醉極有限 Jui Gik Ltd

06/07/2022

邊度仲有得買❓❓

最近收到好多朋友嘅DM，問邊度仲有「放風」買？小編明白大家可能已經習慣網上購物，所以依家就推薦 好生活俾大家，等各位足不出戶，喺屋企都可以享受「夏日放風」嘅日子🍸
佢地除咗有「放風」之外，仲有好多海外本地嘅優質產品，最緊要係良心企業，大家不妨支持下！
#醉極有限 #放風蜂蜜啤 #好生活 #網購 #新產品不日面世 #多謝大家支持

【颱風過後啤一啤｜「醉極有限」放風荔枝蜂蜜酒🍻】
本想趁假日出街放放風，奈何長週末偏遇颱風天🌀，只能屈在家中清存糧。長週末過後，工作了一天好想抖抖氣，不如放工後啤一啤，讓微碳酸洗刷打工仔疲憊的靈魂。

「 #好生活」為大家推介「醉極」放風荔枝蜂蜜酒🍻，一款由「Citibrew HK 香港城釀」為「醉極有限 Jui Gik Ltd」特別釀製，具獨特風味的佳作。💯%純蜂蜜🍯發酵，配合台灣的荔枝汁調配。香味帶有新鮮荔枝皮的清新，入口甜而不膩，加上微碳酸，刺激味蕾，令人一試難忘。

🛒 #購物連結請看留言

#純蜂蜜發酵 #蜂蜜啤 #手工啤 #香港製造 #放風 #台灣荔枝汁 #荔枝蜂蜜酒 #清新香甜 #好生活 #食材網店 #網上生活百貨

01/07/2022

腦細Frankie，生日快樂

今日係腦細Frankie 生日，尋日小編W都去探佢，佢首先好多謝大家對「放風」嘅支持，而我地嚟緊都會有新嘅產品，Frankie 希望大家到時可以多多支持，繼續爆買！至於佢嘅生日願望，就係希望大家好人平安，飲酒嘅同時都要醉極有限😁
小編希望大家可以瘋狂送上祝福，為腦細Frankie 打個氣🤗

#醉極有限 #生日快樂 #放風 #七一果然係好日子

27/05/2022

‼️又到Happy Friday，飲啦🍻‼️

今晚仲未諗到去邊度飲返杯？不如去 Untitled Cafe & Bar - Hart Avenue🤔
臨別在即，佢哋推出左個Happy Hour 套餐，抵飲又抵食🤓最緊要佢哋嘅手工意粉都好好食，如果未諗到今晚去邊，不妨去依度食飯飲嘢直落，過返Good Friday 🍻

📍 Untitled Cafe & Bar (尖沙咀)
尖沙咀漆咸道南29-31號溫莎大廈地下12A號舖

#醉極有限 #放風蜂蜜酒 #今晚好似仲有個猛人店長駐場 #希望見到大家

19/05/2022

別。慣，祝亂流下平安
Untitled Cafe & Bar - Hart Avenue係「放風 」第一批銷售點，好多謝佢哋一直咁支持我哋，但天下無不散之筵席，佢哋日前終於宣布結業😢
其實喺依個時間經營食肆真係好困難，所以希望大家可以多多支持，飲晒佢哋啲啤酒，食下佢哋嘅嘢食😋俾佢哋一個小小嘅支持💪🏻
#醉極有限公司 #放風 #除咗放風仲有其他啤酒 #一定有一款啱你

09/05/2022

讀多本書，呷多口酒 -「放風」已登陸獵人書店

試業中嘅 獵人書店 Hunter Bookstore 已經有「放風」可以買，喺依家嘅我城，獨立書店已經見少買少，所以請各位可以多多支持。況且，喺依家紛亂時代，可能呷一口酒，睇多本書，可能已經係最好嘅「放風」方法🙂

