Mae Khwae - မယ်ခွေ ချစ်သက် လက်ဆောင် (2024)

18/04/2024

နှစ်သစ်မှာ အသွင်သစ်အမြင်သစ်နဲ့ မယ်ခွေရဲ့ Platinum Smooth ✨

မယ်ခွေရဲ့ First grade ထုတ်ကုန်ဖြစ်တဲ့ Platinum quality ထဲက Smooth ဆေးပေါ့လိပ်ကို ပုံစံအသစ် ၊ ဒီဇိုင်းအသစ်နဲ့ ထုတ်လုပ်ဖြန့်ချိထားပြီး အရသာပိုင်းမှာတော့ မူလအရသာအတိုင်း အပြောင်းအလဲမရှိ ချောမွေ့ညက်ညောလျက်ပါပဲ မယ်ခွေချစ်သူတို့ရေ.. 📣

ကွဲပြားခြားနားတဲ့ အိတ်အရောင် ဒီဇိုင်းကာလာလေးနဲ့ဆိုတော့ အရင်လို Smooth နဲ့ Strong မှာဝယ်မိတာမျိုးမဖြစ်စေပဲ တစ်ယောက်ဆိုတစ်ယောက် ပိတောက်ဆိုပိတောက်.. အရသာတစ်မျိုးတည်းကိုမှ စွဲစွဲမြဲမြဲသောက်သုံးတတ်တဲ့ မောင်ကြီးတို့အတွက်လည်း အရွေးမမှားတော့ဘူးပေါ့ ✅

မယ်ခွေချစ်သူများအားလုံး အသွင်သစ်၊ အမြင်သစ် Platinum Smooth လေးနဲ့အတူ နှစ်သစ်မှာ အစစအရာရာ ပိုမိုချောမွေ့အဆင်ပြေကြပါစေလို့ ဆုတောင်းရင်း..

ရှင်တို့အသဲစွဲ အမြဲသောက်တဲ့.. မယ်ခွေ 🖤

#ချစ်သက်လက်ဆောင်

06/10/2023

သဘာ၀ကျတဲ့ တင်ဆက်မှုတွေကိုသာ အမြဲဖန်တီးနေတဲ့ ပျော်ခွီမော့ကစ်.. Froggyholic တွေနဲ့..
သဘာ၀ရဲ့ အရသာ.. သဘာ၀ရဲ့ရနံ့ .. သဘာ၀ရရဲ့အငွေ့အသက်တွေကို အမြဲပေးနေတဲ့
ရှင်တို့ရဲ့အသည်းစွဲ အမြဲသောက်တဲ့ မယ်ခွေတို့ ဆုံကြတဲ့အခါ... 💛🖤

30/08/2023

ရေဒီယို ဆိုတာ ခလုတ်လေးဖွင့်လိုက်ရင် တေးသံသာလေး‌တွေနဲ့ သောတဆင်သူရဲ့ စိတ်နှလုံးကို အပန်းဖြေပေးနိုင်တဲ့ အရာလေးတစ်ခုပေါ့.. ။
ဒီရေဒီယိုလေးကတော့ ဖွင့်လိုက်တာနဲ့ ချိုမြိန်ပြင်းရှတဲ့ သဘာ၀ရဲ့ အရသာလေးကို မွှေးပျံ့သင်းကြိုင်တဲ့ အခိုးအငွေ့တွေနဲ့အတူ ခံစားရရှိစေမယ့် ထူးထူးခြားခြား ရေဒီယိုလေးပါပဲ ။

ရှင်တို့ရဲ့ မယ်ခွေ နှင့် The Radio - Music Republic တို့ရဲ့ ပူးပေါင်းဖန်တီးမှုကနေ သီးပွင့်လာတဲ့ " ရေဒီယို ဆေးပေါ့လိပ် " ✨

တောင်တန်းကြီးတွေပေါ်က လတ်ဆတ်တဲ့ သနပ်ဖက်ကို မြေပြန့်ဒေသရဲ့ ဆေးစပ်ကောင်းကောင်းနဲ့ ရှေးမူမပျက်စေပဲ Premium Quality ရရှိအောင် စီမံထုတ်လုပ်ထားတာ ရေဒီယို ရိုးရာဆေးပေါ့လိပ်ပါ ။
ရိုးရာဆေးပေါ့လိပ်ရဲ့ စစ်မှန်တဲ့ အရသာကို အဆင့်အတန်းမြင့်မြင့်ခံစားချင်သူတို့အတွက် ရေဒီယို ဆေးပေါ့လိပ်ကို
The Radio - Music Republic မှာ စတင်ပြီး၀ယ်ယူရရှိနိုင်ပြီဆိုတဲ့အကြောင်းလေးကို ရိုးရာဆေးပေါ့လိပ်ချစ်သူများထံ အမှာပါးလိုက်ပါရစေနော်..

ပန်းသတင်း လေညင်းဆောင်သလို...
ရေဒီယိုလေးက လွင့်ပျံလာမယ့် သတင်းကောင်းလေးကိုတော့
မယ်ခွေကနေ ဆောင်ကျဥ်းပေးလိုက်ပါတယ်ရှင့်.. 🖤

#ရေဒီယိုဆေးပေါ့လိပ်

#မယ်ခွေချစ်သက်လက်ဆောင်

20/08/2023

*ဈေးနှုန်းပြောင်းလဲမှု ပန်ကြားခြင်း*

ဒီနေ့ရဲ့ အစစအရာရာ နှုန်းထားအခြေအနေတိုင်းဟာ မနေ့ကနဲ့တောင် မတူချင်ဘူးဆိုတာ မယ်ခွေချစ်သူတို့အားလုံးလည်း ကြုံတွေ့နေရတာပဲမို့ အထူးတလည် ပြောမနေတော့ပါဘူးနော်..

ဒီကာလကြီးတလျှောက်လုံး မယ်ခွေရိုးရာဆေးပေါ့လိပ်လေးကို သောက်သုံးသူတို့ အဖိုးအခ ထပ်မပိုစေပဲ သောက်သုံးနိုင်ဖို့ မယ်ခွေတို့ နှစ်နဲ့ချီပြီး ကြိုးစားခဲ့ပါတယ်ရှင့် ။ နေ့စဉ်နဲ့အမျှ တရိပ်ရိပ်တက်နေတဲ့ စရိတ်စကတွေကြားမှာ Platinum အထုပ်လေးတွေ ဈေးပြောင်းခဲ့ရစဉ်ကတည်းက Gold ကိုပါ ဈေးပြောင်းလဲရမှာဖြစ်ပေမယ့် တောင်သူလယ်သမား လုပ်သားပြည်သူတို့ အဓိကသောက်သုံးကြတဲ့ အမျိုးအစားလေးဖြစ်တာမို့ လုံး၀ဈေးမတက်ပဲ မူလဈေးအတိုင်း ရောင်းချပေးခဲ့ပါတယ်နော်။ အခုအချိန်မှာတော့ မည်သို့ပင် အားတင်းခဲ့ပါသော်ငြား..
စက်တင်ဘာလဆန်းမှစပြီး မယ်ခွေ Gold လေးကိုလည်း ဈေးပြောင်းလဲလိုက်ရပြီဆိုတဲ့အကြောင်းကို အားနာစွာနဲ့ပဲ ပန်ကြားခွင့်ပြုပါတော့ မယ်ခွေချစ်သူတို့ရေ...🙏

မယ်ခွေချစ်သူတို့ နှစ်သက်ကြတဲ့ အရည်အသွေးပိုင်း၊ အရသာပိုင်းတွေကို အကောင်းဆုံးပေးနိုင်အောင် မယ်ခွေတို့ အမြဲတမ်း ကြိုးစားနေပါတယ် ။
ဈေးနှုန်းလေးပြောင်းလိုက်ရပေမယ့် အချစ်တွေကတော့ မပြောင်းမလဲ အရင်ကအတိုင်းပဲဆိုတာ မယ်ခွေချစ်သူများကို ကတိပြုအပ်ပါတယ်နော် 🥹

ရှင်တို့နဲ့အတူ အမြဲရှိနေမယ့်... ရှင်တို့ရဲ့ မယ်ခွေ 🖤

#မယ်ခွေချစ်သက်လက်ဆောင်
#ရိုးရာဆေးပေါ့လိပ်

06/07/2023

ထီးလှလှလေး လက်ဆောင်ပေးမယ့် မယ်ခွေရဲ့ မိုးရာသီပရိုမိုးရှင်းလေး လာပါပြီရှင် 🌧️☂️

🎶မိုးကလေးက တဖွဲဖွဲရွာတော့..မယ်ခွေကို သတိရတယ်...
ဆိုတဲ့ မယ်ခွေချစ်သူတို့အတွက် မိုးအေးအေးမှာ မယ်ခွေလေးဖွာရင်း နွေးထွေးမှုကိုရှာမယ်.. အနောက်တောင်လေရဲ့အေးစက်နေမယ့် မိုးစက်မိုးမှုန်တွေကို မယ်ခွေရဲ့ ထီးအမိုက်စားလေးဆောင်းပြီး ကာကွယ်ရင်း မိုးရာသီရဲ့အလှကို အပြည့်အ၀ခံစားလိုက်ကြမယ်နော်..

