ခေတ်သစ်-Online Store

01/07/2023

နှစ်သက်လို့ ကူးယူ ဖော်ပြပါတယ်။

============================

ဒီနေ့ ၅၂ ကြိမ်မြောက် အောင်ဘာလေ ထီဖွင့်ပွဲက ထူးခြားမယ် ထင်ပြီး စောင့်ကြည့်မိတယ်.....
ထီလက်မှတ်ဖြင့် ရောင်းတာရော အွန်လိုင်းက ရောင်းတာတွေရောကို ပေါင်းပြီး ထီဖွင့်ပေးတာကိုး.....
ထီလက်မှတ်နဲ့ ရောင်းတာက အက္ခရာ "က" ကနေ "စ"ထိ အက္ခရာ ခြောက်ခု.....
အွန်လိုင်းက ရောင်းတာကလည်း အက္ခရာ "ဆ" ကနေ ""ဌ" ထိ အက္ခရာ ခြောက်ခု.....
အခု ထီဖွင့်တော့ သိန်း ၅၀ အထက် ဆုကြီးတွေ အားလုံးထဲမှာ အွန်လိုင်းက ရောင်းတဲ့ ထီတွေ တစ်ခုမှ ဆုမဲထဲ မပါ.....
အွန်လိုင်းက ရောင်းတဲ့ ထီတွေထဲက ပေါက်မဲပါတဲ့ ဆုအနေအထားက.....
သိန်း ငါးထောင် ဆု ၁ဆုထဲမှာ ၀.၀၀%..
သိန်း နှစ်ထောင်ဆု ၁ဆုထဲမှာ ၀.၀၀%..
သိန်း တစ်ထောင်ဆု ၁ဆုထဲမှာ ၀.၀၀%..
သိန်းငါးရာဆု ၅ဆုထဲမှာ ၀.၀၀%..
သိန်းနှစ်ရာဆု ၇ဆုထဲမှာ ၀.၀၀%..
သိန်း တစ်ရာဆု ၇ဆုထဲမှာ ၀.၀၀%..
သိန်းငါးဆယ်ဆု ၁၁ဆုထဲမှာ ၀.၀၀%..
သိန်းနှစ်ဆယ်ဆု ၁၇ဆုထဲမှာ ၅.၈၈%..
ဆယ်သိန်းဆု ၁၈ဆုထဲမှာ ၅.၅၆%..
ပဒေသာဆု ၃ သိန်းဆု ၅ဆုတွဲထဲမှာ ၄၀%..
ပဒေသာဆု ၂ သိန်းဆု ၅ဆုတွဲထဲမှာ ၄၀%..
ပဒေသာဆု ၁သိန်းဆု ၁၄ဆုတွဲထဲမှာ ၅၀%..
ပဒေသာဆု ၅သောင်းဆု ၃ဆုတွဲထဲမှာ ၆၆.၆၇%..
ပဒေသာဆု တစ်သောင်းဆု ၄ဆုတွဲထဲမှာ ၇၅% ..
ဆုမဲပေါက်ပုံ ကြည့်လိုက်ရင် ဆုကြီးတွေထဲ အွန်းလိုင်းထီကို ဖယ်ထားပြီး.....
ဆုသေးတွေကိုတော့ အွန်လိုင်းထီက ပေါပေါများများ ဖောက်ထားပေးတဲ့ သဘောကို တွေ့ရတဲ့ အတွက်.....
ထီလက်မှတ်ကိုင်ပြီး ရောင်းတဲ့ ထီကိုယ်စားလှယ်တွေ အကျိုးဖြစ်စေဖို့ ဖန်တီးထားပုံပေါ်နေတယ်.....
ဒါဆိုလည်း ဘာဖြစ်လို့များ သိန်း၂၀ဆု တစ်ဆုထိပဲ အမြင့်ဆုံး ထုတ်ပေးမယ့် အွန်လိုင်းထီကို ဖြန့်ဝေပြီး ပြည်သူတွေကို ဂျင်းထည့်ဖို့ ကြိုးစားလေလဲမသိ.....
ထီထိုးတဲ့ လူတွေ အတွက် အွန်လိုင်းကဖြစ်ဖြစ် ထီလက်မှတ် အရွက်လိုက် ရောင်းတဲ့ဆီက ထိုးတာဖြစ်ဖြစ် အခွင့်အရေး တန်းတူပဲ ရသင့်တယ့် အပြင်.....
အွန်လိုင်းထီက.....
အလုပ်ရှုပ် သက်သာသလို ကုန်ကျစားရိတ်လည်း ပိုနည်း Paper less ဖြစ်တဲ့အတွက် သဘာဝပတ်ဝန်းကျင် အတွက်လည်း ပိုကောင်း.....
ထီကိုယ်စားလှယ် ယူရောင်းသူတွေရဲ့ အမြတ်ကြီးစားမှုတွေ ဖယ်ရှားပြီး ဖြစ်သလို.....
ပြည်သူကို တိုက်ရိုက် ရောင်းချမှု ဖြစ်တဲ့ အတွက် ထီထိုးသူတွေလည်း စျေးမှန်နဲ့ ရနိုင်ပြီး.....
တာဝန်ရှိသူတွေနဲ့ ထီကိုယ်စားလှယ်တွေကြားက အဂတိမှု မသာမှုတွေ ပျောက်ကွယ်သွားနိုင်တဲ့ အပြင်.....
အခြား အကျိုးကျေးဇူးတွေလည်း အလွန်များမှာ ဖြစ်ပါလျှက်.....
အခုလို အွန်လိုင်းထီကို ခွဲခြားပြီး ဆုသေးတွေသာ ခွဲခြား ဖောက်ပေးတာကတော့ ဘယ်လိုမှ လက်ခံနိုင်စရာ မရှိတဲ့ အပြင်.....
အွန်လိုင်းက ထီထိုးသူတွေကို သောပေါသာသာ သတ်မှတ်ထားတဲ့ ပုံစံမျိုးလည်း တွေ့နေရတော့.....
ဒီ ၅၂ ကြိမ်မြောက် ထီဖွင့်ပွဲရဲ့ နောက်ကွယ်မှာ မရိုးမသားနဲ့ မသမာတဲ့ လုပ်ရပ်တွေ ရှိနေနိုင်တယ်လို့ သံသယ ဝင်စရာ အကြောင်း ရှိသဖြင့်.....
ဒီထီဖွင့်ပွဲရဲ့ တာဝန်ရှိသူတွေကို စုံစမ်း စစ်ဆေး၍ လိုအပ်ပါက အဂတိကော်မရှင်ထံသို့ ပေးပို့ တိုင်ကြားသင့်ကြောင်းပါ.....
Credit.

01/07/2023

အန္တရာယ်ရှိ ချေးငွေလုပ်ငန်း (၃၅) မျိုးကို ဆက်သွယ်ခြင်းမပြုရန် စားသုံးသူရေးရာဦးစီးဌာန အသိပေးထုတ်ပြန်

အွန်လိုင်းနှင့် လူမှုကွန်ရက် စာမျက်နှာများပေါ်၌ လတ်တ‌လောခေတ်စားနေသည့် ချေးငွေလုပ်ငန်းများစွာရှိသည့်အနက် သတိပြုရှောင်ရှားသင့်သော အန္တရာယ်ရှိချေးငွေလုပ်ငန်း (၃၅) မျိုးကို ဆက်သွယ်ခြင်းမပြုရန် စားသုံးသူရေးရာဦးစီးဌာနမှ အသိပေးထုတ်ပြန်ထားသည်။

အွန်လိုင်းမီဒီယာများကို အသုံးချပြီး နှစ်ဦးနှစ်ဖက် ငွေကြေးနှင့် အကျိုးအမြတ် ရရှိစေရေးအတွက် လုပ်ငန်းများကို သမာအာဇီဝကျကျဖြင့် မှန်မှန်ကန်ကန်လုပ်ဆောင်နေကြသည့်လုပ်ငန်းများ ရှိနေသကဲ့သို့ အချို့သော မသမာသူများက ဟန်ဆောင်လိမ်ညာလှည့်ဖြားပြီး လုပ်ဆောင်မှုများရှိကြောင်းနှင့် မြန်မာနိုင်ငံတွင်သာမက ကမ္ဘာ့နိုင်ငံအသီးသီးတွင်ပါ ယင်းပြဿနာကို ဖြေရှင်းနိုင်ခြင်းမရှိသေးကြောင်း အသိပေးစာတွင် ဖော်ပြထားသည်။

" ညီမကတော့ ဘာအပလီကေးရှင်းမှ မဒေါင်းဘူး။ ဖုန်းကပျောက်သွားတော့အချက်အလက်တွေပါကုန်တာ။ သူတို့ ကနဦး ဖုန်းစဆက်တယ်။ ညီမကဖုန်းစိမ်းဆိုရင် လုံးဝမကိုင်ဘူး။ ပြီးတော့ သူတို့ခေါ်တဲ့ဖုန်းက တခြားဖုန်းတွေနဲ့မတူဘူး။ အနီရောင်တစ်ဝက်ပေါ်တယ်။ အဲဒါကြောင့် ညီမလည်း မကိုင်ဘူး။ သူတို့ ဆက်တဲ့ဖုန်းမကိုင်ဘူးဆို မက်ဆေ့ပိုပြီးဆဲတယ်။ နောက်တော့ ဖုန်း contact ထဲမှာရှိတဲ့လူတွေအကုန်လုံးကို စာပို့တယ်။ ဖုန်းဆက်တယ်။ ဆဲဆိုခြိမ်းခြောက်တယ်။ ပိုက်ဆံယူထားတာမှန်ရင် စခန်းကိုလာရှင်းလို့ပြောတော့ ဘာလို့စခန်းလာရမှာလဲ။ အွန်လိုင်းပေါ်ကအလုပ်လုပ်တာ အွန်လိုင်းပေါ်ကပဲ လွှဲပေးဆိုပြီး ပြောတယ်။ အခုဆို အဲဒီလူတွေ နှောက်ယှက်နေတာ တစ်ပတ်ကျော်နေပြီ။ သူတို့က ဖုန်းတောက်လျှောက်ဆက်နေတုန်းပဲ။ အခုတော့ ရဲစခန်းကိုလည်း တိုင်ချက်ဖွင့်ထားတယ်။ ဆက်သွယ်ရေးရုံးကိုလည်း သူတို့ဆက်တဲ့ ဖုန်းနံပါတ်တွေကို ပို့ပြီးလည်း တိုင်ထားပါတယ် "ဟု တောင်ဥက္ကလာပမြို့နယ်နေ ကိုယ်တိုင်ကြုံတွေ့ခဲ့သူ အမျိုးသမီးတစ်ဦးက ပြောကြားသည်။

စားသုံးသူရေးရာဦးစီးဌာနအနေဖြင့် Download မဆွဲသင့်သော Application ၃၅ ခု၏ Logo များကို Google Play Store တွင် ပိတ်ပင်ထားကြောင်း၊ ထို Application များအား Download ဆွဲလိုက်ပါက မြန်မာကျပ်ငွေဖြင့် စတင်ငွေချေးနိုင်ပြီး မိမိချေးယူလိုသည့် ငွေပမာဏ၏ ၇၅ ရာခိုင်နှုန်းကို စတင်လွှဲပို့ကြောင်းနှင့် ငွေမလွှဲမီ မိမိထံမှ ၎င်းတို့ တောင်းဆိုထားသည့် အချက် (၇) ချက်ကို စတင်ပေးပို့ရကြောင်း သိရသည်။

ယင်း တရားမဝင်ချေးငွေလုပ်ငန်းများ အသုံးပြုသည့် Application များတွင် Install ပြုလုပ်ရန်အတွက် ပေးရသည့် Premission အသုံးပြုသူများကိုလည်း ထိခိုက်စေနိုင်ကြောင်း၊ ၎င်းတို့ တောင်းဆိုသည့် ဓာတ်ပုံများကို ပေးမိပါက မိမိကိုယ်တိုင် မသိလိုက်ဘဲ ဓာတ်ပုံနှင့် ဗီဒီယိုများကို ရယူသွားနိုင်ကြောင်း၊ ဆက်သွယ်ရန်လိပ်စာပေးမိပါက မိမိဖုန်းအတွင်းရှိ ဆက်သွယ်ရန်လိပ်စာများအားလုံးကို တစ်ဖက်မှရရှိသွားပြီး ခြိမ်းခြောက်ငွေညှစ်ခြင်း၊ ညစ်ညမ်းစွာဆဲဆိုခြင်းများ ပြုလုပ်လာကြောင်း သိရသည်။