#醉極有限 #放風 #讀書都可以飲下酒 #獨立書店 #獵人書店

21/01/2022

撐小店💪🏻
疫情反覆，政策又朝令夕改，餐廳唯有互相自救，繼續逆風而行🤙🏻

Untitled Cafe & Bar - Hart Avenue

地址: 尖沙咀漆咸道南29-31號溫莎大廈地下12A號舖
電話: 95752434

#醉極有限

24/12/2021

【灣仔海濱 聖誕村莊嘉年華🎄】

今個聖誕週末，亦係2021年最後一個週末，醉極會聯同 Beans Lab Coffee 喺聖誕村莊嘉年華擺檔（27號檔）🍻大家一齊嚟嘉年華買返啲手工啤酒，分享節日喜悅啦🎁祝大家平安夜快樂！

詳情
日期：24-27/12
時間：12nn-10pm
地點：灣仔 HarbourChill 海濱休閒站
交通：由灣仔渡輪碼頭或灣仔臨時運輸交匯處步行約三分鐘就到；由灣仔地鐵站步行約15分鐘亦得

#醉極 #醉極有限公司 #平安夜

19/12/2021

【醉極X untitled 限時優惠】

今次我哋再度同尖沙咀 Untitled Cafe & Bar - Hart Avenue合作！
今日喺佢哋到食嘢飲嘢🍝🥂，就可以拎張優惠券，去到我哋市集檔買我哋嘅嘢，都可以得到$5優惠💛

週末食完嘢仲可以行巿集🍻尖沙咀見！

Untitled Cafe & Bar - Hart Avenue
地址：尖沙咀漆咸道南29-31號溫莎大廈地下12號A舖

K11 Art Mall巿集
日期：2021年12月18-19日
時間：1:00pm - 10:00pm

#醉極 #醉極有限公司

18/12/2021

有冇人仲未諗到聖誕送咩禮物呢？🎁如果有就啱喇，以下嘅嘢可能啱你！

手工啤Christmas Set
由我哋X 合作推出
一支「放風」蜂蜜酒🏖同一罐Kaffee Pils咖啡啤酒🍺
價錢：$90

「一切如常」2️⃣0️⃣2️⃣2️⃣香港人月曆
由 x .ref.bks 設計推出
入面屬於香港人嘅內容等你自己發掘喇
價錢：$148

以上產品今日喺K11聖誕巿集有售，快啲嚟搵我哋啦！

#醉極 #醉極有限公司 #聖誕禮物 #手工啤 #月曆

18/12/2021

有冇人仲未諗到聖誕送咩禮物呢？🎁如果未就啱喇，以下嘅嘢可能啱你！

1️⃣手工啤Christmas Set
由我哋X Beans Lab Coffee合作推出
一支「放風」蜂蜜酒🏖同一罐Kaffee Pils咖啡啤酒🍺
價錢：$90

2️⃣「一切如常」2️⃣0️⃣2️⃣2️⃣香港人月曆
由 黃文萱 Leticia Wong x 夜露死苦 Reference Books設計推出
入面屬於香港人嘅內容等你自己發掘喇
價錢：$148

以上產品今日喺K11聖誕巿集有售，快啲嚟搵我哋啦！

#醉極 #醉極有限公司 #聖誕禮物 #手工啤 #月曆

17/12/2021

【K11聖誕巿集🎄】

又到聖誕~又到聖誕～
仲諗緊聖誕Party同人交換咩禮物？一於買兩支「放風」蜂蜜酒啦🍻同場仲有 黃文萱 Leticia Wong x 夜露死苦 Reference Books 嘅一切如常月曆，歡迎大家嚟支持下😬到時見！

巿集詳情
日期：12月18-19日
地點：尖沙咀K11 購物藝術館1-2樓
時間：中午12時到晚上9時

#醉極 #醉極有限公司

12/12/2021

放風的背後🍻

當日多得 vawongsir 嘅仗義幫忙，「放風」先可以有個咁靚嘅酒標，順利出世！
請各位支持「放風」嘅同時，都多多支持更多嘅同路人，大家一齊逆風而行💪🏻

#醉極有限 #放風 #良心聖誕禮物之選

12/12/2021

臨近聖誕，大家記得開酒都係用返開瓶器，小心整親～🙂

Btw希望支酒啱 莊梅岩 口味🍺❤️

#醉極

在愛荷華幾個作家晚上聚在一起聊天，圍在旅館我們專用的common room，有人買了幾枝啤酒，我們到處都找不到開瓶器，有人嚷著去廚房偷有人嚷著去櫃檯借，我喝酒的興趣不大，直接說不喝了，緬甸作家Mae拿起小刀剔剔剔的，輕而易舉就把樽蓋剔起了。Mae是一位短髪女生，話不多，是一位詩人，文句狠而直接，常常穿得單簿地型，型到核爆。