ဒီ Monsoon Promotion လေးကို တစ်နိုင်ငံလုံးက မယ်ခွေချစ်သူများအားလုံးပါ၀င်နိုင်ဖို့ Digital sales promotion ပုံစံလေးစီစဉ်ထားပါတယ်ရှင့် ။
မယ်ခွေ Page messenger ကနေ Platinum combo set ( Platinum Strong ၂ဘူး + Platinum Smooth ၁ဘူး ) မှာယူသူတိုင်းကို ဒီဇိုင်းအမိုက်စားနဲ့ ထီးလှလှလေးတစ်ချောင်းလက်ဆောင်ပေးသွားမှာပဲဖြစ်ပါတယ် ။ ကားဂိတ်တင်ပေးလို့ရတဲ့ ဘယ်မြို့နယ် ဘယ်ဒေသကိုမဆို ပို့ဆောင်ပေးသွားမှာပဲဖြစ်ပါတယ်နော် ။

ရန်ကုန်နှင့် မန္တလေးက မယ်ခွေချစ်သူတွေကတော့ Messenger ကနေ မှာယူနိုင်မယ့်အပြင် မြို့နှစ်မြို့လုံးရဲ့ လမ်းတွေပေါ်မှာရှိနေမယ့် မယ်ခွေရဲ့ Sales team အရောင်းကားလေးတွေဆီမှာ Platinum ၃ဘူးကို ၀ယ်ယူပြီး ထီးလှလှလေးလက်ဆောင်တောင်းယူကာ ပရိုမိုးရှင်းကို ခံစားနိုင်မှာပါရှင့် ။ ပရိုမိုးရှင်းကာလေးကတော့ အခုအချိန်ကနေ ၃၁ ရ က်နေ့ ဇူလိုင်လကုန်အထိပဲဖြစ်ပါတယ် ။ အရေအတွက်အကန့်အသတ်လေးရှိတာကြောင့် မြန်မြန်လေး၀ယ်ထားဖို့တော့ လိုပါမယ်နော် ။

✨၀ယ်ယူရမှာက Strong ၂ဘူး + Smooth ၁ဘူး ပါနော် ..
✨ဝယ်ရမယ့်နေရာက မယ်ခွေ Page messenger နှင့် မယ်ခွေအရောင်းကားလေးတွေဆီမှာပါနော် ..
✨ပရိုမိုးရှင်းအချိန်လေးက ဒီလကုန်အထိပါပဲနော်
✨လက်ဆောင်ရမှာက ထီးလှလှလေးပါတဲ့နော်...

မယ်ခွေနဲ့အတူ နွေးထွေးမှုကိုရှာရင်း ထီးလက်ဆောင်လေးရယူကြမယ့် မယ်ခွေချစ်သူတို့ရေ...
ရှင်တို့ရဲ့ နှမလေးကတော့.. cb မှာ မျှော်နေပါပြီရှင် 🖤

#မယ်ခွေချစ်သက်လက်ဆောင်

10/06/2023

မြို့တော်ရန်ကုန်က မယ်ခွေချစ်သူတို့ရေ.. ✨

မယ်ခွေကို ရန်ကုန်ရဲ့ မြို့နယ်အားလုံးမှာရှိတဲ့ Supermarket ကြီးတွေ၊ ဈေးတွေ ၊ စတိုးတွေ ၊ ကုန်စုံဆိုင်တွေ ၊ Liquor store တွေမှာ စုံစုံလင်လင်ဖြန့်ချိလျက်ရှိပါတယ် ။

မယ်ခွေဘယ်မှာရမလဲ ဆိုပြီးမေးလာလို့ ၀ယ်ယူရရှိနိုင်မယ့်ဆိုင်တွေကို ညွှန်ပေးရတဲ့အခါ ရန်ကုန်ရဲ့ မြို့နယ်တိုင်း ရပ်ကွက်တိုင်းမှာ ရှိနေတဲ့ Convenient store တွေက မယ်ခွေချစ်သူတို့အတွက် ရှာဖွေရ အလွယ်ဆုံးဖြစ်တာမို့..

ရှင်တို့တွေရဲ့ ခံတွင်းမှာ အချဉ်ဓာတ်လေးများပိုလာခဲ့ရင် ၊
မယ်ခွေရဲ့ အငွေ့အသက်လေးများလိုလာခဲ့ရင်..
ရှင်တို့ရဲ့ အနီးဆုံးမှာရှိနေတဲ့ ဒီဆိုင်လေးတွေမှာ မယ်ခွေကို အလွယ်တကူ ၀ယ်ယူလို့ရနေပြီဆိုတာလေး ထပ်မံအသိပေးလိုက်ပါတယ်နော်..

📌 ABC
📌 G&G
📌 Easy Mart
📌 Friday Mart
📌 Choice Mart
📌 Happy Hour
📌 City Express

ရန်ကုန်ရဲ့ နေရာတိုင်းမှာ မယ်ခွေရှိတယ်
ရန်ကုန်မှာ မယ်ခွေနဲ့ ပြန်ဆုံမယ် 🖤

#မယ်ခွေချစ်သက်လက်ဆောင်

07/05/2023

" နေက ဒီလောက်ပူနေတာ အပြင်သွားရင် ထီးဆောင်းပါဆို ဒီကောင်လေးကတော့ ပြောစကားကို နားမထောင်ဘူး "

အိမ်ထဲ ၀င်၀င်ချင်းမှာပင် ဆီးကြိုလာသော စကားသံကြောင့် ပြုံးလိုက်မိသည် ။

" လမ်းထိပ် လက်ဖက်ရည်ဆိုင်တင်ပါ ဖွားရဲ့ ၊ ဟိုမှာလည်း အပင်ရိပ်နဲ့ဆိုတော့ သိပ်မပူပါဘူး ၊ ပြီးတော့ ဖွားအတွက် ဆေးလိပ်လည်း တစ်ခါတည်း ၀င်၀ယ်ခဲ့တယ်လေ "

လက်ထဲကိုင်လာတဲ့ ဆေးလိပ်ထုပ်လေးတွေကို မြှောက်ပြပြီး ဖွားလှဘေးသို့ ၀င်ထိုင်ရန်ပြင်လိုက်သည် ။ ဆေးလိပ်ထုပ်လေးတွေမြင်မှပဲ ဖွားလှရဲ့ မျက်နှာပေါ်က မကြည်လင်မှုများ အနည်းငယ်လျော့သွားကာ..

" ရေအရင် ၀အောင်သွားသောက်ဦး.. ပြီးမှ ပြန်လာထိုင်ချေ.. ရေခဲရေမသောက်နဲ့နော် ရေအိုးထဲကသောက် "

ဟုတ် ဆိုပြီး အနားမှာရှိသူတွေကို အမြဲဂရုစိုက်ပူပန်တတ်တဲ့ ဖွားလှစကားကို နားထောင်ရင်း သောက်ရေအိုးစင်မှ သဘာ၀ရေအေးအေးလေးကို နှစ်ခွက်လောက်ဆင့်သောက်လိုက်သည် ။
ခုမှပဲ နေရထိုင်ရသက်သာသွားတော့သည် ။ ဒီနှစ်ကတော့ စံချိန်တင်ပူတဲ့ နွေဟူ၍သာ ပြောရပါမည် ။

‌ဧည့်ခန်းကို ပြန်ထွက်လာချိန်မှာတော့ ဆက်တီမှာထိုင်နေသော ဖွားလှတစ်ယောက် ဆေးလိပ်ထုပ်လေးတွေကိုင်ရင် မျက်နှာ သိပ်မကောင်းသလိုဖြစ်နေလေသည် ။ မျက်နှာချင်းဆိုင်မှာ ၀င်ထိုင်လိုက်ပြီး..

" ဖွား.. ဘာဖြစ်လို့လဲ "

"......."

" ဖွား.. ဘာဖြစ်လို့လဲဆို .. သား ထီးမဆောင်းလို့ စိတ်ဆိုးနေတာလား .. လမ်းထိပ်တင်မို့ပါ .. ပြီးတော့.. "

" မဟုတ်ပါဘူးကွယ်.. ဒီမှာလေ တွေ့လား ဆေးလိပ်လေးတွေ "

" အမ် ဟုတ် "

စားပွဲပေါ်က ဆေးလိပ်တွေကို ကြည့်ရင်း ရုပ်တရက်ကြောင်သွားသည် ။

" ဆေးလိပ်တွေ ဟုတ်တယ်လေ ဖွားရဲ့ ဘာများထူးဆန်းလို့တုန်း "

" သေချာကြည့်လေ ဘာဖြစ်နေလဲဆိုတာ "

" ဘာမှ မဖြစ်ဘူးလေ ဒီအတိုင်း ဆေးလိပ်.. "

" တယ်..ဒီကလေး ငါ ခေါက်လိုက်ရ .. ဖက်အရောင်တွေ ကြည့်စမ်း အရင်လို ညီနေသေးရဲ့လားလို့ "

" ဪ အဲ့လိုလား မသိဘူးလေ ဖွားရဲ့ အဲ့လိုပြောလိုက်ပြီးရောဟာ "

ဆေးလိပ်တွေကို ယူကြည့်လိုက်တော့ အချို့ဆေးလိပ်များက ဖက်သားတွေ မစိမ်းနေပဲ ဝါကျင်ကျင်ဖြစ်နေပြီ ။

" အင်း ကွာလတီတွေကျကုန်တာပဲ ဒီနိုင်ငံကဟာတွေအဲ့လိုပဲ.. နာမည်လေးရလာ လာ.. "

" ဟဲ့ စကားကို စွတ်စွတ်ပြောမနေနဲ့ .. ‌ဖက်ရဲ့သဘောတရားလည်းနားမလည်‌နေပဲ ဘယ့်နှယ် "

" ငင့် .. "

စကားဖြတ်ပြောခံရတဲ့အပြင် အပြစ်ပါတင်ခံလိုက်ရတော့ ဖွားလှကို နည်းနည်းတော့ စိတ်ခုသွားသည် ။

" အာ့ဆိုလည်း မပြောဘူးလေ .. ဖွားပဲသောက်မယ့်ဟာ မကောင်းရင်လည်း ဖွားပဲခံရမှာ နေပေါ့ ..
အမ်မလေး သူ့ဆေးလိပ်ကို အပြောကိုမခံဘူး "

" မဟုတ်ပါဘူးကွယ်.. ရိုးရာဆေးပေါ့လိပ်မှာ ဖက်ရဲ့သဘာ၀ရယ် ၊ ရာသီဥတုရဲ့ အရေးကြီးပုံရယ်ကို သိစေချင်လို့ပါ ၊ မင်းကလဲ.."

