هل حبى للشئ حتمى للقيام به
يعنى أنا النهارده صحيت مقريف ومش عايز أنزل الكليه أو أروح الشغل هل خلاص بقا نقعد ونحط أيدينا على خدنا ولا نروح ولا نيجى.
هل أنا لو مش بحب القراءه وبيجيلى ضيق نفس لما أسمع سيرتها هل كده عمره ما حقرأ ؟؟
ده اللى حنعرفه أكتر من سرى الدين فى البودكاست ده . https://youtu.be/Nd988L8FiHw
هل سبق لك إعداد سيناريو في رأسك قبل النوم وأنت تعرف أنهُ لن يحدث، ولكنه يجعلك سعيدًا للغاية؟ أنا أفعل ذلك يومياً.
- أحمد خالد توفيق
14/06/2022
ويقسمون أيامهم ولياليهم إلى أقسام مقننة مرتبة،
فيفعلون كل شيء في حينه على وفق ما يخطر
لهم، فالأكل والشرب والنوم وكساء العرية، ثم
السآمة والضجر، في حينه. والعمل واللعب والغناء
والرقص، ثم الاستراحة عندما تحين ساعتها.
"جبران خليل جبران"
14/06/2022
بعضنا يكمل فيه شيء، وينقص فيه شيء آخر، فتأتي هدايا الله لتجبر كسر قلوبنا.
حنان لاشين/ غزل البنات
24/05/2022
نحن أمة اقرأ ..
للذين يقولون لا نحب القراءه ، نحن أمة اقرأ ، أول كلمة نزلت في القرآن " اقرأ "
_ ونزلت علي أمًي لا يجيد القراءة والكتابة " صلي الله عليه وسلم "
2)تحفيز للدماغ ..
القراءه هتنشطلك دماغك وهتحافظلك علي تركيزك وهتحميك من الإصابة بمرض الزهايمر .
3) زود معرفتك ..
كل معلومة بتقرأها بتتحفظ في دماغك ، جايز نحتاجها في يوم من الأيام .
4)اذهب إلي عالم آخر ..
امسك الكتاب وسافر بعيد عن وش الدنيا ،
وبعد الأصحاب وفراق الأحبة ،
وروح لعالم الكتاب الي بتقرأه ،
وهناك هتعيش ، وهترجع مرتاح .
⚡ نحن أمة اقرأ ، لازم تقرأ كتاب كل أسبوع .
17/05/2022
أقنعه الحب السبعه
روعه من روعات عبدالوهاب مطاوع 🤍🤍
الكتاب متاح للايجار☝️
17/05/2022
حبايبنا القراء الجامدين جدا
الكتب اللى انتوا طلبتوها رجعت ومتاحه دلوقتى .
عمك مارك مانسون مستنيك ومش حيبدأ من غيرك 🤭
ورينا يابنى الكتاب ده بيقول ايه🚶
15/05/2022
"سأفعل ذلك !
- ماذا ؟
سأحتل زيكولا
- هل أنت مجنون ؟
نعم من اجل اسيل ❤️
الرواية التي جعلتني أعشق تلك الفتاة و المدينة."❤️
10/05/2022
أعزاءنا المشاهدين
عاملين ايه
الاجازه عدت بسلام ويارب نكون شحنا طاقتنا
ورجعنا فريش كده
أين الكتب أنا لا أراها ☺️
معانا حتقرأ يعنى حتقرأ 👊
04/05/2022
ليه ربنا قال في كتابه العزيز (أقرأ)
أكيد الآيه فيها رساله عظيمه جدا منعرفهاش
وهي اننا منكررش اخطاء اهلنا واللي قبلنا
ونختار بوعي وثقافه طريقنا وهدفنا اللي هنمشي فيه
وما نتعرقلش في تردد وحل مشكلات واختيارات خطأ
ونعرف نميز بين العلاقات السامه والعلاقات الإيجابية
فأبتدي من النهارده أقرأ وأبدأ في المجال اللي تحب تطور
نفسك فيه ومحتاجه في حياتك
19/04/2022
أماريتا
ولسه القصه حتكمل
أرض زيكولا🙈
الروايه متاحه للايجار
10/04/2022
أوصيك يا بني بسبعة أشياء إذا حفظتها تسلم
لا تشارك غيوراً
ولا تسأل حسوداً
ولا تجاور جاهلاً
ولا تُناهض من هو أقوى منك
ولا تؤاخ مرائياً
ولا تصاحب بخيل
ولا تستودع سرك أحداً
10/04/2022
کتاب معجزة الصباح
في هذا الكتاب يقدم الكاتب 6 مبادئ أو انشطة يمكنك القيام بها لتطوير حياتك وتحسينها نحو الأفضل ويقترح الكاتب على القراء أن يعمدو للنهوض من النوم ساعة قبل موعد استيقاظهم المعتاد فساعة واحدة كل صباح كفيلة بتغيير حياتنا نحو الأفضل
09/04/2022
هل حسيت يوما ما إنك مرهق
مش إرهاق جسدى لا إرهاق نفسى
فعليك ب استراحه نفسيه🌻
عليك ب كريم اسماعيل ♥️
09/04/2022
أهم سؤال أقرأ أيه و لمين واختار الكتاب ازاي وأعرف انه مناسب ليا ولا لأ ؟! 🤔
أنتظروا البوستات الجايه للاجابه على السؤال الأهم عند كل مبتدا في القراءه🏃🏻♀
08/04/2022
ازاى خراب
ويكون كتاب عن الأمل !!🙄
تعالى نشوف🚶
08/04/2022
ماذا يمكن أن تفعل ب٥ جنيه ؟
اسأل نفسك ،سألت ؟
كيس دوريتوس بالشطه مثلا
بعد غلاء الأسعار والدولار اللى بقا فى السما
ال٥ جنيه اللى جيبك دى تقدر تأجر بيها كتاب أو روايه لمده جمعتين 😂
تغوص فى أعماقها ومع كوبايه قهوه وعيش يا مان .
