San Ayat

Home
San Ayat

Contact information, map and directions, contact form, opening hours, services, ratings, photos, videos and announcements from San Ayat, Wine, Beer & Spirits Store, .

21/09/2023

ကချင်ဆေးမြစ်စုံအရက်များတွင် ထည့်သွင်းနိုင်သော ကျောက်ဆောင်ပျားရည် (အစိမ်း)

01/09/2023

Vodka သို့မဟုတ် အာလူးနဲ့ချက်တဲ့ အရက်ဖြူ

Vodka ဟာ ဥရောပတိုက်မှထွက်ရှိပြီး ကြည်လင်တောက်ပတဲ့ အရောင်အဆင်းရှိတဲ့ ယမကာတစ်မျိုးပါ။ အထူးသဖြင့် ပိုလန်၊ ရုရှားနှင့် ဆွီဒင်နိုင်ငံတို့မှာ ကွဲပြားခြားနားသော အရက်ချက်နည်းများဖြင့် ချက်လုပ်ကြလေ့ရှိပါတယ်။ Vodka ကို ရေနှင့် Ethanol တို့ဖြင့် အဓိကပေါင်းစပ်ဖွဲ့စည်းထားသော်လည်း တခါတရံတွင် အနည်အနှစ်များနှင့် အခြားသော သစ်သီးအနံ့၊အရသာများလည်း ပေါင်းစပ်ချက်လုပ်ထားလေ့ရှိပါတယ်။ အစဉ်အလာအားဖြင့် ကောက်ပဲသီးနှံများနှင့် အာလူးကို ကဇော်ဖောက်ပြီးသား စိမ်ရည်များဖြင့် ချက်လုပ်ကြလေ့ရှိပါတယ်။ နောက်ပိုင်းတွင် ကဇော်ဖောက်ရာ၌ အာလူးကို ပိုမိုထည့်သွင်း အသုံးပြုလာပြီး ခေတ်ပေါ်အမှတ်တံဆိပ်များတွင် သစ်သီးများ၊ ပျားရည်အပြင် မေပယ်အရည် (Maple Syrup) များကိုပါ ရောနှောချက်လုပ်လာကြပါတယ်။

၁၈၉၀ခုနှစ်မှစ၍ Vodka အရက်များတွင် ပါဝင်ရမည့် အရက်ပြင်းအားကို (ABV 40%) အဖြစ် သတ်မှတ်ပေးခဲ့ပြီး ဥရောပသမဂ္ဂ၏ စံနှုန်းသတ်မှတ်ချက်အရ ဥရောပတိုက်၌ရောင်းချမည့် Vodka အရက်များ၏ အရက်ပြင်းအားမှာ (ABV 37.5%) အနိမ့်ဆုံးပါရှိရမည်ဖြစ်ပြီး အမေရိကန်ပြည်ထောင်စု၌မူ အရက်ပြင်းအား (ABV 40%) အနိမ့်ဆုံးရှိရမည်ဟု သတ်မှတ်ခဲ့ပါတယ်။

Vodka အရက်ကို ရိုးရာအစဉ်အလာသောက်နည်းအရ Neat သောက်ရမည်ဟု (ရေ၊ရေခဲနှင့် အခြားသောမည်သည့် Mixer နှင့်မှ ရောနှောပြီး မသောက်သုံးရဟု) သတ်မှတ်ထားကြသော်လည်း ဟုသတ်မှတ်ထားပြီး ချက်လုပ်သည့် နိုင်ငံများဖြစ်သည့် ဘီလာရပ်စ်၊ အက်စ်တိုးနီးယား၊ ဖင်လန်၊ အိုက်စ်လန်၊ လစ်သူယေးနီးယား၊ လတ်ဗီးယား၊ နော်ဝေ၊ ဆွီဒင်၊ ယူကရိန်း၊ ပိုလန်နှင့် ရုရှားတို့တွင်မူ ‌ရေခဲသေတ္တာတွင်း အအေးခံပြီး ရံဖန်ရံခါသောက်သုံးကြပါတယ်။ အထက်ပါနိုင်ငံများတွင် ယမကာနှင့် ပက်သက်သည့် အခွန်အခများကြီးမြင့်သောကြောင့် Black-Market သို့မဟုတ် Bathtub အမည်ရှိ အိမ်တွင်းဗော့ဒ်ကာချက်နည်းများဖြင့် ကျယ်ကျယ်ပြန့်ပြန့် ကိုယ်တိုင်ချက်လုပ်ပြီး သောက်သုံးကြသည့် အလေ့အထလဲရှိပါတယ်။

Vodka အရက်ကို Neat သောက်သုံးလေ့ရှိကြသော်လည်း အချို့သော Mixer များနှင့် ရောစပ်ကာ Cocktail အနေဖြင့်လည်း သောက်သုံးကြပါသေးတယ်။ Vodka ပါဝင်သည့် နာမည်ကြီး Cocktails များကို ဖော်ပြရမည်ဆိုလျှင် James Bond သောက်သုံးသည့် Classic Cocktail , Screw Driver , Greyhound , Black or White Russian , Moscow Mule , Bloody Mary , Caesar နှင့် Cosmopolitan တို့ဖြစ်ပါတယ်။
ပုံတွေလဲ နည်းနည်းများတယ်။ ပုံမှာလဲ Caption တွေရေးပေးထားတယ်။
ယမကာသုတေသီ တင်အောင်လွင်
https://m.facebook.com/story.php?story_fbid=1674070322797100&id=100005824441008

https://www.facebook.com/tinaung.lwin.77/posts/pfbid0GPZvGA5vLtFgcmd3QThSfktZvSetsoQQRJX3vyEMKhnkz9V4Wif1ebs26VMgYb5fl

01/09/2023

ယမကာ_ရေခဲမှတ်များ

ရေခဲမှတ်ဆိုတာက အရည်တစ်မျိုးမျိုးကို အအေးခံလိုက်တဲ့အခါမှာ အစိုင်အခဲအဖြစ်သို့ ပြောင်းလဲသွားတဲ့ အပူချိန်ကိုဆိုလိုတာပါ။ ဥပမာ ဟိုက်ဒရိုဂျင် အက်တမ်၂လုံး အောက်ဆီဂျင် အက်တမ်၁လုံးနဲ့ ပေါင်းစပ်ထားတဲ့ ရေဟာ ၃၂ဒီဂရီဖာရင်ဟိုက် [32°F] (သို့မဟုတ်) ၀ဒီဂရီ ဆဲလ်စီးယပ်စ် [0°C](သို့မဟုတ်) ၂၇၃.၁၅ ကယ်လ်ဗင် [273.15K] တွင် အေးခဲနိုင်ကြောင်းကို ကျွန်တော်တို့ရဲ့ မူလတန်း/အလယ်တန်း အခြေခံသိပ္ပံသင်ခန်းစာများတွင် သင်ကြားသိရှိခဲ့ပြီးဖြစ်ပါတယ်။ ဒါပေမယ့်လဲ ကျွန်တော်တို့ သင်ကြားခဲ့ရသလို အမြဲတမ်းဖြစ်ပျက်နေတာမဟုတ်ပါဘူး။ ဒီ့ထက်ပိုမိုရှုပ်ထွေးနေပါတယ်။
သိပ္ပံပညာရှင်များဟာ တိမ်များအကြားတွင် အနှုတ်၄၀ဒီဂရီ ဖာရင်ဟိုက် [-40°F] အထိအေးသည့် အရည်များကို တွေ့ရှိခဲ့ရသည့်အပြင် ဓာတ်ခွဲစမ်းသပ်ရင်း အနှုတ်၄၂ဒီဂရီ ဖာရင်ဟိုက် [-42°F] အထိ အေးသည့်ရေများကိုလည်းတွေ့ရှိခဲ့ရပါသေးတယ်။ ဒါကြောင့် ကမ္ဘာပေါ်ရှိ အရည်အားလုံးရဲ့ ရေခဲမှတ်တွေ မတူညီကြရုံမက ကျွန်တော်တို့ သောက်သုံးလေ့ရှိကြတဲ့ ယမကာတွေမှာ ဘယ်ယမကာက ရေခဲမှတ်အမြင့်ဆုံးဖြစ်သလဲဆိုတာ ကြည့်လိုက်ကြပါစို့။

မည်သည့်ဝီစကီ အရက်ကိုမဆို ရေခဲသေတ္တာတွေထဲထည့်ပြီး သိမ်းထားလို့ရပါတယ်။ အီသနော (Ethanol) ပါဝင်မှုရှိ‌သော ဝီစကီအရက်တွေဟာ -27°C သို့ရောက်ရှိမှသာ အေးခဲမည်ဖြစ်ပါတယ်။ ဒါကြောင့် မည်သည့်အိမ်သုံးရေခဲသေတ္တာမဆို ဝီစကီအရက်တွေခဲသွားအောင် မစွမ်းဆောင်နိုင်ပါဘူး။ သို့သော်လည်း ဝီစကီအရက်တွေကို ရေခဲသေတ္တာအတွင်း ထည့်သွင်းမသိမ်းဆည်းဖို့ အကြံပြုပါရစေ။ အဘယ်ကြောင့်ဆိုသော် ဝီစကီအရက်များ၏ သင်းပျံ့လှသော ရနံ့များကိုပါ အေးခဲခြင်းနည်းလမ်းက စုပ်ယူလိုက်ခြင်းကြောင့်ဖြစ်ပါတယ်။ ဒါကြောင့် ဝီစကီအရက်များကို သောက်သုံးရာတွင် အေးမြမှုကိုရရှိရန်အတွက် အခြားသောနည်းလမ်းများကို ရွေးချယ်ပါလို့ အကြံပြုပါရစေ။

ရေတွေအေးခဲသွားတဲ့အခါမှာ ရေထဲမှာပျော်ဝင်နေတဲ့ အက်တမ်တွေဟာ ကျယ်ပြန့်လာပါတယ်။ အယ်လ်ကိုဟော ၅ရာခိုင်နှုန်းပါဝင်တဲ့ ဘီယာဟာ ရေကိုအခြေခံထားသည့် အရည်ဖြစ်တာကြောင့် ၂၇ဒီဂရီဖာရင်ဟိုက် [27°F] မှာ အေးခဲပြီး သူ့ထက်နိမ့်တဲ့ အပူချိန်ကို ရောက်ရင်တော့ ပေါက်ကွဲတတ်ပါတယ်။ အဘယ်ကြောင့်ဆိုသော် အဆိုပါ ဘီယာ၊ ဆိုဒါနှင့် ဝိုင်များချက်လုပ်စဥ်က ပါဝင်သည့် သကြားပေါ်တွင်လည်း အများကြီးမူတည်နေပါသေးတယ်။ အရက်နှင့်ယမကာများ၏ ရေခဲမှတ် အနိမ့်အမြင့်ဟာ အဆိုပါ အရက်နှင့်ယမကာများရှိ အရက်ပါဝင်မှုပမာဏ (Alcohol Proof) ပေါ်တွင် အများကြီးမူတည်နေပါတယ်။ တနည်းအားဖြင့် အရက်ပါဝင်မှု ပမာဏနည်းလေ ရေခဲမှတ်နိမ့်လေဖြစ်ပါတယ်။