今午我想起喝好生活送我的啤酒，隔離房間裡沒有工具，我便想起了Mae那股型，覺得自己不應該那麼保守倚賴工具，便剔爛了兩枝筆、剔彎了指甲鉗和幾枝牙籤，最後打電話去櫃檯請他們把開瓶器送上來。嗯。

11/12/2021

【醉極X untitled 限時優惠】

今次我哋同尖沙咀 Untitled Cafe & Bar - Hart Avenue合作！
凡呢兩日喺佢哋到食嘢飲嘢🍝🥂，就可以拎張優惠券，去巿集B17號檔買我哋嘅嘢，都可以得到$5優惠💛

週末食完嘢仲可以行巿集🍻尖沙咀見！

Untitled Café & Bar HK
地址：尖沙咀漆咸道南29-31號溫莎大廈地下12號A舖

Yeah爐巿集
日期：2021年12月11-12日
時間：1:00pm - 10:00pm
地點：尖沙咀彌敦道86-88號一樓 B17檔
我哋今次都係聯同 黃文萱 Leticia Wong及 夜露死苦 Reference Books 合辦，可以嚟搵下我哋！

#醉極 #醉極有限公司

09/12/2021

【週末 】

相信近排多咗人冇出街食飯，選擇留喺屋企。呢個時候，有支易入口嘅酒飲下都幾爽㗎。快啲嚟買返支「放風🏖」 #蜂蜜酒，週末同朋友一齊圍下爐啦🍻

良之聯盟 X夠薑媒體 Dare Media HK今個weekend喺尖沙咀又有巿集喇！我哋今次都係同黃文萱 Leticia Wong及 夜露死苦 Reference Books 合辦，到時就可以搵到我哋🤟

日期：2021年12月10-12日
時間：1:00pm - 10:00pm
地點：尖沙咀彌敦道86-88號一樓

#醉極 #醉極有限公司

06/12/2021

好多人都PM我哋問喺邊度有得買到「放風」🏖️
我哋亦係度多謝各位同路人，令到宜家港九新界都有「放風」銷售點喇！
天氣越嚟越凍，最啱飲返支酒暖暖肚🍻
大家快啲去最近你屋企嘅鋪頭買啦！🤟🤟

如有商戶想同我哋合作，歡迎隨時DM聯絡我哋！
________________________________
銷售點：
網店
好生活
萬事多 ManC.Store

九龍
Untitled Cafe & Bar - Hart Avenue
saamfan.ding
窩Street

港島
The Derby Pub & Restaurant 打吡餐廳酒吧
後街牛扒
何蘭正 65 Peel
輕鬆煮 堅尼地城店

新界
鹿鞍山 x 素麗
納雜 NAAP ZAAP
Retold coffee.tea.spirits

離島
九叔～我黃咗，我叫你地酒呀！

亦都可以直接向我哋訂購👉 https://forms.gle/BbtAQCH6j1MerScJ8
（需於九龍灣美羅中心2期取貨）
----------------------------------------------

#醉極 #醉極有限公司

27/11/2021

【約定你，週末 見！】

喺今日嘅香港，一大班朋友坐埋一齊圍下爐，飲下酒，可能都變得好難，但我哋希望大家都可以繼續堅持落去，所以一支由 #香港人 創作同釀製嘅 「放風」 #蜂蜜酒，絕對係陪伴大家圍下爐嘅最佳選擇！
今個週末可以嚟 良之聯盟 x 夠薑媒體 Dare Media HK 嘅「Yeah爐」搵我哋喇🍻！

