J Pot

J Pot Japan နေမြန်မာများအတွက် Media တခု

当サイトは、Amazon.co.jpを宣伝しリンクすることによってサイトが紹介料を獲得できる手段を提供することを目的に設定されたアフィリエイトプログラムである「Amazonアソシエイト・プログラム」の参加者です。

This site is a participant in the “Amazon Associate Program”, an affiliate program designed to provide a means for the site to earn referral fees by promoting and linking to Amazon.co.jp.

23/01/2025

ဂျပန်နိုင်ငံ၏ ထိပ်တန်း TV အစီအစဉ်တင်ဆက်သူနှင့် ပေါ့ပ်စတားဟောင်းတစ်ဦးဖြစ်သည့် Masahiro Nakai သည် ဂျပန်နိုင်ငံ၏ ဖျော်ဖြေရေးနယ်ပယ်ကို လှုပ်ခတ်သွားစေသည့် လိင်ပိုင်းဆိုင်ရာ စော်ကားမှုစွပ်စွဲချက်များအတွက် တာဝန်မှ အနားယူသွားပြီဖြစ်ကြောင်း 2025 Jan 23 ကြာသပတေးနေ့တွင် ပြောကြားခဲ့သည်။

Shukan Bunshun (Weekly magazine) သည် 2023 ခုနှစ် ညစာစားပွဲတခုတွင် ဖူဂျီတီဗီဝန်ထမ်းများကMasahiro Nakai က TV Announcerမိန်းကလေးကို လိင်ပိုင်းဆိုင်ရာ အကြမ်းဖက်မှု ဖြစ်မြောက်အောင် ကူညီဆောင်ရွက်ပေးခဲ့သည်ဟု စွပ်စွဲခံထားရသည်။

2023 ခုနှစ်တွင် Fuji TV၀န်ထမ်းများနှင့် Masahiro Nakai တို့၏ ညစာစားပွဲတွင် အခြားသော ၀န်ထမ်းများက အကြောင်းအမျိုးမျိုးပြကာ မသွားကြပဲ TV Announcer အမျိုးသမီးနှင့် Masahiro Nakai ၂ဦးတည်း အခန်းတခန်းတည်းတွင် ညစာစားသောက်တဲ့ အခြေအနေဖြစ်အောင်ဖန်တီးခဲ့သည် ဟုသိရသည်။ ထို့နောက် Masahiro Nakaiက လိင်အကြမ်းဖက်ချိန် ငြင်းဆိုသော ထို အမျိုးသမီးကို အခြား TV Announcerမိန်းကလေးတွေဆို မငြင်းကြဘူး ဘာလို့မင်းက ငြင်းတာလည်းဟုပြောခဲ့ကြောင်းလဲ ဖော်ပြထားသည်။

၄င်း အမျိုးသမီးက Fuji TV၀န်ထမ်းဖြစ်သောကြောင့် Companyအတွင်း တိုင်တန်းခဲ့သော်လည်း Masahiro Nakai မှ ယန်းသန်း 90 (ဒေါ်လာ 580,000) ပေးလျော်ပြီး ပြင်ပသို့ သတင်းမပေါက်ကြားရန် နှုတ်ပိတ်ခဲ့ကြောင်းရေးသားထားသည်။

Fuji TV သည် Nakai ကဲ့သို့သော နာမည်ကြီး မင်းသားများကို ဖျော်ဖြေရန်အတွက် ၎င်း၏ ၀န်ထမ်း အမျိုးသမီး TV Announcer ကြေညာသူများကို ကာလကြာရှည် အသုံးချခဲ့သည်ဟုလည်း အဆိုပါ မဂ္ဂဇင်းက စွပ်စွဲထားသည်။

ယခုသတင်းကြောင့် Fuji TVတွင် ကြေငြာထည့်နေကြသော တိုယိုတာ Companyအပါအ၀င် Companyကြီးများက ကြေငြာများ မထည့်တော့ကြောင်း ထုတ်ပြန်ထားကြပါသည်။

18/01/2025

ဂျပန်နိုင်ငံနေထိုင်သူများအတွက် ကိုယ်ဝန်တားခြင်းနှင့်ပတ်သက်ပြီး တစေ့တစောင်း

ပုံမှန်ကိုယ်ဝန်တားဖို့နည်းလမ်းက ဂျပန်မှာ သောက်ဆေးနဲ့ သားအိမ်တွင်းပစ္စည်းထည့်ခြင်း ၂ မျိုးပဲရပါတယ်။