ဗော့ဒ်ကာ အရက်တွေဟာ မခဲဘူးလို့ အဆိုရှိကြပါတယ်။ ဟုတ်ပါတယ်။ ကျွန်တော်တို့နဲ့ အရင်းနှီးဆုံး ရေခဲမှတ်ဖြစ်တဲ့ ၃၂ဒီဂရီဖာရင်ဟိုက် [32°F] ထက် အဆပေါင်းများစွာ နိမ့်ကျတဲ့ သန့်စင်သော အီသနော (Ethanol - Ethyl Alcohol) ရဲ့ ရေခဲမှတ်ဟာ အနှုတ်၁၇၃ဒီဂရီဖာရင်ဟိုက် [-173°F] ရှိဖို့ လိုအပ်ပါတယ်။ အယ်လ်ကိုဟော ပါဝင်မှု ၄၀ရာခိုင်နှုန်းပါဝင်မှုရှိတဲ့ ဗော့ဒ်ကာအရက်ဟာ အနှုတ်၁၆ဒီဂရီဖာရင်ဟိုက် [-16°F] အထိရှိပါတယ်။ ဗော့ဒ်ကာအရက်ကို အိမ်သုံးရေခဲသေတ္တာအတွင်း အခဲခံကြည့်မယ်ဆိုရင် ဗော့ဒ်ကာအရက်ထဲမှာ ပျော်ဝင်နေတဲ့ ရေက ခဲသွားတာကြောင့် အရက်ဟာ ပိုပျစ်ပြီး ထုထည်ပိုထူလာရုံကလွဲလို့ အရက်တစ်ပုလင်းလုံးကို အေးခဲသွားအောင် မစွမ်းဆောင်နိုင်ပါဘူး။

ဝိုင်အများစု၏ ပျမ်းမျှ အရက်ပါဝင်မှုဟာ 12.5% Volume ဖြစ်ပါတယ်။ ဒါကြောင့်ဝိုင်ရဲ့ ပျမ်းမျှရေခဲမှတ်ဟာ ၂၂ဒသမ၅ဒီဂရီဖာရင်ဟိုက် [22.5°F] ဖြစ်ပါတယ်။ ဒါပေမယ့် ဝိုင်မှာပါဝင်နေတဲ့ ဆာလဖိုက်ဒြပ်ပေါင်းများနှင့် အခြားအရက်မဟုတ်သော ဒြပ်ပေါင်းများ ပါဝင်မှု မတူညီကြသောကြောင့် အရက်ပါဝင်မှုတူညီသောလည်း ရေခဲမှတ်များကွဲပြားနေခြင်းဖြစ်ပါတယ်။ ဝိုင်မှာအဓိကပါဝင်တာက စပျစ်ရည်တွေပါ။ ဒါကြောင့်စပျစ်ရည်တွေ အေးခဲသွားတဲ့အခါမှာ ထုထည်ကျယ်ပြန့်လာပါတယ်။ တဖက်မှာလဲ ဝိုင်ကို ပုလင်းသွတ်ပြီးတာနဲ့ ဓာတ်တိုးခြင်းဖြစ်စဉ် (Oxidation) မဖြစ်စေရန်အတွက် (Cork) လို့ခေါ်တဲ့ သစ်သားဖော့ဆို့နဲ့ အလုံပိတ်ထားပါတယ်။ ဆိုလိုတာကတော့ ဝိုင်ပုလင်းအတွင်းမှာ နေရာလွတ်မချန်ထားဘူးလို့ ပြောချင်တာပါ။
အေးခဲခြင်းဖြစ်စဉ်ဖြစ်‌လာတဲ့အခါမှာ စပျစ်ရည်များရဲ့ ထုထည်ကျယ်ပြန့်လာမှုကြောင့် Cork ကိုပါအတင်းတွန်းထုတ်ပါတယ်။ ဤနည်းအားဖြင့် ဝိုင်ပုလင်း ဖော့ဆို့ပွင့်ခြင်းဖြစ်ပေါ်လာရပါတယ်။ ဝိုင်ကိုအေးခဲခြင်းဖြင့် ဝိုင်တွင်ပျော်ဝင်နေသော အယ်လ်ကိုဟောနှင့် Tannin ဒြပ်ပေါင်းများသည် ဓာတ်ပြောင်းလဲမှုများ ဖြစ်ပေါ်ပြီး ဟင်းချက်ရန်ပင် မသင့်လျော်တော့သည့် ရှာလကာရည်အညစ်အကြေးအဖြစ်သို့ ပြောင်းလဲသွားခြင်းကြောင့်ဖြစ်သည်။ ဒါကြောင့်လဲ ဝိုင်ကို အအေးခံရန်အတွက် သီးသန့်ဝိုင်အအေးခံစက်တွေ ထုတ်လုပ်ရောင်းချပေးနေခြင်းဖြစ်ပါတယ်။

ရမ်သည် ကြံမှထုတ်လုပ်ထားသည့် သကာရည်ကို ပေါင်းခံချက်လုပ်ထားတဲ့ ယမကာတစ်မျိုးဖြစ်ပြီး အနံ့နှင့်အရသာအပြင် အရက်ပါဝင်မှုပမာဏ ကွဲပြားသည့် အမျိုးအစားများစွာလဲရှိပါတယ်။ အခြေခံရမ်တွင် အယ်လ်ကိုဟော အရက် ၄၀ရာခိုင်နှုန်း ပါဝင်ပါတယ်။ ထို့ကြောင့် အနှုတ်၁၅ဒီဂရီဖာရင်ဟိုက် [-15°F] တွင်အေးခဲပြီး ဂျင်(Gin) နှင့် ရေခဲမှတ်ဆင်တူပါတယ်။
ယမကာသုတေသီ တင်အောင်လွင်
https://www.facebook.com/102041882221576/posts/128597129566051/

https://www.facebook.com/permalink.php?story_fbid=pfbid03782xbR7yt7j2nngZYTnxMSCqHx7AzeNAFzWwCMKi7vkwHYcnLyZeSEtywCvqQvKSl&id=102041882221576

01/09/2023

အဖျော်ယမကာနှင့်ပလတ်စတစ်
စိမ့်ဝင်နိုင်မှု

ပလတ်စတစ်သည် ဖန်ထည်ပုလင်းများကဲ့သို့ စိမ့်မဝင်နိုင်သောဂုဏ်သတ္တိမရှိပါ။ ထို့ကြောင့် ထည့်သွင်းသိမ်းဆည်းထားသော အဖျော်၊ယမကာများသည် ပလတ်စတစ်ဖြင့်ပြုလုပ်ထားသည့် ပုလင်းများထဲတွင် အငွေ့ပျံပျောက်နိုင်ချေ ပိုများပါတယ်။ အဘယ်ကြောင့်ဆိုသော် ဖန်ပုလင်းများသည် O2 နှင့် CO2 ဓာတ်ငွေ့များစိမ့်မဝင်နိုင်သောကြောင့် အဖျော်ယမကာများကို ဖန်ပုလင်းများဖြင့် ကာလကြာရှည်စွာ သိမ်းဆည်းထားနိုင်ပါတယ်။
စုပ်ယူ/စိမ့်ဝင်၊ ပျော်ဝင်နိုင်သော အကျိုးဆက်များ
ပလတ်စတစ်ဘူး/ပုလင်းဖြင့် အဖျော်ယမကာများကို အချိန်ကြာကြာ သိုလှောင်၊သိမ်းဆည်းထားလျှင် ပလတ်စတစ်တွင် ပါဝင်နေသည့် ဓာတုဒြပ်ပေါင်းများဖြစ်သည့် Ethylene Glycol နှင့် Terephthalic Acid များကြောင့် အတိုင်းအတာတစ်ခုအထိ အဖျော်ယမကာထဲသို့ စိမ့်ဝင်၊ပျော်ဝင်မှုများဖြစ်ပေါ်စေပါတယ်။ သာမာန်အခန်းအပူချိန်တွင် သိမ်းဆည်းထားပါက ယေဘူယျအားဖြင့် ဘေးကင်းသည်ဟု မှတ်ယူနိုင်သော်လည်း အပူချိန်တိုးလာပါက အဖျော်ယမကာထဲသို့ စိမ့်ဝင်၊ပျော်ဝင်သွားစေနိုင်ပါတယ်။ ထို့ကြောင့် ဖန်ပုလင်းသည် စိမ့်ဝင်၊ပျော်ဝင်နိုင်သော ခံနိုင်ရည်မြင့်မားသည်။ အဆိုပါ စိမ့်ဝင်/ပျော်ဝင်ခြင်းကို Dealkalization လုပ်ငန်းစဉ်လို့ ခေါ်ဝေါ်ပြီး လုပ်ငန်းစဉ်တစ်ခုလုံးကိုတော့ Leaching Effect လို့ခေါ်ဝေါ်ပါတယ်။
ပိုးသတ်ခြင်း
ပလတ်စတစ်သည် ပိုးသတ်ခြင်းလုပ်ငန်းစဥ်တွင် အပူ/အအေးကြောင့် တွန့်လိမ်ကောက်ကွေးသွားနိုင်သော်လည်း ဖန်ပုလင်းများတွင်မူ ပြောင်းလဲမှုမရှိပါ။ အဖျော်ယမကာများကို ထုပ်ပိုးသည့်အဆင့်တွင် Pasteurization အပူပေးပိုးသတ်ခြင်းဆိုသည့် လုပ်ငန်းစဉ်တွင်မူ ကွဲပြားသွားပါတယ်။ အထူးသဖြင့် ဘီယာထုတ်လုပ်ခြင်း လုပ်ငန်းစဉ်တွင် ဖြစ်ပါတယ်။ ပိုးသတ်ခြင်း လုပ်ငန်းစဉ်ပြုလုပ်ရန်အတွက် ပွက်ပွက်ဆူနေသောရေကို ဘီယာသွတ်သွင်းထားသော ပုလင်းများပေါ်သို့ ဖြန်းပက်ပေးခြင်းဖြင့် ဘီယာချက်လုပ်ရာမှထွက်ပေါ်လာသည့် မကောင်းသည့် အဏုဇီဝပိုးများကို ဖျက်ဆီးပစ်ခြင်းဖြစ်ပါတယ်။ အဆိုပါ လုပ်ငန်းစဉ်ကို ရှောင်ရှားနိုင်ရန်အတွက် အပူခံနိုင်ရည်ရှိသော ပလတ်စတစ်ပုလင်းအမာများကို အစားထိုးအသုံးပြုနိုင်သော်လည်း ပျံနှံ့လျက်ရှိသော ပလတ်စတစ်အသုံးပြု‌မှု လျှော့ချရေးနှင့် ကုန်ကျစရိတ်ပိုတက်လာမည်ဖြစ်သောကြောင့် ဘီယာများကို ပလတ်စတစ်ပုလင်းများဖြင့် ထုတ်လုပ်ရောင်းချမှုမပြုကြခြင်းဖြစ်ပေသည်။
ဈေးကွက်ရှာဖွေရေး
ပလတ်စတစ်နှင့် ကတ္ထူစက္ကူကို အသုံးပြုပြီး ‌ဈေးနှုန်းသက်သက်သာသာဖြင့် ဝိုင်နှင့် ဗော့ဒ်ကာ အရက်များကို ထည့်သွင်းရောင်းချသော်လည်း ဖန်ပုလင်းများဖြင့် ထည့်သွင်းရောင်းချသကဲ့သို့ ခန့်ညားမှု၊ ခေတ်မှီဆန်းပြားမှုများကို မပေးစွမ်းနိုင်သောကြောင့် လူအများ၏ နှစ်သက်အားပေးမှု မရရှိပါ။
ယမကာသုတေသီ တင်အောင်လွင်
https://www.facebook.com/102041882221576/posts/132689922490105/
https://www.facebook.com/permalink.php?story_fbid=pfbid0UUv7WAGn1dVeufbJnxY7KoYn7mWkugu7Yev1MSYHjFXDYr8iv9FUWKQi4TUoXBcCl&id=102041882221576