အင်း.. ဆေးပေါ့လိပ်သမကြီး ဖွားလှရဲ့ ဆေးပေါ့လိပ်ဋီကာတော့ စတော့မည်ထင်သည် ။

" မင်း ဆေးလိပ်၀ယ်လာတဲ့ဆိုင်မှာ ဆေးလိပ်တင်ထားတဲ့နေရာ နေထိုးနေလား "

" အင်း.. ရှေ့ဆုံး ကောင်တာပေါ်တင်ထားတာဆိုတော့ နေရောင်တော့ ကျနေတယ် ဖွား "

" အေး ဆေးပေါ့လိပ်ထုပ်ကို အဲ့လိုနေရောင်တိုက်ရိုက်ကျတဲ့နေရာမျိုးမှာ မထားရဘူးကွယ့် ၊ အပူရှိန်က ဆေးလိပ်ရဲ့အ‌ရည်အသွေးကို ထိခိုက်စေတယ် ၊ ဖက်တွေအရမ်းကြွပ်ဆတ်ကုန်တာမျိုးပေါ့ "

" ဖွားကလည်း အဲ့ဒါကြောင့်ပဲတော့ မဟုတ်နိုင်ပါဘူး နဂိုထဲက ဖက်မကောင်းတာမျိုးတွေ ပါလာတာလည်းဖြစ်နိုင်တာပဲကို "

" ကဲ ကြည့် စကားကိုဆုံးအောင် နားထောင်ပါဦး ဘယ့်နှယ် ၊
ဆိုင်မှာ အထားအသိုတစ်ခုထဲတော့ ဘယ်ဟုတ်မလဲ ၊
သနပ်ဖက်စိုက်တာ ၊ ဖက်ခူးတာ ၊ လှော်တာ ၊ လိပ်တာ ၊ ထုပ်ပိုး ပို့ဆောင်တာတွေအကုန် ဂရုစိုက်ရသလို ရာသီဥတုအခြေအနေကလည်း သက်ရောက်မှုရှိတယ်ဆိုတာကိုပြောချင်တာ "

" စီးကရက်တွေကျတော့ အဲ့လိုမရှိဘူးနော် ဖွား "

" အဲ့ဟာတွေကတော့ စက်နဲ့ထုတ်တာတွေကိုး ၊ ဆေးပေါ့လိပ်က လက်လိပ်လေကွယ် ၊ လက်မှုသဘာ၀ရိုးရာတစ်ခု‌ဆိုတော့
အဆင့်တွေအရမ်းများပြီး ဂရုစိုက်ရတာလည်းမတူဘူး "

" ဖက်မဟုတ်ပဲ တခြားပစ္စည်းတွေနဲ့ ထုတ်လို့ရော မရဘူးလား ဖွားရဲ့ "

" အရင်ကတော့ သနပ်ဖက်အပြင် ပြောင်းဖူးဖက်တွေ သတင်းစာတွေနဲ့လည်း လိပ်သောက်ခဲ့ကြတာပေါ့ကွယ် ၊
ဒါမယ့် သနပ်ဖက်နဲ့ ရိုးရာဆေးပေါ့လိပ်က အကောင်းဆုံးပါပဲ ၊ ဟိုးအရင် စော်ဘွားတွေလက်ထက်ထဲက သုံးစွဲခဲ့တဲ့ ထီးသုံးနန်းသုံး အမွေအနှစ်တစ်ခုလည်း ဖြစ်တယ်မလား "

ဖွားလှတစ်ယောက် စကားခဏရပ်ပြီး
ဆေးပေါ့လိပ်တစ်လိပ်ကို မီးညှိ ဖွာရှိုက်လိုက်သည် ။

" ဒီလို အခါပြီးချိန် ကဆုန် နယုန်မှာဆို သနပ်ဖက်ရာသီအသစ်အတွက် အပင်တွေ ခုတ်ကြပြီ ၊ ပေါင်းတွေရှင်းကြပြီပေါ့ ။
မိုးဦးကျလို့ အတက်တွေထွက်လာပြီဆိုတာနဲ့ ပိုးမကျဖို့ ဆေးဖျန်းတာတွေ ၊ နောက်ချေး( နွား‌ချီး) ထည့်တာတွေနဲ့ မိုးဦးတစ်ချိန်လုံး အလုပ်ကိုရှုပ်ရောပဲ ။

ပြီးရင် သနပ်ဖက်လှော်ဖို့အတွက် ထင်းကောက်တာကလည်း တစ်ခါတည်း လုပ်ထားရသေးတယ် ။ ဖွားတို့တုန်းကဆို နွေထဲက ထင်းစုထားကြတာ ၊ ထင်း‌ကလည်း ကိုယ်စုနိုင်သလောက် ပေါတဲ့ကာလကိုး ၊ ခုလို ကာလတော့ ဘယ်လိုတွေ လုပ်ကြလဲမသိဘူး ။

ထွက်လာတဲ့ အတက်တွေ ရှည်လာပြီဆိုလည်း အရွက်ကြီးကြီးလှလှတွေရဖို့ တခြားအတက်တွေ ချိုးပေးရသေးတယ် ။ ဒါမှ အရည်အသွေးပြည့်ပြီး ဈေးကွက်၀င်တဲ့ ဖက်တွေရနိုင်မှာလေ..
ပိုးမကျအောင် အရမ်းဂရုစိုက်ရတာ ၊ လူရော ငွေရော ပန်းတာဟေ...

အဲ့လိုနဲ့ မိုးတွင်းကာလ ဝါခေါင်လောက်ဆို အရိပ်တကြည့်ကြည့် ဂရုစိုက်လာတဲ့ သနပ်ဖက်တွေ စခူးလို့ရပြီလေ ။ အဲ့ကနေ ဝါကျွတ်ချိန် သီတင်းကျွတ်ကျော်တဲ့ထိ ဖက်လှော်ကြပြီ‌ပေါ့ကွယ် ။ အရမ်းကို ပင်ပန်းကြတဲ့ကာလပါပဲ ။ နားကို မနားရတာ ။ အိပ်ရေးတွေလည်းပျက်ရပါ့ ။

လှော်တဲ့အိမ်တွေက မီးဖိုကြီးတွေမှာ အရိုးအကြောသင်းထားပြီး အကြီးအသေးခွဲထားတဲ့ ဖက်တွေကို ဒယ်ပြားပူပူပေါ် ကျောက်ထုပ်ကြီးတွေနဲ့ ဖိပြီး ကင်ကြ လှော်ကြရတာလေ ။ အရမ်းကို ဂရုစိုက်ရတဲ့ အလုပ်ပေါ့ကွယ် "

" ဖွားက ကိုယ်တိုင်လုပ်ဖူးသလိုကို ပြောနေတာပဲနော် "

" ဟဲ့ လုပ်ဖူးတာပေါ့.. ငါ ဟိုပုံးဖက်မယ် ခြံထဲဆင်းတုန်းကဆို မင်းတို့ထက်တောင် အများကြီးငယ်ဦးမယ် ။ မင်းတို့ အဘိုးနဲ့လည်း အဲ့မှာ တွေ့တာပဲလေ "

" အယ်လယ် ဇာတ်လမ်းလေးတွေ ပါလာပြီကွ "

" တော်စမ်း .. လူကြီးကို ရွှတ်တွတ်တွတ်နဲ့ .. အဲ့ ပြောနေတာတောင် ဘယ်ရောက်သွားပါလိမ့် "

" သနပ်ဖက် လှော်တာလေ ဖွားရဲ့ "

" အေး အဲဒီ လှော်တာ‌မှာတင် မီးအရှိန်ရော ထင်းအသားရော ဂရုစိုက်နိုင်မှ လိပ်လို့ သောက်လို့ကောင်းတဲ့ သနပ်ဖက် စိမ်းစိမ်းမွှေးမွှေးကို ရတာ ။ လှော်ပြီးလို့ ပွဲရုံတွေ ဒိုင်တွေ အလိပ်ခုံတွေဆီပို့ဖို့လည်း အရည်အသွေးအလိုက် သေချာခွဲပြီး ထုပ်ပိုးရသေးတာပ ။ အဲ့မှာလည်း သယ်တဲ့ ပို့တဲ့အခါ နေပူတာ မိုးရွာတာကို ဂရုစိုက်ရသေး ။

‌သယ်ပို့ရတာလည်း တောတောင်ထဲဆိုတော့ ကားဘာညာမရှိနေဘူးလေ။ ခူးတာရော ၊ လှော်ပြီးရင်ရော လူအား တိရိစ္ဆာန်အားနဲ့ပဲ သယ်ပို့ရတာ ၊ လားတွေ နွားတွေဆိုတာ သနပ်ဖက်တောင်သူတွေအတွက် မရှိမဖြစ်မိတ်ဆွေတွေပဲပေါ့ ။

ဖက်ပွဲရုံတွေကနေ အလိပ်ခုံတွေရှိတဲ့ မြို့ရွာတွေကို ပို့တော့လည်း ကားတစ်တန် လှေတစ်တန်ပို့ရတာမျိုးကွယ့် ။ အဲ့လိုပို့ချိန်မှာလည်း ရာသီဥတုကအရေးကြီးတယ် ။ နေပူအရမ်းမိတာ မိုးမိပြီး အရမ်းစိုထိုင်းနေတာတွေဟာ ဖက်ရဲ့အရည်အသွေးကို ကျစေတယ်လေ ။ အလိပ်ခုံတွေဆီရောက်တော့ တစ်ခါပြန်ရွေးရပြန်ရော ၊ လိပ်ပြီးရင်လည်း မှိုကင်းအောင် ၊ အထားခံအောင် မီးကင်ရတာမျိုးရှိသေးတယ် ။

ကဲ နောက်ဆုံး အလိပ်ကောင်း အလိပ်သန့်တွေရပါပြီတဲ့..
ဆိုင်တွေဆီ ဖြန့်တဲ့အချိန်မှာ ထုပ်ပိုးမှုနဲ့ သယ်ယူမှု မှန်ကန်မှ ၊ ဆိုင်တွေပေါ် တင်တဲ့အချိန်မှာ အထားအသိုမှန်ကန်မှသာ..
လိပ်ပေးလိုက်တဲ့အတိုင်း အရည်အသွေးမလျော့သွားပဲ ဖက်သားစိမ်းစိမ်း ဆေးသားကောင်းကောင်းနဲ့ အရသာရှိတဲ့ ဆေးပေါ့လိပ်တစ်လိပ်ကို ရရှိတာပေါ့ကွယ်..
အဲ ပြီးတော့ ဆိုင်မှာ အထားမကြာသွားဖို့လည်း လိုသေးတာပေါ့လေ ။