日期 : 2021年11月26-28日
時間 : 1:00pm - 10:00pm
地點：尖沙咀彌敦道86-88號一樓

#醉極 #醉極有限公司

12/11/2021

【約定你，週末 #南豐紗廠 見！】

好似今次市集主題咁講，每一件產品誕生之前，都係經歷咗無數嘅試驗，「 #放風」亦唔例外。由構思、選取材料，到試味調味，每一步都投放咗好多心力同時間。

如果你想試試一支由 #香港人 創作同釀製嘅 #蜂蜜酒，今個週末可以嚟 嘅「 MARKETOO x ArYU 大型主題市集-香港製造所 」搵我哋喇🍻！

日期 : 2021年11月13-14日
時間 : 1:00pm - 8:00pm
地點：荃灣南豐紗廠3樓紗廠公園The Park & M樓室內The Annex
攤位：C106
地址：荃灣白田壩街45號

#醉極 #醉極有限公司

14/10/2021

【 重陽登高 #放風 吧⛰～ 】

唔知大家有冇把握今日嘅好天氣，行山野餐去郊遊？唔差在飲啖荔枝味蜂蜜酒舒爽一下，享受連假嘅放風時間！
喺嚟緊星期日，我哋會喺銅鑼灣 奔墟 We Connect Mall，得閒就嚟行吓啦！

奔墟 - 駅前市集
日期：10月17日（星期日）
時間：12:00-22:00
地點：銅鑼灣波斯富街108至120號寶榮大樓地下（利舞臺對面）
📣醉極喺10號檔啊！

#有幾多人會放埋聽日 #行山又好野餐又好記得清走自己帶嚟嘅垃圾

12/10/2021

【 打風一於飲 #放風！🍻 】

醉極提提你，8號風球記得注意安全留喺室內，唔係就會好似荔枝仔咁俾風捲走㗎喇🌪！就趁呢日突如其來咁早收工，同我哋一齊飲啖放風鬆一鬆！

#而家就係下午較後時間 #大家收咗工未先 #圓規 #聽日唔知使唔使返工呢 #飲酒都係留喺屋企飲啦

01/10/2021

【 #醉極 喺奔墟等緊你🍻】

我哋已經準備好喇，大家快啲嚟探我哋啦！同場仲有好多本地小店賣緊唔同嘅產品，路過銅鑼灣即管嚟行吓～今晚開到十點，大家食完飯先嚟都趕得切㗎！

奔墟 - 駅前市集
日期：10月1日至10月3日（星期五至日）
時間：12:00-22:00
地點：銅鑼灣波斯富街108至120號寶榮大樓地下（利舞臺對面）
📣醉極喺10號檔啊！

28/09/2021

【 #醉極 即將登陸奔墟！】
今個週末有三日連假去邊好？梗係要響應 #十一黃金週 齊齊振興經濟，一於嚟 奔墟 We Connect Mall 嘅駅前市集行吓啦！除咗有我哋醉極出品嘅 #放風 🍻 同 #醉極有限量環保袋 👜發售之餘，仲有其他小店嘅攤檔同霓虹燈打卡位㗎，齊齊 啦！



奔墟 - 駅前市集
日期：10月1日至10月3日（星期五至日）
時間：12:00-22:00
地點：銅鑼灣波斯富街108至120號寶榮大樓地下（利舞臺對面）


📣醉極喺10號檔啊！

26/09/2021

多謝客人飲評😍如果大家對 #放風 有任何評價，都歡迎向我哋提出！順帶一提，已經有零售點表示好好賣要再補貨喇！未飲過嘅你哋，仲唔快手入貨？💛

另外率先預告，我哋下個週末將會喺 奔墟 We Connect Mall 擺檔，希望到時見到大家🍻！

奔墟 - 駅前市集
日期：10月1日至10月3日（星期五至日）
時間：12:00-22:00
地點：銅鑼灣波斯富街108至120號寶榮大樓地下（利舞臺對面）

22/09/2021

多謝立場專訪。

// 「47 人」其中一人，半島連線召集人、加山傳播創辦人馮達浚，近日以還押之身「開辦」公司，在女友及好友的幫助下，成立手工啤公司「醉極有限公司」。公司名字的寓意，是希望港人「保持清醒」。//

