24/09/2021
Amen
NUESTRO PADRE JESUS NAZARENO
HULING BIYERNES NG DEBOSYON
SA BUWAN NG SETYEMBRE
𝐏𝐀𝐍𝐀𝐋𝐀𝐍𝐆𝐈𝐍 𝐏𝐀𝐑𝐀 𝐒𝐀 𝐌𝐆𝐀 𝐌𝐀𝐘 𝐒𝐀𝐊𝐈𝐓
O makapangyarihan at mapagkalingang Ama,
Kaming mga dumaranas ng mga karamdaman
Ay dumudulog sa Iyong kalooban
Sapagkat Ikaw ang taga-aliw ng mga nagdadalamhati,
At kalusugan ng mga maysakit.
Lubos kaming nagtitiwala sa Iyo
Dahil sa mga mahimalang pagpapagaling mula sa 'Yo.
Taglay ang maalab na pananampalataya at pamimintuho,
Kami’y buong kababaang-loob na sumasamo sa Iyo,
Para sa aming mga kapatid na may karamdaman:
(banggitin ang pangalan at intensyon)
Yamang tunay na marami ang gumaling,
Dahil sa pananampalataya sa Iyo,
Mangyaring gumawa Ka ng isa,
At iligtas itong mga mahal namin sa buhay!
Ilayo Mo sila sa panganib
At ibangon sa banig ng karamdaman,
Upang sila’y makabalik sa paglilingkod
Kay Jesukristo na Iyong Anak at aming Panginoon,
Na nabubuhay at naghahari magpakailanman! Amen
