Khaing Thu Kha

07/10/2024

အာရက္ခပြည်သူ့လုံခြုံရေး DELPS တပ်ဖွဲ့ဝင်များ၊ အာရက္ခတပ်တော် တပ်ဖွဲ့ဝင်များနှင့်၊ ဒေသခံပြည်သူများ စုပေါင်း၍ ပျောက်ဆုံးနေသော အပြစ်မဲ့အရပ်သား (၄) ဦးအား ရှာဖွေလျက်ရှိပြီး ARSA , RSO မူဆလင်နက်ကိုင်တပ်ဖွဲ့များအား လိုက်လံရှင်းလင်းလျက်ရှိ

၂၀၂၄ ခုနှစ်၊ အောက်တိုဘာလ (၇) ရက်

အာရက္ခဒေသ၊ မောင်တောမြို့နယ်၊ ကိုင်းကြီး မြိုရွာမှ ဦးဆိုင်ဝင်း (၄၅) နှစ်၊ ၎င်း၏သားများ ဖြစ်ကြသော မောင်လင်ကြီး (၁၅) နှစ်၊ မောင်အာမွန်း (၁၂) နှစ်နှင့် ၎င်း၏ တူဖြစ်သူ မောင်ဒီကော် (၁၄) နှစ်တို့သည် ၂၀၂၄ ခုနှစ်၊ စက်တင်ဘာလ (၃၀) ရက်နေ့တွင် မေယုတောင်ခြေရင်း၌ရှိသော လက်ဝဲချောင်း(ဒေသအခေါ်) သို့ ငါးရှာရန်သွားရောက်စဉ်အတွင်း ARSA မူဆလင်အကြမ်းဖက်လက်နက်ကိုင်များမှ ဖမ်းဆီးခေါ်ဆောင်သွားကြောင်း သိရှိရသောကြောင့် ရက္ခပြည်သူ့လုံခြုံရေးနှင့် တရားဥပဒေစိုးမိုးရေးဌာန (Department of Law Enforcement and Public Security- DELPS) တပ်ဖွဲ့ဝင်များ၊ အာရက္ခတပ်တော် တပ်ဖွဲ့ဝင်များ နှင့် ဒေသခံပြည်သူများမှ စုပေါင်း၍ ပျောက်ဆုံးနေသောသူများကို ရှာဖွေလျက်ရှိပါသည်။

၂၀၂၄ ခုနှစ်၊ အောက်တိုဘာလ (၆) ရက်နေ့၊ ညနေ (၃) နာရီ (၄၉) မိနစ်အချိန် တွင် ဘူးသီးတောင်မြို့နယ်၊ ရွှေထား(မူဆလင်) ရွာ၏ အနောက်ဘက် (၄.၉) ကီလိုမီတာ အကွာအဝေး၌ ARSA မူဆလင် အကြမ်းဖက် လက်နက်ကိုင်များ စခန်းချနေထိုင်နေသာ တပ်စခန်းတစ်ခုအား မိမိတို့မှ တိုက်ခိုက်ခဲ့ပြီး မီးရှို့ဖျက်ဆီးနိုင်ခဲ့သည်။

အဆိုပါ ARSA စခန်းအား သိမ်းပိုက်ရရှိခဲ့ပြီး လက်နက်ခဲယမ်း၊ စစ်အသုံးအဆောင်ပစ္စည်းအချို့နှင့် ၎င်းတို့ထောင်ထားခဲ့သော စွန့်လွှတ်မိုင်းအချို့တိုကို သိမ်းဆည်းရမိခဲ့သည်။ မိမိတို့အနေဖြင့်လည်း ၎င်းစခန်းမှ ထွက်ပြေးလွတ်မြောက်နေသော ARSA တပ်ဖွဲ့ဝင်များကို ဆက်လက်၍ လိုက်လံရှင်းလင်းလျက်ရှိသည်။