//儘管馮達浚不是公司的法定負責人，但二人也多次強調，馮達浚才是公司的最終決策者，包括手工啤名字、宣傳文案、概念都是馮在收押所想出來的。溫仲然指，每星期一次的 15 分鐘會面時間，都花在討論公事上，雖然公司溝通慢了點，但也是出於一份，必須讓馮達浚參與這計劃的堅持。//

（小編表示：都係嗰句，等你出嚟自己做返😜）

收睇完整報導：https://bit.ly/3CH0cet

21/09/2021

【 #醉極 祝你 #中秋節快樂 🌕 】

喺呢一個「離別」嘅時代，我哋更要學識珍惜眼前人，因為我哋永遠唔會知道，身邊嘅人會因為咩原因而突然離開。聽落係老生常談，偏偏唔少人喺失去以後，先驚覺幸福唔係必然嘅。中秋節寓意「 #團圓」，希望各位香港人珍惜每次團聚嘅機會，與所愛嘅人歡度佳節，同時期待與未能出席聚會嘅朋友重聚。祝大家中秋節快樂、平安。

20/09/2021

【 🏖️ 放風 Summer Escape 🍻 】

放風，是甚麼？
有人話過，𠵱家嘅香港好似一座大監獄。
呢兩年，香港經歷巨變，影響我哋嘅空間同自由。每日只係睇新聞都睇到攰，仲未計閲讀過後帶嚟嘅複雜情緒——憤怒、悲傷、氣餒、無力⋯⋯更甚嘅係情感交織下，陷入「失語」狀態。每日如是，不斷循環。呢一種，就係香港人嘅新常態。
無可否認，我哋頭上嘅金剛圈只會越收越緊；遇上疫情，可謂雪上加霜，彷彿連抖啖氣都好奢侈。加上踏入炎夏，心情難免更沉重，血汗同淚水碰撞而成嘅氣味，似乎揮之不去。喺呢個高壓環境，我哋應該點樣面對？未有確實答案之前，或者我哋需要嘅係趁尚有機會，畀自己回吓氣，先照顧自己、梳理情緒，冷靜落嚟，再結伴行落去。
創辦人之一 Frankie 話佢還押期間每日最期待放風，因為呢個係喺佢簡樸生活當中，一件仍然值得期待嘅事。喺較大嘅空間跑吓步、拉吓筋，即使跑唔夠幾步就要轉彎，但心靈上卻有一種自由嘅感覺。最少仲感受到陽光照射，而唔淨止係炎夏帶嚟嘅升温。放風嘅意義，其實唔止郁吓咁簡單，而係當中所𧗠生嘅心靈滿足——深吸一口氣，最少感覺到自己仍然活着。
我哋希望，大家能夠以啤酒作為語言，同自己對話，又或者，同朋友一齊「放風」。
味道方面，則以 Frankie 身處嘅地方為靈感、夏天當造嘅水果—荔枝作為主調，與蜂蜜氣息交織下令酒體精爽得嚟亦不失層次，我哋希望較少接觸精釀酒類嘅朋友都能夠享受箇中韻味。
呷一口酒，為自己呼一口氣，趁暑夏嚟一場思想上嘅 Summer Escape。

名稱： #放風
酒廠： Citibrew HK 香港城釀
Batch No：
Tasting Note：100%純蜂蜜發酵，配合台灣荔枝汁調配而成。酒色如荔枝果肉般呈淡白色，聞香帶有新鮮荔枝皮的清新，點點甜香輕巧怡人。入口甜而不膩，同樣以荔枝韻味作為主調，並與絲絲蜂蜜氣息互相襯托，加上微碳酸，增添其層次感同時刺激味蕾，使人一試難忘。一瓶適合隨時隨地享受的荔枝味蜂蜜酒，香甜清爽，風味和諧平衡。
酒精濃度：4.2%
容量：330ml
建議零售價：$47

📍銷售點（不斷更新，排名不分先後）
納雜 NAAP ZAAP
鹿鞍山 x 素麗
Untitled Cafe & Bar - Hart Avenue
好生活
萬事多 ManC.Store
何蘭正 65 Peel
九叔～我黃咗，我叫你地酒呀！
Retold coffee.tea.spirits

