15/10/2021
#အသီးအနှံ
သစ်သီးတွေက ကျန်းမာရေးအတွက် အရေးပါတဲ့ အခန်း ကဏ္ဍ မှာ ပါဝင်နေတာကြောင့် ချဉ်စော်ခါးသီးရဲ့ ကောင်းကျိုးလေးများကို မျှဝေပါရစေနော်
ကျမတို့ မေ့နေတဲ့ ချဉ်စော်ခါးသီးမှာလည်း ခန္ဓာကိုယ်အတွက် လိုအပ်တဲ့ အာဟာရဓာတ်တွေ ကြွယ်ဝစွာပါဝင်နေပါတယ်။
#ချဉ်စော်ကား
ချဥ်စော်ခါးသီး ( ခ) ချဥ်စော်ကားသီး ဟာအလွန်အေးသောကုန်းမြင့်ဒေသတွင်သာပေါက်ရောက်ပါတယ်။ မြန်မာနိုင်ငံတွင်အထူးသဖြင့် ရှမ်းပြည်တောင်ပိုင်း လွိုင်လင်ခရိုင် ( ပင်လုံမြို့) ဆနင်းဒေသတွင် စီးပွားဖြစ်စိုက်ကြပါတယ်။
အောက်ပြည်မှာ ကတော့ အထူးသဖြင့်အသီးအခြောက်သာစျေးကွက်ထဲမှာတွေ့ရနိုင်ပီး အသီးလတ်လတ်ဆတ်ဆတ်ကိုတွေ့ရခဲပါတယ်။
အခြောက်လှမ်းပြီး ရေနွေးလေးထဲ ထည့်ပြီး စိမ် သောက်သောက်..အဓိက ကတော့...ခန္ဓာကိုယ်ထဲက အဆီပိုများကို အကောင်းဆုံး ခြေဖျက်ပေးပါကြောင်း
ကြော်ကြော်ချက်ချက်..ကြက်သာလေးနဲ့ပဲပေါင်း ပေါင်း..အကုန် ဂွတ်
ချဥ်စော်ကားသီး ဟာ ဆေးဖက်ဝင်အသီးဖြစ်ပါတယ်။
လေထိုး ၊ လေအောင့် ၊ အစာကြေစေ၊ အသံကြည် ၊သွေးတိုးရောဂါ၊ ခန္ဓာ ကိုယ်တွင်းအဆီပိတ်သူများ ၊ နှလုံးအဆီပိတ်သူများ၊အသည်းဝေဒနါ ၊ဆီးရောဂါများကိုသက်သာစေပါတယ်။
ဟင်းလျာတွေကို ချဉ်ချဉ်လေးနဲ့ ခံတွင်းတွေ့ အရသာတိုးစေတဲ့ ချဉ်စော်ခါးသီးမှာ
ကယ်လ်လိုရီ
ကာဗိုဟိုက်ဒရိတ်
ပရိုတင်း
အဆီဓာတ်
အမျှင်ဓာတ်
ဗီတာမင် C
copper
ပိုတက်ဆီယမ်
သံဓာတ်
မဂ္ဂနီဆီယမ်
phosphorus
ဗီတာမင် A
ကယ်လ်ဆီယမ် တို့ပါဝင်နေပါတယ်
ပိုတက်ဆီယမ် ကြွယ်ဝစွာ ပါဝင်နေတာကြောင့် သွေးပေါင်ထိန်းညှိပေးနိုင်ပါတယ်။ သွေးတိုးတတ်သူတွေ စားသုံးပေးဖို့ သင့်တော်ပါတယ်
ဓာတ်တိုးဆန့်ကျင်ပစ္စည်း ကြွယ်ဝတယ်
ချဉ်စော်ခါးသီးမှ ဓာတ်တိုးဆန့်ကျင်ပစ္စည်း ကြွယ်ဝစွာ ပါဝင်နေတာကြောင့် ခန္ဓာကိုယ်မှာ ဓာတ်တိုးပစ္စည်းတွေကြောင့် ဖြစ်တဲ့ ထိခိုက်မှုတွေ မဖြစ်အောင် ကာကွယ်ပေးပါတယ်။ နာတာရှည်ရောဂါတွေ မဖြစ်စေဖို့လည်း ကာကွယ်ပေးပါတယ်