အာရက္ခဒေသ၊ မောင်တောမြို့နယ်အတွင်း နယ်မြေလုံခြုံရေးအတွက် ကင်းလှည့်နေကြသော အာရက္ခတပ်တော်မှ တပ်ဖွဲ့ဝင်များနှင့် RSO မူလဆင်အကြမ်းဖက်လက်နက်ကိုင်တပ်ဖွဲ့ဝင်အချို့တို့သည် ယခင် ဖက်ဆစ်အကြမ်းဖက် စစ်ကောင်စီ၏ စခန်းဟောင်းဖြစ်ပြီး လက်ရှိအချိန်တွင်အာရက္ခတပ်တော်မှ သိမ်းပိုက်ရရှိထားသော "လိပ်ရစခန်း" အနီး၌ ၂၀၂၄ ခုနှစ်၊ အောက်တိုဘာလ (၆) ရက်၊ နေ့လယ် (၁၂) နာရီ (၅၅) မိနစ် အချိန်တွင် မိနစ်အနည်းငယ်ကြာ ထိတွေ့တိုက်ပွဲဖြစ်ပွားခဲ့သည်။

RSO မူဆလင်အကြမ်းဖက်လက်နက်ကိုင်တပ်ဖွဲ့ဝင်များသည် လိပ်ရစခန်းအနီးတွင် စခန်းချနေထိုင်ခဲ့ကြပြီး မိမိတို့နှင့် မိနစ်အနည်းငယ်ခန့် ထိတွေ့တိုက်ပွဲဖြစ်ပွားပြီးနောက် ၎င်းတို့ထံမှ -
(၁) MA-2 (၁) လက်
(၂) G3 (၂) လက်
(၃) ကြောပိုးအိတ် (၁၂) လုံး နှင့် စစ်အသုံးအဆောင်ပစ္စည်းအချို့ကို သိမ်းဆည်းရမိခဲ့သည်။

ARSA ၊ RSO တို့ကိုင်ဆောင်ထားသော လက်နက်ခဲယမ်းအများစုမှာ ဖက်ဆစ်အကြမ်းဖက် စစ်ကောင်စီ၏ ကပစ စက်ရုံထုတ် လက်နက်များဖြစ်ပြီး စစ်ကောင်စီကိုယ်တိုင် တပ်ဆင်ပေးထားသော လက်နက်များ၊ နင်းမိုင်း၊ မြေမြှုပ်မိုင်း၊ စွန့်လွှတ်မိုင်းများဖြစ်ကြသည်။

ARSA, RSO မူလဆင်အကြမ်းဖက်လက်နက်ကိုင်တပ်ဖွဲ့များသည် ယခုရက်များအတွင်း အကြမ်းဖက်လုပ်ရပ်များကို ခပ်စိပ်စိပ်ပြုလုပ်လာသောကြောင့် မိဘပြည်သူများအနေဖြင့် အကြမ်းဖက်လုံခြုံရေးဆိုင်ရာ သတိအပြည့်ဖြင့်နေထိုင်ကြရန်၊ မသွားမဖြစ်သွားလာရမည့်ခရီးများတွင် လုံခြုံရေးသတိအပြည့်ဖြင့် စောင့်ကြည့်ကြရန် သတိပေးတိုက်တွန်းလိုက်ပါသည်။

သတင်းနှင့်ပြန်ကြားရေး
အာရက္ခတပ်တော်

07/10/2024

အခြေခံစားသောက်ကုန်ပစ္စည်းများဝယ်၍ပြန်လာသော အရပ်သားကားတစ်စီးအား ARSA မူဆလင်အကြမ်းဖက်လက်နက်ကိုင်တပ်ဖွဲ့များမှ လမ်းတစ်လျှောက် အဆင့်ဆင့်အကြမ်းဖက် ပစ်ခတ်တိုက်ခိုက်မှုကြောင့် အရပ်သားအမျိုးသမီး (၁) ဦးသေဆုံးခဲ့ပြီး (၄) ဦး ဒဏ်ရာရရှိ

၂၀၂၄ ခုနှစ်၊ အောက်တိုဘာလ (၇) ရက်

၂၀၂၄ ခုနှစ်၊ အောက်တိုဘာလ (၆) ရက် ၊ ညနေ (၄) နာရီ (၁၅) မိနစ်အချိန်တွင် မောင်တောမြို့၊ တောင်ပြိုမှ အခြေခံစားသောက်ကုန်ပစ္စည်းများဝယ်၍ ပြန်လာသော ကားမောင်းသူ နှင့် အရပ်သား (၆) ဦးပါ တေဘာကားတစ်စီးအား ARSA မူဆလင်အကြမ်းဖက် လက်နက်ကိုင်တပ်ဖွဲ့များမှ လမ်းတစ်လျှောက် အဆင့်ဆင့် ခြုံခိုပစ်ခတ်တိုက်ခိုက်ခဲ့သည်။