မိမိတို့၏ အချက်အလက်များကို အသေးစိတ်တောင်းခံပြီးနောက်ပိုင်း လုပ်ကြံသတ်ဖြတ်မှု၊ ပြန်ပေးမှု၊ ဓားပြမှုနှင့် အိမ်တွင်းဖောက်ထွင်းမှုများကိုပါ ကျူးလွန်လာနိုင်ကြောင်း၊ ၎င်းတို့ထံ ဖုန်းခေါ်ဆိုမိပါက မိမိ၏ အချက်အလက်အားလုံးကို ရရှိသွားပြီး စာတိုပေးပို့မိပါက ဖုန်းအတွင်းရှိ စာတိုပေးပို့မှုများအပြင် ဆိုရှယ်မီဒီယာမှ အချက်အလက်များနှင့်တကွ ဘဏ်နှင့်သက်ဆိုင်သည့် အချက်အလက်များကိုပါ ရရှိသွားနိုင်ကြောင်းနှင့် ထိုအချက်အလက်များအပေါ် အခြေခံကာ မိမိယူထားသည့် ချေးငွေကို ပြန်မဆပ်နိုင်ပါက နောက်ဆက်တွဲဆိုးကျိုးများကို မိမိတို့ကိုယ်တိုင်သာ ခံစားရမည်ဖြစ်ကြောင်း စားသုံးသူရေးရာဦးစီးဌာနက သတိပေးပြောကြားထားသည်။

အဆိုပါ ချေးငွေလုပ်ငန်းများအပြင် အခြားသောငွေလိမ်နည်းများလည်း ရှိနေကြောင်း၊ ယင်းလိမ်လည်မှုမှာ ငွေလိမ်ခြင်းမဟုတ်ဘဲ ငွေချေးထားသည်ဆိုကာ အတင်းအကြပ်ငွေဆပ်ခိုင်းခြင်းမျိုးဖြစ်ကြောင်းလည်း လူမှုကွန်ရက် အသုံးပြုသူများကြားတွင်း ဖြန့်ဝေ သတိပေးမှုများလ ည်း ရှိနေသည်။

ယင်းကဲ့သို့ လိမ်လည်နေသည့် Application များမှာ Pegion, Sun Cash , Morning Cash , Happy Cash , Cash Tree , Easy Wallet , Fast Cash , Sky Cash , MM Finance , Money Bag , Cash Woo , U Finance , Lone M , Lxora Cash , Cash Now , Kind Cash , Kyat Wave , Money Bag , Quick Kyat အစရှိသဖြင့်ဖြစ်ပြီး အဆိုပါ Application များသည် ၂၀၂၂ ခုနှစ် ကတည်းကပင် လိမ်လည်မှုများ‌ ကြောင့် နာမည်ပျက်နှင့် ကျော်ကြား‌နေခြင်းဖြစ်သည်။

“ အဲဒီ App တွေထဲက တစ်ခုခုကို Download လုပ်ပြီး install လုပ်လိုက်ရင် App က Permission တွေတောင်းပြီး ဖုန်းထဲက အခေါ်များတဲ့ ဖုန်းနံပါတ်တွေကို ဖုန်းတွေခေါ်၊ Message တွေပို့ပြီး ပိုက်ဆံဘယ်လောက်ချေးထားလို့ လာဆပ်ပါ။ မဆပ်ရင် ဘာလုပ်မယ်၊ ညာလုပ်မယ်ဆိုပြီး ခြိမ်းခြောက်ဆဲဆိုတာတွေလုပ်တယ်။ ဖုန်းဆက်တာ ဆက်တိုက်ဆက်ပြောတာ။ အဲ့လိုခြိမ်းခြောက်ပြောဆိုတော့ ကြောက်တတ်တဲ့သူတွေက သူတို့ပြောသလောက် ငွေတွေလွှဲ၊ ပိုက်ဆံတွေပေးကြလို့ အခုချိန်ထိ လိမ်နည်းပေါင်းစုံနဲ့လိမ်နေကြဆဲပါ” ဟု လိမ်လည်မှုဖြစ်စဉ်ကို ကိုယ်တိုင်ကြုံတွေ့ခဲ့ဖူးသူ ကိုကျော်ကျော်က ပြောကြား သည်။

လက်ရှိကာလတွင် ငွေကြေးခက်ခဲနေသူများရှိသည်ကို အသုံးချပြီး အလွယ်တကူ ငွေချေးယူနိုင်သည့် ပုံစံဖြင့် ဆွဲဆောင်ခြင်းမျိုးဖြစ်သည်။

Credit popular journal page

https://www.facebook.com/photo.php?fbid=640899414745456&set=a.613530660815665&type=3&mibextid=Nif5oz

28/06/2023

#လှသလောက် အဆိပ်ပြင်းတဲ့အပင် 😳

ညီမတို့ Myanmar Biodiversity ဂရုမှာ အမေးများကြတဲ့အပင်မလို့ သတိထားရအောင် တင်ပေးလိုက်ပါတယ်။

Hippobroma longiflorum
(Star of Bethlehem)
ဘက်သယ်လီဟန်မြို့၏ ကြယ်တပွင့်
family-Campanulaceae
Native to_West Indies

Hippobroma longiflora အပင်ကို
Bethlehem သို့မဟုတ် madamfate ဟုလည်းခေါ်ကြသလို (Star of Bethlehem ဘက်သယ်လီဟန်မြို့၏ ကြယ်တပွင့်)ဟုလည်း ခေါ်ဆိုကြပါသည်။

မျိုးရင်း Campanulaceae တွင် ပန်းပွင့်သော
အပင်မျိုးစိတ် ဖြစ်ပြီး ၎င်းသည် Hippobroma အမျိုးအစား၏ တစ်ခုတည်းသော မျိုးစိတ်ဖြစ်ပါသည်။
အပင်ပုံစံက နှစ်လိုဖွယ် အဆင်းသဏ္ဍာန်ရှိသော်လည်း
အပင်၏ အစိတ်အပိုင်း အားလုံးတွင် အဆိပ်ရှိသော၊
အဆိပ်ပြင်းသောAlkaloids ဆိုတဲ့ အဆိပ် ပါဝင်ပါသည်။Alkaloids 2 မျိုးအမည်က Lobeline နဲ့ Ni****ne တို့ဖြစ်ပါသည်။

ဒီ အပင်မျိုးစိတ်ကို
သဘာဝ အလေ့ကျ ပေါက်လေ့ရှိတဲ့ အပင်မျိုးစိတ်
အနေနဲ့ တွေ့ရတတ်သလို၊တခြား ဥယျာဥ်ခြံမြေတွေနဲ့ ပျိုးခင်းတွေမှာပါ မကြာမကြာ ဆိုသလို တွေ့ရှိရတတ်ပါသည်။

သူမှာ ရှိတဲ့ အရွက်အစိမ်းက ဆူးခက်ပုံသဏ္ဍာန် အရှည်ဖြစ်ပြီး ပန်းပွင့်က ရုတ်တရက်ကြည့်လိုက်ရင် စံပယ်ပန်းနဲ့
ဆင်တူပါသည်။ထို့ကြောင့် တချို့မသိတဲ့
အိမ်တွေမှာ ဆိုရင် အလှစိုက်ပန်း အနေနဲ့တောင်
စိုက်ပျိုးထား ကြောင်း တွေ့ရှိရတတ်ပါသည်။

ဒီ အပင်က အပွင့် သို့ အရွက်ကို မှားယွင်း
Sar သုံး မိပါက ကြီးစွာသော ဆိုးကျိုးများနဲ့
ကြုံတွေ့ရနိုင်ပါသည်။

အများကြီးမဟုတ်ပဲ ပမာဏ အနည်းငယ် sar သုံးမိရင်တောင် လည်ချောင်း ပူလောင်ခြင်း၊မူးဝေခြင်း၊အော့အန်ခြင်း၊တုန်လှုပ်ခြင်း၊အသက်ရှုမမှန်ခြင်း၊တက်ခြင်း၊လေဖြတ်ခြင်း နှင့် ကြွက်သားများ ကျုံလှီလာခြင်းအပြင် သွက်ချာပါဒ ဖြစ်ခြင်းစသည့် အဆိပ်သင့်သည့် လက္ခဏာများ ခံစားရနိုင်ပါသည်။

တချို့ဒေသတွေမှာဆိုရင် ဒီအပင်ရဲ့ ဆိုးကျိူးကို
သိရှိကြလို့ အဆိပ်အနေနဲ့ သုံးကြကြောင်း မှတ်တမ်းများအရ တွေ့ရှိရပါသည်။ တချို့ဒေသတွေမှာလည်း
မြင်းအဆိပ်ပင်ဟုလည်း ခေါ်ဆိုတတ်ကြပါသည်။

ဒါကြောင့် မိမိ အိမ်မှာ ကလေးလေးတွေ
တိရစ္ဆာန်လေးတွေရှိခဲ့ရင် ဒီအပင်တွေကို
Shin ပစ်တာ ပိုပြီး ကောင်းမွန်ပါသည်။

တကယ်လို့ ဒီအပင်ကို နှုတ်မည်ဆိုလျှင်-

လက်အိတ် မဖြစ်မနေ ဝတ်ဆင်ပါ။
ဂရုတစိုက် သေချာ ကိုင်တွယ်ပါ။
အပင်က ထွက်ရှိသော အစေးအရည်တွေက
မိမိအရေပြားကို မတော်တဆ ထိမိခဲ့ရင်တောင် အရေပြားထဲကို အလွယ်တကူ စိမ့်ဝင်နိုင်လို့ အရေပြား
ယားယံခြင်းကို ချက်ချင်း ဖြစ်ပေါ်စေနိုင်ပါသည်။

နောက်ပြီးမတော်တဆ အနေနဲ့ မျက်လုံးထဲသို့
အပင်အစေးအရည်များ ဝင်ရောက်ခဲ့လျှင်
ပြင်းထန်သော မျက်စိအမြင်အာရုံကို ထိခိုက်နိုင်ပါသည်။အခန့်မသင့်ရင် မျက်စေ့ ကွယ်သည်အထိ ဆိုးကျိုးများ ရရှိနိုင်ပါသည်။

လေ့လာတွေ့ရှိချက်များအရ
သူနဲ့ ဆင်တူတဲ့ (အဆိပ်ပြင်း)အပင်
မျိုးစိတ်ကွဲ အုပ်စုဝင်တွေလည်းရှိပါသေးတယ်ရှင့်။
အပွင့်အရောင်အနေနဲ့
အဖြူ၊လိမ္မော်၊ခရမ်း၊အပြင်
အဖြူရောင်ပွင့် ဆင်တူပြီး အရွက်မျိုးကွဲတာလည်း
ရှိပါသေးတယ်ရှင့်။

ဒါကြောင့် အိမ်မှာ ကလေးလေးတွေ အိမ်မွေးတိရစ္ဆာန်တွေရှိရင်တော့ ရှင်းလင်းပစ်တာ အကောင်းဆုံးပါပဲရှင့်။

Credit-Wikipedia

လိုအပ်ချက်များရှိခဲ့လျှင် ဘာသာပြန်သူ၏ စေတနာအမှားသာ ဖြစ်ပါသည်ရှင့်။

26/06/2023

မိမိနေထိုင်ရာ ပတ်ဝန်းကျင်မှာ
အသက် ၈၅ နှစ် နှင့် အထက်
သက်ကြီးရွယ်အို ဘိုးဘွားများ ရှိပါက

လူမှုရေးပင်စင် လျှောက်ထားနိုင်ရေး
ကူညီပေးနိုင်ပါတယ်။ ကုသိုလ်ရပါတယ်။

လျှောက်ထားလိုပါက
အပိုဒ်(၃)ပါ စာရွက်စာတမ်းများဖြင့်
သက်ဆိုင်ရာ လူမှုဝန်ထမ်းရုံးများသို့
ဆက်သွယ်နိုင်ပါတယ်။