即將登陸
後街牛扒

亦可以直接同我哋訂購，仲有限量環保袋發售👉 https://forms.gle/BbtAQCH6j1MerScJ8
（需於九龍灣美羅中心2期取貨）
----------------------------------------------------------------
如有商戶想同我哋合作，歡迎隨時DM聯絡我哋！
----------------------------------------------------------------
根據香港法律，不得在業務過程中，向未成年人售賣或供應令人醺醉的酒類。@

19/09/2021

【 #醉極 首支作品「放風」聽日正式開售👏！ 】

喺我哋忙住將啤酒送去各個零售點嘅同時，亦想借呢個機會先感謝各個合作單位嘅配合，特別係釀製出佳作嘅本地精釀啤酒廠 Citibrew HK 香港城釀、設計酒標嘅 vawongsir，以及一眾出汗出力嘅友好。能夠將我哋想表達嘅訊息呈現喺香港人眼前，每一位嘅付出都好重要。（小編表示：牆內嘅Frankie都有Input㗎 ！ ）

望住圖中呢個角色，大家又估唔估到我哋第一支作品係咩味道呢？畀多個貼士大家，呢種主要材料喺夏天都幾多香港人鍾意食㗎！聽日就開估，記得Follow實我哋個Page喇🍻！

17/09/2021

/民主派初選47人案被告之一馮達浚酷愛杯中物，早前和好友溫仲然創立「醉極有限公司」，並會推出命名為「放風」的手工啤。/

/早在去年7月，馮達浚找溫仲然一起搞手工啤，「佢話想幫香港做返啲嘢呀嘛。」二人遂開了一間名為「醉極有限公司」，喻意「醉極有限，保持清醒」。「佢鍾意飲酒，全香港都知。」溫仲然則很少飲酒。自從馮達浚教他飲威士忌，溫仲然亦從紅酒轉投威士忌行列，但奈何今天只能月下獨酌。/

多謝 獨立媒體 inmediahk.net 報導，「放風」即將面世，請繼續密切留意住我哋個Page啦🍻！

【 #初選47人案 馮達浚與酌友創「醉極有限公司 」 出「放風」手工啤】
https://bit.ly/3jqlk25

民主派初選47人案，被告被控違反港區國安法，涉嫌串謀顛覆政權。被告之一馮達浚今日在獄中渡過26歲生日，酷愛杯中物的他，早前和好友溫仲然創立「醉極有限公司」，並會推出命名為「放風」的手工啤。溫仲然對獨媒透露，馮達浚希望使用香港的偈後語作酒標，喻意尋找屬於香港的味道，藉此推廣本地文化。

2021年7月1日，是主權移交24週年，亦是港區國安法立法一週年。今年未能和好友一起慶祝生日，溫仲然祝福馮達浚在亂流下繼續平安，「生日快樂，好人要平安，我應承過你嘅都會做。」

【 #大搜捕後 公子哥兒變身廖化不言悔 馮達浚：睇唔到香港重光都唔緊要】
https://bit.ly/3q1NOPi

＊＊＊＊＊

「獨立媒體」全新版面，埋嚟睇：https://www.inmediahk.net/
請特別關注我們的法庭報導：https://www.inmediahk.net/court

我們上月展開月捐呼籲後，每月收入比支出的缺口已減少，目前約為七萬，請大家以每月$50訂閱支持：https://py.pl/TQt9D9ybWb
無需Paypal帳戶，可選「以訪客身份結帳」> 輸入電郵後「繼續付款」

都可以揀其他方法：https://inmediahk.net/supportus
Patreon：https://www.patreon.com/inmediahknet
轉數快：164133597
銀行轉帳：恆生銀行 221-543853-001
Liker：https://liker.land/inmediahknet/civic
所得款額會全數用作支援公民媒體。

追蹤我哋：
MeWe：https://bit.ly/2JvB83E
Telegram：https://t.me/inmediahknet
Instagram：https://instagram.com/inmediahknet/