01/09/2023

Naked_Whisky သို့မဟုတ်
The Famous Grouse ၏ နောက်ဆုံးပေါ်ခေတ်မှီမော့တ်ဝီစကီ

ဤခေတ်မှီသော မော့တ်ဝီစကီသည် Macallan, Glenturret, Highland Park ကဲ့သို့သော ဂုဏ်သတင်းကြီးမားသည့် အရက်ချက်စက်ရုံကြီး ၃ရုံမှချက်လုပ်သော Malt Whisky များကို ဟန်ချက်ညီ၊ သမမျှတစွာရောစပ်ထားပါတယ်။ သီးသန့်အရက်မချက်ဘဲ ချက်ပြီးသား မော့တ်ဝီစကီများကို ရောစပ်ပြီးသက်တမ်းထပ်ယူခြင်းကြောင့် (အရက်ချက်လုပ်ငန်းစဉ်အရ ကနဦး ရင့်ကျက်သက်တမ်းယူသည့်အဆင့် မပါဝင်ခြင်း) Naked Whisky လို့ ထုတ်လုပ်သူတွေက အမည်မှည့်ခေါ်ခဲ့ပါတယ်။
ရှေးဦးစွာ မူလအရက်ထုတ်လုပ်သူများ၏ မော့တ်ဝီစကီများမှာ အမေရိကန်နှင့် ဥရောပ ဒေသထွက် ဝက်သစ်ချစည်များဖြင့် စတင်ရင့်ကျက် သက်တမ်းယူထားပြီးဖြစ်ပါတယ်။ အဆိုပါ မော့တ်ဝီစကီများကို ရောစပ်ပြီးမှ စပိန်နိုင်ငံ Jerez de la Frontera ‌ဒေသမှ ထုတ်လုပ်သော သက်တမ်းယူထားသည့် @ #ရနံ့‌မွှေးဝိုင် အမျိုးအစားထုတ်လုပ်သည့် စည်များဖြင့် ၆လသက်တမ်းထပ်ယူထားခြင်းဖြစ်ပါတယ်။ ထိုကဲ့သို့ ရှယ်ရီစည်များဖြင့် သက်တမ်းထပ်ယူခြင်းကြောင့် အနံ့၊အရသာများပေါကြွယ်ဝသည့် ကိုရရှိလာပါတယ်။
The Famous Grouse အမှတ်တံဆိပ်ဟာ Blended Malt အရက်များကိုသာ ထုတ်လုပ်တဲ့ အမှတ်တံဆိပ်တစ်ခုဖြစ်ပြီး ၁၈၉၆ခုနှစ်မှာ Matthew Gloag နှင့် သားများက စတင်တည်ထောင်ခဲ့ပါတယ်။ လက်ရှိတွင် ၎င်းကို The Erdington Group မှ ပိုင်ဆိုင်ပါတယ်။ ကုန်အမှတ်တံဆိပ်ဖြစ်သည့် ရစ်ငှက်မှာ စကော့နိုင်ငံကိုယ်စားပြုငှက်အမျိုးအစား၅မျိုးထဲမှ တစ်မျိုး ဖြစ်သည့် The Moorhen ခေါ် Grouse အမျိုးအစားလဲ အပါအဝင်ဖြစ်ပါတယ်။
မူလက စကော့တလန်နိုင်ငံအနှံ့အပြားရှိ အရက်ချက်စက်ရုံများမှ အရက်ပုလင်းများကိုဝယ်ယူပြီး တဆင့်ပြန်လည်ရောင်းချခြင်းဖြင့် စတင်ခဲ့ပါတယ်။ ထိုမှတဆင့် ဘုရင်မကြီး၏ တော်ဝင်စားတော်ဝိုင်းသို့ ဝိုင်နှင့်အဖျော်ယမကာများ တင်သွင်းရောင်းချရန် ဖိတ်ကြားခံခဲ့ရပါတယ်။ ၁၉၈၀အရောက်မှာတော့ စကော့တလန်၏ရောင်းအားအကောင်းဆုံး အမှတ်တံဆိပ်ဖြစ်လာခဲ့ပါတယ်။ Matthew Gloag သည် အရည်အသွေးမြင့် ရောစပ်ထားသည့် ဝီစကီများကို ဖန်တီးရန်နှင့် လုပ်ဖော်ကိုင်ဖက်များနှင့် အရက်ပေးသွင်းသူများကို အရက်ရောစပ်ရာတွင် အကောင်းဆုံးနှင့် အရည်အသွေးအမြင့်ဆုံးရရှိလာအောင် ကျွမ်းကျင်စွာ ဖန်တီးတတ်စေရန် ကြိုးပမ်းအားထုတ်ခြင်း ဖြစ်ပေသည်။ ၂၀၁၁ခုနှစ်တွင် အမည်ဖြင့် စတင်ထုတ်လုပ်၊ဖြန့်ချိခဲ့ပြီးနောက် ၎င်း၏မူပိုင်အမှတ်တံဆိပ်ကွဲအဖြစ် သတ်မှတ်ခဲ့ပါတယ်။
#အရသာမှတ်စု
အရောင် ။ ။ နက်ရှိုင်းသော ပယင်းရောင်
ရနံ့ ။ ။ သင်းပျံ့ပြီး လှော်ထားသည့် ကောက်နှံပင်၊ ထောပတ်၊ နို့ရောထားသည့် ပူတင်းမုန့်အနှစ် ရနံ့များကို အစဉ်လိုက်ရရှိပါတယ်။
အာခံတွင်း ။ ။ Ajerezado @ Sherry အရသာ၊ သကာရည်အရသာ၊ ရတ်စ်ဘယ်ရီယိုနှင့် စပျစ်သီးခြောက်အရသာကို ပေါများစွာရရှိပါတယ်။
အဆုံးသတ်ပိုင်း ။ ။ ပူစပ်မှု အလယ်အလတ်သာရှိပြီး ဝက်သစ်ချစည်နှင့် ကိုကိုးမှုန့် အရသာများကို နောက်ဆုံးရရှိပါတယ်။
ော့ခ်တေးလ်ဖျော်စပ်နည်း_ဖော်မြူလာ
Naked ဝီစကီ 50ml
ပန်းသီးဖျော်ရည် 50ml
ရတ်စ်ဘယ်ရီအသီး ဖျော်ရည်အဆီ 20ml
လတ်ဆတ်သော သံပုရာသီးဖျော်ရည် 20ml
Shaker ခွက်အတွင်းသို့ ဖော်ပြပါ ပါဝင်ပစ္စည်းအားလုံးနှင့် ရေခဲကိုထည့်ပြီး သမအောင်လှုပ်ခါပါ။
ထို့နောက် Rock Glass အတွင်းသို့ ရေခဲအနည်းငယ်နှင့်ထည့်ပြီး သောက်သုံးနိုင်ပါပြီ။
ယမကာသုတေသီ တင်အောင်လွင်
https://m.facebook.com/story.php?story_fbid=1916620791875384&id=100005824441008

https://www.facebook.com/tinaung.lwin.77/posts/pfbid0vYiEETRqbFqPaPNyBKYHuN4bSiMGhLPrVXRLD5Jif791QM79BCSukAMz2tWfa31yl

