هتفضل تشكرك عالهدية دي سنة بعد سنة لما تشوفها بتكبر قدامها

أو ممكن تسيبكوا من كل دة وتجيبوا هدية من عندي 😄😍😍
عشان تعرفوا أكتر عن الهدايا اللي بعملها زوروا موقعي 👈
http://www.sandy-gifts.com/

29/01/2019

"يا ترى بتحب بأنهي لغة؟"

جيم و جانيس زوجين بقالهم 15 سنة وعندهم تلات أطفال 👪 .. قابلوا جاري مؤلف كتاب لغات الحب الخمسة بعد ما حضروا ندوة ليه و عزموه على العشا عشان يحكوله على المعجزة اللي كان سبب فيها 😍

جانيس بتحكيلوا ان من تلات سنين كانت أول مرة حضروله ندوة عن الحياة الزوجية وانها كانت يائسة في الوقت دة جدا

كان بقالها سنين بتشتكي من جيم وانها محتاجة لحبه و هو مكنش بيستجيب إطلاقا لدرجة انها بدأت تكرهه 😬

كانت بتقول انه شخص روتيني جدا و كل حركاته متوقعة زي الساعة 😏
وانها كانت بتحاول تكون زوجة كويسة جدا وبالرغم من دة الا انها حست انه بطل يحبها بعد جوازهم 😖 وانها مبقتش تحس انها حاجة بالنسبة ليه وانها مستهلكة و ملهاش قيمة 😓

ولما كلمت جيم جوزها سخر منها وقالها انهم جوازهم سعيد جدا وان فواتيرهم بتدفع 💳وعندهم بيت جميل 🏠و عربية 🚗 وانها حرة تشتغل أو متشتغلش وانها مفروض تكون سعيدة بدة كله بدل الشكوة طول الوقت 🙅

هي مكانتش متوقعة ابدا انه يتغير حتى بعد ما حضر الندوة بتاعت جاري بس اللي حصل كان عكس كدة 😳😮

- تاني يوم بعد الندوة جيم رجعلها واداها وردة 🌹 ..فاتبسطت جدا و شكرته😘
- بعدها بيومين اتصل بيها من الشغل وقالها انه هيجيب بيتزا يتغدوا بيها 🍕
- وبعديها بيوم لما رجع البيت كان جايبلها زرعة صغيرة 🌿

لدرجة انها افتكرت نفسها بتهلوس ومش مصدقة اللي جيم بيعمله 😍😍
و قررت تسأله على التغير الفظيع دة و سببه ايه؟

ازاي عمل كل دة بالرغم انه مجبلهاش ولاوردة ولاحتى كارت من يوم ماتجوزوا وكان بيعتبر دة تضييع للفلوس😏

كان رد جيم عليها انه بعد ما حضر الندوة فهم ان لغة الحب الخاصة بيها هي الهدايا 🎁🎁
وافتكر انه مجبلهاش اي هدية من ساعات ما اتجوزوا على عكس ما كان بيعمل ايام الخطوبة لأنه كان متخيل انهم مش هيقدروا يتحملوا النفقات دي وان الكارت هتبص فيه و ترميه بعديها

ووعدها انه هيحاول يجيبلها هدية كل أسبوع بعد ماشاف التغير الهايل في سلوكها بعد الهدايا البسيطة اللي جابهالها

جانيس بتقول انه مبطلش يعمل كدة على مدار التلات سنين اللي بعد الندوة وانهم بقوا سعداء جدا 🎉🎉
لدرجة ان أولادهم بقوا يقولوا عليهم عصافير الحب 🐦🐦

بكرة بقى نتكلم على النصايح 📝 اللي قايلها جاري تشابمان عشان تعملها لو شريك حياتك|صحبتك أو أي حد قريب منك لغة حبه تبادل الهدايا 🎁

28/01/2019

"يا ترى بيحصل إيه للحب بعد الجواز؟" (2)