22/06/2023

- ကို Aungthumyo Lwin

မုသား

ကျွန်တော် ခပ်ငယ်ငယ်က ဖတ်ဖူးမှတ်မိနေတဲ့ ဟာသလေးစာစုလေး တစ်ခု။

"မင်း အရက်သောက်တတ်သလား"

အမေးခံရသူက ပေါ့ပေါ့ပါးပါး ရွှင်ပြစွာဖြေပါသည်။

"မသောက်တတ်ပါဘူး"

"ဆေးလိပ်ရော"

"မသောက်တတ်ပါဘူး"

"မိန်းမလိုက်စားသလား"

"ကင်းပါတယ်ခင်ဗျာ"

"သူ့ဥစ္စာရော ခိုးတတ်သေးလား"

"စိတ်တောင် မကူးဖူးပါခင်ဗျာ"

မေးသူသည် ဖြေသူကို တော်တော်သဘောကျသွားသည်။ ပြုံးလျှက်
"မင်းမှာ ရှိတဲ့ အကျင့်ဆိုးလေးတစ်ခုလောက် ပြောပြပါလား" ဟုမေးရာ အမေးခံရသူ ဖြေလိုက်ပုံက

"ကျွန်တော် နည်းနည်းပါးပါး လိမ်တတ်ပါတယ်ခင်ဗျာ" တဲ့။

ဒီဟာသလေးကို နားလည်တယ်ဆို နည်းနည်းတော့ ပြုံးပါခင်ဗျာ။ တကယ်လို့ နားလည်လျှက်နဲ့တောင် မပြုံးနိုင်သေးဘူး ဆိုရင်တော့ မိတ်ဆွေဟာ တစ်စုံတစ်ခုသော မုသားအတွက် တော်တော်စိတ်ထိခိုက်ဖူးသူဖြစ်ရမယ်လို့ ကျွန်တော်က ခန့်မှန်းချင်ပါရဲ့။

၁၉၃၁ ခုနှစ် ဝန်းကျင်လောက်က ထင်ပါသည်။ လူတကာနှလုံးသားကို ကိုင်လှုပ်စေခဲ့သော ဝတ္ထုတိုလေးတစ်ပုဒ် ဆရာမင်းသုဝဏ်က ရေးထုတ်ဖူးရာ ထိုဝတ္ထုလေးအမည်က "ဘကြီးအောင် ညာတယ်" တဲ့။

"ဒီမင်းသမီး ရုပ်လေးကို ဘယ်သူ့ဖို့ ထုနေတာလဲ" လို့ လိုချင်မြတ်နိုးမေးလာသူ ကလေးငယ်မောင်ချစ်။ "ငါ့တူလိုချင်လို့လား၊ ငွေတစ်ကျပ်ယူခဲ့ရင် ဘကြီးပေးမယ် သိလား" ဟု ချစ်စဖွယ်ကလေးငယ်ကို ချစ်စနိုးနဲ့ လွယ်လွယ်ဆိုလိုက်သူ ပန်းပုဆရာကြီး ဦးအောင်ချာ။

"ငွေတစ်ကျပ်ဆိုတာ ဘယ်နှပြားလဲဟင်" လို့ သေချာမေးပြီးကာမှ ၆၄ ပြားပြည့်အောင် မုန့်အငတ်ခံ စုဆောင်းရှာလေသူ မောင်ချစ်လေးရဲ့ မြတ်နိုးတပ်မက်စိတ်ဇွဲလေး။ (အဲဒီတုန်းက ငွေတစ်ကျပ်ကို ပြား ၁၀၀ မဟုတ်သေး)။ ၃၂ ပြားပြည့်အောင် ခက်ခက်ခဲခဲစုပြီးကာမှ ဆင်စွယ်မင်းသမီး အရုပ်လေးဟာ တကယ်တော့ သူ့အတွက်မဟုတ်ဘဲ ဝန်ထောက်မင်းကို ရောင်းဖို့လို့ သိလိုက်ရချိန် ခံစားလိုက်ရသော လိုတာမရသည့် ဆင်းရဲ။ ယုံကြည်ချက်ကို ချေဖျက်ခံလိုက်ရသော ဒုက္ခ။ မြတ်နိုးခင်တွယ်ရာကို လက်လွှတ်ရတော့မည်ဆိုသည့် သောက။

နောက်တော့ ပန်းပုဆရာကြီး ဘကြီးအောင်ဟာ နှလုံးကွဲကြေ သေရှာလေတဲ့ မောင်ချစ်လေးရဲ့ အုတ်ဂူထက် သူပိုင်ဆိုင်ချင်ခဲ့တဲ့ ဆင်စွယ်မင်းသမီး အရုပ်ကလေးကို မိမိနောင်တရဲ့ ပြယုဂ်အဖြစ် တင်ထားသတဲ့လေ။

အဲဒီ မောင်ချစ်လေး မသေခင် ရေရွတ်မြည်တမ်းသွားတဲ့ စကားက

"ဘကြီးအောင်ညာတယ်" တဲ့။

အဲဒီစကားလေးကိုပဲ ဆရာမင်းသုဝဏ်က သူ့ဝတ္ထုလေးရဲ့ ခေါင်းစဉ်အဖြစ် သတ်မှတ်ပေးခဲ့တာပါ။ ဖတ်ရသူအပေါင်း စိတ်မကောင်းခြင်းကြီးစွာ ဖြစ်ရတဲ့ ဝတ္ထုလေးပေါ့ခင်ဗျာ။

သုံးထိပ်စီးအရွယ် ဒီအသက်အထိ ဘယ်လိုမုသားတွေက ကိုယ့်ကို အထိခိုက်စေဆုံးလဲ လို့ မေးလာရင်တော့

"ကိုယ်လေးစား၊ ချစ်ခင်ရင်းစွဲ ရှိသူတွေဆီက မုသား" တွေပါပဲ။

လေးစားရသူတွေက ကိုယ့်ကိုလိမ်တယ်လို့ သိရရင် သိပ်စိတ်ထိခိုက်တယ်။ ချစ်ခင်မြတ်နိုးရသူတွေက ကိုယ့်ကို လိမ်တယ်လို့ သိရရင် စိတ်ဒုက္ခဖြစ်တယ်။ အချစ်ဆိုတာ သမုဒယပေါ့။ သမုဒယဆိုတာ ဒုက္ခကို ဖြစ်စေတဲ့အကြောင်းလို့ အနက်ဟောရှိတာပေါ့။

ဆယ်စုနှစ်သုံးခု ကျော်ကျော် လူ့သက်တမ်း ဖြတ်သန်းဖူးပြီးအမှာတော့ ပဉ္စာနန္တရိယကံနဲ့ မဂ်တား ဖိုလ်တား ဓမ္မန္တရယ်တွေကလွဲရင် မလုပ်ဖူးတဲ့ အကုသိုလ်ဟာ တော်တော်နည်းသွားပြီ။ ဆိုတော့ကာ မုသားတွေလည်း ပြောဖူးတာပေါ့။

ခပ်ငယ်ငယ်က မုသားကို ကိုယ့်အတွက်သုံးတယ်။ ဥပမာ အတန်းထဲမှာ ဆရာမက အလီကျက်ခဲ့သလားလို့ မေးတဲ့အခါ ကျက်ခဲ့ပါတယ်လို့ အရိုက်မခံရအောင် ဖြေတာမျိုးပေါ့။ နည်းနည်းကြီးလာတော့ အလုပ်လုပ်တဲ့အခါ အမေကမေးတယ်။

"ငါ့သားရယ် မင့်အသားဖြူဖြူလေး မည်းသွားလိုက်တာ၊ အလုပ်မှာ တအားပင်ပန်းတာပဲလား" တဲ့။

အဲ့ဒီအခါ မုသားဆိုတာ ကိုယ်ချစ်ခင်ရသူတွေ စိတ်မပင်ပန်းရအောင် သုံးရတဲ့အခါမျိုးလည်း ရှိတာပါပဲလားလို့ စိတ်မှာသဘောပေါက်ရင်း

"အဆင်ပြေပါတယ် အမေ" လို့ ဖြေခဲ့ဖူးတာပေါ့။ အဲဒါကို ဥရောပနယ်မှာတော့ မုသားဖြူလို့ နာမည်လှလှလေး ပေးထားတယ်ကြားဖူးပါရဲ့။

သို့သော် မုသားတွေ သုံးပါများလာတော့ မုသားရဲ့ လေးပင်မှုဒဏ်ကို ရံခါမှာ ပယ်ပယ်နယ်နယ်ခံရတယ်။ ကိုယ်ချစ်ရသူတစ်ယောက်ကို ညာထားမိပြီဆို အဲဒီအလိမ်တွေနောက် အလျားသင့်လိုက်ရင်း နောက်နောက်မုသားတွေ ကိုယ့်မှာပြောရတယ်။ အဲဒီမုသားနဲ့ ဆီလျော်မယ့် အပြုတွေ ဂရုထားရတယ်။ အဲဒါ မုသားရဲ့ လေးပင်မှုတွေပေါ့။

တစ်ခါတလေကျ ကိုယ်တန်ဖိုးထားရသူက ကိုယ့်အပေါ် အဖြူရောင်မဟုတ်တဲ့ မုသားတွေ ကျူးထားမှန်း သိရတဲ့အခါ ရင်ထဲမှာ သိပ်ခံစားရသလို၊ အဲဒါရဲ့နောက် သံသယရဲ့ လေးပင်မှုတွေမှာ ကိုယ်တိုင်ဟာ သိပ်ပင်ပန်းတာပဲ။ မုသားဖြူမဟုတ်တဲ့ ကျူးလွန်မှုတွေခံရအပြီး ကိုယ့်နှလုံးသားမှာ စတင်အမြစ်တွယ်လာတာဟာ သံသယတွေပေါ့။ သူဘာပြောပြော ကိုယ့်မှာ နားသာထောင်ရ သံသယကြီးနဲ့မို့ အဲဒါ သံသယရဲ့ လေးပင်မှုဒဏ်တွေလေ။

လူတွေဟာ မုသားကို ကြိုက်သတဲ့။ "မိန်းမတွေဟာ မုသားနားထောင်ရတာကို ကြိုက်လေ့ရှိပြီး၊ အဲဒါကြောင့်ပဲ ယောက်ျားတွေဟာ လိမ်ရတာကို ကြိုက်လာတယ်" လို့ ဟာသစကားလေးတစ်ခု ကြားဖူးပေမယ့်၊ တကယ့်တကယ် ကိုယ်ကိုယ်တိုင်ကို ပြန်မေးတဲ့အခါ အခုနေတော့ ဘယ်နေရာကမဆို မုသားနဲ့ ဝေးဝေး နေချင်ခဲ့တာ မှန်တာပြောတဲ့ သစ္စာပါ။

ကျွန်တော့် ရုပ်ရည်နဲ့ အနေအထိုင်ကိုကြည့်ပြီး ဘယ်နံရောအခါမဆို နေရာတကာ အတော်များများမှာ "အကို"၊ "အစ်ကိုကြီး"၊ "ဦးလေး" စသဖြင့်အပြင် တစ်ချို့နေရာများ ရွဲ့နေသလား ထင်ရလောက်အောင် "ဘဘ" လို့တောင် အခေါ်ခံရဖူးပါသဗျာ။ မတတ်နိုင်ပြီ။ ဒီဘဝမှာ ကိုယ်ဖြတ်သန်းခဲ့ရသမျှ ကံ၊ စိတ်၊ ဥတု၊ အာဟာရတွေက ဖန်တီးလာတဲ့ ဒီရုပ်ကို ပြင်ဖို့မှ မတတ်နိုင်တော့တာပဲ။ သို့သော်။ ထိုသို့သော်က ပြဿနာရှိပါသည်။