01/09/2023

တချိန်တုန်းက_ဝီစကီလောကရဲ့_မင်းသားကြီး Johnnie_Walker_Swing

Swing တဲ့။ နာမည်ပေးထားပုံလေးက စိတ်ဝင်စားစရာကောင်းတယ်။ Swing ဆိုတဲ့ အမည်နဲ့ လိုက်ဖက်စွာပင် ပုလင်းဒီဇိုင်းကိုက ရှုချင်စဖွယ်ရှိတယ်။ Tumbling Kelly ခေါ် ပစ်တိုင်းထောင်ရုပ်လိုမျိုး ရူပဗေဒသဘောတရားများထည့်သွင်းပြီး ပုလင်းကို ဒီဇိုင်းထုတ်ထားတယ်လို့လဲ အဆိုရှိကြပါတယ်။ သို့သော်လည်းပဲ Johnnie Walker ဘက်မှမူ " ပုလင်းကို အသာအယာတွန်းလိုက်လျှင် ကျောက်တုံး၊ကျောက်ဆောင်များကဲ့သို့ ဖြေးညင်းစွာ လှုပ်ခတ်မှု " ဟု တင်စားသုံးနှုန်းပါတယ်။ ပုလင်းတင် စိတ်ဝင်စားစရာကောင်းသည်မဟုတ် ပုလင်းအတွင်း ထည့်သွင်းထားသည့် အရက်က ပို၍ပင် စိတ်ဝင်စားစရာ ကောင်းလှပါတယ်။
လွန်ခဲ့တဲ့နှစ်ပေါင်း ၄၀ကျော် ၅၀လောက်ဆီက မြန်မာပြည်၏ အရက်လောကတွင် မင်းသားတစ်ပါးကဲ့သို့ ဂုဏ်သရေရှိ လူကြီးမင်းများ၏ ညစာစားပွဲများ၊ ပါတီပွဲများတွင် မပါမဖြစ် ဇိမ်ခံသောက်သုံးစရာအရက်အဖြစ် ပါဝင်အသုံးတော်ခံခဲ့ပြီးလည်း ဖြစ်ပါတယ်။ အဆိုပါ Swing အရက်ကို ထိုခေတ်ထိုအခါက ရိုက်ကူးထုတ်လုပ်ခဲ့သည့် အဖြူ/အမည်း ရုပ်ရှင်ဇာတ်လမ်းများ၊ ကက်ဆက် အသံဇာတ်လမ်းများ၏ ရုပ်ပုံများ၊ ဝတ္ထုစာအုပ်များ၏ မျက်နှာဖုံးပုံများ၊ စာရေးဆရာများ၏ အရေးအသားများမှတဆင့်လည်း တွေ့မြင်သိရှိခဲ့ပြီး ဖြစ်ပါတယ်။
Swing ဆိုသောအရက်ကို ၁၉၃၂ခုနှစ်တွင် အတ္တလန်တိတ်သမုဒ္ဒရာကိုဖြတ်ပြီး ခရီးသွားမည့်သူများအတွက် စတင်ဖြန့်ချိပေးခဲ့ခြင်းဖြစ်ပါတယ်။ Johnnie Walker Company ၏ လက်လီဈေးကွက်တွင်းသို့ မိတ်ဆက်ပြီး ရောင်းချသည့် ပထမဆုံးအရက်ဖြစ်သလို Johnnie Walker တည်ထောင်သူ John Walker ၏ မြေးဖြစ်သူ Sir Alexander Walker II မှ သာလွန်သော အနံ့အရသာများဖြင့် ပြီးပြည့်စုံအောင် ရောစပ်ထားပြီး နောက်ဆုံးဖန်တီးခဲ့သော အရက်လဲဖြစ်ပါတယ်။
Swing အရက်ဟာ Johnnie Walker မှထုတ်လုပ်‌သောအရက်များ၏ ပုံမှန်လုပ်ငန်းစဉ်အတိုင်း ရောစပ်ဖန်တီးခဲ့သည်ဟု ဆိုသော်ငြား Speyside ဒေသထွက် Malt နှင့် Grain ဝီစကီအများစုကိုသာ ထည့်သွင်းရောစပ်ခဲ့ခြင်းဖြစ်ပါတယ်။ အရက်အမျိုးအစားပေါင်း ၃၅မျိုးအထိပေါင်းစပ်ကာဖန်တီးယူခဲ့ခြင်းဖြစ်ပြီး အနံ့အရသာများ ကောင်းမွန်တိုးတက်တက်စေရန်အတွက် ရှယ်ရီစည်များအတွင်းသို့ ထည့်သွင်းကာ သက်တမ်းထပ်မံရယူကာ ရင့်ကျက်ထားခြင်း ဖြစ်ပါတယ်။
ထိုကဲ့သို့ သက်တမ်းယူ ရင့်ကျက်ခဲ့ခြင်းကြောင့် အခြားသော ရောစပ်ထားသည့် မော့လ်အရက်များနှင့် နှိုင်းယှဉ်ကြည့်ပါက အနံ့ပိုမိုမွှေးကြိုင်လာကာ အရက်၏အရသာမှာလဲ ပိုမိုပေါ့ပါးလာပါတယ်။ အချုပ်အားဖြင့် ဆိုရလျှင် တောင်ပိုင်းရှိ Highland ဒေသထွက် အရက်များနှင့်စာလျှင် ပေါ့ပါးသောအရသာရှိပြီး Islay ဒေသထွက် အရက်များထက် အနံ့အရသာ ပြည့်စုံကောင်းမွန်ပြီး၊ လေးပင်သော အရသာရှိကာ Speyside ဒေသထွက် အရက်များတွင် အဓိကလိုအပ်သည့် အစိတ်အပိုင်းများကို ပေါင်းစပ်ပေးလိုက်သကဲ့သို့ပင် ဖြစ်ပေသည်။
အတ္တလန်တိတ်သမုဒ္ဒရာကို ဖြတ်ကျော်ပြီး ခရီးသွားမည့်သူများကို ရောင်းချပေးသည့် မူလရည်ရွယ်ချက်အတိုင်း ယခုအချိန်တိုင်အောင် လေဆိပ်တွင်းရှိအရောင်းဆိုင်များ၊ သင်္ဘောဆိပ်ရှိအရောင်းဆိုင်များတွင်သာ အဓိက ဆက်လက်ရောင်းချလျက်ရှိပြီး ပုံမှန်ဈေးကွက်အတွင်းသို့ ဖြန့်ဖြူးရောင်းချပေးခြင်းမရှိဘူးလို့ သိရှိထားရပါတယ်။
ယမကာသုတေသီ တင်အောင်လွင်
https://www.facebook.com/102041882221576/posts/118122640613500/

https://www.facebook.com/permalink.php?story_fbid=pfbid037rJHjrCmARzDfYots2Sq3UHUUvzSig5g3M8Vw7Wyn5KiSUGZweGnQ1HvFyP7qqD3l&id=102041882221576

01/09/2023

အမှန်တကယ်သိရှိရန်လိုအပ်သည့်_ဝီစကီအမျိုးအစား၉မျိုး

Liquor Store ဆိုင်ထဲရောက်ရှိပြီး ဘာဝီစကီသောက်သုံးရင် ကောင်းမလဲလို့ ရွေးချယ်ရတာဟာ ခေါင်းကိုက်စရာတစ်ခုပါ။ အိုင်းရစ်ဝီစကီလား၊ ဂျပန်ဝီစကီလား၊ စကော့ချ်ကရော၊ ဘာဘွန်ဆိုရင်ရော၊ ကနေဒီယန်ဝီစကီဆိုရင်ရော။ ဘယ်ဝီစကီအမျိုးအစားက အကြိုက်ဆုံးဖြစ်မလဲ။

ဒါတွေအားလုံးဟာ ဘယ်နေရာမှာပြုလုပ်သလဲဆိုတဲ့ အပေါ်မှာလဲ မူတည်ပါတယ်။ ဒါ့အပြင် ဝီစကီကို အင်္ဂလိပ်လို စာလုံးပေါင်းရင် နဲ့ ဆိုပြီး ဆိုတဲ့ စာလုံးပါတာနဲ့ မပါတာကပါ ထပ်မံကွဲပြားနေပါသေးတယ်။ ဘာကြောင့်လဲ။ အမေရိကန် စာလုံးပေါင်းနှင့် အင်္ဂလိပ် စာလုံးပေါင်း ခြားနားမှုကြောင့်ပါ။ အိုင်းရစ်ရှ်တွေက အမေရိကန်စာလုံးပေါင်းကို အသုံးပြုကြပါတယ်။ စကော့ခ်ျတွေကျတော့ စာလုံးပေါင်းရင် မထည့်ကြပါဘူး။ ကနေဒီယန်နဲ့ ဂျပန်တို့ဟာလဲ စကော့ခ်ျစာလုံးပေါင်းနည်း နောက်ကို လိုက်ယူပါတယ်။

အိုင်းရစ်ဝီစကီတွေဟာ အခြားသောဝီစကီများထက်စာလျှင် အဝင်ပိုမိုကောင်းမွန်ကြပါတယ်။ ၎င်းကို မုယောစပါးများကို အမှုန့်ကြိတ်ချေပြီးမှ ရေနှင့် အရောင်အတွက် သကာရည်ကို အသုံးပြုပြီး ပေါင်းခံချက်လုပ်ထားခြင်းဖြစ်ပါတယ်။ ပြီးနောက် သစ်သားစည်များအတွင်း ၃နှစ်ကြာသက်တမ်းယူထားခြင်း ဖြစ်ပေသည်။ ရလဒ်အနေဖြင့် တစ်ငုံစာNeat သောက်သုံးနိုင်ခြင်းနှင့် On the rock လဲသောက်သုံးနိုင်ပြီး Cocktail အနေဖြင့် ရောစပ်ပြီးလဲ သောက်သုံးနိုင်ပါတယ်။

Scotch Whisky ကို Scotch ဟုလဲခေါ်ဝေါ်ကြလေ့ရှိပါတယ်။ စကော့တလန်နိုင်ငံတွင်ထုတ်လုပ်ပြီး ကောက်ပဲသီးနှံ (သို့) အစေ့အဆံများဖြင့်ပြုလုပ်ကြပါတယ်။ စကော့လူမျိုးတို့ဟာ ဝီစကီထုတ်လုပ်မှုကို အထူးအလေးအနက်ထားပြီး အရက်ချက်စက်ရုံများ လိုက်နာရမည့် ဥပဒေများလဲ ထုတ်ပြန်ထားပါတယ်။ ထုတ်လုပ်မည့်အရက်တိုင်းအတွက် ဝက်သစ်ချစည်များဖြင့် အနိမ့်ဆုံး ၃နှစ်သက်တမ်းယူထားရမည်ဖြစ်ပါတယ်။ ဒါ့အပြင် ထုတ်လုပ်ရောင်းချမည့် အရက်အမျိုးအစားတစ်ခုချင်းစီအတွက် ပုလင်းတိုင်းတွင် ထိုအရက်ကိုရောစပ်ခဲ့သည့် သက်တမ်းအနိမ့်ဆုံးယူထားသည့် အရက်ကိုထင်ဟပ်စေသော ကြေငြာချက်တစ်ခုကိုလဲ မဖြစ်မနေထည့်သွင်းရမည်ဟုလည်း သတ်မှတ်ထားပါတယ်။ ဒီအချက်တွေကြောင့်လဲ Scotch Whisky ကို တစ်ငုံစာNeat သောက်သုံးကြခြင်းနှင့် ညစာစားပွဲများတွင် တည်ခင်းဧည့်ခံစရာ အကောင်းဆုံးအကြောင်းပြချက်တစ်ခုဖြစ်နေပါတယ်။

Irish နှင့် Scotch တို့ထက် အနည်းငယ်နောက်ကျပြီးမှ ကမ္ဘာ့ဝီစကီလောကထဲကို ရောက်ရှိလာတာကတော့ ဂျပန်ဝီစကီတွေပါ။ ဂျပန်ဝီစကီတွေကို စကော့ခ်ျဝီစကီတွေရဲ့ အနံ့အရသာများသာမက ပေါင်းခံချက်လုပ်နည်းများကိုပါ ဆင်တူပြုလုပ်ထားခြင်းဖြစ်ပါတယ်။ အဆိုပါဂျပန်ဝီစကီများကို ဆော်ဒါအနည်းငယ်ထည့်၍ သောက်သုံးကြလေ့ရှိပါတယ်။