ထိုသို့အကြမ်းဖက်ပစ်ခတ်တိုက်ခိုက်မှုကြောင့် မောင်တောမြို့၊ အောင်မင်္ဂလာကျေးရွာမှ အသက် (၃၈) နှစ်အရွယ် ဒေါ်ဆန်းဆန်းဦးမှာ ဝဲဖက်နားထင်အား ကျည်ထိမှန်၍ သေဆုံးခဲ့ရပြီး အခြား (၄) ဦးမှာလည်း လက်နက်ငယ်ဒဏ်ရာများရရှိခဲ့ကြသည်။ လောလောဆယ်တွင် ဝမ်းဗိုက်တွင် ပြင်းထန် ဒဏ်ရာ ရရှိသူ (၁) ဦး နှင့် ဦးခေါင်းတွင် ပြင်းထန်ဒဏ်ရာရရှိသူ (၁) ဦးတို့အား အာရက္ခပြည်သူ့ကျန်းမာရေးဌာနမှ ဆေးကုသပေးလျက်ရှိသည်။

တစ်ပြိုင်နက်တည်းတွင် အပြစ်မဲ့အရပ်သားပြည်သူများအား အကြမ်းဖက်ပစ်ခတ်တိုက်ခိုက်သွားခဲ့သော ARSA မူဆလင် အကြမ်းဖက်လက်နက်ကိုင်တပ်ဖွဲ့ဝင်များအား အာရက္ခတပ်တော်မှ လိုက်လံရှင်းလင်းလျက်ရှိသည်။

သတင်းနှင့်ပြန်ကြားရေး
အာရက္ခတပ်တော်

06/10/2024

မြန်မာနိုင်ငံပြက္ခဒိန်အကြံပေးအဖွဲ့ ဒု-ဥက္ကဋ္ဌ၊ ရခိုင်ပြက္ခဒိန်ပညာရှင် ဆရာကြီးဦးအောင်ချစ်သည် အောက်တိုဘာ ၅...

30/09/2024

07/09/2024

05/09/2024

19/08/2024

ယခု ရုပ်သံဖိုင်တွင် ARSA, RSO နှင့် တခြား မူဆလင်စစ်သွေးကြွအဖွဲများမှ အရပ်သားပြည်သူများကို မည်ကဲ့သို သတ်ဖြတ်၊ နှိပ်စက်ပြီး၊ အပြစ်မဲ့ပြည်သူများထံမှ ဓားပြတိုက် ပစ္စည်းများကို လုယူခဲ့ကြသည်ကို ရှင်းလင်းစွာ တွေ့ရှိရပါသည်။

အဆိုပါ ပြောဆိုချက်များသည် ၄င်းတို ကိုယ်တိုင် မေးမြန်းတင်ဆက်တင်ခြင်းများဖြစ်ပြီး၊ တချိုသော မူဆလင်တက်ကြွလှုပ်ရှားသူများမှ မိမိတို ULA/AA ကို ဝါဒဖြန့်၊ အပြစ်တင်၊ ပုံကြီးချဲ့ တိုက်ခိုက်နေခြင်းများကို မဟုတ်မှန်ကြောင်း နားလည်သိရှိကာ လေ့လာစောင့်ကြည့်နေသူများ၊ အများပြည်သူများအနေဖြင့် ဖြစ်ရပ်မှန်များကို ပိုမို သဘောပေါက်သိမြင်စေရန် ထုတ်ပြန်လိုက်ပါသည်။

In this video file, it is clearly shown how ARSA, RSO, and other Muslim extremist groups have killed, tortured, and carried out armed robberies to loot possessions from innocent civilians.

These statements are based on interviews conducted by the groups themselves. The primary purpose of this publication is to clarify that the propaganda, accusations, and exaggerations against the ULA/AA, as promoted by some Muslim activists, are unfounded. It aims to help observers and the general public gain a better understanding of the actual events.