ကျွန်တော်သည် ဦးလေးခေါ်ခေါ်၊ ဘဘခေါ်ခေါ်၊ အစ်ကိုကြီးခေါ်ခေါ် ပြဿနာ မရှိသော်ငြား၊ မြန်မာ့ဓလေ့မို့ လူချင်းတွေ့လို့ ကျွန်တော့်အသက်ကို မေးပြီးချိန် ကျွန်တော် အမှန်အတိုင်း ဖြေလိုက်သောအခါ ပြဿနာတက်ပါတော့သည်။

စောစောက ရုပ်ကိုကြည့်ကာ အသက်ကိုလေးစားသည့်အားဖြင့် အစ်ကိုကြီး ဘာညာခေါ်ထားသူတွေက ကျွန်တော်သူတို့ထက်ငယ်နေမှန်း သိလိုက်သည့်အခါ ကြောင်အမ်းအမ်းနဲ့ အခေါ်တွေ ကမောက်ကမဖြစ်ကုန်သည်။ သူတို့ဟာသူတို့ အထက်ကပြောရမှာလိုလို၊ အောက်ကနေရမှာလိုလိုတွေ ဆက်ဆံရခက်ကုန်သည်။ ယခုရေးပြသော် ရယ်စရာလိုလိုဖြစ်သော်ငြား ကျွန်တော့်ကို အသက်မေးသော အပြင်ကတွေ့ဆုံပွဲတွေမှာ အမှန်ပင် ကမောက်ကမဖြစ်ရသော အတွေ့အကြုံပါပေ။

ရံခါ ကျွန်တော်က လိမ်ညာပြီး အသက်ကိုပြောရသည်။

နောက်တော့ လိမ်ရတာကို ငြီးငွေ့လာသောအခါ ကျွန်တော်သည် အမေးကို မဖြေဘဲ တုံဏိဘာဝေ ခပ်မဆိတ်နေခြင်းဖြင့် မုသားကို ရှောင်ရပါတော့သည်။ ထိုသည်မှာ မုသားနှင့်ဝေးဝေးနေသည်ဆိုသော ကျွန်တော်၏ ဥပမာများထဲက တစ်ခုပါတည်း။

တစ်ချို့တွေ ပေါ့ပေါ့ပါးပါး လိမ်ကြသည်။

တစ်ချို့တွေ ခရီးသွားဟန်လွဲ ကြုံသလိုလိမ်ကြသည်။

တစ်ချိုကတော့ မတတ်သာလို့ လိမ်ကြရတာပေါ့။

သေသေချာချာ အကြောင်းတစ်ခုခုကြောင့် လိမ်တာရှိနိုင်သလို၊ လိမ်တာကို လူမှုရေးတစ်ခုလို သုံးနေသူတွေကိုလည်း တွေ့ဖူးတာပါပဲ။ လိမ်တယ်ဆိုတဲ့ ပုဒ်ကို မြန်မာစာရဲ့ ဖခင်အသုံးနဲ့ဆို မုသားလို့ခေါ်တာပေါ့။

လူတစ်ယောက်အပေါ် မုသားသုံးရတာ ဘယ်အချိန်အခက်ဆုံးလဲဆို ဆယ်စုနှစ်သုံးခုကျော် မုသားနဲ့ရင်နှီးဖူးသူတစ်ယောက်ရဲ့ အတွေ့အကြုံအရ ပထမဆုံး အကြိမ်ဟာသာ အခက်ဆုံးပါ။

ရှေ့ရှေ့မုသားတွေဟာ နောက်နောက်မုသားတွေ မွေးဖွားလာဖို့ တွန်းအားပေးတတ်တဲ့ အကျင့်ရှိသလို၊ မုသားတွေသုံးဖန်များတဲ့အခါ မုသားရဲ့ လေးပင်မှုဒါဏ်ကို ခံစားရမှာ အသေအချာပါပဲ။ မုသားတွေကြားဖန်များလာတဲ့အခါ မတော့ ကိုယ်ဟာ သံသယရဲ့ လေးပင်မှုဒါဏ်ကို ခံရတော့မှာ မုချပေါ့။

ခပ်သိမ်းသော တရားအပေါင်းမှာ သစ္စာတရားဟာ အချိုမြိန်ဆုံး တဲ့။

ဒါဆို ခပ်သိမ်းသောစကားမှာ သစ္စာစကားဟာ နာပျော်ဖွယ်အကောင်းဆုံး ဖြစ်ပေမပေါ့။

ဒီကနောက် ဆက်လျောက်ရမယ့် ဘဝမှာ ကိုယ်ဟာ ချစ်ခင်ရသူတွေအား သစ္စာစကားကိုသာ ပြောခွင့်ရသူ ဖြစ်ချင်သလို၊ ကိုယ်တန်ဖိုးထားရသူတွေထံကလည်း အမှန်စကားတွေသာ ကြားခွင့်ရမယ်ဆို ရလာတဲ့ အခုဘဝ တော်တော်သာယာတယ်လို့ ရင်ကော့ဆိုနိုင်မှာပေါ့။

အောင်မျိုးသူလွင်
၂၁၊၀၆၊၂၀၁၇
ဗုဒ္ဓဟူး
ည ၀၇း၀၅

11/06/2023

၂၀၂၂-၂၀၂၃ ခုနှစ်
တက္ကသိုလ်ဝင်တန်းစာမေးပွဲ
ဝိဇ္ဇာဘာသာတွဲ ၆-ဘာသာ
ဂုဏ်ထူးဖြင့်
တနိုင်ငံလုံး
အမှတ်အများဆုံး
#ပထမဆုရ

သမီးလေး #နန့်ထိုက်သူလင်း
မိသားစုနှင့်

သမီးလေးရဲ့ဇာတိ
ကုက္ကိုတောကျေးရွာ
သမီးလေး နေအိမ်လေး၌
အမှတ်တရ ။

(10/6 2023)
♥♥♥♥♥♥♥♥♥♥

Credit -

အများသိရအောင်ပါ

ဒီလိုနေရာကနေ ပထမရတာ

ကူညီကြပါ

09/06/2023

ဂရု မစိုက်နဲ့

မင်းမှန်နေပေမဲ့ မင်းကိုမှားတဲ့လို့ပြောနေကြတဲ့

လူတွေကို ဂရုမစိုက်နဲ့

ကိုယ့်မှာရှိတဲ့အခက်အခဲ့တွေ ကိုယ်ပဲသိတာ

သူတို့သိမှာမဟုတ်ဘူး ရှင်းပြဖို့လည်းမလိုဘူး

ဂရုမစိုက်နဲ့

မင်းဆုံးဖြတ်ချက်တွေအကြောင်း မင်းအသိဆုံး

တခြားလူတွေရဲ့ မေးခွန်းပေါ်အဖြေပေးနေစရာ

မလိုဘူး 'ဂရုမစိုက်နဲ့

မင်းဘယ်လောက်ပဲသစ္စာရှိရှိနေပေး

မင်းကိုမယုံကြည် တဲ့သူအတွက်

ငါ့ကိုယုံပါ လို့ ပြောစရာမလိုဘူး ဂရုမစိုက်နဲ့

မင်းဘယ်လောက်ပဲချစ်ပေးချစ်ပေး

မင်းအချစ်ကိုအလေးမထားတဲ့လူအတွက်

ချစ်နေစရာမလိုဘူး ဂရုမစိုက်နဲ့

တခြားလူတွေမင်းယုံကြည်ဖို့ထက်

မင်းကိုယ်မင်းယုံ့ကြည်ဖို့လိုတယ်

တခြားလူတွေ ရဲ့ အထင်အမြင်တွေကို

ဂရုစိုက်ဖို့ထက် မင်းကိုယ်မင်း ဂရုစိုက်ဖို့လိုတယ်

ကိုယ့်လမ်းကိုလျှောက်
ကိုယ့်ကိုယ်ကို ဂရုစိုက်
ကိုယ့်ကိုယ်ကို တန်ဖိုးထား
ကိုယ့်ကိုယ်ကို ချစ်

စာပေချစ်သူများအားလုံး အစဉ်လေးစားလျှက်

02/06/2023

ခွေးလိုဟောင်

14/05/2023

လက်ရှိ မုန်တိုင်းလမ်းကြောင်း၊ လေကြောင်း လမ်းကြောင်းတွေနဲ့အတူ မြို့နာမည်လေးတွေ သိသာထင်ရှားအောင်ရေးပြီး တင်ပေးလိုက်တာပါ။

တခြား ခန့်မှန်းချက်တွေကို Win Naing နဲ့ MMweather Page ကနေ အချိန်နဲ့တပြေးညီ ဆက်လက်ဖေါ်ပြပေးလျက်ရှိပါတယ် ။

မုန်တိုင်းလမ်းကြောင်းမြေပုံကတော့ Windy.com ကနေ ECMWF Model က ယူထားတာပါ။

Naing Myint

14/05/2023

5m ရေတက်ပါက ရေမြှုပ်မည့် ဧရိယာများ

Water Level Elevation ကိုဒီ Site မှာသွားကြည့်နိုင်ပါတယ်
မိမိရောက်နေတဲ့နေရာက ‌ရေမျက်နှာပြင်အထက် ဘယ်လောက်ဆိုတာ သိလျှင် ရေလှိုင်းဘယ်လောက်ဆို နစ်မြုပ်နိုင်လဲဆိုတာ သိနိုင်ပါလိမ့်မယ်

https://www.floodmap.net/

Credit Chan Mrate Ko Ko

crd ko ko ye

13/05/2023

စစ်တွေ၊ ကျောက်ဖြူ၊ သံတွဲ၊ ဂွ ကလူတွေ အမြန်ပြောင်းရွေ့ကြပါ

ဂြိုလ်တုကပြတဲ့ ပုံအတိုင်းဆို မုန်တိုင်းအရွယ်အစားက
တအားကိုကြီးပြီး တော်တော်လေးကိုကျယ်ပါတယ်

ဖွဲ့စည်း နေတဲ့ တိမ်စုကြီးကလဲ အရွယ်အစားအားနဲ့ နိုင်းယှဉ်ရင် မြန်မာနိုင်ငံ အလယ်ပိုင်းတစ်ခုလုံးနီးပါးလောက်ကို ကြီး
နေလို့ပါ ...

နာဂစ်တုန်းက
လေတိုက်နှုန်း = ၁ နာရီ ၁၃၅ မိုင်
မုန်တိုင်း မျက်စိ အချင်း = ၁၂ မိုင်

အခုလာမယ့် မိုခါ
လေတိုက်နှုန်း = ၁ နာရီ ၁၀၃.၇ မိုင် (167 km per hr)
မုန်တိုင်းမျက်စိ အချင်း = 50 မိုင် (ခန့်မှန်း)
စက်ကွင်း ကျယ်ပြန့် အချင်းမိုင်ပေါင်း = 500 မိုင်

နာဂစ် မုန်တိုင်းမျက်စိ အချင်း (12) မိုင်ရဲ့ ပျက်စီးမှုကို မှတ်မိကြမှာပါ။ အခု လာမှာ အချင်း မိုင် (50) နဲ့ လာမယ့် မုန်တိုင်းကြီးပါ။

မုန်တိုင်း အားအပြင်းဆုံးဝင်ရောက်မယ့် စစ်တွေ၊ ကျောက်ဖြူ၊ သံတွဲ၊ ဂွ ကလူတွေ အမြန်ပြောင်းရွေ့ကြပါ။

ရခိုင်ပြည်နယ်မြောက်ပိုင်း နဲ့ ကမ်းရိုးတန်းတစ်လျောက် အလွန် အန္တရာယ်ရှိပါတယ်။

လက်ရှိ မေလ (14) ရက် ညမှာ မုန်တိုင်း ဗဟို ဝင်ရောက်ဖို့ ခန့်မှန်းထားပါတယ်။ အချိန်မရှိပါ။ အမြန်ပြောင်းရွေ့ကြပါ။

ရခိုင်ကမ်းရိုးတန်းနေ မိတ်ဆွေ၊ သူငယ်ချင်းတွေရှိရင် အမြန် ဆက်သွယ်ပြီး အသိပေး နှိုးဆော်ပေးပါ။ အသက်ပေါင်းများစွာ အရေးမို့ ကိုယ့်ရဲ့ ဖုန်းတစ် call၊ Share လေးတစ်ချက်ကလည်း အရေးကြီးနေပါတယ်။