في مجال اللغة في شوية لغات أساسية معروفة زي العربي و الانجليزي و الصيني وغيرهم 🏳️ ...
كل واحد بيتولد بيتعلم لغته الأم و بيتكلمها بطلاقة 👨‍🎤.. وبعدين في مرحلة تانية ممكن يتعلم لغة جديدة يتواصل بيها مع ناس جديدة بس هيفضل الراحة الأكبر في التعامل بلغتنا الأم
بس دة ميمنعش اني كل ما مارست الكلام باللغة التانية شوية شوية هرتاح فيها وهتواصل بيها بسهولة

بس لو متعلمتهاش ممكن أتواصل اه بس ساعتها هحتاج استخدم وسائل مساعدة كتير زي صور واشارات ورموز و الموضوع هيبقى مرهق جدا 😩😤

ودة اللي بيحصل في الحب برضه مهما كنت بتعبر عن حبك بالعربي لحد بيتكلم صيني مش هيفهمك ولا يقدر اللي بتقوله إلا اذا كان بيتكلم عربي زيك

وهو دة اللي جاري تشابمان فاهمه لصحبنا بتاع امبارح .. انه هو كان بيكلم زوجته التالتة بلغة "كلمات التشجيع" اللي هي واضح جدا انها مش لغتها واللي كانت واضح جدا انها بتدور عالحب في سلوكه 🧐

اللي جاري توصله إن في خمس لغات أساسية للحب 🖐.. خمس طرق ممكن الأشخاص يتواصلوا بيها عاطفيا ويفهموا بعض 💞

وإن جوة كل واحد فينا في خزان للعاطفة منتظر انه يتملي بالحب .. 💑

وإن فهم لغات الحب الخمسة وإزاي نتكلم بيهم ممكن يأثر بشكل كبير على سلوك الزوج والزوجة... وطبعا بيتصرفوا بشكل مختلف لما يكون خزان الحب بتاعهم مليان

ولغات الحب الأساسية اللي بيتكلم عنها جاري واللي هتكلم عنها بشكل أكبر الأيام الجاية
(وخصوصا الهدايا )هي 👇:
1- كلمات التشجيع 🤗👏
2- تكريس الوقت ⌚️ ⏳
3- تبادل الهدايا 🎁🎈
4- أعمال خدمية 👩‍🍳👩‍🌾👨‍💻
5- الاتصال البدني 👫👪

تقدروا تعرفوا لغة الحب بتاعتكم من الاختبار دة 👇
https://www.5lovelanguages.com/profile/

وياريت تشاركوني النتيجة 😍😍 ..وأنا هحط نتيجتي في أول كومنت👇

27/01/2019

"يا ترى بيحصل إيه للحب بعد الجواز؟"

من كام سنة كدة سمعت عن كتاب إسمه لغات الحب الخمسة .. كان بيقول إن كل شخص ليه لغة حب بيتكلم بيها و بيفهم الحب من خلالها وفعلا عملت الاختبار اللي بيحدد إيه نوع لغة الحب بتاعتي وطلعلي أهم حاجتين عندي هي
1- الQuality Time ⌚️
2- الهدايا (طبعا مش محتاجة فقاقة 😂😂) 🎁

في مقدمة الكتاب الكاتب بيحكي إنه كان على ارتفاع 30,000 قدم ..قاعد جنبه راجل و سأله إنت بتشتغل إيه؟
فرد عليه الكاتب و قاله إنه مستشار علاقات زوجية .. فراح الراجل قاله طيب كويس .. من زمان وأنا عايز أسأل حد هو إيه اللي بيحصل للحب بعد الجواز 😞؟؟

"أنا اتجوزت تلات مرات و في كل مرة الدنيا بتبقى ماشية كويس جدا قبل الجواز 💏 و لكن بعديه الدنيا بتنهار تماما وكأن كل الحب اللي كان بينا قبل الجواز راح في الهوا 😭"
على الرغم من أنه شخص ذكي و ناجح جدا ...بس مش عارف دة بيحصل إزاي و ليه
وقاله إن جوازته الأولى استمرت 10 سنين والتانية 3 و التالتة 6 سنوات