16/09/2021

【 Matthew的話 - 醉極有限公司之起源🌟 】

Matthew話⋯⋯

成立「醉極」，源於另一位創辦人Frankie嘅邀請。我同Frankie喺參與2019年區議會選舉期間結緣，傾談間發覺大家好投契、一見如故，自此成為摯友。Frankie係個酒徒，佢經常「以酒會友」，我都不時同佢暢飲。酒係我們友誼中不可或缺嘅一部分，一齊做酒嘅念頭亦由此萌生。可惜當一切仲喺構思階段，Frankie已因初選案而身陷囹圄。雖然前路難行，但我仍然同Frankie承諾，必定會同佢一齊好好經營「醉極有限公司」，未有放棄做酒。
靠住每星期十五分鐘嘅見面時間以及不時嘅書信來往，「醉極」嘅營運方向、產品構思喺牆內牆外之間逐漸萌芽。雖然工作效率比較慢，但我哋仍然堅持用呢個方法溝通，因為公司係由我哋兩個一齊成立，公司嘅事務亦應該一同決策。經過多個月以嚟嘅努力，「醉極」第一枝酒「放風」終於推出。「放風」除咗記載住Frankie身陷囹圄嘅經歷，亦記載住我同Frankie嘅「友情歲月」。

「酒」同「友誼」係「醉極」由成立至今，不可或缺嘅元素，希望「醉極」嘅酒，同時可以令大家嘅友誼昇華。

15/09/2021

【 Frankie的自肥企劃 - 醉極有限公司之起源 😎 】

Frankie話⋯⋯

一直以嚟，我都唔係一個好了解自己嘅人。好多時係建基於直覺去做決定，多於深思熟慮後行動。撇開2018年因為九龍城廣場再次申請重建而令我開始關心自己成長嘅社區，開展簡單嘅地區工作作為副業，其實我嘅正職一直離唔開「文字」。我自問自己唔係一個寫嘢叻嘅人，但偏偏從大學實習起，到畢業後嘅工作，都係離唔開「文字」—— PR Intern、酒類雜誌嘅記者、編輯、酒舖嘅Sales & Marketing，直至還押前一份以Marketing為主嘅工作、甚至有份創辦網媒，短短幾年我都係透過文字喺唔同崗位打拼，我諗以「文字工作者」稱呼自己，雖然有啲誇張，但仍然係其中一個較為貼切嘅講法。我諗，一直有留意開我近況嘅朋友，唔難發現初選以後我嘅體重有顯著嘅上升，真正變咗大家口中嘅「九西肥仔」。其實主因並唔係因為我輸咗，而係我唔知自己仍然能為香港呢片土地做啲乜感到失落，加上一定嘅無力感，終日借酒消愁，想令自己暫時將煩惱擺埋一二邊，當然結果就係對自己毫無幫助，只係一次又一次咁逃避問題。直至年初自己被捕，我喺「臭格」入面開始重新思考，如果我即刻俾人帶上庭然後還押候審，我會因為未做啲咩而感到可惜呢？又或者，我會想放返出去之後（有幸的話），做啲咩呢？
其中一樣，就係我仲未做好「醉極有限公司」呢個品牌。呢間公司嘅成立……老實講我都已經唔太記得個成立原因、目的係乜，但我希望透過呢個品牌為香港出一分綿力，同時直白一啲，就係睇吓養唔養得掂自己（呢個時勢，「素人」都唔係咁易搵返工㗎 ！ ）。當發現網店嘅發展空間並不如想像中咁大，我就開始諗，「醉極」可唔可以係自己一個品牌，就類似係威士忌世界入邊嘅獨立裝瓶商 (Independent Bottler) 咁，同唔同單位合作，唔需要自己擁有一間廠呢？到將來，我又有冇機會好似 Dornoch (Thompson Bros) 咁，最後擁有自己嘅廠呢？目標雖遠，但未試過又點知唔得？加上，我都冇乜嘢可以再輸哈哈！