1. ဟော်မုန်းသောက်ဆေးကဒ် (低用量ピル)
ဆေးဆိုင်တွေမှာ ဒီအတိုင်း ဝယ်လို့မရဘဲ သားဖွားမီးယပ်ဆရာဝန်ညွှန်ကြားချက်နဲ့သာ ဝယ်လို့ရမှာ ဖြစ်ပါတယ်။တစ်ခါ ညွှန်းပေးရင်လည်း ၃ လ စာအထိပဲ အများဆုံး ညွှန်းပေးမှာဖြစ်ပြီး သားဖွားမီးယပ်ဆရာဝန်ဆီ ၃ လ တစ်ကြိမ် ပြန်လည်ချိန်းဆိုပြသပြီးမှ ထပ်မံ ပေးမှာဖြစ်ပါတယ်။

2. သားအိမ်တွင်းပစ္စည်းထည့်ခြင်း (子宮内避妊用具
တစ်ခါထည့်ထားပြီး ၅ နှစ်ကြာမှ ပြန်လဲရမှာပါ။လူ၁၀၀ မှာ ၂ ယောက်လောက်ထွက်ကျနိုင်တဲ့အခြေအနေရှိပြီး အခြေအနေကြည့်ဖို့ ထည့်ပြီးရာကနေ ရာသီလာပြီးအချိန်တစ်ခါ၊သုံးလကြာမှာ တစ်ခါ၊ခြောက်လကြာမှာ တစ်ခါ၊ အဲ့ဒီနောက်ပိုင်း တစ်နှစ်တစ်ခါ ပုံမှန်အိုဂျီနဲ့ပြန်ပြပေးရပါမယ်။

ကိုယ်ဝန်တားခြင်းအတွက် ကျန်းမာရေးအာမခံ သုံးလို့မရတဲ့ အတွက် ကုန်ကျစားရိတ် အကုန် မိမိဘာသာ စိုက်ထုတ် ကျခံရမှာဖြစ်ပါတယ်။

အကြမ်းမျဉ်းအားဖြင့် ကုန်ကျစားရိတ်
-ဟော်မုန်းဆေးကဒ် တစ်လ ယန်း ၂၅၀၀ မှ ၃၀၀၀
-သားအိမ်တွင်းပစ္စည်းထည့်ခြင်း (တစ်ခါထည့်လျှင် ၅နှစ်သုံးနိုင်) ယန်း သုံးသောင်းမှ လေးသောင်းဝန်းကျင်

အခြားရောဂါအတွက် (ဥပမာ ရာသီမမှန်ခြင်း၊ရာသီလာစဉ်ခံစားရသောဝေဒနာများရှိခြင်းစသည်ဖြင့်) ဟော်မုန်းဆေးကဒ် (低用量ピル)သုံးတာဆိုရင်တော့ ကျန်းမာရေး အာမခံသုံးလို့ရတဲ့အတွက် ၃ ပုံ တစ်ပုံပဲ ကျခံရပါမယ်။

အထက်ပါနည်းလမ်းများမသုံးဖြစ်ခဲ့လို့

1. အရေးပေါ် ကိုယ်ဝန်တားဆေးဖြစ်တဲ့ After pill (緊急避妊ピル)သုံးဖို့လိုလာရင်
ဒီဆေးကိုလည်း အိုဂျီဆရာဝန်နဲ့ ပြသမှ ဆေးညွှန်းပေးမှာဖြစ်ပါတယ်။၇၂ နာရီအတွင်းသောက်ပါမှ ထိရောက်မှာဖြစ်တာကြောင့် အိုဂျီဆေးခန်းဆီ အမြန်သွားပြဖို့လိုပါတယ်။ဆရာဝန်က After pill လိုမလို မေးမြန်းပြီး လိုအပ်တဲ့သူမှာမှ ကိုယ်ဝန်ဆောင်ဖူးတဲ့အမျိုးသမီးဆိုရင်တော့ ဟော်မုန်းပါတဲ့ သားအိမ်တွင်းသုံး သန္ဓေတားပစ္စည်းထည့်မလား ဆေးသောက်မလားမေးပါလိမ့်မယ်။ကိုယ်ဝန်မဆောင်ဖူးသူ သို့ ပစ္စည်းမထည့်ချင်သူအတွက်တော့ After pill ဆေးပေးပါလိမ့်မယ်။ဆွေးနွေးကြည့်ပြီး လိုအပ်ရင် ပုံမှန်သောက်တဲ့ တားဆေးပါထပ်ပေးပါလိမ့်မယ်။၂ ပတ်ကြာရင် ကိုယ်ဝန်ရှိမရှိ ဆီးပြန်စစ်ဖို့လိုပါတယ်။ဆေးဆိုင်မှာ ဝယ်လို့ရတဲ့ ကိုယ်ဝန်ရှိမရှိ ဆီးစစ်တဲ့ အရာနဲ့ ကိုယ့်ဘာသာစစ်လို့ရပါတယ်။

ကုန်ကျစားရိတ်

-အရေးပေါ် ကိုယ်ဝန်တားဆေး (တစ်ကြိမ်သောက်နှစ်သုံး) ယန်း တစ်ယောင်းခွဲ မှ နှစ်သောင်းဝန်းကျင်