အခု ဆေးလိပ်ဆိုလည်းကြည့်..
ငါ့မြေး၀ယ်လာပေးလို့ ဖွားစသောက်ဖူးကတည်းက ရိုးရာဆေးပေါ့လိပ်ရဲ့ အဆင့်အတန်းကို မြှင့်တင်ပြီး ထုတ်လာခဲ့တဲ့ ဆေးပေါ့လိပ် ။ အရသာဆိုလည်း ကောင်း ၊ အပြင်အဆင် အရည်အသွေးလည်း မြင့်ပါရဲ့..
သူတို့လည်း ရာသီဥတုနဲ့တွေ့တော့ ဒီလိုအဆင်မပြေမှုလေးတွေတော့ ရှိတတ်တာပဲလေ ။ သောက်သုံးသူတွေကို အမြဲစေတနာထားလာတာ သိနေတော့လည်း နားလည်ပေးလို့ရတာ နားလည်ပေးရတာပေါ့ ။ ဒီလိုကာလထဲ အစစအရာရာခက်ခဲပါဘိသနဲ့ ။

မင်း တစ်ခါပြောဖူးတယ်လေ ။ ဖွားပြောတဲ့ ဆေးလိပ်အကြောင်းတွေ သူတို့ရဲ့ ဖေ့စဘုတ်မှာဆိုလား သွားပြောဖူးတယ်ဆိုတာလေ .. အေး အားရင် ထပ်ပြောပေးပါဦး ၊ ဖွားတို့လို ရိုးရာဆေးပေါ့လိပ်ချစ်သူတွေအတွက် အရသာကောင်းလေးတွေ သေချာဆက်ပြီးထိန်းသိမ်းပေးပါဦး လို့ "

စကားတွေအများကြီးပြောလိုက်ရလို့ မောသွားဟန်ဖြင့် ငှဲ့ပေးထားသော ရေနွေးတစ်ခွက်ကို ဖွားလှ ယူသောက်သည် ။

" တော်တော်အလုပ်ရှုပ်ပြီး ဂရုစိုက်ရတဲ့ သနပ်ဖက်ပဲနော် ဖွား..။
အဲ့တုန်းက ဖွားလည်း တော်တော်ပင်ပန်းခဲ့မှာပဲ "

" အမလေး သေချာတာပေါ့ မောချက်ဆိုတာ ကျောကပ်နေတာပဲ "

" အဟမ်း.. အဲ့အချိန်က မောခဲ့ရသလို.. အမောပြေခဲ့ရတဲ့ ကိစ္စလေးတွေရော မပြောပြချင်ဘူးလား ဖွားရဲ့ "

" ဟမ် ဘာကို အမောပြေတာတုန်း "

" အဘိုးနဲ့တွေ့ခဲ့တာ အဲ့တုန်းကဆို .. သနပ်ဖက်ပင်တွေကြားထဲ အဖိုးနဲ့ ဘယ်လို ဘယ်ပုံ... "

" တယ် ဒီကောင်လေး အဘွားကြီးကို နောက်တီးနောက်တောက်နဲ့ လာပြီး.. "

" ဟားဟားဟားဟား "
သူ့ကို ခေါင်းထမခေါက်ခင် နောက်ဖေးခန်းထဲသို့ အမြန်ထပြေးလိုက်ရသည် ။

ဖွားလှ တစ်ယောက်တော့ သူ့အကြိုက်ဆုံး ဆေးပေါ့လိပ်လေးကိုဖွာရင်း အတွေးထဲအတိတ်ဆီနယ်ချဲ့ကာ..
သနက်ဖက်ခင်းကြီးထဲက ပအို့ဝ်မလေးတစ်ယောက်ရဲ့ စိမ်းစိုလန်းဆန်းသော အချစ်ဇာတ်လမ်းလေးကို ပြန်မြင်ယောင်မိနေပေတော့မည် ။

#မယ်ခွေချစ်သက်လက်ဆောင်
#သနပ်ဖက်

🚭🔞

01/05/2023

အနယ်နယ်အရပ်ရပ်က မယ်ခွေချစ်သူ လုပ်သားပြည်သူများရဲ့ ဘ၀အမောတွေကိုဖြေဖျောက်ပေးဖို့ ကောင်းမွန်သောအရည်အသွေး၊ လတ်ဆတ်သောအရသာတွေနဲ့ မယ်ခွေရှိနေပါတယ်နော်..

ဒီလိုအရည်အသွေးတွေ အမြဲပေးနိုင်ဖို့အတွက် အစဉ်တစိုက်ကြိုးစားနေကြတဲ့ အလိပ်သမလေးတွေ ၊ အရောင်းသမားတွေနှင့် မယ်ခွေရဲ့ အားထားရသော ၀န်ထမ်းများအားလုံးကိုလည်း မယ်ခွေမှ လေးလေးနက်နက် ကျေးဇူးတင်ရင်း..
ယနေ့ကျရောက်လာတဲ့ ကမ္ဘာ့အလုပ်သမားနေ့ကို ကြိုဆိုဂုဏ်ပြုလိုက်ပါတယ်ရှင်..

လုပ်သားပြည်သူများရဲ့ ဘ၀အမောတွေပြေ..
ချစ်သက်လက်ဆောင် ‌မယ်ခွေ 🖤

#မယ်ခွေချစ်သက်လက်ဆောင်

17/04/2023

" ကောင်းမွန်ခြင်းတွေ လာမယ့် ၁၃၈၅
မယ်ခွေချစ်သူများ ရွှင်လန်းချမ်းမြေ့ကြစေသား "

နှစ်သစ်မှာ မြန်မာနိုင်ငံသူနိုင်ငံသားကောင်းအားလုံးနှင့် မယ်ခွေချစ်သူအပေါင်းတို့
ဘေးဘယာတွေ ဝေးကွာ၍ ကောင်းကျိုးလိုအင်ဆန္ဒများ အမြန်ဆုံး ပြည့်၀ကြပါစေကြောင်း
မယ်ခွေ မိသားစုမှ ဆုမွန်ကောင်းတောင်းအပ်ပါတယ်ရှင် 🙏

12/02/2023

နယ်က မယ်ခွေချစ်သူတွေအတွက် ဒီညနောက်ဆုံး order comfirm ပါနော်
ရန်ကုန်ကတော့ မနက်ဖြန်ညနေ ၆နာရီအထိမှာလို့ရတယ် လို့ ပြောခဲ့ပေမယ့် ..
အဲ့ချိန်ထိ ချစ်သက်လက်ဆောင်လေးကျန်နေဖို့က မသေချာတော့ဘူးရှင်
မေးထားပြီး Confirm မဖြစ်သေးသူများလည်း မြန်မြန်လေးပြန်ပြောပေးပါဦးနော်
တော်ကြာ မရလိုက်ဘူးဆိုတော့မှ..
ရှင်တို့ နှမလေးကို အပြစ်မတင်ကြပါနဲ့လို့.. 🥹

11/02/2023

ရှင်တို့ရဲ့ အချစ်တွေကို ကိုယ်စားပြုပေးမယ့် မယ်ခွေရဲ့ ချစ်သက်လက်ဆောင် Valentine's Gift Box 💝

ချစ်သက်လက်ဆောင် Valentine's gift box လေးမှာပါ၀င်မှာတွေက..
🖤 မယ်ခွေ T-Shirt ( New edition)
🖤 လက်မှုရိုးရာ သဲပန်းချီကားချပ်
🖤 Sticker Pack
🖤 မယ်ခွေ ရိုးရာဆေးပေါ့လိပ် ( New type , New shape )
🖤 Surprise Item ( လက်မှုအနုပညာလက်ရာတစ်ခု ) ✨

ချစ်သက်လက်ဆောင်လေးရဲ့ နှုန်းထားကတော့
🎁 30000 mmk / သုံးသောင်းကျပ်
🎁 35000 mmk / သုံးသောင်းငါးထောင်ကျပ် ( T-Shirt ၂ထည် )

ချစ်သက်လက်ဆောင်လေးကို မှာယူနိုင်တဲ့အချိန်ကတော့
ဒီအချိန်ကနေ ဖေဖေါ်ဝါရီ ၁၃ ရက် ညနေ ၆နာရီအထိပဲ ဖြစ်ပြီး

🛑 Limited edition အရေအတွက် "၃၀" သာ
ထုတ်လုပ်ထားတာကြောင့် အမြန်ဆုံး မှာယူထားဖို့တော့လိုမယ်နော် ။
ရှင်တို့ရဲ့ ချစ်ရသူတွေကို တခြားဘယ်နေရာမှာမှ မရှိတဲ့၊ မရနိုင်တဲ့
Valentine gift လေးနဲ့ Surprise လုပ်ချင်တယ် ၊
ကိုယ့်ရဲ့ ချစ်ခြင်းမေတ္တာကို လက်မှုအနုပညာလက်ရာလေးတွေနဲ့ အထာကျကျ ဖော်ပြချင်တယ်ဆိုတဲ့ မယ်ခွေချစ်သူများအတွက်
လုံး၀ကို လက်လွှတ်မခံသင့်တဲ့ ချစ်သက်လက်ဆောင်လေးပါပဲ ။

📌ရန်ကုန်က မယ်ခွေချစ်သူတွေအတွက်
Feb14 ချစ်သူများနေ့မှာ ရှင်တို့ရဲ့ ချစ်ရသူတွေဆီကို
အိမ်တိုင်ရာရောက် တံခါးလေးခေါက်ပြီး ပို့ဆောင်ပေးသွားမှာပါ ။
ပို့ပေးရမယ့် မြို့နယ်အလိုက် ပို့ဆောင်ခလေးတော့ရှိမယ်ပေါ့နော်။

📌နယ်က ချစ်သူဆီကို ချစ်သက်လက်ဆောင်လေး Valentine's day အမီရောက်ရှိစေချင်တဲ့ မယ်ခွေချစ်သူတွေကတော့ ၁၃ရက်နေ့မှာ ဂိတ်တင်ပေးသွားမှ ရမှာမို့ ၁၂ရက်နေ့ ည နောက်ဆုံးထားပြီး မှာပေးစေလိုပါတယ်ရှင့် ။

ကဲ.. မယ်ခွေချစ်သူတို့ရေ
ဘယ်သူ့ဆီ ချစ်သက်‌လက်ဆောင်ပါးကြမလဲ.. ဘယ်သူ့ရဲ့အချစ်ကို ဘယ်သူ့ဆီ အောင်သွယ်ပေးရမလဲ..