စကော့ခ်ျဝီစကီများကဲ့သို့ပင် အနိမ့်ဆုံး၃နှစ်သက်တမ်းယူထားရမည်လို့ သတ်မှတ်ထားပါတယ်။ ကနေဒီယန်ဝီစကီများဟာ အရသာပေါ့ပြီး အခြားသောဝီစကီများထက်စာလျှင် ရိုင်းစပါးနှင့် ပြောင်းကို ရောနှောချက်လုပ်သော်လည်း ပြောင်းကို ပိုမိုထည့်သွင်းချက်လုပ်ကြလေ့ရှိပါတယ်။ သို့သော်လည်း အခြားသော ဂျုံနှင့် မုယောစပါးများကိုလည်း ထည့်သွင်းချက်လုပ်ကြလေ့ရှိပါတယ်။

ဘာဘွန်ဝီစကီတွေဟာ အမေရိကန်ပုံစံ ပြောင်းကနေ ချက်လုပ်ထားခြင်း ဖြစ်ပါတယ်။ ဒီဝီစကီကို ချက်လုပ်ရန်အတွက် ပြောင်းကိုအနိမ့်ဆုံး ၅၁ရာခိုင်နှုန်း ထည့်သွင်းရန်နှင့် သက်တမ်းယူရန်အတွက် သစ်သားစည်အသစ်များကို အသုံးပြုရန် လိုအပ်ပြီး အမေရိကန်နိုင်ငံတွင်သာ ထုတ်လုပ်ရန် သတ်မှတ်ထားပါတယ်။ သက်တမ်းယူရမည့်နှစ်ကို မကန့်သတ်ထားသော်လည်း ပုလင်းအတွင်း ထည့်သွင်းမည့် အရက်၏ပြင်းအားကို အမေရိကန်အတိုင်းအတာ ယူနစ်အရ 80Proof အနိမ့်ဆုံးရှိရမည်ဟု သတ်မှတ်ထားပါတယ်။

တင်နက်ဆီဝီစကီကို ပေါင်းခံချက်လုပ်သည့် လုပ်ငန်းစဉ်အရ ဘာဘွန်ဝီစကီနှင့် မျိုးတူအရက်ဟု သတ်မှတ်ထားသော်လည်း အရက်ချက်လုပ်ငန်းကြီးများမှ သီးခြားမျိုးကွဲအဖြစ်သာ သတ်မှတ်ထားကြပါတယ်။ လက်ရှိတင်နက်ဆီဝီစကီထုတ်လုပ်သူများဟာ သူတို့ထုတ်လုပ်တဲ့ ဝီစကီဟာ ပြည်နယ်ဥပဒေအရ ထုတ်လုပ်ထားခြင်းဖြစ်သည့်အပြင် အမည်ရှိ သက်တမ်းယူသည့်လုပ်ငန်းစဉ်အတွင်း အနည်စစ်ယူသည့် လုပ်ငန်းစဉ်အရ ထုတ်လုပ်ထားခြင်းဖြစ်တယ်လို့လဲ ပြောဆိုကြပါတယ်။

ရိုင်းဝီစကီတွေကိုတော့ ရိုင်းစပါး အနိမ့်ဆုံး ၅၁ရာခိုင်နှုန်းပါဝင်လျက် ပြောင်းနှင့် ဂျုံတို့ဖြင့် အားဖြည့်ချက်လုပ်ထားကြပါတယ်။ ဒီအရက်ကို ပေါင်းခံချက်လုပ်ရာမှာ ဘာဘွန်အရက် ပေါင်းခံချက်လုပ်သည့် လုပ်ငန်းစဉ်အတိုင်း ချက်လုပ်ကြပါတယ်။ ရိုင်းဝီစကီ အရက်ကို အခြားမည်သည့်အရက်နှင့်မျှ မရောနှောဘဲထားခြင်းကို လို့လဲ ခေါ်ဝေါ်ကြပါတယ်။ ရိုင်းဝီစကီများဟာ ဘာဘွန်ဝီစကီများထက်စာရင် အနံ့အရသာ ပိုမွှေး၊ ပိုချိုကာ၊ အဝင်ပိုမိုချောမွေ့ပါတယ်။

/Whiskey
ပေးထားသည့်အမည်အတိုင်းပင် ရောစပ်ထားသောဝီစကီများကို ဆိုလိုခြင်းဖြစ်ပေသည်။ ၎င်းသည်နေရာဒေသအသီးသီးမှ အရောင်အမျိုးမျိုး၊ အနံ့အရသာအမျိုးမျိုးရှိသည့် ဝီစကီအမျိုးမျိုးတို့ကို စနစ်တကျပေါင်းစပ်ထားခြင်းဖြစ်ပေသည်။ ဒီဝီစကီအမျိုးအစားများကို ကောင်းမွန်သောအနံ့အရသာများရရှိ‌ရန် Cocktails များစပ်သကဲ့သို့ စပ်ယူထားခြင်းဖြစ်ပြီး ဈေးနှုန်းအားဖြင့် မြင့်မားခြင်းမရှိပါ။

တစ်မျိုးတည်းသော ကုန်ကြမ်းကို အသုံးပြုပြီး တူညီတဲ့အပါတ်စဉ်တစ်ခုထဲမှာ ချက်လုပ်ထားကာ ဝက်သစ်ချစည်အတွင်း အနိမ့်ဆုံးသက်တမ်း၃နှစ်ယူထားသည့် ဝီစကီများကို / လို့ခေါ်ဝေါ်ကြပါတယ်။ အဆိုပါအရက်ချက်လုပ်ရာတွင် အဓိကပါဝင်ပစ္စည်းမှာ မုယောစပါးဖြင့် ချက်လုပ်ထားခြင်းလဲ ဖြစ်ပေသည်။ သို့သော်လည်း အမေရိကန်Single Malt Whiskey များအတွက်မူ ရိုင်းစပါး ဖြစ်ပြီး မုယောစပါး မဟုတ်ပါ။
ယမကာသုတေသီ တင်အောင်လွင်
https://m.facebook.com/story.php?story_fbid=1676472039223595&id=100005824441008

https://www.facebook.com/tinaung.lwin.77/posts/pfbid07tp6UxMuNqXvioKeGbpE4Lyjem58V3BDBssjbp9yfHV9ernuDs5gUAEQmxGQMPj2l

01/09/2023

နာမည်ကြီး ဝီစကီချက်လုပ်သည့် ဒေသကြီး၅ခုမှ ဝီစကီများကို ရောစပ်ထားတဲ့ ကမ္ဘာ့ပထမဆုံး ဝီစကီ Suntory_World_Whisky_AO

Suntory ဆိုတာ ကမ္ဘာတလွှားမှာ အရက်ချက်စက်ရုံတွေပိုင်တဲ့ ဂျပန်နိုင်ငံရဲ့ အကြီးဆုံး အဖျော်၊ယမကာ ကုမ္ပဏီကြီးတစ်ခုပါ။ ဇန်နဝါရီလ ၁၉ရက် ၂၀၁၉ခုနှစ်တွင် ကမ္ဘာပထမဆုံးဖြစ်လာမည့် Suntory AO ကို ကြေငြာခဲ့ပါတယ်။ အဆိုပါ Suntory AO Whisky ဟာ Suntory Group ပိုင်ဆိုင်သည့် စကော့တလန်၊ အိုင်ယာလန်၊ အမေရိကန်၊ ကနေဒါ နှင့် ဂျပန်နိုင်ငံတို့ရှိ အရက်ချက်စက်ရုံကြီးများမှ ဝီစကီများကို ကုမ္ပဏီ၏ ငါးဆက်မြောက် ဝါရင့်အရက်ရောစပ်သူ Shinji Fukuyo သည် Suntory ကိုတကမ္ဘာလုံးမှလက်ခံသည့် Monozukuri လက်ရာကို အခြေခံ၍ ဂရုတစိုက်ရွေးချယ်ခြင်းနှင့် အသေးစိတ်စေ့စပ်သေချာမှုများဖြင့် ရောစပ်ထုတ်လုပ်ခဲ့ခြင်းဖြစ်ပါတယ်။
#ဒေသအလိုက်_ဝီစကီရောစပ်မှု_မှတ်တမ်းများ
ုပ်စု
Ardmore Distillery
မီးခိုးငွေ့ ရနံ့များကြွယ်ဝစွာပါဝင်တဲ့ Highland ဒေသထွက်အရက်များဟာ လန်းဆန်းတက်ကြွစေပြီး Islay ဒေသထွက် အရက်များနှင့် ခြားနားမှုရှိပါတယ်။
Glen Garioch Distillery
Highland ဒေသ၏ ရှေးအကျဆုံး အရက်ချက်စက်ရုံများတွင် တစ်ခုအပါအဝင်ဖြစ်ပြီး ပျားရည်နှင့် ပူပြီးစပ်သည့်အရသာများ ပေါင်းစပ်ပါဝင်ပါတယ်။
ုပ်စု
Cooley Distillery
၁၉၈၉ခုနှစ်တွင်မှ စတင်ထူထောင်ပြီး Scotch ဝီစကီထုတ်လုပ်နည်းများအတိုင်း ချက်လုပ်သည့် Cooley သည် Danny Boy ဟူသောအမည်ဖြင့် လူသိများသည်။
ုပ်စု
Jim Beam Claremont Distillery
၁၇၉၅ခုနှစ်တွင် စတင်တည်ထောင်ခဲ့ပြီး Beam မိသားစုများမှ မျိုးဆက်ပေါင်းများစွာ လက်ဆင့်ကမ်းကာ ကမ္ဘာနံပါတ်၁ Bourbon Whiskey ကို ထုတ်လုပ်ရောင်းချလျက်ရှိပါတယ်။ ထုံးကျောက်များကို အသုံးပြုလျက် ရေကို သဘာဝအတိုင်းအနည်စစ်ကာ တဆေးများဖြင့် ကဇော်ဖောက်ခြင်းနည်းကို ပိတ်ပင်ထားသည့် ကာလထဲကပင် ထုတ်လုပ်ခဲ့ခြင်းဖြစ်သည်။
ုပ်စု
Alberta Distillery
၁၉၄၆ခုနှစ်တွင် စတင်တည်ထောင်ခဲ့ပြီး ဒေသထွက်အရည်အသွေးမြင့် ရိုင်းစပါးကို လန်းဆန်းတက်ကြွစေသည့် ရေခဲတမျှအေးစက်သည့် ရေကို အသုံးပြုကာ ချက်လုပ်ထားပြီး ချောမွေ့ညက်ညောသော အရသာကို ပေးစွမ်းပါတယ်။
ုပ်စု
Yamazaki Distillery
ဂျပန်နိုင်ငံရဲ့ ပထမဆုံးနဲ့ သက်တမ်းအရင့်ဆုံး အရက်ချက်စက်ရုံကြီးဖြစ်ပြီး အုံ့ဆိုင်းသောရာသီဥတုတွင် သေချာစွာပြုစုသက်တမ်းယူကာ နူးညံ့သိမ်မွေ့ခြင်းနှင့် လေးနက်သော အနံ့အရသာများကို ပေးစွမ်းသည့် ဝီစကီဖြစ်သည်။
Hakushu Distillery
ဂျပန်နိုင်ငံ၏ ထူးခြားသော တောင်ပေါ်ဒေသရှိ သစ်တောများကြားတွင် တည်ဆောက်ထားသည့် အရက်ချက်စက်ရုံ။ စက်ရုံဘေးပါတ်ဝန်းကျင်မှ သဘာဝအတိုင်းရရှိသော ရေဖြင့် ချက်လုပ်ထားပြီး လန်းဆန်းတက်ကြွစေသော ဆေးဖက်ဝင် အနံ့အရသာရှိသည့် အမျိုးအစားကောင်းဝီစကီမျိုးဖြစ်သည်။
#အနံ့အရသာအလွှာများကြားမှာ_ရောစပ်မှုများကိုရှာဖွေတွေ့ရှိခြင်း
အခြေခံအားဖြင့် Suntory AO ၏ရောစပ်မှုသည် နိုင်ငံတစ်ခုခြင်းစီ၏ ဝီစကီကို ထုတ်ဖော်ပြသခြင်းနှင့် ပေါင်းစပ်ခြင်းတို့ဖြင့် ရောစပ်ခြင်းနည်းပညာသစ်များကို ဖြစ်ပေါ်စေပါတယ်။ ကမ္ဘာအဓိကဝီစကီထုတ်လုပ်သည့် ဒေသကြီး၅ခုမှ အနံ့နှင့်အရသာအတိမ်အနက်၊ ကုန်ကြမ်းများနှင့် ကျွမ်းကျင်ပြောင်မြောက်စွာ ရောစပ်ခြင်းတို့ကို ပေါ်လွင်စေပါတယ်။
Suntory AO သည် ဂျပန်ကို ကမ္ဘာနှင့်ပိုမိုနီးကပ်စေခြင်းနှင့် ကမ္ဘာ့တိုက်ကြီးများကို ပေါင်းစပ်ပေးနိုင်ခြင်းတို့အတွက် ပင်လယ်ကဲ့‌သို့ အပြာရောင်ဖြင့် အသုံးပြုထားပြီး AO၏ အမှတ်အသားတွင် သံလိုပ်အိမ်မြှောင်နှင့် လှိုင်းကဲ့သို့သော အမှတ်အသားများ ပါဝင်ပါတယ်။ ဝီစကီ၏ အမှတ်တံဆိပ်ကို ဂျပန်၏လက်မှုပညာရပ်များနှင့် အစဉ်အလာမပျက်တွေ့ဆုံခြင်းကို ဂုဏ်ပြုသောအားဖြင့် ပုလင်း၏ ထောင့်နေရာ၌ ကပ်ထားခြင်းဖြစ်သည်။
Suntory World Whisky AO ဖြစ်ပေါ်လာပုံ Youtube Video Link လဲထည့်ပေးထားပါတယ်။
https://youtu.be/HxtJgBoXmlk
ယမကာသုတေသီ တင်အောင်လွင်
https://www.facebook.com/102041882221576/posts/103550258737405/