to the Original Uploader

27/07/2024

BREAKING NEWS

အရေးပေါ် ရေဘေးအန္တရာယ် သတိပေးချက်

၂၀၂၄ ခုနှစ်၊ ဇူလိုင် (၂၇) ရက်၊ နံနက် (၁၀) နာရီ (၄၀) မိနစ်တွင် ထုတ်ပြန်သည်။

ယခုရက်များအတွင်း ရက္ခိုင်ဒေသအပါအဝင် မြန်မာနိုင်ငံအလယ်ပိုင်းဒေသများအတွင်း အဆက်မပြတ် သည်းထန်စွာရွာသွန်းလျက်ရှိသောမိုးများကြောင့် မိုးရေချိန်အမှတ်သည် စိုးရိမ်ရေမှတ်ကို ကျော်လွန်လာခဲ့ပြီဖြစ်သည်။ ယနေ့ ၂၀၂၄ ခုနှစ်၊ ဇူလိုင်လ (၂၇) ရက်၊ နံနက် (၁၀) နာရီ (၃၀) မိနစ်အချိန် တိုင်းတာချက်အရ ရက္ခိုင်ပြည်၊ သံတွဲမြို့၊ "သူဌေးချောင်း ဆည်"သည် လည်း စိုးရိမ်ရေမှတ် (အနီရောင်အဆင့်) ကို ကျော်လွန်လာနေပြီဖြစ်သည်။

ဆက်လက်၍လည်း ယခုထက်ပိုမိုသော မိုးရေချိန်အမှတ်သို့ ရောက်ရှိလာနိုင်ရန် အလားအလာများကို တွေ့နေရသောကြောင့် ၎င်းဆည်နှင့် အနီးပတ်ဝန်းကျင်၊ ဆည်ကျရေစီးဆင်းရာလမ်းကြောင်းရှိ ရွာများအနေဖြင့် နီးစပ်ရာ ကုန်းမြင့်၊ ရေဘေးလွတ်ရာနေရာများသို့ "အမြန်ဆုံး" ချက်ချင်း ရွှေ့ပြောင်းပေးကြပါရန် အရေးပေါ်ထုတ်ပြန်အပ်ပါသည်။

မိမိတို့အနေဖြင့် လွန်ခဲ့သောရက်များ၏ မိုးရွာသွန်းမှု၊ မိုးရေချိန်အမှတ်များကြောင့် စိုးရိမ်ရေမှတ် ရောက်လာနိုင်သည့်အတွက် ကြိုတင်အသိပေးထားခဲ့ပါသည်။ ယနေ့တွင် စိုးရိမ်ရေမှတ်အထက်ကို ကျော်လွန်လာနေပြီဖြစ်သောကြောင့် ယခုကဲ့သို့ အရေးပေါ်ချက်ချင်းထုတ်ပြန်ရခြင်းဖြစ်သည်။

မိဘပြည်သူများအနေဖြင့်လည်း မိမိတို့ ကယ်ဆယ်ရေး စေတနာ့ဝန်ထမ်းများနှင့် ပူးပေါင်းဆောင်ရွက်ပေးကြရန်ကိုလည်း အလေးအနက် တိုက်တွန်းအပ်ပါသည်။

သတင်းနှင့်ပြန်ကြားရေး
ရက္ခိုင်အမျိုးသားအဖွဲ့ချုပ်/အာရက္ခတပ်တော်

13/07/2024

အာရက္ခတပ်တော် ( AA)က ထိုးစစ်ဆင် တိုက်ခိုက်နေသော ရခိုင်ပြည်၊ သံတွဲမြို့ အကျဉ်းထောင်တွင် လက်နက်ကြီးကျည် ထိမှန်.....

16/06/2024

မောင်တောမြို့နှင့်ပတ်သက်၍ ကြိုတင်အသိပေးခြင်းနှင့် အရေးပေါ်ထုတ်ပြန်ချက်

၁၃၈၆ ခုနှစ်၊ နယုန်လဆန်း (၁၀) ရက်
၂၀၂၄ ခုနှစ်၊ ဇွန်လ (၁၆) ရက်

ဘင်္ဂလားပင်လယ်အော်နှင့် အပြိုင်တည်ရှိနေသော မောင်တောမြို့နယ်ရှိ စစ်ကောင်စီ၏ စခန်းများအားလုံးနီးပါးအား အာရက္ခတပ်တော်မှ ထိုးစစ်ဆင်တိုက်ခိုက်၍ အပြီးသတ်သိမ်းပိုက်ထားပြီးသည့်အချိန်တွင် မောင်တောမြို့နှင့် မောင်တောမြို့ပတ်ဝန်းကျင်ရှိ စစ်ကောင်စီ၏ လက်ကျန်စခန်းများအားလုံးကိုလည်း မိမိတို့မှ ဝိုင်းရံ ပိတ်ဆို့ ဖြတ်တောက်ထားပြီးဖြစ်သည်။

