My Motherland

08/08/2024

Avqustun 6-7-də İranda 36 nəfər edam edilib. Onlardan 26-sı bir həbsxanada qrup şəklində edama məruz qalıb. Bu haqda avqustun 7-də insan haqları qrupu məlumat yayıb. Bundan bir gün öncə isə Qadın, Həyat, Azadlıq etirazlarında həbs edilən iranlı fəalın edamı beynəlxalq ictimaiyyət tərəfindən pislənilib.

Norveçdə yerləşən İran İnsan Haqları (İİH) təşkilatının məlumatına görə, ikisi əfqan olmaqla 26 nəfər Tehran yaxınlığındakı Kərəc şəhərində “Qızıl Hasar” həbsxanasında qətlə yetirilib.

İİH bildirir ki, İranda bu miqyasda qrup edamının misli görünməyib, sonuncu belə edam 2009-cu ildə baş verib.

Edam cəzasına məruz qalanlar qətl, narkotik və zorlama ittihamları ilə təqsirli bilinmişdilər. Bunu həm İİH, həm də İranda İnsan Haqları Mərkəzi bildirir.

İnsan haqları qrupları dəfələrlə İranı ölüm cəzasından 2022-ci il etirazlarından sonra cəmiyyətdə qorxu yaratmaq üçün istifadədə ittiham edib. Həmin il hicabı düzgün bağlamadığına görə saxlandığı bildirilən Məhsa Əmini polis nəzarətində vəfat edib və bundan sonra ölkəni kütləvi etirazlar bürümüşdü. Daha ətraflı şərhdəki linkdən oxuyun.

06/02/2023

Bu gün Azərbaycanın Milli Qəhrəmanı Mübariz İbrahimovun doğum günüdür.

19/08/2022

RƏSMİ - ÇÖRƏK BAHALAŞDI

500 qr-lıq ənənəvi (dairəvi) çörəyin pərakəndə satış qiyməti - 55 qəpik, 600 qr-lıq çörəyin pərakəndə satış qiyməti - 65 qəpik, 650 qr-lıq çörəyin pərakəndə satış qiyməti - 70 qəpik təşkil edəcək

12/07/2022

General Polad Həşimov və daha 11 hərbçimizin şəhid olduğu Tovuz döyüşlərinin 2-ci ildönümüdür. Tovuz rayonunun Ağdam kəndindəki Qaraqaya yüksəkliyi istiqamətində düşmənin törətdiyi təxribatın qarşısı 12 igidimizin qanı hesabına alındı.

Onları bir daha xatırlayaq:

General-mayor Polad İsrayıl oğlu Həşimov

Polkovnik İlqar Anzor oğlu Mirzəyev

Mayor Anar Gülverdi oğlu Novruzov

Mayor Namiq Hajan oğlu Əhmədov

Baş leytenant Rəşad Rəşid oğlu Mahmudov

Çavuş Vüqar Lətif oğlu Sadıqov

Gizir İlqar Ayaz oğlu Zeynallı

Gizir Yaşar Vasif oğlu Babayev

Baş əsgər Elşad Dönməz oğlu Məmmədov

Əsgər Xəyyam Məhəmməd oğlu Daşdəmirov

Əsgər Elçin Arif oğlu Mustafazadə

Əsgər Nazim Əfqan oğlu İsmayılov.

Allah bütün şəhidlərimizə rəhmət eləsin!

11/07/2022

Dünən özünü yandıran Sabirabad rayonundan olan Mauqli ləqəbli qazimiz Elvin Cəfərov əvvəl 5 nömrəli xəstəxanada dünyasını dəyişib. Elvin 44 günlük Vətən müharibəsində 39 gün döyüşüb. Yoldaşları arasında Mauqli ləqəbi qazanan, pulemyotçu olan Elvinin bir neçə dəfə yaralansa da, döyüşə davam edib. Sonuncu dəfə ağır yaralandığı üçün hospitala yerləşdirilib.

31/01/2022

Azərbaycan Ordusunun Kəlbəcər rayonu istiqamətində yerləşən bölmələrinin şəxsi heyəti və xüsusi texnikanın cəlb olunması, eləcə də Fövqəladə Hallar Nazirliyinin əməkdaşlarının iştirakı ilə aparılan axtarış-xilasetmə tədbirləri nəticəsində itkin düşən baş leytenant Bağırov Fuad Allahverdi oğlunun nəşi yanvarın 31-i saat 12:30 radələrində tapılaraq müvafiq qaydada ərazidən təxliyə edilib.
Müdafiə Nazirliyinin rəhbərliyi hərbi qulluqçumuzun yaxınlarına dərin hüznlə başsağlığı verir və səbr diləyir.
Allah rəhmət eləsin!