GDACS (ကမ္ဘာ့သဘာဝဘေးအန္တရာယ်ဆိုင်ရာ အဖွဲ့အစည်း) ကနေ အနီရောင် သတိပေးချက်ပါ ထုတ်ပြန်လိုက်ပါပြီ။

မုန်တိုင်းအကြောင်းအသေးစိတ်ကို အောက်ပါ Link တွေမှာ ဝင်ဖတ်နိုင်ပါတယ်။

မိုးလေဝသ ခန့်မှန်းသူ ဦးဝင်းနိုင်ရဲ့ အသေးစိတ် အင်တာဗျူး
https://m.facebook.com/story.php?story_fbid=780965586934929&id=100050644832324&mibextid=Nif5oz

မိုးလေဝသ ခန့်မှန်းသူ မစုစုစံရဲ့ သတိပေးချက်
(မုန်တိုင်းသတင်းများကို su su san page မှာ အချိန်နဲ့ တစ်ပြေးညီ တင်ပေးနေပါတယ်။)
https://m.facebook.com/story.php?story_fbid=1565803507246950&id=100014519469601&mibextid=Nif5oz

မုန်တိုင်းမတိုက်ခတ်မီ၊ တိုက်ခတ်စဉ်၊ တိုက်ခတ်ပြီး အချိန်များတွင် လုပ်ဆောင်ရန်
https://m.facebook.com/story.php?story_fbid=1956026664751736&id=100010332636450&mibextid=Nif5oz

ယခု post ကိုလည်း အချိန်မလွန်ခင် အန္တရာယ်ရှိတဲ့ ဒေသက လူတွေဆီရောက်အောင် မျှဝေပေးဖို့တောင်းဆိုပါရစေ။

ဟုတ်သော်ရှိ မဟုတ်သော်ရှိ သတိရှိကြပါနော်

13/05/2023

https://zoom.earth/storms/mocha-2023/

ဆိုင်ကလုန်း Mocha မုန်းတိုင်း ရဲ့ Google Earth Live View ပါ။

Live tracking map, satellite images and forecasts of Cyclonic Storm Mocha 2023 (Mocha) in the Bay of Bengal. Current wind speed 205km/h. Max 220km/h.

02/05/2023

AI Chatbot တွေရဲ့ အန္တရာယ်က ပိုကြောက်စရာကောင်းလာပြီလို့ မှတ်ဉာဏ်တုနည်းပညာရဲ့ ခေါင်းကိုင်ဖခင်ကြီး သတိပေး

မှတ်ဉာဏ်တုနည်းပညာရဲ့ ခေါင်းကိုင်ဖခင်ကြီးလို့ တင်စားကြတဲ့ ဂေါ့ဖရေးဟင်တန်ကတော့ AI Chatbot တွေရဲ့ အန္တရာယ်က ပိုကြောက်စရာကောင်းလာပြီလို့ သတိပေးခဲ့ပြီး ဂူဂဲလ်ကုမ္ပဏီကနေ အလုပ်ထွက်သွားခဲ့ပါပြီ။ ဂေါ့ဖရေးဟင်တန်ဟာ နယူးယော့ခ်တိုင်းမ်သတင်းစာမှာ အလုပ်ထွက်ကြောင်း ကြေညာခဲ့တာဖြစ်ပြီး သူ လုပ်ခဲ့တဲ့ အလုပ်အတွက် နောင်တရမိတယ်လို့လည်း ဆိုပါတယ်။

ဂေါ့ဖရေးဟင်တန်ဟာ ChatGPT လို မှတ်ဉာဏ်တုနည်းပညာစနစ်မျိုး ပေါ်ပေါက်လာစေမယ့် deep learning နဲ့ neural network ( ရရှိလာတဲ့ သတင်းအချက်အလက်တွေကို လူ့ဦးနှောက်အတိုင်း ခွဲခြမ်းစိတ်ဖြာ ဆောင်ရွက်နိုင်အောင် ကွန်ပျူတာကို သင်ကြားပေးမှု) သုတေသနတွေကို ဦးဆောင်ဦးရွက် ပြုခဲ့သူပါ။

'' ကျွန်တော် သိသလောက်ဆိုရင် လောလောဆယ်တော့ AI Chatbot တွေက ကျွန်တော်တို့ ဉာဏ်ရည်ထက် မသာသေးပါဘူး။ ဒါပေမဲ့ သိပ်မကြာခင် သူတို့ ပိုသာသွားနိုင်ပါတယ်။ လက်ရှိမှာ GPT-4 လို ပရိုဂရမ်က လူသားတွေထက် အထွေထွေဗဟုသုတတွေ ပိုမှတ်သားနိုင်တာ တွေ့နေရပါပြီ။ လူသားတွေလောက် ယုတ္တိကျကျ မစဉ်းစားတတ်သေးပေမဲ့ ဆက်စပ်စဉ်းစားတာမျိုး လုပ်နိုင်နေပါပြီ။ ဒီအတိုင်း ဆက်တိုးတက်နေမယ်ဆိုရင် အချိန်တိုအတွင်း အများကြီးတိုးတက်လာမယ်။ ဒါက စိုးရိမ်ရမယ့်ကိစ္စပါပဲ'' လို့ ဂေါ့ဖရေးဟင်တန်က ဆိုပါတယ်။

ဂေါ့ဖရေးဟင်တန်ဟာ ဗြိတိန်-ကနေဒါနှစ်နိုင်ငံသား ခံယူထားသူဖြစ်ပြီး မှတ်ဉာဏ်ပိုင်းဆိုင်ရာ စိတ်ပညာရှင်၊ ကွန်ပျူတာသိပ္ပံပညာရှင် ဖြစ်ပါတယ်။ မကောင်းကြံသူတွေက မကောင်းတဲ့ကိစ္စတွေအတွက် AI ကို အသုံးချဖို့ ကြိုးစားလာနိုင်တယ်လို့လည်း ဂေါ့ဖရေးဟင်တန်က သတိပေးခဲ့ပါတယ်။

'' အဆိုးရွားဆုံးဖြစ်ရပ်၊ အိပ်မက်ဆိုးလို ဖြစ်ရပ်မျိုးပေါ့ဗျာ။ ဥပမာပြောရရင် ရုရှားသမ္မတ ပူတင်လို လူမျိုးက စက်ရုပ်တွေကို သူတို့ကိုယ်ပိုင် ရည်မှန်းချက်တွေ ပုံဖော်ဖန်တီးနိုင်အောင် လုပ်လိုက်တာမျိုးပေါ့'' လို့ ဂေါ့ဖရေးဟင်တန်က ဆိုပါတယ်။

'' ကျွန်တော်တို့ ဖန်တီးမွမ်းမံနေတဲ့ ဉာဏ်ရည်က ကျွန်တော်တို့လူသားတွေရဲ့ ဉာဏ်ရည်နဲ့ ကွာခြားပါတယ်။ ကျွန်တော်တို့က ဇီဝစနစ်၊ သူတို့က ဒီဂျစ်တယ်စနစ်ပါ။ အဲဒီနှစ်ခုကြား အဓိက ကွာခြားချက်ကတော့ အများကြီးပုံတူပွားလိုက်နိုင်တာပါပဲ။ အဲဒီပုံတူစက်ရုပ်တွေက သီးခြားစီလေ့လာနိုင်ပြီး အချင်းချင်း ပြန်ဝေမျှပေးနိုင်စွမ်း ရှိတာပါပဲ။ သဘောကတော့ လူ ၁၀၀၀၀ ရှိပြီး လူတစ်ယောက်က ပညာရပ်တစ်ခုခုကို လေ့လာသင်ယူနိုင်ပြီဆိုတာနဲ့ တခြားသူတွေကပါ အဲဒီပညာရပ်ကို အလိုအလျောက် တတ်မြောက်သွားတာမျိုးပါ။ ဒါကြောင့်ပဲ အဲဒီ chatbot တွေက လူသားတစ်ယောက်ထက် အများကြီး ပိုသိနေတာမျိုးပါ'' လို့ ဒေါက်တာဂေါ့ဖရေးဟင်တန်က ဆိုပါတယ်။

Ref: AI 'godfather' Geoffrey Hinton warns of dangers as he quits Google
Team ( ရိုးရာလေး)

02/05/2023

စကားချီး
========

ဒေါက်တာတဂိုး၏ ရာပြည့်နှစ်ပွဲတွင် ထုတ်ဝေအပ်သော ဆန်းစသော်တာသည် ဤဆရာကြီးပင်လျှင် ဗင်္ဂါလီစကားဖြင့် ရေးသားသော ကလေး (Shishu ရှိရှု ) ခေါ် ကဗျာစုမှ အင်္ဂလိပ်လို သူ ကိုယ်တိုင် ပြုပြင်ပြန်ဆိုကာ ဆန်းစသော်တာ (The Crescent Moon) ဟု အမည်သစ်ဖြင့် ၁၉၁၄ ခုနှစ်တွင် ထုတ်ဝေသော ကဗျာစု ဖြစ်ပါသည်။

ထိုနည်းတူစွာ အခြားကဗျာများမှာလည်း ဗင်္ဂါလီစကားဖြင့် ရေးသားပြီးနောက် ဒေါက်တာတဂိုးသည် မိမိကိုယ်တိုင်နှင့် မိတ်ဆွေ အချို့၏ အကူအညီဖြင့် ပြုပြင်ပြန်ဆို ထုတ်ဝေသော ကဗျာစု ဖြစ်ပါသည်။ ထိုကဗျာစုတွင် ဂီတဉ္ဇလီမှ ၅ ပုဒ်၊ ဥယျာဉ်မှူးမှ ၂ ပုဒ်၊ သစ်သီးကောက်မှ ၄ ပုဒ် ပါသည်။

ဒေါက်တာတဂိုးသည် ကမ္ဘာကျော်နိုဗဲလ်ကို ဂီတဉ္ဇလီဖြင့် ဆွတ်ခူးခဲ့ရကား၊ ဘာသာပြန်ဆိုသူသည် အဘယ်ကြောင့် ဂီတဉ္ဇလီကဗျာစုကို မပြန်ပဲ ဆန်းစသော်တာကို အသားပေးပြန်သည်ကို စာဖတ် ပရိသတ်က သိကောင်း သိချင်မည်။ အဖြေကား ပြန်ဆိုသူသည် ဒေါက်တာတဂိုး၏ အကျော်ဆုံးစာပေကို မပြန်ဆို၊ မိမိ၏ မူလတန်းမှ ဆယ်တန်းအထိ တပည့်တို့နှင့် အသင့်တော်ဆုံး စာပေကို ပြန်ဆိုပါသည်။ မြန်မာဘာသာပြန်ကို ပထမဖတ်ပြပြီး နောက်အင်္ဂလိပ်မူရင်းကို ဖတ်ပြခြင်းဖြင့် တပည့်တို့သည် စာပေကို နှစ်ခြိုက်နိုင်ခြင်းနှင့် အင်္ဂလိပ်စာကို ပိုမိုတတ်ကျွမ်းခြင်းတို့ကို တချက်ခုတ် နှစ်ချက်ပြတ် ဆိုသလို ရည်ရွယ်ပါသည်။

ဆန်းစသော်တာကို ၁၉၃၅ ခုနှစ် လောက်မှ စ၍ ပြန်ဆိုပါသည်။ ထိုပြန်ဆိုသော စာမူမှ ၁-၁၀-၄၁ နေ့စွဲဖြင့် ပုံနှိပ်မူတဖောင်သာ ဘာသာပြန်သူ၏ လက်ဝယ် ကျန်ရှိပါသည်။ အကြောင်းကား ထိုစာကို ရိုက်ဆဲ၌ ရန်ကုန်သည် ဂျပန့်ဗုံးစာ ဖြစ်၍တည်း။ ၁၉၅၃ ခုနှစ် နိုဝင်ပါလတွင် ဘာသာပြန်သူသည် တိုင်းပညာဝန် အဖြစ်ဖြင့် မိမိကျောင်းဆရာကြီး လုပ်ခဲ့သော မကွေးမြို့သို့ ရောက်ရှိသွားရာ၊ ဆရာတဦး၏ လက်မှ ဆန်းစသော်တာ ၄-၅ ပုဒ်ကို ရရှိပါသည်။ ထိုအခါမှပင် ထို ဆရာတစု၏ အားပေးမှုဖြင့် ဆန်းစသော်တာကို ထပ်မံပြန်ဆိုဖြစ်ပါသည်။ (ဆန်းစသော်တာ၏ လောကဓံ အဖြစ်အပျက်ကို မကွေးလက်ဆောင် ခေါ် ဆောင်းပါးတွင် အသေးစိတ် ရေးထားပါသည်။