ဝမ်းချုပ်သက်သာစေတယ်
ချဉ်စော်ခါးသီးက အမျှင်ဓာတ်ကြွယ်ဝတာကြောင့် အူတွေကို လှုပ်ရှားမှုကောင်းစေသလို အစာခြေစနစ် ကျန်းမာစေပါတယ်။ ဝမ်းချုပ်တာကို သက်သာစေသလို ဝမ်းပျက်ဝမ်းလျှောတာကိုလည်း ကာကွယ်ပေးပါတယ်
ဘက်တီးရီးယားတွေကို တိုက်ဖျက်ပေးတယ်
လေ့လာမှုတွေအရ ချဉ်စော်ခါးသီးက ခန္ဓာကိုယ်တွင်း ကိုယ်ပ ဘက်တီးရီးယားတွေကို အထိရောက်ဆုံး တိုက်ဖျက်ပေးနိုင်တယ် လို့ သိရပါတယ်။ ခံတွင်းမှာအနာဖြစ်တာကို သက်သာစေသလို အစာအိမ် အတွင်းနံရံတွေကို ကျန်းမာစေနိုင်ပါတယ်
ဖျားနာမှုကို ကင်းစေပြီး အရေပြား ပိုးဝင်တာတွေ မဖြစ်အောင် ကာကွယ်ပေးနိုင်ပါတယ်
နှလုံး ကျန်းမာစေတယ်
ချဉ်စော်ခါးသီးက သွေးပေါင်ချိန်ကို ထိန်းညှိပေးသလို နှလုံးကျန်းမာစေဖို့လည်း အားဖြည့်ပေးပါတယ်။ သွေးတွင်းက အကျိုးမပြု ကိုလက်စထရောကို ကျဆင်းစေပြီး နှလုံးရောဂါ ခံစားရနိုင်ခြေကို လျှော့ချပေးပါတယ်
အနာကျက် မြန်စေတယ်
ရှေးယခင်ကာလတွေကတည်း ချဉ်စော်ခါးသီးအစေ့ကို အနာကျက်စေဖို့ အသုံးပြုခဲ့ကြပါတယ်။ အနာကျက်မြန်စေသလို တစ်ရှူးတွေ ပြန်လည် ကျန်းမာလာစေဖို့ အကောင်းဆုံး အားဖြည့်ပေးပါတယ်
အနာပေါ်ကို ချဉ်စော်ခါးသီး အစေ့ကနေရတဲ့ အဆီကို လိမ်းပေးမယ်ဆိုရင် အနာကျက်မြန်စေပြီး တစ်ရှူးအသစ်တွေ ဖြစ်ပေါ်စေမှာပါ။ အပူလောင်တာ၊ ပြတ်ရှဒဏ်ရာတွေကို သက်သာစေမယ့် သဘာဝဆေးတစ်မျိုးပါ
စားချဉ့်ရည်ပြန်ဆန်တက်ခြင်း (GERD) သက်သာစေတယ်
စားချဉ့်ရည်ပြန်ဆန်တက်ခြင်း (GERD) ဆိုတာက အစာခြေအက်ဆစ်တွေ အစာရေမြိုဆီ ပြန်ဆန်တက်လာတာပါ။ လက္ခဏာအနေနဲ့ကတော့ ရင်ပူတာ၊ မအီမသာဖြစ်တာမျိုးတွေ ခံစားရနိုင်ပါတယ်
လေ့လာမှုတွေအရကတာ့ ချဉ်စော်ခါးသီး ဖျော်ရည်က ဒီကျန်းမာရေးပြဿနာကို သက်သာစေနိုင်ပါတယ်။ ကိုယ်ဝန်ဆောင်မေမေတွေနဲ့ ကလေးတွေမှာဖြစ်တတ်တဲ့ GERD ပြဿနာ သက်သာစေဖို့လည်း အသုံးပြုလို့ရပါတယ်