Send your love and let me deliver .. 🖤

#မယ်ခွေချစ်သက်လက်ဆောင်
#မယ်ခွေချစ်သူများ

09/02/2023

အသစ်တွေ အများကြီး လာမယ်
အချစ်တွေ အများကြီး ပါမယ်
ပိုမို သစ်လွင် ထူးခြားတဲ့ ရနံ့..
ရိုးရာ နဲ့ ခေတ်သစ်ကို
အလှပဆုံးပေါင်းစပ်ထားတဲ့ အငွေ့အသက်..
ရှင်တို့အတွက်...
မယ်ခွေချစ်သူ ရှင်တို့တွေအတွက်..

ဒီနှစ်အပိုင်းအခြားထဲ မယ်ခွေတို့
စိတ်နှစ်ပြီးအားထုတ်ထားတဲ့ ခြေလှမ်းအသစ်တွေကို
မကြာခင်မှာပဲ ရာသီပေါ်အစီအစဉ်လေးတစ်ခုနဲ့
အရင်ဆုံး စဖွင့်လိုက်တော့မယ်

အားလုံး...
မျှော် နေ မယ် လို့ ယုံ ကြည် တယ်.. 🖤

01/01/2023

" မယ်ခွေချစ်သူတွေရဲ့
ကြည်လင်သန့်စင်သောအပြုံး
ကောင်းမွန်ခြင်းများနဲ့ ၂၀၂၃ "

မယ်ခွေချစ်သူများအားလုံး နှစ်သစ်မှာ ကိုယ်စိတ်နှစ်ပါးကျန်းမာရွှင်လန်းပြီး ကောင်းကျိုးလိုအင်ဆန္ဒများ ပြည့်၀ကြပါစေရှင် 🙏

#မယ်ခွေချစ်သက်လက်ဆောင်

16/10/2022

မယ်ခွေ နဲ့အတူ သီတင်းကျွတ်အမှတ်တရပုံရိပ်လေးတွေ ဖန်တီးခဲ့ကြတဲ့ မယ်ခွေချစ်သူများအားလုံးကို အရမ်းအရမ်းကိုချစ်ရပါတယ်.. ကျေးဇူးတွေတင်ရပါတယ်နော်.. 🥰

အလှဆုံးဓာတ်ပုံလေးတွေနဲ့ လက်စွမ်းလည်းပြ ကံလည်းထူးခဲ့ကြသူများကို ဖော်ပြပေးလိုက်ပါတယ်ရှင့် ။
အားလုံး Congratulations ပါနော်.. 👏☺️
ဖုန်းလ်ဘေလက်ဆောင်ရယူဖို့ Page messenger မှာ ဖုန်းနံပါတ်လေးတွေ လာပေးကြပါဦးလို့..
အထူးဆုကံထူးရှင်သုံးယောက်ကတော့ မယ်ခွေရဲ့ ‌ချစ်သက်လက်ဆောင်လေးတွေ ပေးပို့ဖို့အတွက် နေရပ်လိပ်စာတွေကိုပါ ပြောပြပေးသွားကြဦးနော်

ဆုမရခဲ့သူတွေလည်း စိတ်မပျက်ကြပါနဲ့ဦးလို့..
မယ်ခွေရဲ့ နောက်လာမယ့်အစီအစဉ်တွေမှာ ဆက်လက်ပါ၀င်ပြီး ချစ်သက်လက်ဆောင်လေးတွေ ရယူကံထူးကြပါ..
မယ်ခွေနဲ့အတူ အမှတ်တရတွေ ဖန်တီးသွားကြပါလို့
အားလုံးကို ကြိုတင်ဖိတ်ခေါ်ရင်း..

ရှင်တို့ရဲ့...🖤... မယ်ခွေ
Rolled With Love For Quality

#မယ်ခွေချစ်သက်လက်ဆောင်
#မယ်ခွေချစ်သူများ
#သီတင်းကျွတ်

🚭🔞

07/10/2022

**ဖုန်းဘေလ် တစ်သိန်းကျပ် နှင့် အထူးဆုချစ်သက်လက်ဆောင်များပေးသွားမယ့် သီတင်းကျွတ်အမှတ်တရ ဓာတ်ပုံပြိုင်ပွဲ** 📸

ကျန်းခန့်သာလို့မာပါရဲ့လား မယ်ခွေချစ်သူတို့ရေ..

လက်ဆောင်တွေ ဘယ်တော့ပေးမှာလဲ.. ဘာအစီအစဉ်‌တွေရှိလဲ နဲ့.. တစ်မေးတည်း မေးနေကြတဲ့ မယ်ခွေချစ်သူတို့အတွက်
မယ်ခွေရဲ့ ချစ်သက်လက်ဆောင်တွေပေးမယ့် အစီအစဉ်လေးနဲ့ သီတင်းကျွတ်အခါသမယလေးကို ကြိုဆိုလိုက်ပါတယ်နော်...

ဟုတ်ပါတယ် အရင်နှစ်တုန်းက အစီအစဉ်လေးလိုပါပဲ.. ဓာတ်ပုံပြိုင်ပွဲလေးပါ 📸
ရှင်တို့ရဲ့ ဓာတ်ဖမ်းပညာလေးကိုသုံးပြီး မယ်ခွေဆေးလိပ်လေးတွေ ၊ အိတ်လေးတွေ ၊ ဘူးခွံလေးတွေကို သီတင်းကျွတ်ရဲ့ မီးရောင်စုံ အငွေ့အသက်တွေနဲ့ ဓာတ်ပုံလှလှလေးတွေ လက်စွမ်းပြ ပုံဖော်ပေးကြဖို့ပါပဲ.. 🕯️🎇🎆🏮

စည်းကမ်းချက်လေးတွေကတော့ ထုံးစံအတိုင်း...

( | ) မိမိကိုယ်တိုင် ရိုက်ထားတဲ့ မယ်ခွေ နှင့် သီတင်းကျွတ်ပုံရိပ်
ဓာတ်ပုံလှလှလေးကို မိမိ account မှာ public privacy နဲ့ တင်ရပါမယ် ။

( || ) တင်တဲ့ပို့စ်မှာ
#မယ်ခွေချစ်သက်လက်ဆောင်
#မယ်ခွေချစ်သူများ
#သီတင်းကျွတ်
ဆိုတဲ့ စာလေးတွေကို # နှင့်ရေးပေးရပါမယ် ။

( ||| ) အဲဒီလိုတင်ထားတဲ့ ပို့စ်ကို မိမိရဲ့ account name ပါ ပါအောင် screenshot ယူပြီး ဒီပို့စ်လေးမှာ comment ပြန်လာမန့်ပေးရပါမယ် ။ ဒါလေးပါပဲရှင့် ။

ပါဝင်တဲ့ သူတွေထဲက မယ်ခွေမိသားစု အကြိုက် အလှဆုံးဖြစ်မယ့် စိတ်ကူးအကောင်းဆုံးဖြစ်မယ့် ၁၀ ယောက်ကို ရွေးချယ်ပြီး ဖုန်းဘေလက်ဆောင် ၁၀၀၀ဝိ/ တစ်သောင်းကျပ်စီ ချီးမြှင့်သွားပါမယ် ။
အဲဒီ ဆယ်ယောက်ထဲကမှ သဘောအကျဆုံး သုံးယောက်ကိုတော့
မယ်ခွေရဲ့ အထူးလက်ဆောင် special surprise gift set လေးကိုပါ ချစ်သက်လက်ဆောင်ပေးသွားမှာမို့
မယ်ခွေချစ်သူတို့ လက်လွတ်မခံပဲ ပါ၀င်ဆင်နွှဲကြဖို့ တိုက်တွန်းလိုက်ချင်ပါတယ်နော် ။

ပြိုင်ပွဲကာလလေးကတော့ ဒီပို့စ်တင်တဲ့ အခုချိန်ကနေ နောက်တစ်ပါတ် သောကြာနေ့ညအထိ ( ၇၊ ၁၀၊ ၂၂ - ၁၄၊ ၁၀၊ ၂၂) အချိန် တစ်ပါတ်တိတိပဲ ဖြစ်ပါတယ်ရှင့် ။

ကဲ..ရှင်တို့ရဲ့ သီတင်းကျွတ်ညလေးတွေကို မယ်ခွေနဲ့အတူ အလင်းလက်ဆုံး ထွန်းညှိ ပုံဖော်လိုက်ပါ ..
ရှင်တို့ သေချာပေါက် နှစ်သက်သဘောကျမယ့် ချစ်သက်လက်ဆောင်တွေက မယ်ခွေတို့လက်ထဲမှာ ရယ်ဒီပါနော် ..

ရှင်တို့ရဲ့...🖤...မယ်ခွေ

Rolled With Love For Quality

#မယ်ခွေချစ်သက်လက်ဆောင်
#မယ်ခွေချစ်သူများ
#သီတင်းကျွတ်

🚭🔞

29/12/2021

မယ်ခွေချစ်သူတို့ရေ..

နှစ်ဟောင်းကုန်ပြီး နှစ်သစ်စတော့မယ်နော် ။
ဒီနှစ်ဟောင်းမှာ စိတ်ညစ်စရာအကြောင်းတွေ
အကုန်ကျန်ခဲ့ပြီး နှစ်သစ်မှာ ဘဝအသစ် အိပ်မက်
အသစ်တွေနဲ့ တို့တတွေ ဆက်ချစ်လို့ ရမယ်ဆို ဘယ်လောက်ကောင်းလိုက်မလဲ ။

တကယ်ကို မျှော်လင့်ပါတယ်..
တကယ်ကြီးကို ဆုတောင်းပါတယ် ...