然後我就開始諗，我可以點透過品牌連結香港人呢？呢個問題喺我入嚟荔枝角之前都冇一個確實答案。我喺牆內先開始真正認真地思考呢個問題，同時有時間去梳理一下自己嘅情緒。老實講，自從開始學習欣賞美酒之後，我都未試過咁長時間滴酒不沾，但出奇地我喺呢段時間越嚟越少受到情緒低落嘅影響，我重新審視一下自己呢幾年嘅經歷，亦諗返起自己當初企出嚟嘅原因。當一個人獨處之時，固然可以胡思亂想，但掉轉睇，亦可以係一個尋找內在自我嘅過程。同時，呢度亦提醒咗我，即使我人在牆內，我唔認識（亦冇可能識晒）所有香港人，但無形中仍然有嘢連結緊我哋，除咗苦難，亦係一個共同嘅信念，對未來有同樣嘅盼望。

喺牆內拼命生存緊嘅我，隨便拋低一句加油未免太廉價，因為還押緊嘅我好難再話俾大家知要做啲咩。我希望大家喺呢個低潮期，唔單止要保持「做啲野」嘅心，仲要探索一下自己嘅內心世界，更加認識自己，喺呢個環境下重新搵返自己，如果可以搵返初心就更加好。我覺得喺呢個情況，大家需要互相支持同路人，依度所講嘅唔單止係物質上嘅支持、做旁聽師同寫信師，而係心靈上要陪伴住、支持住同路人，唔認識嘅大家會諗點幫，但我哋都唔可以忽略身邊認識嘅夥伴。平日大家可能收收埋埋，但有時三杯落肚，的確有助大家打開內心世界。我希望我品牌嘅酒，能夠陪伴住大家，無論係你一個人探索嘅時候陪伴住你，或者係喺你同朋友圍爐之時，作為一個打開話題嘅媒介。相比之下，我始終覺得喺呢啲時間，照顧自己嘅情緒、心理健康更加緊要，因為咁樣先最大可能令自己能夠繼續前行。取材方面就係嚟自香港嘅大小事（詳情請參閱品牌故事），我亦唔希望個風格係太 Dark、太沉重。我唔敢講個品牌畀到力量大家，但想喺黑暗之中陪伴住大家。將來嘅方向我自己都講唔實，亦唔敢講個品牌有咩大計、捱到幾耐，能夠喺佢存在嘅時間陪伴過大家就足夠了。

無論如何，喺呢度要繼續個品牌都唔係一件易事。味道上，冇得以我最想呈現嘅面貌畀到香港人。對於一個曾經喺酒業做過一段時間嘅人嚟講，我當然唔希望出現質量問題，呢一部份唯有交俾我嘅 Partner、伴侶同朋友作把關，而我亦有信心佢哋能夠做得到。味道上一方面我唔希望太 Hardcore，但另一方面都要擁有一定嘅深度、層次，始終我自己都唔太喜歡飲太 Plain 嘅酒嘅人。

我認為飲到我哋品牌嘅酒嘅人都係幸運嘅，因為你哋一定早過我飲到呢支酒！至於點解開初要提到我文字嘅背景，係我希望品牌主要嘅字都盡量出自自己隻手，因為呢樣嘢已經係我唯一能夠貢獻到嘅嘢。我好感恩、感謝我嘅 Partner、伴侶能夠為我延續我嘅夢想，我從來都唔係一個數口精嘅人，開始得呢檔野，當然唔想蝕錢收場。

第一支酒嘅概念係嚟自我自己嘅故事，味道上都係同我嘅經歷有關，話唔定大家最後發現，第一支酒就係大家「陪伴」住我呢？

最後，記得理性飲酒，唔好飲到好似我之前咁肥，唔好酗酒！

（利申：入嚟之後瘦咗 20 磅鳥～）

15/09/2021

【 醉極出世喇 💫！ 】
#醉極有限公司 係由初選案47人之一 馮達浚 Frankie Fung 同好朋友 Matthew 創立嘅香港酒類品牌。鍾意杯中物嘅我哋希望透過選酒，繼續陪住香港人逆風同行。
今次想畀大家先了解我哋嘅故事，而第一支作品將會好快公布！想知更多就Follow實我哋嘅Facebook專頁！記得Like完我哋仲要Share埋畀你嘅朋友啊！Stay Tuned 😉！