https://www.facebook.com/permalink.php?story_fbid=pfbid0ZNCy4eR4MyaeUu3MFU6r8qxnSswqoRmXr7LQTExt7istzy9qQcPtVz44BHA8U88Dl&id=102041882221576

01/09/2023

ဝီစကီ_သမိုင်းကြောင်း

ခရစ်တော်မပေါ်မီ BC-2000ခန့်မှာ မက်ဆိုပိုတေးမီးယား၌ ဘေဘီလုံလူမျိုးများက ရေမွှေးနှင့် အခြားသောအမွှေးနံ့သာများပေါင်းခံရာမှ စတင်ခဲ့တယ်လို့ ဆိုကြပါတယ်။ သို့သော်လည်းပဲ အဆိုပါအကြောင်းချင်းရာများသည် မသေချာမရေရာမှုနှင့် အငြင်းပွားမှုအထောက်အထားများဖြစ်သည်ဟုလည်း သတ်မှတ်ထားကြပါတယ်။

အေဒီ၁ရာစု၌ အလက်ဇန္ဒြီးယားရှိ ဂရိလူမျိုးများက ဓာတုဗေဒနည်းသုံးပေါင်းခံပစ္စည်းများကို အစောဆုံးပြုလုပ်ခဲ့ကြပါတယ်။ ထို့နည်းတူစွာ ဓာတုဗေဒနည်းဖြင့် ပေါင်းခံချက်လုပ်ခြင်းနည်းလမ်းကိုလဲ အသုံးပြုခဲ့ကြပါတယ်။ အာရဗီဘာသာဖြင့်ရေးထားသောမှတ်တမ်းများအရ ၉ရာစုအထိ အဆိုပါနည်းလမ်းများသည် အရက်ချက်လုပ်သည့် နည်းလမ်းတစ်ခုဖြစ်မလာသေးပါ။
အရက်ပေါင်းခံချက်လုပ်ခြင်း၏ အစောဆုံးမှတ်တမ်းမှာ ၁၃ရာစုနှစ်တွင် အီတလီ၌ ဝိုင်ကို ပေါင်းခံချက်လုပ်ခြင်းဖြင့် အစပြုခဲ့သည်။ Ramon Llull (1232-1315) ၏ ပေါင်းခံချက်လုပ်ခြင်းဆိုင်ရာနည်းစနစ်သည် အစောဆုံးဖြစ်ပြီး အလယ်ခေတ်ဘုန်းကြီးကျောင်းများမှတဆင့် ပျံ့နှံ့ခဲ့သည်။ စတင်အသုံးပြုစဉ်အခါက လေထိုး၊လေအောင့်နာနှင့် ကျောက်ကြီးရောဂါကဲ့သို့သော ဆေးများဖော်စပ်ရာတွင်သာ အသုံးပြုခဲ့ကြပါတယ်။
၁၅ရာစုနှောင်းပိုင်းတွင် ပေါင်းခံခြင်းနည်းစနစ်များသည် အိုင်ယာလန်နှင့် စကော့တလန်နိုင်ငံများသို့ ရောက်ရှိပျံ့နှံ့ခဲ့ပါသည်။ အဆိုပါနိုင်ငံတို့သို့ ရောက်ရှိပြီးမှ ဆေးဖက်ဆိုင်ရာပေါင်းခံသည့် အလေ့အထများသည် ဘုန်းတော်ကြီးသင် ပညာရေးကျောင်းများမှ ဆရာဝန်များ၊ ခွဲစိတ်ဆရာဝန်ကြီးများပါဝင်သည့် အဖွဲ့များမှတဆင့် လောကီရေးရာ အသုံးပြုမှုများသို့ ကူးပြောင်းရောက်ရှိလာခြင်းဖြစ်ပေသည်။
စကော့တလန်တွင် ဝီစကီထုတ်လုပ်မှု၏ အစောဆုံးမှတ်တမ်းမှာ ဘုရင့်ဘဏ္ဍာတော်သို့ အခွန်ဆက်သရန်အတွက် မော့တ်အရက်ပုလင်း ၅၀၀ တင်သွင်းရန် အမိန့်ထုတ်ပြန်ခြင်းမှ စတင်ခဲ့ပါတယ်။ စကော့တလန်ဘုရင် James IV (1488-1513) သည်ဆက်သလာသော မော့တ်ဝီစကီအရက်ကို လွန်စွာနှစ်သက်ကြောင်း သတင်းထုတ်ပြန်ခဲ့ပြီး ၁၅၀၆ခုနှစ်တွင် Dundee မြို့ရှိ ခွဲစိတ်ဆရာဝန်များအစည်းအရုံးသို့ ဝီစကီအမြောက်အမြားထုတ်လုပ်၊တင်သွင်းရန် လက်ဝါးကြီးအုပ်ခဲ့ပါတယ်။ ၁၅၃၆ခုနှစ်မှ ၁၅၄၁ခုနှစ်အကြားတွင် အင်္ဂလန်ဘုရင် Henry VIII သည် ဘုန်းတော်ကြီးသင်ပညာရေးကျောင်းများကို ဖျက်သိမ်းခဲ့ပြီး ဘုန်းတော်ကြီးများကို ပြည်သူလူထုအတွင်းသို့ စေလွှတ်ခဲ့ပါတယ်။ ထိုအချိန်မှစတင်ပြီး လွတ်လပ်သွားသော ဘုန်းတော်ကြီးများသည် ၎င်းတို့တတ်ကျွမ်းသည့် ပေါင်းခံချက်လုပ်သည့် နည်းစနစ်များအသုံးပြုပြီး ငွေကြေးရှာဖွေရန်အလို့ငှာ လယ်တောအိမ်များသို့ပြောင်းရွှေ့ကာ အရက်ချက်လုပ်ခဲ့ကြပါတော့တယ်။
ဝီစကီကိုစတင်ချက်လုပ်စဉ်က ဖွံ့ဖြိုးတိုးတက်မှု နုနယ်ခြင်း၊ သက်တမ်းမယူထားခြင်းတို့ကြောင့် ထွက်ပေါ်လာသည့် အနံ့အရသာတို့မှာ ယခုခေတ်ပေါ် ဝီစကီအရက်များနှင့် နှိုင်းယှဉ်ကြည့်ရာတွင် အရသာမှာ လွန်စွာမှပင်ကြမ်းတမ်းပြီး၊ နှစ်လိုဖွယ်ရာ ရနံ့များလဲ မရရှိသေးပါ။ ရီနေးဆန့်ခေတ်မှ ဝီစကီများသည် မည်သည့်ရောနှောမှုများမပါဘဲ လွန်စွာပြင်းသော အနံ့နှင့် အရသာများရှိပါတယ်။ ခေတ်ကာလကြာလာသည်နှင့်အမျှ ပေါင်းခံချက်လုပ်သည့် နည်းပညာများတိုးတက်လာမှု၊ ပါဝင်ပစ္စည်းများ များပြားလာမှု၊ နှစ်ချို့သက်တမ်းယူသည့်ကာလတိုးမြင့်လာမှုတို့ကြောင့် ဝီစကီအရက်များသည် နူးညံ့၊သိမ်မွေ့ပြီး ညက်ညောမှုတို့ဖြင့် ပြည့်စုံကောင်းမွန်သည့် သောက်သုံးဖွယ်ရာ ယမကာဖြစ်လာခဲ့ပေသည်။
Old Bushmills အရက်ချက်စက်ရုံသည် ကမ္ဘာပေါ်တွင် အစောဆုံးနှင့် သက်တမ်းအရင့်ဆုံး လိုင်စင်ရအရက်ချက်စက်ရုံတစ်ရုံဖြစ်ပေသည်။ မြောက်အိုင်ယာလန်နိုင်ငံ Antrim စီရင်စု Bush မြစ်၏ မြစ်လက်တက်လေးတစ်ခုဖြစ်သော Saint Columb အမည်ရှိ ချောင်းငယ်လေးအနီးတွင် တည်ရှိပါတယ်။ စတင်တည်ထောင်ပြီး ကုန်အမှတ်တံဆိပ်ရိုက်နှိပ်ဖြန့်ချိသည့် ၁၆၀၈ခုနှစ်မှ စဉ်ဆက်မပြတ် ထုတ်လုပ်ခဲ့ပြီး ၁၈၈၅ခုနှစ် မီးလောင်မှုကြောင့် စက်ရုံကို ပြန်လည်တည်ဆောက်ခဲ့ရပါတယ်။လက်ရှိတွင် Jose Cuervo ကုမ္ပဏီမှ ပိုင်ဆိုင်ပါတယ်။ အဆိုပါစက်ရုံဟာ ကမ္ဘာလှည့်ခရီးသွားများ စိတ်ပါဝင်စားစွာ လှည့်လည်လေ့လာစရာနေရာတစ်ခုဖြစ်ပြီး တစ်နှစ်လျှင် ခရီးသွားဦးရေ ၁၂၀၀၀၀ခန့် လာရောက်လည်ပတ်ကြပါတယ်။
ယမကာသုတေသီ တင်အောင်လွင်
https://www.facebook.com/102041882221576/posts/115351124223985/