ဂျပန့်ဗုံးမှ လွတ်ကင်းသော စာတဖောင်မှ ဒေါက်တာတဂိုး၏ အတ္ထုပ္ပတ္တိမှာ ရင်အုပ်မက္ခာဟူသော စကားနှင့် တခြားစီရှိအောင် ဝေးလံ အေးစက်လှသဖြင့် ရင်တွင်းမှ ထုတ်နှုတ်ကာ အသစ်တဖန် ရေးပါအံ့။

ရဗိန္ဒြနာထ်ဌာကုရ် ခေါ် ရဗင်ဒြနတ် တဂိုးကို ခရဇ်ယန်သကရဇ် ၁၈၆၁ ခုနှစ် မေလ ၆ ရက်နေ့တွင် ဖွားမြင်၏။ အလွန်များသော သားသ္မီးတို့အနက် သူကား နှောင်းဖွားတည်း။ အဖဖြစ်သူအား သူ၏ မြင့်မြတ်သော အကျင့်ကြောင့် မဟာရသေ့ဟု ခေါ်ကြ၏။ အဖိုးဖြစ်သူ ဒွါကန်နတ်တဂိုးမှာ ထိုအခါက အလွန် ကျော်စောသော ပုဂ္ဂိုလ် မွန်ရာဂျာရမ်မိုမာန်ရွိုင်နှင့် ဟိန္ဒူအယူကို ပြုပြင်သူတဦး ဖြစ်သည်။

ရဗင်သည် ကျောင်းတွင် စာသင်ပါလည်း မပျော်မွေ့၍ အကျိုးမများ၊ အိမ်တွင်ဖတ်အံ့မှုဖြင့်သာ တိုးပွားသည်။ ၁၇ နှစ်အရွယ်တွင် ဗိလတ်သို့ စာသင်သွားသောအခါ သူကား ဗင်္ဂါလီစာဆိုကလေး ဖြစ်ပြီ။ တနှစ်မျှ နေ၍ ပြန်လာပြီးနောက် ၂၂ နှစ်အရွယ်တွင် အိမ်ထောင်ကျသည်။ အသက် ၃ဝ အရွယ်တွင် အနောက်နိုင်ငံသို့ ဒုတိယအကြိမ် ခေတ္တမျှသွားကာ ဂျာမန်စာနှင့် ဥရောပဂီတကို အနည်းငယ် သင်ယူခဲ့သည်။ ဖခင်၏ ညွှန်ကြားချက်အရ ရှလိုင်ဒါ အရပ်၌ ဘိုးဘွားပိုင် လယ်မြေကို ဦးစီးရင်း စာပေကို ဆက်လက်ရေးသားသည်။

အခါကား အိန္ဒိယ အမျိုးသားတို့သည် အင်္ဂလိပ်နှင့် နိုင်ငံရေး စစ်ထိုးချိန်။ ရဗင်ကား နိုင်ငံရေးသမား၊ အပြောသမားတို့ကို စက်ဆုတ်သူ။ ထို့ကြောင့် ၁၉ဝ၁ ခုနှစ်တွင် တိုင်းပြည်ကို အမှန်တကယ် ပြုစုပျိုးထောင်မည့် လူသစ်မွေးရန် ကျောင်းထောင်သည်။ မိမိလူမျိုးတို့က အနောက်တိုင်းဆန် (ဗိုလ်ဆန်) သော ခေတ်၌ မိမိက ရွှေခေတ်ဟောင်းကို အောက်မေ့ကာ၊ ကလကတ္တားနှင့် မိုင် ၉ဝ မျှဝေးသော ဗိုပေါဘူတာကလေး အနီးရှိ ဘိုးဘွားပိုင် လယ်ကွက်ကြီးတွင် တောရကျောင်းကို တည်ခြင်းဖြစ်၏။ ထိုနေရာ၌ ဖခင်မဟာရသေ့သည် သန္တိနိကေတန် (သုခရိပ်မြုံ ) အမည်ဖြင့် ကျောင်းဆောက်လုပ် နေထိုင်စဉ်ဖြစ်၏။ နိုင်ငံခြား အုပ်စိုးသူများ မျက်စိစပါးမွှေး စူးသော ဤကျောင်းကို အမျိုးသားတို့ကလည်း လျစ်လျူရှုသဖြင့် မိမိ၏ ဝေစု အမွေနှင့် စာရေးရသမျှ ငွေတို့ကို ကျောင်းတွင် အသုံးပြုရသည်။ မိမိ၏သားပါမှ လေးယောက်မျှဖြင့် ထောင်သော ကျောင်းသည် အကျွန်ုပ် ရောက်ရှိသော ၁၉၃၈ ခုနှစ်တွင် လေးရာကျော်မျှ ရှိလာကာ၊ ကမ္ဘာအရပ်ရပ်မှ ကဝိများခိုအောင်းရာ ဌာနကြီး ဖြစ်လာပေပြီ။ တရုပ်စာနှင့် တိဗက်စာကို လေ့လာရန် တရုပ်ကျောင်း အဆောက်အအုံ တခုကို စာအုပ်စာတန်းနှင့်တကွ တရုပ်အစိုးရတို့က လှူတန်းသည်။ နာမည်ရလာသောအခါ အိန္ဒိယအမျိုးသားတို့ကလည်း တစ တစ ကူညီကာ ဟင်ဒီကျောင်းဆောင်ကို ဆောက်လုပ်သည်။ ထိုကျောင်းကို တည်ထောင်ရာ၌ သူကျောင်းနေစဉ်တွင် တွေ့ရှိခဲ့ရသော ချုပ်ချယ်မှုအတိရှိသော သာမန်ကျောင်းမျိုးတွင် သူ မပျော်မွေ့နိုင်သကဲ့သို့ စိတ်ဆင်းရဲသော ရာထောင်မကသော ကလေးတို့ ပျော်နိုင်ရန် အလို့ငှါ၊ စံနမူနာကျောင်း ဖြစ်ရေးကို မြော်တွေးသည်။ ထိုကျောင်း၌နေသော ကျောင်းသူ ကျောင်းသားတို့သည် လောဘ ဒေါသကင်းသော ပတ်ဝန်းကျင်ဝယ်၊ လောကီ လောကုတ် နှစ်ဖြာသော စီးပွါးကို အားထုတ်နိုင်ရေးနှင့်၊ ကမ္ဘာအရပ်ရပ်မှ ပညာရှိသုခမိန်တို့ စုဝေးသော ကမ္ဘာ့တက္ကသိုလ် ဖြစ်လာရေးကို ရည်ရွယ်သေးသည်။ ထိုရည်ရွယ်ချက်များသည် ၁၉၂၁ ခုနှစ် လောက်ကပင် အောင်မြင်လာသည်။ သို့ရာတွင် လွယ်လွယ်ကူကူကား မဟုတ်ချေ။

၁၉ဝ၁ ခုနှစ်မှ ၁၉၂၁ ခုနှစ် ဤအနှစ်နှစ်ဆယ် အတွင်းဝယ် ဂုရုဒေဝဟု တပည့်သားတို့က ခေါ်လာစပြုသော ဒေါက်တာတဂိုးကား လောကဓံတရားကို သာမန်လူများထက် တွေ့ကြုံခံစားရရှိသည်။

၁၉ဝ၂ ခုနှစ်တွင် ချစ်ဇနီး ဆုံးသည်။ ဇနီးချစ်ကို ပြုစုနေစဉ် ရေးသော ကဗျာတပုဒ်ကို တင်ပြပါရစေ။

ပစ်မသွားနှင့် အချစ်ကယ်

ခွင့်မပန်ပဲ၊ ပစ်မသွားနှင့်အချစ်ကယ်။
တညဉ့်လုံးငုတ်တုတ်မို့ မောင်မျက်စိဟာ
အိပ်ချင်မှုဖြင့် လေးလံနေပြီ။
တမှေးမှိတ်ခိုက် ခင့်ကိုဆုံးမှာ ကြောက်ပါသည်။
ခွင့်မပန်ပဲ၊ ပစ်မသွားပါနှင့်အချစ်ကယ်။

မောင်ပြန်နိုးတော့ ခင့်ကို လက်ဖြင့်စမ်းတယ်။
အိပ်မက်နေလားလို့ ထင်မှားမိတယ်။
ခင့်ခြေအစုံကို မောင်နှလုံးနှင့် ရစ်ပတ်ကာ။
မောင့်ရင်ခွင်မှာ ပိုက်ထားနိုင်စမ်းချင်တယ်။
ခွင့်မပန်ပဲ၊ ပစ်မသွားနှင့် အချစ်ကယ်။

(ဥယျာဉ်မှူး အမှတ်၃၄)
Min
Min Yu
သေဆုံးသောအခါ၌ ရေးသော စမောရန်ခေါ် သတိရကဗျာ တခုမှာ အထူးသိမ်မွေ့လှပ၍ အင်မတန်ကြေကွဲဖွယ် ကောင်း၏။ အထက် ကဗျာကို သေခါနီး ပရိဒေဝမီး တောက်လောင်ရာမှ မွေးဖွားပေရာ၊ ပဋာမြေလူးသော စိတ်မျိုး ထင်ပေါ်ချေသည်။ အောက်ပါ ဒုတိယ ကဗျာ၌ ဘုရားနှင့်တွေ့၍ သတိသံဝေဂ ရသော စိတ်မျိုး ထင်ပေါ်ပေသည်။ မေတ္တာပန်းနှစ်ပွင့် ဆိုကြပါစို့။

ကျေးဇူးစကား

မယားဝတ် ကျေပြွန်သူကို ကျေးဇူးဆပ်ရန်မဖြစ်တော့ပြီ။
ဘဝအမှောင်မှ လွတ်မြောက်သူမှာ အလင်းကိုရပြီ။
အရှင်လည်းသူ့အား ရင်ခွင်ဝယ်ထားပြီ။

ထို့ကြောင့် သူ့အဖို့ ရည်စူးသော အကျွန်၏ ကျေးဇူးတရားနှင့် လက်ဆောင်များကို အရှင့်ထံမှောက်သို့ အရောက်ယူလာသည်။

သူ့ကိုဂရုမထား ပစ်မှားမိသည်ကို ခွင့်လွှတ်ပါရန် အရှင့်ထံ လာ၍တောင်းပန်ပါသည်။

ပွင့်အာရန်သူစောင့်မျှော်စဉ်က အငုံမျှ ရှိသေးသော အကျွန့်မေတ္တာပန်းတို့ကို အရှင်၏ သာသနာအဖို့ ပူဇော်ပါ၏။

(သစ်သီးကောက် အမှတ် ၄၆)

၁၉ဝ၄ တွင် အယ်မိုရာ နွေရာသီ တောင်စခန်း၌ အဆုတ်နာဖြင့် သေအံ့ဆဲဆဲရှိသော သမီးငယ်ကို ပြုစုရပြန်သည်။ ထိုအခိုက် ဆန်းစသော်တာ ကဗျာစုကို ရေးသည်။ သူငယ့်အာဘော်ဟု အမည်တပ်၍ အကျွန်ုပ် သီးသန့်တစုခွဲထားသော ကဗျာ ၁၉ ပုဒ်ကို သမီးအား အပျင်းဖြေရန် ရေးသည်။ ကျန် ၂၁ ပုဒ်ကို၊ အထူးသဖြင့် တဖန်ခေါ်ခြင်းကို၊ မိမိ၏ပူဆွေးမှုကို နှစ်သိမ့်ရန် ရေးသည်။