اه والله زى ما بقولك كده ☺️
ورينى يا بنى الكتاب ده كده بيقول ايه🙈
08/04/2022
أهل BooksBox الكرام
ازيكم
طبعا كلنا عرفنا الجروب هنا تاجير كتب ومستنين نعرف ايه المقابل زى أى حاجه فى الدنيا لابد لها من مقابل فهل الكلام ده صحيح؟
صحيح ومش صحيح
فزوره دى ولا ايه 🤔
بدايه الفكره كانت حاجه تحبب الناس فى القراءه والالتزام بيها كعاده فى حياتنا وفى نفس الوقت تكون بمقابل عشان نحس إننا بنحوز شئ حقيقى عشان كده قررنا إن المقابل يكون رمزى جدا يمكننا إننا نكمل ويحسس اللى بيستقبل الخدمه بالالتزام لإننا كبنى
آدمين لازم ندفع عشان نحس بقيمه الشئ 😀
وياترى المقابل ايه ؟
استنونا فى البوست الجاى🚶
05/04/2022
كل سنه وانتم طيبين ورمضان كريم علينا جميعا إن شاء الله🌙
أهلا بيكم معانا فى Books Box مبسوطه بوجودكم واتمنى يكون وجودنا خفيف ويسيب أثر فى نفوسكم ويساعدنا نكون أشخاص أفضل .
ايه Books Box ده؟
جروب تاجير كتب.
يا راجل هى الكتب كمان بتتأجر !!🙄
شايفاكى ياللى بتعلقى .
اه يا ستى بتتأجر ،الكتب بتتباع وبتتشرى وبتتقرأ وبيتهادى بيها
الكتب من أجمل الحاجات فى الدنيا ومن ألطف الاصدقاء .
بس أنا مش بحب القراءه ، أصلا انا بقرا كتب الكليه بالعافيه
يا راجل صلى على النبى وهى دى كتب على رأى عمر هريدى 😂
لازم تشوف الدنيا بره كتب الكليه حتعجبك أوى😂
نرجع لمرجوعنا للاخ اللى مش بيحب القراءه
فى مقوله جميله بتقول "اللى مش بيحب القراءه هو شخص لسه ملقاش الكتاب المناسب" .
يعنى ممكن أكون بحب القراءه ومعنديش مشكله معاها بس مش عارف ابدأ منين؟!!!🥺
عادى جدا 😊
طب أقولك أنا تبدأ منين 😉
اختلفت الأراء فىى النقطه دى ناس بتقول روايات ودى شخصيا اللى حببتنى فى القراءه ،وناس بتقول إن الروايات مش بتزيد عن كونها تسليه للوقت، وخلاص وإن الكتب هى أحسن بدايه ودول برضو على رأسنا من فوق ،فدايما التجربه خير دليل .
بس أنا مش معايا فلوس للكتب ده انا شوفت روايه مع صاحبتى، بسألها على سعرها قالتلى ٣٠ جنيه ،يعنى أجيب سندوتش شاورما أحسن لى وهو كرشى حيدعيلى 😂.
معاك إن أسعار معظم الكتب غاليه علينا ولو جبنا كتاب مش بنجيب التانى علشان كده نحن هنا😉
تقدر تأجر منى الكتاب اللى تحبه وتقرأه ،ويكون بدايه ليك لو لسه بتتعرف على الكتب أو حتى متعود تقرأ ،وبكده نساعد بعض فى تحقيق الاستفاده وتوفر الفلوس لفته الشاورما عادى جدا 😂
يا راجل 🙄
أه والله زى مابقولك كده .
طب أاجره ازاى يعنى؟
يعنى تأخد الكتاب من دول فى رحله معاك، تصاحبه وتغوص فى أعماقه وتعيش معاه ،وبعد ما تخلصه تسلمه لحد بعدك والدائرة تلف ♥️
وده حيساعدنا كتير أوى، تخيل كده تروح تجيب كتاب أو روايه بترشيح من حد قرأه ،وبعد ما تقرأ فيه شويه ميعجبكش، وألبس يا معلم لزمك خلاص 😥
والعكس تلاقى كتاب عمرك ما كنت تتخيل إنك تقرأه أصلا وإذ فجأه تقرأه وتبدأ تعيط من كتر الجمال 🥰.
وبالتالى لما أاجر الكتاب أخد عنه فكره حبيته أدوس واشتريه محبتوش مخسرتش كتير .
آمين
آمين
صندوق Books Box
صندوق أسرار ،كل كتاب وليه سر ،والمعنى بيكون دايما فى بطن الشاعر .
صندوق هنبنيه سوا خطوه خطوه ،وحيكبر بينا ومعانا.
ف يلا بينا نفتح الصندوق ،ونخمن حيطلع فى ايدينا ايه ونفتكر دايما كلام العقاد عن قيمه القراءه بالنسباله:
"و .. لست أهوى القراءة لأكتب، ولا أهوى القراءة لازداد عمراً في تقدير الحساب .. وإنما أهوى القراءة لأن عندي حياة واحدة في هذه الدنيا، وحياة واحدة لا تكفيني"
طب وأنت حياه واحده تكفيك ؟🤔
حط ايدك جوه الصندوق ،واستعد للمفاجأه 🥳
Be the first to know and let us send you an email when Books Box posts news and promotions. Your email address will not be used for any other purpose, and you can unsubscribe at any time.