28/01/2022

Azərbaycan ordusunun zabiti vəfat edib.
Silahlı Qüvvələrin Quru qoşunlarında xidmət edən mayor Araz İbrahimov koronavirus xəstəliyi səbəbindən dünyasını dəyişib.

11/01/2022

Azərbaycan-Ermənistan dövlət sərhədinin Kəlbəcər rayonu istiqamətində yanvarın 11-i günorta saatlarında Ermənistan silahlı qüvvələrinin törətdiyi təxribat nəticəsində hərbi qulluqçumuz müddətdən artıq həqiqi hərbi xidmət hərbi qulluqçusu əsgər Nəzərov Ayaz Azər oğlu şəhid olub.

20/12/2021

Müdafiə Nazirliyinim məlumatı:

Dekabrın 18-də gündüz saatlarında Laçın rayonunun dövlət sərhədi istiqamətində Azərbaycan Ordusunun iki hərbi qulluqçusu müddətdən artıq həqiqi hərbi xidmət hərbi qulluqçusu əsgər Hüseynov Teymur Ələddin oğlu və əsgər Mustafayev Murad Mikayıl oğlu əlverişsiz hava şəraitində yolu azaraq qarşı tərəfə keçib.
Aparılmış danışıqlar nəticəsində hərbi qulluqçuların bu gün geri qaytarılması təmin olunub.

09/12/2021

Şuşanın Daşaltı kəndində iki nəfər minaya düşərək ölüb

09/11/2021

Şuşa

09/11/2021

Baku tonight

21/10/2021

Şəhid mayor Rəhim Hüseynovun xanımı Günel Ələsgərova yol qəzasında vəfat edib. O, həyat yoldaşının anım mərasiminə gedən zaman qəzaya düşüb. Onların 3 azyaşlı övladı var.

17/10/2021

Ticarət yanğınında Mal və Mülk vecinə olmadan təkcə Polad Həşimovun rəsmi olan plakatı söküb çıxaran mağaza sahibi

29/09/2021

Milli Qəhrəmanımız, şəhid general-mayor Polad Həşimovun qızı Aybəniz Həşimova ilk dərs günündə atasının məzarını ziyarət edib

18/09/2021

Bu gün aprel şəhidi Müşfiq Orucovun doğum günüdür. O, evin yeganə övladı olub. M. Orucov Azərbaycan Texniki Universitetinə 600- dan çox bal toplayaraq qəbul olmuşdu. Allah rəhmət eləsin

14/09/2021

Azərbaycanın ən gənc şəhid əsgəri Samir Əliyevin anası Aminə Əliyeva 28 ildən sonra oğlunun Cəbrayıl rayonu ərazisindəki məzarını ziyarət edib.

Məlumata görə, Samir Əliyev 1993-cü ilin avqustunda 16 yaşında şəhid olub. Bu günlərdə şəhidin anası Aminə Əliyevaya doğma Cəbrayıla səfər edib oğlunun məzarına qovuşmağa şərait yaradılıb.

9 iyun 1977-ci ildə Cəbrayıl rayonunun Qaracallı kəndində doğulan Samir Əliyev yeniyetmə yaşlarına çatanda artıq Qarabağ müharibəsinin qaynar çağlarıydı...
1993-cü ilin avqust ayının 15-də Xocavənd rayonunun Banazur kəndi ətrafında gedən qanlı savaş “Tiqananın” son döyüşü oldu. Özündən xeyli böyüklərlə birgə silaha sarılan “Tiqana” düşmənə qarşı son qanına qədər cəsarətlə vuruşdu və şəhid oldu. Yeniyetmə yaşında canını vətənə fəda etdi.

Döyüşçü yoldaşları deyirlər ki, düşmən gülləsi onun düz sinəsindən dəydi. Əsl igidlər kimi həlak oldu. Ölümündən bir həftə sonra isə doğma rayonu da işğal olundu.
O, ailəsinin yeganə oğul övladı idi. Valideynləri Qədir kişi, Aminə ana, bacıları Xanımzər, Minəzərin onunla bağlı çox arzuları vardı, amma o arzular həmişəlik yarımçıq qaldı...