https://www.facebook.com/permalink.php?story_fbid=pfbid022LrrWGW97dajLNkYTE6tpY5JgVmp2npMfsKbvTJFau4Pk4hSPwvfXyZ1U7Ypv1qkl&id=102041882221576

01/09/2023

ဝီစကီကို_အအေးခံဖို့_နည်းလမ်းများ

Bartender အတော်များများရဲ့ ရေခဲကိုထုဆစ်၊ အသုံးပြုသော ကျွမ်းကျင်တဲ့လက်ရာများဟာ စားဖိုမှူးတစ်ယောက် မီးဖိုချောင်ထဲမှာ ဟင်းချက်ရာတွင် မီးရဲ့အပူချိန်ကို ကျွမ်းကျင်၊ကျင်လည်စွာ အသုံးပြုပုံမျိုးနဲ့ နှိုင်းယှဉ်ကြည့်သကဲ့သို့ ဖြစ်ပါတယ်။ Bartender များ ရေခဲကို အသုံးပြုခြင်းဟာ အဖျော်၊ယမကာများကို အေးမြမှုကို ပေးစွမ်းဖို့အတွက်သာမက ၎င်းတို့၏ အရောင်များ၊ အနံ့၊အရသာများကိုပါ ဟန်ချက်ညီ၊သမမျှတမှုများ ရရှိစေရန် ချိန်ညှိပေးခြင်းဖြစ်ပေသည်။ သာယာညိမ့်ညောင်းသော အသံစနစ်တစ်ခုရရှိစေရန်အတွက် Equalizer အသုံးပြုသည်နှင့်လည်း အလားသဏ္ဍာန်တူပေသည်။ ဒါကြောင့် ရေခဲဟာ အဖျော်ယမကာများအတွက် အရေးအကြီးဆုံး အစိတ်အပိုင်းတစ်ခုဖြစ်ပါတယ်။
ရေခဲရဲ့ ထူးခြားဆန်းပြားသော အစွမ်းများကို လွန်ခဲ့သော ဆယ်စုနှစ် နှစ်ခုအကျော်ခန့် ကော့ခ်တေးလ်ဖျော်ရည်များ ခေတ်စားလာမှုများမှ စတင်တွေ့ရှိလာခဲ့ကြပါတယ်။ ထိုအချိန်မှစတင်ပြီး ရေခဲကို အချိုရည်များ၊ လတ်ဆတ်သော သစ်သီးဖျော်ရည်များနှင့် အိမ်လုပ် အဖျော်ယမကာများတွင် နောက်ဆုံးထည့်သွင်းသည့် နည်းလမ်းများအဖြစ် အသုံးပြုခဲ့ကြတာ ယခုခေတ်ထိတိုင်အောင်ပါ။ ကျေးဇူးတင်ထိုက်သူများအနေနှင့် လက်မှုကျွမ်းကျင်သော ပညာရှင်များနှင့် ၎င်းတို့ တီထွင်ထုတ်လုပ်ခဲ့သော Clinebell ရေခဲလုပ်စက်များဖြစ်ပါတယ်။ အဆိုပါစက်ကိုအသုံးပြုပြီး ထုတ်လုပ်ထားသည့် ရေခဲများဟာ သလင်းကျောက်ကဲ့သို့ ကြည်လင်ပြီး စိန်ကဲ့သို့မာကျောကာ သိပ်သည်းဆမြင့်မားသောကြောင့် အဖျော်ယမကာများကို မွှေခြင်း၊ လှုပ်ခတ်ခြင်း၊ ‌အအေးခံခြင်း၊ ပျော်ဝင်စေခြင်းတို့အတွက် အံဝင်ခွင်ကျ ဖြစ်စေပါတယ်။
/
Large Cube
အရွယ်အစားကြီးမားသော ကုဗတုံးပုံ ရေခဲတုံး၏ နောက်ကွယ်မှ အယူအဆမှာ ၎င်းတို့တွင် အရည်နှင့်ထိတွေ့ရမည့် မျက်နှာပြင်ဧရိယာသေးငယ်သော ရေခဲတုံးများထက်စာလျှင် နည်းပါးပါတယ်။ ထို့ကြောင့် အဆိုပါရေခဲတုံးများသည် နှေးကွေးသောနှုန်းဖြင့် အရည်ပျော်ပြီး ဝီစကီထဲသို့ ရေပျော်ဝင်မှု လျော့နည်းစေပါတယ်။
Ice Sphere
ကြီးမားလုံးဝန်းသော ရေခဲလုံးသည် မျက်နှာပြင် အကျယ်အဝန်းပိုနည်းသဖြင့် Large Cube နှင့်တူညီသော ပမာဏကို ပေးစွမ်းစေနိုင်ပါတယ်။ ထို့ကြောင့် အဆိုပါရေခဲအမျိုးအစား ၂မျိုးစလုံးကို သိပ္ပံနည်းအရ ဝီစကီနှင့် ထည့်သွင်းသောက်သုံးရန်အကောင်းဆုံး အမျိုးအစားအဖြစ် သတ်မှတ်ထားကြပြီး ခွက်အတွင်းသို့ ရေအနည်းငယ်မျှသာ ရောထည့်ပေးရန် လိုအပ်ပါတယ်။

San Francisco မှ Bartender ဖြစ်သူ Jennifer Colliau ၏ပြောကြားချက်အရ " Ice Sphere မှာ အနည်းဆုံး လုံးဝန်းသော မျက်နှာပြင်ဧရိယာတစ်ခု ပါရှိပါတယ်။ တကယ်လို့ ပြောင်ရှင်းနေတဲ့ မျက်နှာပြင် တစ်ခုထဲဆိုရင် ပိုတောင်နည်းပါလိမ့်မယ်။ " ဒါနဲ့ပဲ ဖန်ခွက်ထောင့်‌တစ်နေရာမှ တြိဂံပုံစံ သပ်နှင့်အလားသဏ္ဍာန်တူသည့် ‌ရေခဲတုံးပုံစံကို လက်နဲ့ ထွင်းထုကာ နမူနာပြသခဲ့ပါတယ်။ အဆိုပါရေခဲတုံးဟာလည်း အရက်ကို ကြာရှည်အအေးခံနိုင်မည်ဖြစ်သကဲ့သို့ အရည်ပျော်မှု နှေးကွေးကာ အရက်ထဲသို့ ရေပျော်ဝင်မှု လျော့နည်းသည်ကို တွေ့ရှိရပါတယ်။ အဆိုပါ Whisky Wedge ရေခဲပြုလုပ်ရန်အတွက် ထည့်သွင်းသောက်သုံးမယ့်ဖန်ခွက်ဟာ လေးထောင့်ဆန်တဲ့ ဖန်ခွက်မျိုးနဲ့ ပိုမိုသင့်လျော်ပါတယ်။

ဝီစကီထဲသို့ ရေလုံးဝမပျော်ဝင်စေဘဲ အအေးခံချင်ရင်တော့ ဝီစကီကျောက်တုံးလေးတွေနဲ့ စမ်းသပ်နိုင်ပါတယ်။ အဆိုပါကျောက်တုံးများကို ရေခဲသေတ္တာအခဲခန်းတွင် အနည်းဆုံး လေးနာရီကြာအောင် အ‌ခဲခံရပါတယ်။ ထို့နောက် ဖန်ခွက်ထဲသို့ ဝီစကီကျောက်တုံးများကို ဦးစွာထည့်ပြီးမှ အရက်ကို ငှဲ့ထည့်ပေးရပါတယ်။ အားနည်းချက် အနေနဲ့ကတော့ အဆိုပါဝီစကီကျောက်တုံးများကို ဆေးကြောသန့်စင်ဖို့ အခက်အခဲ အနည်းငယ်ရှိပါတယ်။

အအေးခံရုံအတွက်သာမက ဝီစကီထဲသို့ ရေပျော်ဝင်တာကို မနှစ်သက်ဘူးဆိုရင်တော့ တာရှည်အေးခဲစေသောအရည် ကြိုတင်ဖြည့်ထားတဲ့ စတီးတုံးလေးတွေနဲ့ စမ်းသပ်သင့်ပါတယ်။ ၎င်းကို ရေခဲသေတ္တာအခဲခန်းတွင် အနိမ့်ဆုံး လေးနာရီကြိုတင် ထည့်သွင်းထားရန်လိုအပ်ပါတယ်။ အဆိုပါ စတီးတုံးအတွင်းမှ အရည်များဟာ လေးနာရီကြာပြီးနောက် အေးခဲသွားကာ အပူစီးဆင်းမှု အလွန်ကောင်းမွန်တဲ့ စတီးအခွံကြောင့် ဝီစကီကျောက်တုံးများထက် ဝီစကီကို ပိုမိုအေးမြစေပါတယ်။ သောက်သုံးပြီးသောအခါ၌လည်း ရိုးရှင်းလွယ်ကူစွာဆေးကြောနိုင်ပြီး နောက်တကြိမ်ပြန်လည်အသုံးပြုရန် အသင့်ဖြစ်စေပါတယ်။