စစ်ကောင်စီသည် မောင်တောမြို့အား ၎င်းတို့၏ စစ်စခန်းများသဖွယ်အသုံးပြုပြီး မြို့ပြစစ်ဆင်ရေးကို ပြုလုပ်ရန် ကြိုတင်ပြင်ဆင်ထားသည်မှာ ကာလအတန်ကြာမြင့်ခဲ့ပြီဖြစ်သည်။ အဆိုပါ လက်ကျန်စခန်းများ အားလုံးကို မိမိတို့မှ ဆက်လက် ထိုးစစ်ဆင်တိုက်ခိုက်တော့မည်ဖြစ်သောကြောင့် မောင်တော မြို့သူမြို့သားများအနေဖြင့် စစ်ကောင်စီ၏ လမ်းမ၊ အိမ်များအတွင်းမှ ခုခံစစ်ပြင်ထားသော နေရာများ၊ တိုက်တာအဆောက်အအုံများပေါ်ရှိ စနိုက်ပါပစ်ရန် ပြုလုပ်ထားသောနေရာများနှင့် စစ်ကောင်စီတပ်ဖွဲ့ဝင်များရှိရာ နေရာများတွင် အတူပူးတွဲနေထိုင်ခြင်းမျိုးမရှိစေရန် သတိပေးအပ်ပါသည်။

မောင်တောဒေသခံ ပြည်သူလူထုတို့၏ အသက်အန္တရာယ်ကို စိုးရိမ်သောကြောင့် မောင်တော မြို့သူမြို့သားများအနေဖြင့် ယနေ့ ၂၀၂၄ ခုနှစ်၊ ဇွန်လ (၁၆) ရက်၊ ည (၉) နာရီအချိန်မှစတင်ပြီး မောင်တောမြို့အတွင်းမှ အမြန်ဆုံး ချက်ချင်းထွက်ခွာကြရန် ရက္ခိုင်အမျိုးသားအဖွဲ့ချုပ်/အာရက္ခတပ်တော်မှ အလေးအနက် အသိပေး ထုတ်ပြန်အပ်ပါသည်။

ရက္ခိုင်အမျိုးသားအဖွဲ့ချုပ်

07/06/2024

ရခိုင်ပြည်၊ သံတွဲမြို့နယ်၊ ဆင်ခေါင်းကျေးရွာကို တိုက်ပွဲဖြစ်ပွားနေခြင်းမရှိဘဲ စစ်ကောင်စီက ဗုံးကြဲ တိုက်ခိ...

07/06/2024

ငပလီမြို့ရှိ စစ်ကောင်စီ ခံစစ်တပ်စခန်းကို AA တိုက်ခိုက်

DMG ၊ ဇွန် ၇

ရခိုင်ပြည်၊ သံတွဲမြို့နယ်၊ ငပလီမြို့ရှိ မဇင်ရပ်ကွက်တွင် စစ်ကောင်စီက ခံစစ်အဖြစ်ပြင်ဆင်ထားသည့် တပ်စခန်းကို အာရက္ခတပ်တော်(AA)က ဇွန်လ ၆ ရက်တွင် လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း သိရသည်။

ဂေါ့ကျေးရွာအနီးတစ်ဝိုက်ရှိ စစ်ကြောင်းများကို AA တိုက်ခိုက်ထိန်းချုပ်ပြီးနောက် ငပလီမြို့၊ မဇင်ရပ်ကွက်ရှိ သံတွဲလေဆိပ်တွင် စစ်ကောင်စီဘက်မှ ဗျူဟာမှူးကိုယ်တိုင်ကြီးကြပ်ကာ ခံစစ်အဖြစ်ခုခံရန် ပြင်ဆင်နေသည်။

“မဇင်လေဆိပ်ဖက်ကို မနေ့က အေအေဖက်က လက်နက်ကြီးနဲ့ ပစ်ခဲ့တာရှိတယ်။ လက်နက်ကြီးကျည်နှစ်လုံး ကင်းစခန်းတစ်ခုမှာ ကျသွားတယ်။ စစ်ကောင်စီတပ်သားတွေ အထိအခိုက်ရှိတယ်လို့ ကြားသိရတယ်” ဟု သံတွဲဒေသခံတစ်ဦးက ပြောသည်။