وهو بيتكلم عن جوازته التالتة كان بيقول إنه بعد جوازهم فضل يعبر عن حبه ليها زي الأول و بيقولها كلام حلو كتير .. على العكس هي بقى كانت دايما بتشتكي منه إنه مش بيرمي الزبالة معاه و هو نازل 😂😂 أوإنه مش بيعلق هدومه و هكذا ...

واستغرب جدا إنها مكانتش متذمرة كدة قبل الجواز 😕 ... بالعكس هي كانت أكتر واحدة إيجابية قابلها في حياته...👱‍♀️

تفتكروا جاري تشابمان رد عليه بإيه عشان يفهمه اللي حصل دة كان ليه؟

دة اللي هحكيهولكم بكرة إن شاء الله ..استنوني 😍😍

26/01/2019

"عرض خاص لفترة محدودة" 🎉🎉
كنت قولت أول السنة إني هعلن عن مفاجأة للي مجبش من عندي هدية قبل كدة
بس لظروف شخصية اتأخر الإعلان شوية

عشان ناس بتطلب مني هدايا و يتفاجؤا إن جدولي مشغول 🙈🙈
وعشان كل حد نفسه يفرح نفسه أويفرح حبايبه بهدية مميزة 😍😍
و بمناسة شهر الاحتفالات شهر يناير 🎉💃💃... عيد ميلادي و سنة جديدة و كدة بقى😄😄

"هدية مني ليكم خصم 20% على أي هدية تطلبوها السنة دي "👌

**على أن يتم الحجز من النهاردة لحد 7 فبراير فقط
العرض على أي هدية تطلبوها حتى لو هتستلموها أو وقت في السنة 😉
-----------------------------------------------------------------------
نحصل على العرض إزاي؟
- هتفتحوا الcalendar 📅
- هتشوفوا المناسبة المهمة عندكم في شهر كام في السنة 📆
- هبعتولي رسالة فيها
* التاريخ اللي عايزين تستلموا فيه الهدية (مايكونش قبل 20 فبراير)
* رقم التليفون
* وسيلة الدفع
- وأنا هبعتلكم طرق الدفع المتاحة و هتصل بيكم قبل معاد استلام الهدية بأسبوعين نتكلم في تفاصيلها 📞

وكل سنة وإنتم طيبين و مبسوطين 😍😍🥳🥳

25/01/2019

قطعة من ماكيت جديد 🌿🍃

16/01/2019

I'm not sure what drove me to work in this weather 😟
Whether it's passion or just to keep people happy 😁😁

12/01/2019

"بتهادي نفسك بإيه؟"

من أسبوع كان عيد ميلادي 🎂🎂🎈🎈🎈
مش هقولكم الكام لأ🙈
وعشان كدة خدت أجازة واختفيت شوية ☺
من تلات سنين كدة بقى عندي عادة بحب أعملها في عيد ميلادي أوي وبهادي نفسي بيها 🎁
بعزمني عالفطار في مكان حلو 🍞☕.. و آخد معايا نوتبوك وأقلام واقعد أقيم السنة اللي فاتت وأكتب أهداف السنة الجديدة و أحلام عايزة احققها على مدار حياتي إذا ربنا أذن 😍😍
احكولي بتهادوا نفسكم بإيه في عيد ميلادكم 🎁؟

01/01/2019

وقد حان وقت المفاجأة 🎊🎊🎊🎊🎊
هديتي ليكم في أول يوم في 2019
"الكوميونيتي"
من ساعة ما بدأت وأنا نفسي أفضل على علاقة بكل حد جاب من عندي هدية 🎁 ... مكنتش أحب إن حبل الود اللي ما بينا يتقطع بس مكنش عندي فكرة أعمل إيه 🤔🤷‍♀️