အိမ်တွင် ရေခဲတုံးပြုလုပ်ရန်အတွက် ရေခဲသေတ္တာအခဲခန်း၏ အပူချိန်ကို အရင်လျှော့ပါ။ ထို့နောက်ရေခဲတုံးပြုလုပ်မည့် ရေကို အနည်မပါအောင်စစ်ပြီး ကြိုချက်ကာ အအေးခံထားပါ။ အထက်ပါ အဆင့်နှစ်ဆင့်ကို ဦးစွာပြုလုပ်ခြင်းဖြင့် ရေများအလျင်အမြန် အေးခဲခြင်းမဖြစ်ဘဲ ရေခဲတုံးအတွင်း အောက်ဆီဂျင်လေပူဖောင်းများ မကျန်ရှိစေခြင်း၊ ရေခဲ၏သိပ်သည်းဆ မြင့်မားခြင်းတို့ကို ပေးစွမ်းစေပါတယ်။ ထို့နောက် ရေခဲတုံးပြုလုပ်လိုသည့် မိုလ်ပုံစံခွက်အတွင်းသို့ ကျိုချက်၊သန့်စင်ထားသည့် ရေထည့်ကာ အခဲခန်းအတွင်း မိုလ်ခွက်များကို လေးဖက်လေးတန်စလုံးမှ ညီတူညီမျှတပြိုင်နက်တည်း အေးခဲနိုင်မည့်နေရာတွင်ထားပြီး အခဲထားပါ။ အထက်ပါနည်းလမ်းဖြင့် ပြုလုပ်ပါက Bartender များ၏ လက်မှုပညာအရ ထုထွင်းထားသည့် ရေခဲနှင့် အရည်အသွေးမကွာခြားသည့် ရေခဲတုံးများဖြစ်နေမည်မှာ အတိအကျပင်ဖြစ်တော့သည်။
ယမကာသုတေသီ တင်အောင်လွင်
https://www.facebook.com/102041882221576/posts/128761806216250/

https://www.facebook.com/permalink.php?story_fbid=pfbid0QetiG8txdndxy8trzW69JMWmoudZbmP2kexwWRcjTTbHYxoZBSdLBSURNHpyLaLLl&id=102041882221576

Address

Website

facebook.com

Alerts

Be the first to know and let us send you an email when San Ayat posts news and promotions. Your email address will not be used for any other purpose, and you can unsubscribe at any time.

Videos

သစ်သားကနေ အရက်ချက်လုပ်တဲ့နည်း ဂျပန် ပညာရှင်တွေ ရှာတွေ့ မေ-၂၇၊ ၂၀၁၈ ဂျပန်နိုင်ငံက သိပ္ပံပညာရှင်တွေဟာ သစ်သားကနေ အရက်ချက်လုပ်တဲ့ နည်းလမ်းကို ဖော်ထုတ် တွေ့ရှိခဲ့ပါတယ်။ ဂျပန်ရဲ့ သစ်တောနဲ့ သစ်တောထွက်ကုန် သုတေသန ဌာနဟာ သစ်သားကို အခြေခံပြီး လူသားတွေအတွက် ဆိုးကျိုးကင်းတဲ့ လောင်စာ၊ အရက် အစရှိတဲ့ ပစ္စည်းတွေကို ဓာတုပစ္စည်း၊ မီးအပူရှိန် စတာတွေ အသုံးမပြုဘဲ ဘယ်လို ဖန်တီးနိုင်မလဲဆိုတဲ့ နည်းလမ်းတွေကို ရှာဖွေနေခဲ့တာ ဖြစ်ပါတယ်။ အခုတွေ့ရှိတဲ့ နည်းလမ်းအရတော့ သစ်သားကို ရေ၊ တဆေးနဲ့ အင်ဇိုင်းတချို့နဲ့ ပေါင်းစပ်ပြီး အရက်ချက်လုပ်နိုင်တယ်လို့ အဲဒီဌာနက သုတေသီ ယူရီချီရို အော့ဆူကာက ပြောပါတယ်။ ဒါပေမဲ့ အရက်ချက်ဖို့ ရွေးချယ်လိုက်တဲ့ သစ်အမျိုးအစားကတော့ လူသားတွေ စားသုံးဖို့ အန္တရာယ်ကင်းတဲ့ ဖွဲ့စည်းပုံမျိုး ရှိရမှာ ဖြစ်ကြောင်း သူက ရှ

တရုတ်ကျေးလက် ဆန်အရက် ငါနာမည်ကိုပထမဆုံးကြားဖူးတာကဝိုင်ကိုနွားချေးနဲ့လုပ်ထားတာလို့ငါထင်တယ်။ ဒါနဲ့နွားချေးဝိုင်ကိုလုပ်တဲ့သူကအစ်ကို Long ကိုငါမေးခဲ့တယ်။ သင့်တင့်လျောက်ပတ်သော နွားနောက်ချေးဝိုင်ကိုအိုးတစ်လုံးထဲသို့မထည့်မီတစ်နှစ်ကျော်သိုလှောင်ထားသောအိမ်လုပ်ဆန်ဝိုင်ကိုသုံးသည်ဟုကျွန်ုပ်အားပြောကြားခဲ့သည်။ plugger ကိုငန်သောအကိုင်းအခက်တစ်ခုနှင့် အညိုရောင်စက္ကူဖြင့်ထုပ်သင့်သည်။ ဖန်ပုလင်းကိုအရည်ပျော်သောပျားဖယောင်းနှင့် အလုံပိတ်ထားရန်လိုအပ်ပြီးအနည်းဆုံးနှစ်နှစ်ခန့်သိုလှောင်ရန်ပုလင်းကိုနွားနို့ချိုနှင့်ဖုံးအုပ်ပါ။ ငါ့အဘိုးကဝိုင်သောက်ရတာကြိုက်တယ်။ သူ့အတွက်ဝိုင်သည်ဘဝအတွက်အကောင်းဆုံးဟင်းခတ်အရက်ဖြစ်သည်။ လွန်ခဲ့တဲ့သုံးနှစ်ကပြောင်းဖူးဝိုင်အကြောင်းငါ့ရဲ့ပထမဆုံးဗီဒီယိုကိုလုပ်ခဲ့တယ်။ အချိန်တွေ ဘယ်လို

Making rice wine in Myanmar The Kite Tales Sweet, earthy and delicious, rice wine is the drink of choice in parts of Myanmar for special occasions like weddings, funerals, the planting and harvest seasons, and really any other time a friend drops by https://youtu.be/gKhvNGSNf7Q

Rose ဝိုင်ကောင်းတွေ ထွက်တဲ့ ပြင်သစ်အရှေ့တောင်ပိုင်း VOA Burmese ကမ္ဘာကျော်တဲ့ ပြင်သစ် ဝိုင်အရက်တွေထဲက Rose ဝိုင်တွေကို ပြင်သစ်နိုင်ငံ အရှေ့တောင်ပိုင်းက Cote d’Azur ဒေသမှာ အဓိက ထုတ်ကြပါတယ်၊ ဒီဒေသမှာ အကောင်းဆုံး Rose ဝိုင်တခွက်ရအောင် ဘယ်လောက်အထိ အသေးစိတ် စမ်းသပ် ထုတ်လုပ်ကြသလဲဆိုတာကို မစုမြတ်မွန်နဲ့အတူ ကမ္ဘာတလွှားခရီးသွား အစီအစဉ်ကနေ လေ့လာရမှာဖြစ်ပါတယ်၊ Originally published at - http://burmese.voanews.com/media/vide...

ကိုဗစ်ကာလမှာ ခေါင်ရည်လုပ်ငန်းလုပ်ကိုင်သူတွေ ဝင်ငွေထက်ဝက်ခန့်လျော့ကျ Dec 15, 2020 Karenni News - Kantarawaddy Times ဒေါ်စိုးမိုးဟာ အသက်၅၀ကျော်ပြီဖြစ်ပါတယ်။ သူဟာ ခေါင်ရည်ချက်တဲ့လုပ်ငန်းနဲ့ အသက်မွေးဝမ်းကျောင်းပြုနေပါတယ်။ သူခေါင်ချက်လာတာလည်း ၁၀နှစ်ကျော်ပါပြီ။ ခေါင်ရည်ကို တစ်ရက်နှစ်အိုးချက်ပြီးတော့ တစ်ပတ်ဝင်ငွေတစ်သိန်းကျော်ရရှိပါတယ်။ အခုတော့ ခေါင်ရည်တစ်ရက်ကို တအိုးသာ ချက်နေရပါတယ်။ ဒီလိုတစ်ရက်တစ်အိုးလျော့ပြီး ချက်နေရတာဟာ မြန်မာနိုင်ငံမှာ ကိုဗစ်စဖြစ်ကတည်းကပါ။ ကိုဗစ် ရောဂါကို ကာကွယ်တားဆီးဖို့ အတွက် အစိုးရက ပြည်တွင်းခရီးသွားလုပ်ငန်းတွေ ပိတ်ထား သလို လူစုလူဝေးမပြုလုပ်ဖို့ ထုတ်ပြန်ထားတာတွေကြောင့် ဒေါစိုးမိုးတို့ ဆီက ခေါင်ရည်ယူထားတဲ့ စားသောက်ဆိုင်တွေက ဖောက်သည်တွေက ခေါင်ရည်မှာယူတာနည်းလာတာပါ။ ဒါကြောင့် သူ့ရဲ့ ပုံမှန် ဝင်ငွေရဲ့ တစ

ကချင်ရိုးရာခေါင်ရည် (စပီ) ပြုလုပ်နည်း https://youtu.be/ecaZLV3kD9o

Burmese Traditional Rice Alcohol (ဆန်အရက်) ထွေးညိုလို့ ခေါ်ခေါ် ဂျမ်းလို့ခေါ်ခေါ် တော်တော်များများက ဆန်နံသင်းတဲ့ အရက်ကို ပြေးမြင်မိကြလိမ့်မယ် ထင်ပါတယ်။ ဆန်အရက်တွေမှာ ဘာတွေ ပါဝင်သလဲ ဘယ်လိုချက်သလဲဆိုတာကို တင်ဆက်လိုက်ပါတယ်။ https://youtu.be/_DXV5iALw-M

Shortcuts

Address
Alerts
Videos
Claim ownership or report listing
Want your business to be the top-listed Convenience Store?

Country:

City:

21/09/2023

01/09/2023

01/09/2023

01/09/2023

01/09/2023

01/09/2023

01/09/2023

01/09/2023

01/09/2023

01/09/2023

Address

Website

Alerts

Videos

Shortcuts

Share