13/10/2022
PAMAHAYAG SA INYONG HIGALANG PULIS COCPO KABAHIN SA GIINGON SA NITIZEN NGA GIGAMIT SA PERSONAL NGA KATOYOAN ANG GI-ISYU SA COCPO NGA TOYOTA FORTUNER GIKAN SA LGU-Cagayan De Oro
PLTCOL EVAN VIÑAS, tigpamaba sa COCPO maaghop nga nagpahibalo sa atong pilanalanga ug nagpakabanang Cagay-anon nga basi sa giluwatan nga pamahayag sa hepe sa COCPS5- Puntod PMAJ ERICKSON SABANAL nga ang driver sa maong Toyota Fortuner nga gi isyu sa maong buhatan igo lamang naghatod ug kwarta nga emerhensya nga gikinahanglan sa iyang asawa nga naa sa maong tulunghaan sa kato nga takna, nga diin okasyon/daklit lamang kai ma-agian man niya ang City Central School padulong sa Police Station 5, Puntod, dakbayan sa Cagayan de Oro gikan siya nagkuha sa importante nga dokumento sa COCPO Headquarters.
Nga, ang maong alternative driver walay igong oras nga maggamit sa maong kahimanan aron sa paghatod sa iyang anak sa maong tulonghaan, kai sanglit sya nka destino man sa buhatan sa PS5 isip desk officer, hinungdan nga si PMAJ Sabanal nag kanayon nga walay kamatouran ang giingon sa nag post sa FB.
PCOL AARON MANDIA, City Director hugot nga nagpasida-an sa tanang personahe sa COCPO nga likayan ang paggamit sa kahimanan sa gobyerno sa personal nga katuyoan.
Sa maong adlaw, gilayon ang disciplinary authority sa COCPO mipahigayon ug mga pagsusi ug kaugalingon imbestigasyon kabahin sa maong panghitabo.
Dugang pa niana gikalipay sa inyong higalang pulis COCPO nga dunay susama anang mga pagtagad gikan sa atong kaigsoonan nga lomolopyo sa dakbayan, kay kini maoy himoong sumbanan sa dugang pagpalambo sa paghatod sa batakang serbisyo sa aspeto sa pamulis.
TInubdan: COCPO PIO