28/08/2021

Bəzi KİV-də və sosial şəbəkələrdə Şuşa şəhəri istiqamətində hərbi qulluqçumuzun şəhid olması ilə bağlı qeyri-dəqiq məlumat yayılıb. Müdafiə Nazirliyindən bildirilib ki, əsgər Həziyev Çingiz Ramin oğlu xidmət etdiyi hərbi hissədə baş vermiş bədbəxt hadisə nəticəsində həlak olub.
İlkin araşdırmalara görə, hərbi qulluqçu intihar edib və buna səbəb ailə-məişət problemləri olub. Müdafiə Nazirliyi etik qaydalara riayət edərək hadisənin təfərrüatlarını açıqlamır.
Hazırda faktla bağlı cinayət işi başlanılıb, araşdırma aparılır.

26/08/2021

Bu gün Azərbaycanın Birinci vitse-prezidenti, Heydər Əliyev Fondunun prezidenti, UNESCO və İSESCO-nun xoşməramlı səfiri Mehriban Əliyevanın doğum günüdür.

25/08/2021

Prezident İlham Əliyevdən Vətən Müharibəsi Qəhrəmanlarına və onların ailə üzvlərinə göstərilən yüksək qayğının daha bir təzahürü: Dövlət başçısının yeni Sərəncamı ilə Əmək və Əhalinin Sosial Müdafiəsi Nazirliyi “Vətən Müharibəsi Qəhrəmanı” adı verilmiş şəxsləri və ailə üzvlərini mənzillə təmin edəcək.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikasının Vətən Müharibəsi Qəhrəmanlarının və onların ailə üzvlərinin sosial-məişət şəraitini yaxşılaşdırmaq məqsədilə qərara alıram:

24/08/2021

Ermənistan silahlı qüvvələrinin bölmələri avqustun 24-ü saat 13:40-da Basarkeçər rayonunun Zərkənd yaşayış məntəqəsində yerləşən mövqelərindən Kəlbəcər rayonunun Yellicə yaşayış məntəqəsi istiqamətində yerləşən Azərbaycan Ordusunun mövqelərini avtomat və snayper tüfəngindən istifadə etməklə fasilələrlə atəşə tutub.
Müdafiə Nazirliyindən verilən məlumata görə, Azərbaycan Ordusunun şəxsi heyəti arasında itki yoxdur.
Əməliyyat şəraiti bölmələrimizin nəzarəti altındadır.

16/08/2021

Azərbaycanın sülhməramlılarının həyatı üçün hazırda təhlükə yoxdur - MN

Kabul beynəlxalq hava limanının Azərbaycan sülhməramlılarının mühafizə və müdafiə etdikləri sektorunda hazırda gərginlik mövcud deyil. Müdafiə Nazirliyindən verilən məlumata görə, şəxsi heyətin həyatı üçün heç bir təhlükə yoxdur.

Qeyd edilir ki, bölgədə mövcud gərgin vəziyyətdən asılı olmayaraq Azərbaycan Ordusunun 120 nəfərdən ibarət sülhməramlı bölməsi Türkiyə qüvvələri ilə birlikdə hava limanının təhlükəsizliyini təmin etmək məqsədilə xidməti vəzifələrinin icrasını davam etdirir.

06/08/2021

🇦🇿Müdafiə Nazirliyinin məlumatı:
Avqustun 5-i saat 23:00-da və 23:50-də Ermənistan silahlı qüvvələrinin bölmələri Vedi rayonunun Arazdəyən, Basarkeçər rayonunun Yuxarı Zağalı yaşayış məntəqəsində yerləşən mövqelərindən Sədərək rayonunun Heydərabad, Kəlbəcər rayonunun İstisu yaşayış məntəqələri istiqamətində yerləşən Azərbaycan Ordusunun mövqelərini fasilələrlə atıcı silahlardan atəşə tutub.
Azərbaycan Ordusunun şəxsi heyəti arasında həlak olan və yaralanan yoxdur.
Cavab atəşi ilə qarşı tərəf susdurulub.
Əməliyyat şəraiti bölmələrimizin nəzarəti altındadır.

06/08/2021

Xaçmazda ət dükanında qəssab tərəfindən ayaqları kəsilən bu pişiyə protez ayaq qoyuldu

03/08/2021

Binəqədi rayon məhkəməsi toxunulmazlığına xitam verilərək saxlanılan deputat Eldəniz Səlimov barəsində 3 ay müddətinə həbs qətimkan tədbiri seçib.