AA ထိုးစစ်မှာ သံတွဲမြို့နှင့်နီးကပ်လာ၍ စစ်ကောင်စီက သံတွဲလေဆိပ်ကို ဇွန် ၃ ရက်မှစ၍ ယာယီပိတ်လိုက်သည်။ လက်ရှိတွင် သံတွဲလေဆိပ်ကို စစ်ကောင်စီက စစ်ဖက်ဆိုင်ရာအတွက် အသုံးချနေကြောင်း သိရသည်။

“လေကြောင်းကို အသုံးပြုပြီးတော့ စစ်ကောင်စီက အင်အားဖြည့်တင်းတာတွေ ရှိနေတယ်။ ပြည်သူတွေမှာတော့ မြို့တွင်းတိုက်ပွဲဖြစ်လာရင် ထွက်ပေါက်ပိတ်သွားမှာကို စိုးရိမ်နေရတယ်” ဟု သံတွဲဒေသခံ နောက်တစ်ဦးက ပြောသည်။

သံတွဲမြို့နှင့် မိုင် ၂၀ ကျော်အကွာတွင် စတင်ခဲ့သည့် စစ်ကောင်စီနှင့် AA တိုက်ပွဲမှာ လက်ရှိမှာ သံတွဲမြို့နှင့် ၂ မိုင်ခန့်အကွာထိ နီးကပ်လာနေပြီဖြစ်သည်။

မြို့ပေါ်အထိ ထိုးဖောက်လာနေသည့် AA ၏ အရှိန်မြင့်ထိုးစစ်ကို ခုခံရန်အတွက် စစ်ကောင်စီက မြို့တွင်းခံစစ်ကို အခိုင်အမာပြင်ဆင်နေသည်။ သံတွဲမြို့တွင် စစ်ကောင်စီ၏ ခမရ ၅၆၆၊ ခလရ ၅၅ တပ်ရင်းအပြင် မောင်ရွှေလေးရေတပ်စခန်းတစ်ခုရှိသည်။

https://www.dmgburmese.com/သတင်း/gncohan.html

DMG သတင်းများကို ကြည့်ရှုရန် >>>

Telegram:
t.me/dmgarakannews

YouTube:
www.youtube.com/

Website:
www.dmgburmese.com/

07/06/2024

ရခိုင်ပြည်နယ်နှင့် စစ်ကိုင်းတိုင်းရှိ အရပ်သားများကို မကြာသေးမီက မြန်မာစစ်တပ်က အစုလိုက် အပြုံလိုက် သတ်ဖြတ.....

07/06/2024

မောင်တော နခခ (၆) နှင့် နခခ (၉) ကို AA သိမ်းပိုက်

DMG ၊ ဇွန် ၇

ရခိုင်ပြည်၊ မောင်တောမြို့နယ်တောင်ပိုင်းရှိ အင်းဒင်နယ်ခြားစောင့်ရဲတပ်ရင်း နခခ (၆)နှင့် မြင်းလွှတ် နယ်ခြားစောင့်ရဲတပ်ရင်း နခခ (၉) တို့အား အာရက္ခတပ်တော်(AA) က သိမ်းပိုက်လိုက်ပြီဟု သတင်းရရှိသည်။

မြင်းလွှတ်နခခ (၉)ကို ယနေ့ နံနက်ပိုင်းနှင့် အင်းဒင် နခခ(၆)ကို ယမန်နေ့ ဇွန်လ ၆ ရက် အာရုဏ်တက်ချိန်တွင် သိမ်းပိုက်လိုက်ခြင်းဖြစ်ကြောင်း DMG ၏ ခိုင်လုံသတင်းရင်းမြစ်များက ပြောသည်။

“နခခ (၉) ကို သိမ်းထားတာတော့ ဟုတ်တယ်။ စစ်ကောင်စီတပ်သားတွေက ထွက်ပြေးသွားတာ။ အခု အဲဒီမှာ နယ်မြေရှင်းလင်းရေးလုပ်နေရသေးတယ်။ အင်းဒင်ကတော့ အပြီးသတ်သိမ်းထားပြီ” ဟု သတင်းရင်းမြစ်တစ်ဦးက ပြောသည်။ ခခ(၉) မှ စစ်ကောင်စီတပ်ဖွဲ့ဝင်များမှာ မောရဝတီ နခခ (၄) သို့ ထွက်ပြေးသွားကြကြောင်း ၎င်းက ပြောသည်။