နှစ်သစ်မှာ မယ်ခွေချစ်သူတို့ အားသစ်အင်သစ်နဲ့ အခက်အခဲမှန်သမျှ ဖြတ်သန်းနိုင်ကြပါစေလို့ပေါ့ရှင်...

အဲ့လိုဖြတ်သန်းနေမယ့် နေ့ရက်တွေတိုင်းအတွက် မယ်ခွေချစ်သူတို့ကို အဖော်ဆက်ပြုပေးနိုင်ဖို့
နှစ်သစ်မှာ အရင်ကထက်ပိုပြီး ဆက်ချစ်ပေးနိုင်ဖို့
မယ်ခွေကို ဒီနေရာတွေမှာ အလွယ်လေးတွေ့နိုင်တယ်ဆိုတာကိုလည်း ပြောခဲ့ပါရစေနော် ..

🔴 City Mart
🔴 City Express
🔴 ABC
🔴 Sein Gay Har
🔴 Eazy Mart

မယ်ခွေချစ်သူများ
နှစ်သစ်မှာ အစစအရာရာ အဆင်ပြေကျန်းမာကြပါစေ
ပြီးတော့.. တကယ်ပျော်ရွှင်နိုင်ကြပါစေရှင်.. 🙏

24/10/2021

မိုးအကုန်ဆောင်းအကူးကာလ ပွင့်လင်းရာသီရောက်ပြီဆိုတာနဲ့ ဝမ်းသာပျော်ရွှင်ကြသူတွေထဲမှာ နှမလေးတို့လို အလိပ်သမလေးတွေလည်း ထိပ်ဆုံးကပါတယ်ဆိုတာ မောင်ကြီးတို့ သိကြရဲ့လား ။

ဆေးလိပ်ခုံတွေ ဆေးလိပ်သမတွေအတွက်တော့ မိုးတွင်းဟာ ခက်ခဲတဲ့ကာလတစ်ခုပါပဲ ။
ခု ခေတ်ကာလ အခြေအနေမှာတော့ ပိုလို့သာဆိုးပေါ့တော်ရေ ။
ကုန်ကြမ်းတွေက လိုချင်တဲ့ အရည်အသွေးရဖို့ ခက်တဲ့အပြင် အစိုပြန် မှိုတက် အလေအလွင့်ကလည်းများသေး ။
တစ်နေ့တစ်နေ့ ကိုယ့်ကိုယ်တာကိုယ် ဘောင်ဝင်တန်းဝင် လိပ်နိုင်မှ ထမင်းမြိန်ရတဲ့ဘဝတွေမို့
လက်ရည်ကို အကျမခံပဲ လိပ်နိုင်ပေမယ့်
ကုန်ကြမ်းပြသနာကြောင့် ရလဒ်က ကိုယ်ပင်ပန်းရတာနဲ့မကာမိတဲ့ နေ့ရက်တွေပေါ့ ။ အဲ့လိုအချိန်တွေဆို သိပ်စိတ်ညစ်တာပဲရယ် ။

ဘာမှ အစိုးမရတဲ့ နိုင်ငံရေးအခြေအနေဟာ အရာရာကို အဆုံးစွန်ထိ ခက်ခဲစေခဲ့ပြီလေ ။
စိတ်ရော လူရော လုံခြုံမှုမရှိတော့တဲ့ နေ့ရက်တွေထဲ
တစ်နေ့ထက်တစ်နေ့ ကြပ်တည်းလာတဲ့ စားဝတ်နေရေးဟာ နှမလေးတို့လို လူတန်းစားတွေကို အသက်ရောက်ဆုံးလို့ဆိုရမလားပဲ ။
ဆိုပေမယ့်လည်း .. မှုမနေတော့ပါဘူးလေ..။
ဘာလို့ဆို တစ်နေ့လိပ်မှ တစ်နေ့စားရတာတော်ရေ..လို့ပဲ ဟာသလုပ်အရွှန်းဖောက်လိုက်ချင်ပါရဲ့ 😅

အဆင်မပြေမှုတွေကြားထဲက ဝမ်းစာနဲ့ယှဥ်ပြီး လိပ်ပေးလိုက်တဲ့ ဆေးလိပ်လေးတွေထဲမှာ နှမလေးတို့ရဲ့
မေတ္တာဟာ အပြည့်အဝ ပါတယ်ဆိုတာတော့ ရဲရဲကြီး ပြောလိုက်ချင်ပါ့တော် ။
ကိုယ်ကတော့ နေ့စဥ် စေတနာ မေတ္တာတွေ တစ်ပိုစာအပြည့် လိပ်ထည့်လိုက်တာပဲ ။ တချို့ချွတ်ချော်မှုလေးတွေကြောင့် မောင်ကြီးတို့ နှုတ်ခမ်းဖျားတွေဆီမှာ အရသာတစ်ပိုစာ မပြည့်ခဲ့တာတွေကိုတော့ နှမလေးတို့လည်း အားနာရပါတယ်နော် ။

ဒါပေမယ့် ခုလို ပွင့်လင်းရာသီမယ်တော့ နှမတို့ အလိပ်သမတွေအားလုံးဟာ မနက်ခင်းဆိုတာနဲ့ ဆေးလိပ်ခုံဝင်ဖို့ လက်တစ်ပြင်ပြင်ခြေတကြွကြွနဲ့ပေါ့ ။ ဘာလို့ဆို အရည်အသွေးပြည့်စုံကောင်းမွန်လှတဲ့ ဖက် ဆေး အစီခံလေးတွေဟာ နှမလေးတို့ရဲ့ လက်ချောင်းလေးတွေထဲမှာ
မောင်ကြီးတို့အတွက် အရသာအပြည့်ပေးမယ့်
ချစ်သက်လက်ဆောင်လေးတွေ ဖြစ်လာတော့မှာလေ ။

တစ်နေကုန် တကုပ်ကုပ်နဲ့ ဆေးတစ်ဗန်းပြီးတစ်ဗန်းလိပ်ရင်း.. လုပ်ဖော်ကိုင်ဖက်ညီအမတွေချင်း သတင်းတွေ အတင်းတွေဖလှယ်ရင်း..
ညနေ ခုံပိတ်ချိန်မယ် ကိုယ့်လက်က ထွက်လာတဲ့ လက်မှုပညာထွက်ကုန်လေးတွေကို ကြည့်ပြီး ပီတိဖြစ်ရတဲ့ အလိပ်သမလေးတွေပေါ့ရှင် ။

အဆင်မပြေခဲ့တာတွေကို သည်းခံပေးကြတဲ့ မောင်ကြီးတို့ကို နှမလေးတို့ အလိပ်သမလေးတွေက အရမ်းကိုကျေးဇူးတင်ရတယ်ဆိုတာ သိကြလား ။ ပိုမိုကောင်းမွန်သော
ချစ်သက်လက်ဆောင်လေးများကို အခက်အခဲအကြပ်အတည်းတွေကြားကနေ နှမလေးတို့မေတ္တာအပြည့်နဲ့ နေ့စဥ် ဖန်တီးပေးနေကြတယ်ဆိုတာကိုရော.. မောင်ကြီးတို့ သိကြရဲ့လား ။

ဟော ပြောရင်းဆိုရင်း တစ်ဗန်းကုန်သွားပြီ..
ကြီးတော်ရေ... ကျုပ်ကို နောက်တစ်ဗန်းချပေးပါဦး
ပြီးရင် မနေ့ကရောက်တဲ့ ဖက်အသစ်တွေလည်း ထုတ်ပေးထားဦးတော် ..
စိမ်းစိုနေချက်က ဒီမယ် လက်ဖဝါးတွေပါယားနေပြီတော့... 👏😊

27/08/2021

မယ်ခွေချစ်သူတို့ရေ...
ကျန်းခန့်သာလို့ မာပါရဲ့နော်

ရှေ့တစ်ပါတ်က မယ်ခွေ‌ပြောခဲ့တဲ့ မယ်ခွေချစ်သူတို့အတွက် ချစ်သက်လက်ဆောင်အစီအစဉ်တွေထဲက ပထမဆုံးတစ်ခုကို စတင်လိုက်ပြီနော်။

မယ်ခွေရဲ့ ထုပ်ပိုးမှုပုံစံသစ်ဖြစ်တဲ့ Platinum boxတွေကို messenger chat boxကနေ အလွယ်တကူ မှာယူရုံနဲ့ မယ်ခွေ face mask လေးတွေကို လက်ဆောင်ပေးသွားမှာပါရှင့်။

***သတိပြုရမှာကတော့ မယ်ခွေရဲ့ messenger chat boxကနေ မှာယူမှသာ မယ်ခွေ maskတွေကို ရရှိမှာပါနော် ။
Platinum smooth ဖြစ်ဖြစ် platinum strong ဖြစ်ဖြစ် ဆယ်ထုပ်ပါ platinum box ဘူးအသစ်လေးတွေကို
chat boxကနေ တစ်ဘူးမှာရင် မတ်စ်တစ်ခု
ဆယ်ဘူးမှာရင် မတ်စ်ဆယ်ခု..
ကျန်းမာရေးအတွက်ရော... စတိုင်ကျကျ ဖက်ရှင်လေးလှဖို့အတွက်ရော...
ချစ်သက်လက်ဆောင် မယ်ခွေမတ်စ်လေးတွေ ..😷😷😷

အဲ.. လက်ဆောင်ပေးမယ့်ကာလလေးကတော့ စက်တင်ဘာလကုန်ထိပါတဲ့ရှင်...။

ဆိုတော့.. မယ်ခွေမတ်စ်တွေ လိုချင်တယ် မယ်ခွေမတ်စ်တွေ မရတော့ဘူးလားလို့ အမြဲမေးခဲ့ကြတဲ့ မယ်ခွေချစ်သူတို့ရေ..
Messenger chat box လေးကိုသာ အမြန်ဆုံးလာရောက်မှာယူကြပါတော့လို့... 😊

21/08/2021

ချစ်ရတဲ့ မယ်ခွေချစ်သူတွေရှင့်..