၁၉ဝ၅ ခုနှစ်ကား ဗင်္ဂလားပြည်ကို နှစ်ခြမ်းခွဲရန် အင်္ဂလိပ်အစိုးရ၏ စီမံမှုကြောင့် ဗင်္ဂလားတပြည်လုံး မီးတောက်နေသည်။ ထိုအခါလောက်မှ တဖန် ပြန်လည် ပြုစုပျိုးထောင်နေသော ဗင်္ဂါလီစာပေ နစ်နာမည်ကို စိုးရိမ်ပြင်းပြစွာဖြင့် နိုင်ငံရေးတွင် ဝင်ရောက်ကန့်ကွက်သည်။ တဂိုးအတ္ထုပ္ပတ္တိကို ရေးသော ဆရာကြီးသော်မဆင်၏ အဆိုမှာ ထိုအချိန်၌ တဂိုးလောက် ပေါက်ရောက်သော ပစပ်၊ သူတမျှ ထက်မြက်သော ကလောင် အိန္ဒိယ တပြည်လုံးတွင် မရှိ။ ဤအခါ၌ တဂိုးရေးသော နိုင်ငံရေးစာပေအကောင်းဆုံးတို့နှင့် ယှဉ်နိုင်သောစာပေ အင်္ဂလိပ်၌ အတော်ရှား၏။ သို့သော် နိုင်ငံရေးဆောင်ရွက်သူတို့နှင့် လူထု၌ ခန္တီတရား နည်းပါးမှုကြောင့် သွေးထွက်သံယို ဖြစ်ရသည်ကို စက်ဆုပ်၍ နိုင်ငံရေးကိုစွန့်ကာ သန္တိနိကေတန်သို့ ပြန်ပြေး၏။ ထိုအခါ တပြည်လုံး၏ မျက်မုန်းကျိုးမှုကို ခံစားရရှိသည်။ ဒေါက်တာတဂိုးကား နိုင်ငံရေးဇာတ်သိမ်း၍ ဝိပဿနာပွားရင်း စာသင်စာရေးသည်။

၁၉ဝ၉ ခုနှစ်တွင် ဂီတဉ္ဇလီနှင့် တကွ သန္တိနိကေတန် (၁၉၀၉-၁၆) ခေါ် ကျောင်းမိန့်ခွန်းများကို ရေးသည်။ စာတိုက်ပြဇာတ်နှင့် အခြား ပြဇာတ်တို့ကိုလည်း ရေးသည်။

၁၉၁၂ ခုနှစ်၊ ၄၉ နှစ် အရောက်တွင်၊ မမာမကျန်းဖြစ်၍ ရေပြောင်းမြေပြောင်း ကိန်းအောင်းနားနေရန်နှင့် ခွဲစိတ်ကုသရန် နိုင်ငံခြားသို့ တတိယအကြိမ် ခရီးထွက်သည်။ ဤအခါကား အသက်၏ နောက်ဆုံးခရီးလည်း ဖြစ်ချင်ဖြစ်မည်ဟု အထင်ရှိသော ကဝိမွန်သည် မသွားခင် တဉဉ့်တွင် မှန်အိမ်မီးခွက်ငယ်ဖြင့် သန္တိနိကေတန် ဆရာကြီးငယ်တို့၏ အိမ်ပေါက်စေ့ သွားရောက်၍ အောက်ပါကဗျာကို ရွတ်ကြောင်း၊ ထိုကျောင်းကိုရောက်စဉ် ကြားခဲ့ရသည်မှာ အင်မတန်ကြေကွဲစရာ ကောင်းချေသည်။

နှုတ်ဆက်စကား

ငါသွားခွင့်ရပြီ။ ဦးညွတ်ကာ သင်တို့အား ငါနှုတ်ဆက်သွားလိုသည်၊ ငါ့အားမေတ္တာပို့ပါလေ၊ ညီနောင်တတွေ။

သည်မှာ ငါ၏အိမ်သော့ကိုပြန်ပေးခဲ့သည်။ ပိုင်ဆိုင်ခွင့်အားလုံးကိုငါစွန့်ပြီ၊ သင်တို့ထံမှ အကြင်နာစကားကိုသာ နောက်ဆုံး တောင်းဆိုပါသည်။

ငါတို့သည်ကြာမြင့်စွာ အိမ်နီးချင်းဖြစ်ကြရာ ငါကား အပေးထက် အယူများချေသည်။ ယခုအခါ နံနက်ရောင်ခြည်လာ၍ ငါ၏အမှောင်ထောင့်ကွေးကို ထွန်းသောမှန်အိမ်ငြိမ်းပြီ။ ဆင့်စာ လာပြီ။ ငါလည်းသွားရန် အသင့်ပင်။

ဗိလတ်၌ ဆေးကုစဉ် ကမ္ဘာကျော် နိုဗယ်စာပေဆုကို ရမည်ဟု လည်းကောင်း၊ နောက်ကို အနှစ်သုံးဆယ်မျှ နေရဦးမည်ဟု လည်းကောင်း၊ သူမသိရှာ။ အရက်သုံးဆယ်မျှ နေရပါ့မလားဟူသော စိတ်ထားနှင့် အထက်ပါနှုတ်ဆက်စကားဖြင့် မိမိ၏သန္တိနိကေတန်ကျောင်းတွင် လုပ်ဖော်ကိုင်ဖက်တို့ကို နောက်ဆုံးနှုတ်ဆက်မှု ပြုခြင်းပင်တည်း။

ဗိလပ်မှ အမေရိကသို့ သွားသည်။ ၁၉၁၃ ခုနှစ် အပြန်တွင် နိုဗယ်ဆုရသည်။ ဆွီဒင်ပြည်သား၏ ထိုနိုဗယ်ဆုသည် ရွှေဒင်္ဂါး ရှစ်ထောင်ဖြစ်သည်။

နောက်နှစ်ကြိမ် ကမ္ဘာ့ခရီးသည်အဖြစ် ခရီးထွက်သေးသည်။ ၁၉၁၆-၁၇ တွင် အမေရိကနှင့် ဂျပန်ပြည်ကို ရောက်သည်။ ၁၉၂ဝ-၂၁ နှစ်တွင် အမေရိကနှင့် ဥရောပတိုက်ကို သွားသည်။ ၂၄-၂-၁၉၂၄ တွင် မြန်မာပြည်သို့ ရောက်လာကာ ယခုဂါဒီယန်သတင်းစာတိုက်တွင် တည်းခိုသည်။

ဤနှစ်တရာပွဲ၏ လုပ်ငန်းတရပ်မှာ ဒေါက်တာတဂိုး တည်းခိုခဲ့သော ဂါဒီယန်းသတင်းစာတိုက်တွင် အထိမ်းအမှတ် ကျောက်ပြားတခု ထားရန်နှင့် ၎င်းတွင် ဂီတဉ္ဇလီ ၆၃ ပါ ဤပညာရှင်၏ အောက်ပါ စကားကို ရေးသားရန်ဖြစ်သည်။

မသိသူ – သိရေး၊ အရှင်တွေးကြံစည်၊
သူစိမ်းအိမ်မြင့်၊ တည်းခွင့်ဖန်ပြီ၊
ဝေးသူနီးအောင်၊ ကြံဆောင်တလီ၊
တပြေသား၊ ပြုသားကျွန့်နောင်ညီ။

ဤကဝိမွန်ကား စာပေ အမျိုးမျိုးကို ရေးသားခဲ့ပြီ အထက် အဆိုပါ စကားပြေ ကဗျာများ၊ မိမိ ကျောင်းသူ ကျောင်းသားတို့ သီဆိုကပြရန် ပြဇာတ်များ၊ ကမ္ဘာသားစိတ်ထားဖြင့် ရေးသားသော အစမ်းစာများ၊ ဝတ္ထုတိုများ၊ ဝတ္ထုရှည်များ၊ ကျောင်းသုံး စာအုပ်များ၊ သီချင်းများ စသည်တို့မှာ များပြားလှ၏။ အသက် ခုနစ်ဆယ်နီးမှ ပန်းချီအတတ်ကို လေ့ကျင့်ပြန်ရာ ၁၉၄ဝ ပြည့်နှစ်အခါ၌ ရုပ်ပုံပေါင်းများစွာ ရေးဆွဲပြီးခဲ့၍၊ လန်ဒန် ပါရစ် ဗာလင် မော့စကို စသောအံ့ပွဲများ၌လည်း တင်ပြခဲ့လေပြီ။ ကဝိမွန် ရေးသားသော စာပေများကို ယဉ်ကျေးသော တိုင်းပြည်တိုင်းလိုလိုပင် ဘာသာပြန်ဆိုထားပြီး ဖြစ်သော်လည်း၊ မြန်မာဘာသာနှင့် ပြန်ဆို၍ကား စာတအုပ်မျှ မရှိသေးချေ။ ဤစာကိုပင် ဗင်္ဂါလီမူရင်းမှ ပြန်စွမ်းနိုင်သော သတ္တိအားမရှိ၊ အင်္ဂလိပ်စာမှတဆင့်ခံ ပြန်ယူရပါသည်။ သို့ပြန်ယူရာ၌ ဗင်္ဂါလီမူရင်းနှင့် ညှိနှိုင်းနိုင်စွမ်းရှိအောင် ထိုစာကို တတ်အားသရွေ့ လေ့လာပါသည်။

ကန်ရေကဲ့သို့ ရှိနေသော မြန်မာစာပေကို နိုင်ငံခြားစာပေ ရေသစ် သွင်းရန်မှာ အရေးကြီးပါသည်။ ဤစကားကို ကဝိမွန်၏ မိန့်ဆိုချက်ဖြင့် ထင်လင်းစေအံ့။
Min
Min Yu
လူမျိုးတိုင်း၌ မိမိတို့၏နှလုံးအိမ်တွင် ကဗျာရှိ၍ ထိုကဗျာစိတ်ကူးကို ကျနစွာ ထုတ်ဖော်နိုင်ရန် အရေးကြီးသည်။ သို့ထုတ်ဖော်နိုင်ရန်မှာ ထိုလူမျိုးတို့၏ ဘာသာစကား အရေးအသားသည် ကျပ်တည်း တင်းမာခြင်းမှ ကင်းဝေးရမည်။ တခြားဘာသာ၏ ရေးထုံးကို မိမိကိုယ်ပိုင်ရေးထုံး ဖြစ်လာနိုင်ရန် ရုန်းကန် ညွှတ်ပျောင်းသော သတ္တိအားရှိရမည်။ ဘာသာတိုင်းသည် ပြောင်းလဲခဲ့၍ ပြောင်းလဲဆဲရှိနေသည်။ အပြောင်းအလဲကို ငြင်းပယ်တင်းခံသော ဘာသာကား ပျက်စီးဆုံးရှုံးချေမည်။

အကျွန်ုပ်တို့ မြန်မာစာ စကားမှာလည်း ကျပ်တည်း တင်းမာခြင်းမှ ကင်းဝေးကာ ရုန်းကန် ညွှတ်ပျောင်းသော သတ္တိအားရှိသဖြင့်သာ၊ ဤမျှ စိတ်ကူးအံ့ဖွယ် ဆန်းကြယ်သော ဆန်းစသော်တာကို ဘာသာပြန်ဆိုနိုင်ပါသည်။ ကမ္ဘာပေါ်ရှိ မိခင်တိုင်းနှင့် သားတိုင်း၏ နှလုံးအိမ်၌ရှိသော မေတ္တာစမ်းရေကို ဖော်ပြရန် မိခင်နှင့် သူငယ်၏ ပစပ်တွင်းသို့ ထည့်သွင်းလိုက်သော ကဝိမွန်၏ စိတ်ကူးတို့မှာ ကမ္ဘာပေါ်ရှိ အဘယ်စာပေနှင့်မဆို နှိုင်းယှဉ်လောက်အောင် လှပတင့်တယ်ပေသည်။