لحد ما لقيتها .. كوميونتي بيجمع كل الناس اللي جابوا من عندي هدايا قبل كدة هيبقى ليهم مميزات خاصة جدا 🎉🎉
هشاركهم مناسبتهم كلها مش بس وقت ما يطلبوا مني هدية ..لأ ممكن يطلبوا مني نصيحة أو رأي في أي هدية عايزين يجيبوها من أي حتة و مفاجآت تانية كتير ليهم مخصوص

لو انت جبت من عندي هدية خلال" 2018 أو 2017 " ولسة موصلكوش مني Invite أو رسالة ياريت تبعتولي حالا عشان ميفتكوش هدية شهر يناير 🥳🥳🥳

طب واللي لسة مجابش هدايا من عندي خالص يعمل ايه؟ يستنى لبعد بكرة بقى عشان في مفاجأة تانية 😂🤣🤣😍😍

01/01/2019

أنا ملاحظة إن محدش تحمس للمفاجأة اللي هعلن عنها خلال ساعة 🧐🤨🤨

النهاردة آخر يوم في السنة وعشان كدة بوست الامتنان لازم يبقى عن أهم ناس أثروا فيها
الناس الحلوة اللي بتحب و بتعبر للي بتحبهم عن مشاعرهم بهدية صاقة من القلب
هدية متفصلة عليهم و معمولة بحب واهتمام
الناس اللي وثقت فية وبيطلبوا مني أعملهم هدايا في مناسبتهم الحلوة عشان يفرحوا حبايبهم
My Awsome Clients 😍😍😍
أنا حقيقي ممتنة ليكم جدا جدا .. انتم خليتوا للي بعمله دة معنى وقيمة
أنا حقيقي بحب كل الclients بتوعي و وأنا بشتغل بحس إني بعملهم هم الهدية دي مش مجرد بعمل منتج بابيعه وخلاص
حقيقي ممتنة لكل حد طلب مني حاجة معملتهاش قبل كدة و ساعدني إني أطلع أحسن ما عندي
ممتنة لكل حد شاركني رأيه في اللي بعمله بشير ..كومنت أو حتى لايك
ممتنة لكل حد بيقترح علية أي حاجة تخليني أطور من شغلي
وعشان كدة أنا محضرلكم مفاجأة كبيرة 🥳🥳..هعلن عنها بكرة بإذن الله في أول يوم في 2019 🤩
انتظروني 🎉🎉🎉🎉

31/12/2018

النهاردة آخر يوم في السنة وعشان كدة بوست الامتنان لازم يبقى عن أهم ناس أثروا فيها
الناس الحلوة اللي بتحب و بتعبر للي بتحبهم عن مشاعرهم بهدية صاقة من القلب
هدية متفصلة عليهم و معمولة بحب واهتمام
الناس اللي وثقت فية وبيطلبوا مني أعملهم هدايا في مناسبتهم الحلوة عشان يفرحوا حبايبهم
My Awsome Clients 😍😍😍
أنا حقيقي ممتنة ليكم جدا جدا .. انتم خليتوا للي بعمله دة معنى وقيمة
أنا حقيقي بحب كل الclients بتوعي و وأنا بشتغل بحس إني بعملهم هم الهدية دي مش مجرد بعمل منتج بابيعه وخلاص
حقيقي ممتنة لكل حد طلب مني حاجة معملتهاش قبل كدة و ساعدني إني أطلع أحسن ما عندي
ممتنة لكل حد شاركني رأيه في اللي بعمله بشير ..كومنت أو حتى لايك
ممتنة لكل حد بيقترح علية أي حاجة تخليني أطور من شغلي
وعشان كدة أنا محضرلكم مفاجأة كبيرة 🥳🥳..هعلن عنها بكرة بإذن الله في أول يوم في 2019 🤩
انتظروني 🎉🎉🎉🎉