26/08/2022
Sir Edward’s Beer Reserve
ပိုက်ဆံအများကြီးလည်းမသုံးချင်ဘူး၊ ကောင်းကောင်းလေးလည်းသုံးဆောင်ချင်တယ်၊ ဘယ်ဟာအဆင်ပြေမလဲဆိုပြီး လာမေးတဲ့သူတွေကို အခုနောက်ပိုင်း ကျွန်တော်ညွှန်းနေတာ ဒီကောင်ပါ။
ကျွန်တော့်အထင် Sir Edward’s Beer Reserve က ဒီနှစ် 2020 နှစ်လယ်လောက်ကမှ စထွက်လာတာပါ။ ဒီ Beer Reserve ပါအပါဆို Sir Edward က လေးမျိုးပဲ ထွက်သေးတယ်ထင်ပါတယ်။
(1) Finest
(2) 12 Years
(3) Smoky
(4) Beer Reserve
လိုရင်းတိုရှင်းဖြစ်အောင် review ပဲ တန်းသွားရအောင်ခင်ဗျာ။
Aroma - ရနံ့ကမွှေးပါတယ်။ ပျားရည်ရနံ့လေးရယ်၊ oaty aroma လေးရယ်၊ citrus အသီးရနံ့လေးရယ်နှင့် aroma က sweet ဖြစ်ပါတယ်။ ရေမွှေးရနံ့မသိမသာလေးနဲ့ aroma က မပျော့မပျင်းလေးပါ။ ရနံ့က မွှေးလည်းမွှေး မိုက်လည်းမိုက်ပါတယ်ခင်ဗျာ။
Taste - သူတို့ပြောသလို အရသာက ကဗျာဆန်ပါတယ်။ အရသာစစချင်းမှာ ဝီစကီတစ်ခုရဲ့ smooth ဖြစ်တဲ့ ညက်ညောမှုကို ကောင်းကောင်းခံစားရမှာပါ။ ညက်ညောမှုရဲ့နောက်မှာ caramel အချိုရဲ့ sweet ဖြစ်တာလေးက မသိမသာနဲ့ လိုက်ပါအားဖြည့်ပေးမှာပါ။ Smooth & sweet တွဲမိသွားရင် အရသာက အီပြီး ပျော့သွားတတ်ပါတယ်။ အဲ့လိုမပျော့သွားဖို့အတွက် ဘယ်ရီသီးအရသာတွေက background notes အနေနဲ့ taste ကိုလေးနက်အောင် ကူညီပေးထားပါတယ်။ အဲ့အရသာတွေအပြီးမှာ မအီသွားဖို့ အတွက် spice အရသာလေးက ပေါ်လာပါတယ်။ သူ့ရဲ့ spice က အရမ်းမပျင်းတဲ့အတွက် beginner တွေတောင် ကောင်းကောင်းသုံးဆောင်နိုင်မှာပါ။ ပြီးတော့ caramel အချိုအရသာလေးကလည်း အရသာအစကနေ အဆုံးသတ်နား spicy အရသာပေါ်လာတဲ့အထိတိုင်အောင် မပျောက်သွားပါဘူး။ သူ့ရဲ့ spicy ဖြစ်တာက caramel အချိုလေးနဲ့ မသိမသာတွဲပြီး အရသာအဆုံးသတ်ကို အကောင်းဆုံးဖြစ်အောင် ကဗျာဆန်ဆန်ကို ပံ့ပိုးပေးသွားတာပါ။ ပေးရတဲ့စျေးနဲ့ ပြန်ရတဲ့ taste က အရမ်းကောင်းပါတယ်ခင်ဗျာ။
Finish - အဆုံးသတ်မှာ spicy လေးတစ်ခုကပဲ ကဗျာဆန်ဆန်ကစားသွားတာလားဆိုတော့ မဟုတ်သေးပါဘူး။ Smoky ဖြစ်တာလေးကလည်း spicy နဲ့အတူပေါင်းပြီး finish လေးကို ပိုပြီးကဗျာဆန်အောင် ပံ့ပိုးပေးထားပါတယ်။ အဲ့အပြင်ကိုမှ Beer Reserve လို့ပြောတဲ့အတိုင်း beer ရဲ့ အနံ့မွှေးမွှေးလေးကလည်း အဆုံးသတ်မှာ မသိမသာပေါ်လာပြန်ပါတယ်။ အဲ့လို နူးနူးညံ့ညံ့ spice လေးကိုမှ ကဗျာဆန်ဆန် smoky လေးနဲ့ တော်တော်ကောင်းတဲ့အပြင် finish ကချက်ချင်းပြီးမသွားပဲ ညက်ညက်ညောညောနဲ့ ကြာကြာလေးကို ခံစားရပါတယ်ခင်ဗျာ။
ABV - 40%
Price - ၁ သောင်းကျော်
စျေးအားဖြင့် ၁ သောင်းကျော်ကျော်လောက်နဲ့၊ အရသာကလည်း smooth ဖြစ်တယ်၊ အရမ်းပျော့တဲ့အထဲလည်းမပါဘူး၊ neat / ရေခဲနဲ့ / mixer နဲ့ ဘယ်လိုဖြစ်ဖြစ်လည်း အဆင်ပြေတဲ့အတွက် လောလောဆယ် ကျွန်တော် recommend ပေးလေ့ရှိနေတာပါ။
ဒီကောင့်ကိုညွှန်းရတဲ့ နောက်တစ်ချက်က အတုပြဿနာကြောင့်လည်းပါပါတယ်။ မြန်မာပြည်မှာ အတုက အရမ်းပေါပါတယ်။ ဒါပေမယ့် အတုထွက်တာ အရမ်းနည်းတဲ့ တံဆိပ်ထဲမှာ Sir Edward ပါပါတယ်။ Smoky နှင့် Beer Reserve ဆို အတုက မရှိသလောက်နည်းပါတယ်။ စျေးလည်းတန်၊ အရသာလည်းကောင်း၊ အတုလည်း သိပ်မထွက်တာမို့ ဒီကောင်လေးကို ညွှန်းပေးလိုက်ပါတယ်ခင်ဗျာ။
တခြား Liquor / Spirits / Wine / Whisky တွေရဲ့အကြောင်းတွေ၊ သုံးဆောင်ပုံတွေ၊ review တွေကို အချိန်ရရင်ရသလို တင်သွားမှာမို့ Page ကို Like & Share လုပ်ထားကြပါခင်ဗျာ။ ဒီ Page က ယမကာ/ဝိုင်/ဘီယာ ဘာတစ်ခုမှ မရောင်းပါဘူး ခင်ဗျာ။
Thank You 😊
Credit
(Photos from Internet)