အားလုံးအဆင်ပြေနေပါစေလို့ မျှော်လင့်ပါတယ်နော် ။
မယ်ခွေက အရင်လို ပို့စ်တွေတင်.. မယ်ခွေချစ်သူတွေနဲ့ ပျော်ပျော်ရွှင်ရွှင်နေချင်ပေမယ့် ဘယ်ကိုပဲကြည့်ကြည့် အားလုံး ကြုံဆုံ မြင်တွေ့နေရတဲ့ အဆင်မပြေမှုတွေကြားထဲ ဘယ်လိုမှ မပျော်နိုင်တာမို့
ပို့စ်မတင်ပဲ နားထားတာ အရမ်းကြာခဲ့ပြီရှင်...။
အခုတော့ ရှင်တို့ရဲ့ မယ်ခွေကို Chat Box ကနေ လွယ်လွယ်ကူကူလေး ဝယ်လို့ရပြီ ဆိုတဲ့အကြောင်း ပြောချင်လွန်းလို့.. မောင်ကြီးတို့ နှမလေးတို့ဆီ မယ်ခွေ ပြန်လာခဲ့ပါပြီရှင်..။

ကျန်းခန့်သာလို့မာပါရဲ့လား..
အခက်အခဲတွေကြား ဘဝရဲ့ရက်စွဲတွေ သာပါရဲ့လားရှင်..။

ဒီကာလကြီးထဲ ဒီလိုခေတ်ကြီးထဲ.. ခဏတာ ပြတ်တောက် ဝေးကွာခဲ့ရတဲ့ မေတ္တာဓာတ်လေးတွေ သံယောဇဥ်ကြိုးလေးတွေကို ပြန်ချည်နှောင်ဖို့
မူလလက်ဟောင်းအရသာကို လုံးဝ လုံးဝ မလျော့မခံပဲ စိတ်ကူးသစ်တွေ ဖန်တီးမှုအသစ်တွေ ပိုဖြည့်တင်းပြီး မယ်ခွေပြန်လာခဲ့ပါပြီ...။

အခုဆို မယ်ခွေနဲ့ မယ်ခွေချစ်သူတို့ကြားက ဝေးကွာမှု ခက်ခဲမှုတွေကို ဆွဲချုံ့ဖျောက်ကွယ်ပေးမယ့် Online Delivery စနစ်လေးကိုလည်း သေသေချာချာ အသက်ပြန်သွင်းခဲ့ပြီလေ ။
မယ်ခွေရဲ့ မိတ်ဟောင်းမိတ်သစ်ချစ်သူအားလုံး မယ်ခွေ
Page Messenger ကနေ မိမိစိတ်တိုင်းကျ လွယ်လင့်တကူ စုံစမ်းမှာယူနိုင်ပြီမို့
မယ်ခွေနဲ့ မယ်ခွေချစ်သူတို့ရဲ့ ဆုံဆည်းမှုဟာ အရင်ကထက် ပိုမိုလှပလာတော့မှာ အသေအချာပဲပေါ့ ။

ပိုမိုကောင်းမွန်သော အရည်အသွေး..
အရသာ.. လတ်ဆတ်မှု..
ထုပ်ပိုးမှု.. ဝန်ဆောင်မှု..
တစ်ရွေးသားမှမလျော့သွားတဲ့ ချစ်သက်လက်ဆောင်များစွာနဲ့ မယ်ခွေ 🎁🎁🎁

နိုင်ငံသူနိုင်ငံသားကောင်း မယ်ခွေချစ်သူများအားလုံး ဘေးမသီ
ရန်မခ အစစအရာရာ အဆင်ပြေကျန်းမာပျော်ရွှင်ကြပါစေရှင် ..
🙏🙏🙏

20/01/2021

ကုန်းတက်ဖြစ်သောကြောင့် နည်းနည်းအားစိုက်နင်းရသည်။
ဆောင်းနံနက်ခင်း၏အအေးဓါတ်က မလျော့သွားသေးသော်လည်း ခုံပေါ်ရှိ ဆန်နှစ်အိတ်၏အလေးချိန်သည်
ချွေးစတို့ကိုတော့ စို့နှင့်စေခဲ့ပြီ။
ကုန်းထိပ်ရှိ စတိုးဆိုင်လေးသို့ ရောက်သော် ဆိုက်ကားကို အသာရပ်၍ ဆိုင်အဝသို့ လှမ်းရုံ ရှိသေး..

"မရောက်သေးဘူး ဦလေးရွှေ.. မှာတော့မှာထားတာပဲ ပင်ရင်းမှာကို ပစ္စည်းပြတ်နေလားမသိဘူး"

"ဟာ ညီးတို့ကလည်း မဟုတ်သေးပါဘူးဟာ ဘယ်နှစ်ရက်ရှိနေပြီလဲ ဒာာ့ဆို ဟိုအထုပ်ကြီးတွေရော.. "

"အကုန်ပြတ်နေတာ ဦးလေးရေ အားတော့နာပါတယ် ကျမတို့လည်း သေချာမှာထားပါတယ် လောလောဆယ် တခြားတံဆိပ်လေး သောက်ထားပါလား "

"တော်ပါပြီဟာ နက်ဖြန်ခါမှ ထပ်လာကြည့်မယ် ဒီကြားထဲ ရောက်တယ်ဆိုရင် ဂိတ်က တစ်ကောင်ကောင် ဖြတ်သွားတာတွေ့ရင် ထည့်ပေးလိုက်စမ်းပါ နှစ်ပါကင်နော် ငါ့အတွက်"

"စိတ်ချပါ ဦးလေးရဲ့ ဂိုးပဲလား ပလက်တီနမ်ရော မယူဘူးလား"

"ဂိုးပဲဟေ့ ရေရှည်ကြည့်ရတယ်ဟ "

"အမယ်လေး ဘောစိကလည်းနော် အပိုတွေ နာမည်နဲ့ ဆေးလိပ် လိုက်ဖက်နေမှုကြီးကို ကျေနပ်နေတာမဟုတ်ဘူးလား "

သူ့အမည်က ဦးရွှေ ။ တိတိကျကျပြောရလျှင် ဆိုက်ကားဆရာ ဦးရွှေ ။ ထွန်းရွှေတို့ လှရွှေတို့ ရွှေဘတို့တွေလိုမျိုး အခြားစကားလုံးတစ်ခုပေါင်းထားသောနာမည်မျိုးမဟုတ်။ ရွှေ တစ်လုံးတည်း။ ငယ်စဥ်က မောင်ရွှေ ကိုရွှေ ၊ ကြီးလာတော့ ဦးရွှေ ဘရွှေ ဖြစ်လာခဲ့သူ ။

အသက်၆၀ ဝန်းကျင်အရွယ်နဲ့ မလိုက်တဲ့ သန်မာဖျတ်လတ်မှုမျိုးရှိပေမယ့် ဆံပင်ကတော့ တစ်ခေါင်းလုံးနီးပါ ဖြူနေခဲ့ပြီ ။ ဘယ်တုန်းကမှ မပိန်ခဲ့သလို ဝလည်းဝမလာသော ခန္ဓာကိုယ်ဖွဲ့စည်းမှုက သက်မွေးဝမ်းကြောင်းအလုပ်နဲ့တော့ အံကိုက်။

မျိုးနဲ့ရိုးနဲ့ အနှေးယာဥ်နင်းသူများဟု ပြောလို့ရအောင် အဘိုးကစပြီးသူ့အချိန်ထိ လန်ချားမှသည် ဆိုက်ကား ၊
ဦးရွှေ ဖခင်နင်းခဲ့သောဆိုက်ကားကို ဦးရွှေ အသက် ၂၀ ကျော်သည်နှင့်ဝင်နင်းခဲ့သည်။ အတန်းပညာကတော့ ၈တန်းထိသာ သင်ကြားခဲ့ဖူးပြီး ဘဝပညာကတော့ ဆိုက်ကားကိုသာ တစိုက်မှတ်မှတ်နင်းလာခဲ့သူ ။

ဆိုက်ကားသမားဆိုပြီး ဦးရွှေကို အထင်တော့ မသေးစေလို..။ သူ့ဂိတ်မှာသာမက အခြားဂိတ်များတွင်ပါ သူ့အပိုင်ဆိုက်ကားဆယ်စီးလောက် ပေးနင်းထားသော ဆိုက်ကားအုံနာတစ်ပိုင်း ဆိုက်ကားဆရာဖြစ်သည် ။ အုံနာခနှင့်ပင် ထိုင်စားနေ၍ရသော်လည်း ကိုယ်တိုင်လည်းနင်းသည်။ ဆိုက်ကားဆရာဘဝကို မစွန့်ခွာ၊ တစ်နည်းဆိုရလျှင် ဆိုက်ကားဂိတ်ကို သံယောဇဥ်ကြီးသူတစ်ဦးဟု ပြောနိုင်သည်။

ပိုသက်သာသော ပိုဝင်ငွေကောင်းနိုင်သော အခြားအလုပ်များပြောင်းလုပ်ရန် အခွင့်အရေးများကြုံခဲ့ဖူးသော်လည်း ဆိုက်ကားနင်းခြင်းကိုသာ စွဲမြဲလုပ်ကိုင်ခဲ့သည့် ဦးရွှေသည် သူ့သားကိုတော့ ဆိုက်ကားဆရာအဖြစ်မခံ ။
ပညာရေးကို အားပေးသည်။ ဘွဲ့ရပြီး အလုပ်ကောင်းကောင်းရသည်အထိ အစွမ်းကုန်ဖြည့်ဆည်းပေးမည်ဟု ဆုံးဖြတ်ထားသည် ။ ဆိုက်ကားမျိုးရိုးကို သူ့လက်ထက်မှာပင် ဖြတ်ချင်လေသည်။ သားသမီးကို ပိုမိုမြင့်မားသောဘဝကိုတွန်းပို့ကာ ပညာတတ်ကြီးအဖြစ် အမျိုးထဲဂုဏ်မြင့်စေချင်သည်။