အငူမော် - မောင်တော ကားလမ်းအနီး ကျောက်ပန္ဒူကျေးရွာအနီးရှိ နယ်ခြားစောင့်စခန်း (၂) ခုကို ဇွန်လ ၂ ရက်တွင် AA က သိမ်းပိုက်ပြီးနောက် နခခ (၆)နှင့် နခခ (၉)ကို ဆက်လက် ထိုးစစ်ဆင်သိမ်းပိုက်ခဲ့ခြင်း ဖြစ်သည်။

မောင်တောတိုက်ပွဲများအတွင်း စစ်ကောင်စီက လေကြောင်းအပါအဝင် မောင်တောမြို့ပေါ် တပ်စခန်းများနှင့် စစ်တွေမြို့ရှိ တပ်စခန်းများမှ လက်နက်ကြီးပစ်ကူများဖြင့် ခုခံတိုက်ခိုက်လျက်ရှိကြောင်း သိရသည်။

“အင်းဒင်ကို အပြီးသတ်သိမ်းပြီးတာနဲ့ နခခ (၂)နဲ့ နခခ (၉) ကို တစ်နေ့တည်းမှာ နာရီပိုင်းပဲ ခြားတယ်၊ ချက်ချင်း ထိုးစစ်ဆင်ခဲ့တာ။ တိုက်ပွဲကတော့ ပြင်းသထက် ပြင်းလာနေတယ်” ဟု သတင်းရင်းမြစ်က ပြောသည်။

မောင်တောမြို့နယ် ရွှေတောင်နှင့် စံပယ်ကုန်း ကျေးရွာကြားတွင်လည်း တိုက်ပွဲပြင်းထန်နေကြောင်း ဒေသခံများ ပြောပြချက်အရ သိရသည်။

လက်ရှိတွင် မောင်တောမြို့ထဲ၌ ပြည်သူအချို့ ပိတ်မိနေပြီး၊ ၎င်းတို့ထဲမှအချို့ကို စစ်ကောင်စီတပ်နှင့် ပူးပေါင်းအဖွဲ့ ARSA၊ RSO တပ်ဖွဲ့ဝင်များက ဓားစာခံအဖြစ် ဖမ်းဆီးထားကြောင်း သတင်းရင်းမြစ်နောက်တစ်ဦးက ပြောသည်။

“ပြည်သူတချို့ကို ဓားစာခံအဖြစ် ဖမ်းထားတယ်။ ဖမ်းထားတဲ့အရေအတွက်ကိုတော့ မသိရသေးဘူး။ အေအေကလည်း မြို့ထဲဝင်ဖို့ အခက်အခဲရှိနေသေးတော့ မြို့တွင်းအခြေနေကို အသေးစိတ်သိရဖို့ အခက်အခဲရှိနေတယ် ” ဟု သူက ပြောသည်။

မောင်တောမြို့နယ်ထဲမှ စစ်ကောင်စီတပ်စခန်း အများအပြားကို AA က ထိုးစစ်ဆင်သိမ်းပိုက်ထားပြီး လက်ရှိတွင် လေးမိုင် နခခ (၂)၊ မြို့သူကြီး နခခ (၅)၊ မောရဝတီ နခခ (၄) တို့သာ ကျန်ရှိတော့ကြောင်း သိရသည်။

စစ်ကောင်စီကလည်း AA ထိုးစစ်ကိုခုခံရန် စနိုက်ပါသမား ၃၀၀ ဝန်းကျင်နှင့် စစ်ကောင်စီတပ်သားများ အပါအဝင် စစ်သင်တန်းဆင်းမွတ်ဆလင် စုစုပေါင်းအင်အား ၄,၀၀၀ ခန့်ကို မောင်တောမြို့အတွင်း အင်အားဖြည့်ထားကြောင်း ခိုင်လုံသည့်သတင်းရင်းမြစ်များ ပြောပြချက်အရ သိရသည်။

https://www.dmgburmese.com/သတင်း/bgbatalon.html

ပုံစာ - မောင်တောခရိုင်ရှိ ‘ခထီးလှ’နယ်ခြားစောင့်စခန်းအား AA က သိမ်းပိုက်ပြီးနောက် (၂၀၂၃ ခုနှစ်၊ နိုဝင်ဘာ ၂၁ ရက်)

DMG သတင်းများကို ကြည့်ရှုရန် >>>

Telegram:
t.me/dmgarakannews

YouTube:
www.youtube.com/

Website:
www.dmgburmese.com/

07/06/2024

ရခိုင်ပြည်၊ ကျောက်တော်မြို့နယ်အတွင်းရှိ ကျေးရွာအချို့ကို မိုးထဲလေထဲ စစ်ကောင်စီက ဂျက်ဖိုက်တာတွေနဲ့ ၂ ရက်ဆ.....