ပင်ရင်းစာ၏ အာဘော် ပေါ်ရုံမျှကိုသာ အားမစိုက်ပဲ၊ ၎င်း၏ လှပသောအသွင်နှင့် တိုက်ရိုက် အဓိပ္ပါယ်တို့ကို အရေးထား ပြန်ဆိုပါသည်။ သို့ပြန်ဆိုခြင်းဖြင့် ကဝိမွန်၏ အထက်ပါ မိန့်ခန်းနှင့်မခြား၊ တခြားဘာသာ၏ ရေးထုံး အသုံးအနှုန်း တို့သည်၊ အဦး အစ၌ နားဆန်းသလို ရှိလည်း၊ တခြား ပညာရှင်တို့ပါ ဝိုင်းဝန်း၍ အသုံးပြုခြင်းဖြင့် သုံးဖန်များသော် အကျွန်ုပ်တို့ မြန်မာကိုယ်ပိုင် ရေးထုံး ဖြစ်လာမည်ဟု အကျွန်ုပ် ယုံကြည်ပါသည်။

စကားစပ်မိ၍ ပြောလိုသည်မှာ -

ဘာသာပြန်သူသည်၊ ဗင်္ဂါလီစကားသင်ရင်း စကားပွင့်ကို ဗင်္ဂါလီ မူအတိုင်းတပုဒ်လျှင် ရှစ်ကြောင်း၊ စာကြောင်းအဆုံးတွင် နှစ်ကြောင်းလျှင် တကာရန်ဖြင့် စပ်ဆိုထားပါသည်။ ဆန်းစသော်တာကို ပထမပြန်ခဲ့သည်မှာ ၁၉၃၅ ခုနှစ်လောက်က ဖြစ်ပါသည်။ စကားပွင့် စာမူကား ဂျပန်ဗုံးမှ လွတ်သော စာမူတဖောင်တွင် ပါသည်။ 'တဖန်ခေါ်ခြင်း' ကို ယခုတဖန် ပြန်ဆိုရာ၌ မိမိရေးသော စကားပြေသည် လင်္ကာ ဆန်သည်ဟု စိတ်၌ရှိသဖြင့် လင်္ကာအဖြစ်ကို ပြုပြင်လိုက်ရာ အသွင်တမျိုး ထွက်လာပါသည်။ လင်္ကာတပုဒ်လျှင် စာ ၇ ကြောင်း၊ နောက်ဆုံး ၃ ကြောင်းမှာ ကာရန်တူ။ 'တဖန်ခေါ်ခြင်း' ကို ယခုတိုင် ဗင်္ဂါလီမူနှင့် တိုက်ဆိုင်၍ မကြည့်မိသေးပါ။

စိတ်ဝင်စားဖွယ် တရပ်မှာ၊ အင်္ဂလိပ် လက်ထက်၌ ဖွားမြင်သော ဒေါက်တာတဂိုးသည် အိန္ဒိယနှင့် မြန်မာပြည် ကိုလိုနီ ဘဝက ကြီးပြင်းလာသော သင်တို့ငါတို့ကဲ့သို့ တိုင်းရင်းစာကို ဘေးချိတ်၍ အင်္ဂလိပ်စာကိုချည်း လုံးပန်းခဲ့သူမဟုတ်။ အသက်ငါးဆယ် တိုင်အောင် အင်္ဂလိပ်စာ မရေး၊ သို့သော် သင်တို့ငါတို့တွင် အင်္ဂလိပ်စာကို အထက်တန်းကျကျ တတ်သူတို့လောက် အင်္ဂလိပ်စာပေကို ငယ်စဉ်ကတည်းက ဖတ်ခဲ့သူ ဖြစ်သည်။ အသက်ငါးဆယ်ကျော်မှ မိမိ၏ ဗင်္ဂါလီလင်္ကာတို့ကို ဘာသာပြန်လို၍ လည်းကောင်း၊ မိမိ၏စိတ်ကူး ဉာဏ်ယူတို့ကို ကမ္ဘာသို့ ဖြန့်ဖြူးလို၍ လည်းကောင်း၊ အင်္ဂလိပ်စာရေးစ ပြုလာသည်၊ ထမင်းစား ရေသောက်မှစ၍ နေ့စဉ်နေ့တိုင်း ရုံးသုံး အင်္ဂလိပ် စကားနှင့် အရေးတို့တွင်၊ ဒေါက်တာတဂိုးသည် သင်တို့ငါတို့လောက် မကျွမ်းကျင်ပါလည်း၊ အင်္ဂလိပ်စာကို စာပေခေါ်လောက်အောင် ရေးရာ၌ ထိုစာကို ထိပ်တန်းက တတ်သော သင်တို့ငါတို့ထက် လက်မြောက်သည်။ အမှန်ကိုဆိုသော် ဂျိုးဆက်ကွန်ရက်က လွဲလျှင် သူလောက် အင်္ဂလိပ်စာကို စာပေဝင်အောင် ရေးနိုင်အောင် နိုင်ငံခြားသား မရှိဟု ဆိုရပေမည်။

ဥပဒေသကား၊ အင်္ဂလိပ်စာသည် မြန်မာနှင့် အိန္ဒိယ လူမျိုးတို့အတွက် အထူးလိုအပ်သည်မှန်လည်း၊ ဤလွတ်လပ်သော ငါတို့ဘဝ၌ ကိုလိုနီ လက်ထက်က လိုနည်းမျိုးမလို။ ကိုလိုနီ လက်ထက်က ကိုယ့်စာမတတ်ပဲ သူ့စာနှင့်ပြီးသည်။ လွတ်လပ်သော ဤခေတ်၌ကား ကိုယ့်စာကို ဒေါက်တာတဂိုးလောက် မတတ်ပါလည်း အတော်အထက်တန်းကျကျ တတ်မြောက်ကာ။ သူ့စာကို ခတ်မြန်မြန်ဖတ်ပြီး နောက်အနက်ကို နှိုက်ယူနိုင်မှ အခြေလှမည်။ ဤသို့ဖြစ်နိုင်သည်ကို ဒေါက်တာတဂိုးက သက်သေခံလျက် ရှိပြီး။ သူ့လောက် တတ်ရမည် တတ်နိုင်သည် မဆိုလို။ အနည်းနှင့် အများ သူကဲ့သို့ တိုင်းရင်းဘာသာကို အထက်တန်းကျကျ တတ်ကြပြီးနောက် ကိုလိုနီဘဝ၏ ဆယ်ပုံတပုံမျှ အကျွန်ုပ်တို့ အချိန်မပေးသော အင်္ဂလိပ်စာကို ဖတ်နိုင်ခြင်း ဖတ်လိုခြင်း၊ အနက်ကို နှိုက်ထုတ်နိုင်ခြင်းတို့ကို တတ်စွမ်းနိုင်ပါသည်။ အခြား ဥဒါဟရုဏ် တခုဆောင်ရပါလျှင်၊ ဤလွတ်လပ်သော မြန်မာပြည်အဖို့ ဒေါက်တာဘမော်ကဲ့သို့ အင်္ဂလိပ်စာကို တရွှပ်ရွှပ်ပြောနိုင်သူ မလို၊ ကင်းဝန်မင်းကြီးကဲ့သို့ ကိုယ့်စာကို ထိပ်တန်းကတတ်၍ သူ့စာကို ဖတ်တတ်၊ အနက်နှိုက်ယူတတ်သူ အများအစားလိုသည်။ ကင်းဝန်မင်းကြီးသည် အင်္ဂလိပ်စကားပြောနှင့် အရေးကို လုံးပန်းသူမဟုတ်ပေ။

တနည်းအားဖြင့်ဆိုသော် အသက်ငါးဆယ်တိုင် အင်္ဂလိပ်စာ အဖတ်ကိုသာ အာရုံစိုက်၍ အရေးနှင့်အပြောကို မလေ့လာသော ဒေါက်တာတဂိုးသည် ကျွန်ခေတ်ဝယ် သခင်ပညာကို ရှာသူဖြစ်သည်။ ထိုနည်းဖြင့်သာ အချိန်ရှိသမျှ၌ ရှေးဟောင်းပညာကို မိမိစာဖြင့်၊ ခေတ်ပညာကို အင်္ဂလိပ်စာဖတ်ဖြင့် စုဆောင်း ရှာဖွေနိုင်ပေသည်။ အကျွန်ုပ်တို့ကား သခင်ဘဝ၌ အင်္ဂလိပ်စာကို ပြောတတ် ရေးတတ်လိုမှုကြောင့် ကျွန်ပညာသာ ရမြဲရချေသည်။ ရရှိသော ကျွန်ပညာပင်လျှင် ကိုလိုနီခေတ်က အဆင့်အတန်းကို မမှီဟု ညည်းညူကြ၏။ ဘကြီးမသာနှင့်လည်းလွဲ ထီးတင်ပွဲလည်းမမှီ ရှိချေ ပြီတကား။

အင်္ဂလိပ်စာကို အဖတ်ဘဝ၌ ထားသဖြင့် အပြောနှင့်အရေး လုံးဝ မတတ်ပဲ နေမည်မဟုတ်၊ အပြောနှင့်အရေးကို အသုံးပြုရန်အကြောင်း ရှိသူတို့သည် အဖတ် အခြေခံပေါ်ဝယ် အပြောနှင့် အရေးကို ကျင့်၍ ဗိလပ်ကို သွားခွင့်ရသောအခါ အပြောကိုကျင့်နိုင်မည်။ မသွားခင်က အင်္ဂလိပ်စကား ဓါတ်ပြား စသည်တို့နှင့် အစပျိုးနိုင်မည်။

အ‌ရှေ့နှင့် အနောက်နိုင်ငံတို့သည် နှစ်ပြားသောရွှေကို ဂဟေဖြင့် စပ်မိသကဲ့သို့ တပြားတည်းရှိနိုင်ရေးကို မြော်တွေးရည်ရွယ်ချက်ဖြင့် တသက်တာတွင် ပညာဆီမီးကိုထိန်ညီးစွာ ထွန်းပစေခဲ့သော ကဝိမွန်မှာ သေမင်းအား ခရီးဦးကြိုပြုရန် ဤအောက်ပါစာခွေဖြင့် အသင့်မြော်နေသည်မှာ အသက်လေးဆယ် အရွယ်မှ ဖြစ်ပါသည်။ အသက် ရှစ်ဆယ်ကျော်လွန်သော ၁၉၄၁ ခုနှစ် ဩဂုတ်လ ၇ ရက်နေ့တွင်မှ သေမင်းနှင့် တွေ့တော့သည်။

သေမင်းသည် သင်၏ တံခါးကို ခေါက်သော ထိုနေ့၌ သင်သည် သူ့အား ဘဟာကိုပေးအံ့နည်း။
Min
Min Yu
အို ငါသည် ငါ၏ ဧည့်သည်‌ရှေ့တွင် ငါ့အသက်၏ လှေပြည့်ဥစ္စာ ရတနာကို ထားအံ့။ သူ့အားလက်ချည်း ပြန်စေမည်မဟုတ်။ ငါ၏ ပျိုရွယ်သောအချိန်၌ ရှာဖွေအပ်သော ရတနာတို့ကို လည်းကောင်း၊ အိုမင်းသောအရွယ်တွင် ဆည်းပူးအပ်သောဘာဝနာတို့ကို လည်းကောင်း၊ သေမင်းသည် ငါ၏ အသက်ကုန်ရအံ့သောနေ့၌ ငါ၏ တံခါးကိုခေါက်သောအခါ သူ၏ရှေ့တွင် ငါထားအံ့။

(ဂီတဉ္ဇလီ အမှတ် ၉၀)

-----------
မောင်ဖြူး
၁-၂-၆၁
၅၁-ဗိုလ်ချုပ်လမ်း။
ရန်ကုန်မြို့။

=========
မှတ်ချက်

ဆန်းစသော်တာခေါင်းစဉ်ကို ဗင်္ဂါလီမူရင်းနှင့် တိုက်ဆိုင်ကြည့်ရာ၊ အတော်စိတ်ဝင်စားဖွယ်တွေ့၍ ဗင်္ဂါလီ ခေါင်းစဉ်အချို့ကို ကွင်းပိတ်၍ ယှဉ်ပြလိုက်ပါသည်။ အချိန်မရ၍ ကွဲခြားသောခေါင်းစဉ်တိုင်းကို မပြလိုက်နိုင်သည်ကို ဝမ်းနည်းပါသည်။

မောင်ဖြူး
၉- ၅- ၆၁