ဆိုသော်ငြားလည်း.. သူကတော့ဆိုက်ကားဆရာစစ်စစ်ဘဝကို တစ်ပြားမှလျှော့ တစ်စက်မှရေအရောမခံ ။ သူ့ဖခင်အမွေဖြစ်သော သူစနင်းခဲ့သည့်ဆိုက်ကားအိုကြီးကို သေချာထိန်းသိမ်းပြီး ခုချိန်ထိ အိမ်ဦးခန်းမှာ အခန့်သားအလှထားထားသည်ကိုသာကြည့်တော့.. ။

ဦးရွှေအကြောင်းကိုပြောရလျှင်တော့ ဆိုက်ကားဆရာစစ်စစ်ဆိုသည့်အပြင် ဆေးပေါ့လိပ်သမားစစ်စစ်ဆိုသည်ကိုပါ ထည့်ပြောရမှ ပြည့်စုံလိမ့်မည်။
ဟုတ်သည်၊ ဦးရွှေက ဆေးပေါ့လိပ်သမား ။ ဂိတ်ရှိ ဆိုက်ကားပေါ် ခုံတန်းလျားပေါ်တွင် ဆေးပေါ့လိပ်လေးခဲပြီး ခပ်ပြုံးပြုံးနှင့် ခရီးသည်စောင့်နေတတ်သော ဦးရွှေ၏ပုံရိပ်ကို သူတို့တစ်ရပ်ကွက်လုံးက အလွတ်ရနေပြီးသား ။

တစ်ဘဝလုံးဆိုက်ကား နင်းလာခဲ့သလို တစ်ဘဝလုံး ဆေးပေါ့လိပ်မျိုးစုံ သောက်လာခဲ့ဖူးသော ဦးရွှေသည် ဒီနှစ်ပိုင်းထဲ အသစ်ထွက်လာသော ဆေးပေါ့လိပ်တံဆိပ်တစ်ခုကို အသည်းစွဲ ငြိတွယ်နေသည်။
ငယ်ငယ်က အရသာမျိုး ပြန်ရသကွာ ဆိုပြီး ဂိတ်ရှိဘော်ဒါ နင်းဖော်နင်းဖက်များကို ကိုယ့်ထမင်းကိုယ်စားပြီး အခမဲ့ကြော်ငြာဝင်တတ်သေးသည်။

အခုနောက်ပိုင်း ထိုဆေးပေါ့လိပ်က ပစ္စည်းခဏခဏပြတ်တတ်လာသည်။ ထို့ပြင် သူတို့ရပ်ကွက်ထဲ ကုန်းထိပ်က စတိုးဆိုင်လေးမှာသာ ဝယ်၍ရသည်။
ဟိုဘက်ရပ်ကွက်အစွန်မှာတော့ တစ်ဆိုင်ရသေးသည်။ ရှိမရှိက မသေချာ ။ သွားရမှာက လှမ်းပေမယ့် ချဥ်လာသော ခံတွင်းရဲ့ အလိုကို မလိုက်ပဲက မနေနိုင်တော့။
ဆန်အိတ်ပို့ပြီးနောက် ဂိတ်ပြန်ထိုးကာ နားနေသောဦးရွှေတစ်ယောက် ဆိုက်ကားကို ပြန်ခွလိုက်စဥ်..

"ကလင် ကလင် ကလင်"
" ဟေ့ ကိုရွှေကြီး.. ဂွတ်မောနီးဗျာ "

ဂိတ်သို့ကွေ့ဝင်လာသော နင်းဖော်နင်းဖက် ကိုမြင့်၊ မျက်နှာက ပြုံးချို မြူးထူးလို့..

သူ့ဆိုက်ကားကို ဘေးတွင်ယှဥ်ရပ်၍ လမ်းဟိုဘက် မျက်စောင်းထိုးက လက်ဘက်ရည်ဆိုင်ကို တူးတီးရှယ် ခေါက်သုတ်နှစ်ပွဲဟု လှမ်းအော်ပြီး တန်းလျားခုံသို့ဝင်ထိုင်သည် ။

"အမယ် ရုပ်ခံနဲ့ လေသံအနေအထားကတော့ ညကအောင်ထားတဲ့ရုပ်ပဲ ဟုတ်လား ဟေ့ကောင် "

ပြီတီတီအပြုံးနှင့် ကိုမြင့်က
"ဒါပေါ့ ကိုရွှေကြီးရာ.. နောက်ဆုံးခြောက်ပွဲတစ်ရွက် ကံကောင်းသွားတာဗျာ ဒီနေ့နားပစ်မို့ပဲ ကိုရွှေ့ကို ပြုစုချင်လို့ ထွက်လာတာ"

"အေး မင်းတို့တွေ အဲဒါတွေကြောင့်ပဲ တိုင်ပတ်နေတာ ကိုယ့်ဟာကိုယ် နင်းစရာရှိ စွဲမြဲနင်းမယ်မရှိဘူး
ဟိုဟာလေးအချောင်လိုချင် ဒီဟာလေးအချောင်လိုချင်နဲ့ တစ်လလောက်ကုန်နေပြီး တစ်ရက်လောက်ရတာလေးကို ပျော်နေကြ"

" ဟာ ကိုရွှေ.. ဒီမှာ လာပြုစုတဲ့လူကိုဗျာ ဘယ့်နှယ် စွတ်ကောနေရတာတုန်း လက်ဘက်ရည်တောင်မလာသေးဘူး "

"မင့်လက်ဘက်ရည် ဘာလုပ်ရမှာလဲ ငါ့ဟာငါလည်း သောက်နိုင်တာပဲ "

ပြောပြောဆိုဆိုနှင့် ဆိုက်ကားခြေနင်းကို နင်းရန် အားယူလိုက်သော ဦးရွှေကို..

" ဘယ်သွားမလို့လဲ ဟိုဘက်အစွန်ကဆိုင်ကိုလား "

အားယူနေသောခြေထောက် တုံ့ခနဲ ဖြစ်သွားပြီး ကိုမြင့်ကို ဦးရွှေပြန်ကြည့်လိုက်သည်။

"မင်း ဘယ်လိုသိလဲ "

"သိတာပေါ့ဗျာ မနေ့ညနေထဲက ဒီလောက်ပွစိပွစိလုပ်နေတဲ့ဟာ.. ဒီမှာ ကြည့်လိုက်စမ်း.. "

" ဟာ မင်းဘယ်ကရ.. "

လွယ်အိတ်ထဲကထွက်လာသည့် ဆေးပေါ့လိပ်အထုတ်လေးလေးတွေကိုကြည့်ရင်း ဦးရွှေမျက်လုံးများ ဝင်းလက်သွားသည် ။

"အဲ့ဆိုင်ကို အစောကြီး သွားဝယ်လာတာလေဗျာ..အာ့ကြောင့်ဂိတ်ထိုးနောက်ကျနေတာ ကိုယ့်ချစ်ကိုကြီးအကြိုက်ကို ညီလေးက ဖြည့်ဆည်းပေးချင်လွန်းလို့.. ဆိုင်မှာ ကျန်သမျှအကုန် မချလာတာပဲ
ဒီကဆိုင်က... "

"ဟာ တော်တော်လေရှည်တဲ့ကောင် ပေးစမ်းတစ်လိပ်.. သောက်စကားကိုများတယ်"

စကားဖြတ်၍ဆေးလိပ်ထုပ်ကို လှမ်းဆွဲသောဦးရွှေကို..

"ဟိုး ဆရာ ဒီမှာ ပလက်တီနမ်လေး မဖွာချင်ဘူးလား စမုနော် စမုလေး.. အယ်လယ် "

"အောင်မာ အရင်ငါ့ဆီက ဂိုးကပ်တုပ်နေတဲ့ကောင်ကများ.. ခုမှ ဖင်ခေါင်းလာကျယ်ပြနေတယ် ပေးစမ်းမြန်မြန် ဂိုးပဲပေး "

" ဟာဗျာ ပိုကောင်းတာလည်း တိုက်ရသေးတယ် ကိုရွှေကြီးက မမိုက်ပါဘူးဗျာ စေတနာကို.."

"ဟေ့ကောင်.. ဘာတွေပလီပလာလုပ်နေတာလဲ ငါလခွမ်းတဲ့မှ... "

"ဟားဟားဟား စတာပါ ကိုရွှေဂိုးကြီးရဲ့ စိတ်ချည်းပဲ"

လက်သီးဆုပ်ရင် ဆိုက်ကားပေါ်က ဆင်းလာသည့်ဦးရွှေကို ဆေးပေါ့လိပ်ထုပ်ပစ်ပေးရင်း လဖေ့ရည်ခွက်များလာပို့သော စားပွဲထိုးလေးဆီသို့ ကိုမြင့်လျှောက်သွားလိုက်သည် ။

ဆေးပေါ့လိပ်ကို မီးညှိရှိုက်ဖွာလိုက်ရင်း ဆေးလိပ်ငွေ့များကြားမှ ဦးရွှေပြောလိုက်သော စကားသံတိုးတိုးကိုတော့ ကိုမြင့်တစ်ယောက်ကြားလိုက်မည်မဟုတ်ပေ...

" ရွှေကြီးရဲ့ စွဲလမ်းမှုဟာ ရွှေနဲ့ပဲ ချိန်စက်လို့ရတယ်ဆိုတာ.. မင်းတို့ မသိတာလည်း မဟုတ်ပဲနဲ့ကွာ..." ။

#မယ်ခွေချစ်သက်လက်ဆောင်
#မယ်ခွေချစ်သူများ

#ရွှေရဲ့ခွေ_ခွေရဲ့ရွှေ

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	08:00 - 17:00
Sunday	08:00 - 17:00

Mae Khwae - မယ်ခွေ ချစ်သက် လက်ဆောင်

18/04/2024

06/10/2023

30/08/2023

20/08/2023

06/07/2023

10/06/2023

07/05/2023

01/05/2023

17/04/2023

12/02/2023

11/02/2023

09/02/2023

01/01/2023

16/10/2022

07/10/2022

29/12/2021

24/10/2021

27/08/2021

21/08/2021

20/01/2021

Address

Opening Hours

Telephone

Website

Alerts

Contact The Business

Videos

Shortcuts

Share

မယ်ခွေ ချစ်သက်လက်ဆောင်