30/05/2024

နဝမအကြိမ်မြောက် သတင်းစာရှင်းလင်းပွဲကြေညာချက်

၂၀၂၄ ခုနှစ်၊ မေလ (၃၀) ရက်

ULA/AA ၏ နဝမအကြိမ်မြောက် သတင်းစာရှင်းလင်းပွဲကို လာမည့် ၂၀၂၄ ခုနှစ်၊ ဇွန်လ (၈) ရက်၊ စနေနေ့ နံနက် (၁၀:၀၀) နာရီ အချိန်တွင် ပြုလုပ်သွားမည် ဖြစ်ပါသည်။ သတင်းစာ ရှင်းလင်းပွဲကို ယခင်အကြိမ်များအတိုင်း ရက္ခိုင်ဘာသာစကားဖြင့် ပြုလုပ်သွားမည်ဖြစ်ပါသည်။ သတင်းရယူလိုသော သတင်းထောက်များအနေဖြင့် သတင်းစာရှင်းလင်းပွဲကို တက်ရောက်နိုင်ရန်အတွက် ဖော်ပြပါ လင့်ခ် (https://forms.gle/9FkNHENUvZ9R1sMp9 ) မှတစ်ဆင့် ယခင် အကြိမ်များနည်းတူ စာရင်းသွင်းရန်လိုအပ်ပါသည်။ စာရင်းသွင်းထားသော သတင်းထောက်များကိုသာ တက်ရောက် သတင်းရယူခွင့်ပြုမည် ဖြစ်ပါသည်။ စာရင်းသွင်းထားသော သတင်းထောက်များကို သတင်းစာရှင်းလင်းပွဲ တက်ရောက်နိုင်ရန်အတွက် Email မှတစ်ဆင့် လိုအပ်သည့်အချက်အလက်များကို ပေးပို့သွားမည် ဖြစ်ပါသည်။

သတင်းထောက်များအနေဖြင့် မေးမြန်းလိုသော မေးခွန်းများကို ဇွန်လ (၃) ရက်၊ တနင်္လာနေ့ကို နောက်ဆုံးထား၍ ဖော်ပြပါ အီးမေးလ်လိပ်စာ [email protected] မှတစ်ဆင့် ပေးပို့ကာ မေးမြန်ထားနိုင်ပါသည်။ သတ်မှတ်ရက်ကျော်လွန်ပြီးမှ ပေးပို့လာသော မေးခွန်းများကို ယခုသတင်းစာရှင်းလင်းပွဲတွင် လက်ခံဖြေကြားပေးမည်မဟုတ်သည့်အတွက် မေးခွန်းများကို ကြိုတင်ပြီး ပေးပို့ထားကြရန် လိုအပ်ပါသည်။ သတင်းထောက်တစ်ဦးကို မေးခွန်း (၂) ခုသာ လက်ခံသွားမည်ဖြစ်ပြီး ထပ်ဆင့်မေးခွန်းတစ်ခုကိုလည်း ခွင့်ပြုပေးသွားမည်ဖြစ်ပါသည်။ ယခုကဲ့သို့ မေးခွန်းအရေအတွက် ကန့်သတ်ထားရခြင်းမှာလည်း အခြားသတင်းထောက်များကို အချိန်ပေးနိုင်ရန်အတွက်ဖြစ်ပါသည်။

ULA/AA ၏ Telegram Channel ကိုလည်း ယခုဖော်ပြပါ လင့်ခ် (https://t.me/+zqAxBCBh34BkZjll ) မှတစ်ဆင့် Subscribe လုပ်ထားရန် တိုက်တွန်းလိုပါသည်။ အဆိုပါ Telegram Channel မှတစ်ဆင့် ULA/AA ၏ သတင်းစာရှင်းလင်းပွဲနှင့်ပတ်သက်၍ တရားဝင်ထုတ်ပြန်ချက်များကို ထုတ်ပြန်သွားမည်ဖြစ်ပါသည်။

Telegram (https://t.me/+zqAxBCBh34BkZjll)
ULA/AA Press-Briefing Info
please kindly sent email to [email protected] or [email protected] for press-briefing ques

Access Google Forms with a personal Google account or Google Workspace account (for business use).