2. တရားဝင် ကိုယ်ဝန်ဖျက်ချခြင်း

ဖျက်ချပေးဖ်ို့ အောက်ပါ အချက်နှစ်ချက်ထဲက တစ်ခုခုနဲ့ ကိုက်ညီဖို့ လိုပါတယ်။
-ကိုယ်ဝန်ဆောင်ခြင်းဖြင့် မိခင်၏ ကျန်းမာရေးသို့မဟုတ် စီးပွားရေးပြဿနာ ကြုံတွေ့နိုင်ခြင်း
-အဓမ္မအကျင့်ခံရခြင်း

အဓမ္မအကျင့်ခံရတာနဲ့ ကလေးအဖေ ဖော်ပြဖို့ အခက်အခဲရှိတဲ့ အခါကလွဲလို့ ဖျက်ချဖို့ နှစ်ဦးသဘောတူထောက်ခံချက်လိုပါတယ်။

ကိုယ်ဝန်ဖျက်ချခြင်းကလည်း ကျန်းမာရေးအာမခံသုံးလို့ မရတဲ့အတွက် မိမိဘာသာစိုက်ထုတ်ပေးချေရမှာ ဖြစ်ပါတယ်။အကြမ်းမျဉ်းအားဖြင့် ကိုယ်ဝန် ၁၂ ပတ်မပြည့်ခင်ဖျက်ချရင် ယန်း သောင်း ၁၀ ကနေ သောင်း ၂၀၊ ကိုယ်ဝန် ၁၂ ပတ်ကနေ ၂၂ ပတ်မပြည့်ခင်မှာ ဖျက်ချရင် ယန်း သောင်း ၃၀ ကနေ သောင်း ၅၀ လောက်ကုန်ပါမယ်။အထူးငဲ့ညာရမယ့် အကြောင်းအရာ (ဥပမာ မိခင်နဲ့ကလေးရဲ့ကျန်းမာရေး) မရှိရင် ကိုယ်ဝန် ၂၂ ပတ်ကနေစပြီးဖျက်ချမပေးတော့ပါဘူး။၂၂ပတ်နောက်ပိုင်း ဖျက်ချရင် မြို့နယ်ရုံးမှာ သေဆုံးသူစာရင်းသွင်းပြီး မီးသဂြိုလ်ပေးရမှာဖြစ်တဲ့အတွက် ဒီစားရိတ်တွေပါကုန်ကျနိုင်ပါသတဲ့။

ကိုယ်ဝန်တားရန် အခြားနည်းလမ်းများ

အောက်ဖော်ပြပါနည်းလမ်းများကတော့ အကုန်အကျသက်သာပေမယ့် ကိုယ်ဝန်ရသွားနိုင်တဲ့ အခွင့်အလမ်းများပါတယ်။

1. ရက်ရှောင်နည်း (မှန်မှန်ကန်ကန်သုံးရင် ကိုယ်ဝန်ရနိုင်ခြေ ၁-၉ ရာခိုင်နှုန်း၊သာမန်အားဖြင့် သုံးရင် ကိုယ်ဝန်ရနိုင်ခြေ၂၅ ရာခိုင်နှုန်း)
ရာသီလာပြီး နှစ်ပါတ်မြောက်ကနေ သုံးပါတ်မြောက် ရက်သတ္တပါတ် ၂ ခုမှာ ကိုယ်န်ြရနိုင်ခြေအများဆုံးဖြစ်တာမို့လို့ အဲ့ဒီအချိန်တွေ အတူမနေဘဲ ရှောင်တာပါ။ဒါကလည်းရာသီစက်ဝိုင်းမမှန်သူများမှာတော့ အဆင်မပြေပါဘူး။

2. အကာအကွယ်ယူတဲ့နည်း (မှန်မှန်ကန်ကန်သုံးရင် ကိုယ်ဝန်ရနိုင်ခြေ ၂ ရာခိုင်နှုန်း၊သာမန်အားဖြင့် သုံးရင် ကိုယ်ဝန်ရနိုင်ခြေ ၁၅ ရာခိုင်နှုန်း)
ကွန်ဒုံးကတော့ convenience store တွေမှာတင် လွယ်လွယ်ကူကူဝယ်လို့ရပါတယ်။ကွန်ဒုံးသုံးခြင်းရဲ့ ကောင်းတဲ့အချက်ကတော့ လိင်မှတဆင့် ကူးစက်တတ်သော ရောဂါများကို ကာကွယ်နိုင်တာပါ။

3. မိန်းမကိုယ်ပြင်ပတွင်သုတ်လွှတ်ခြင်း(မှန်မှန်ကန်ကန်သုံးရင် ကိုယ်ဝန်ရနိုင်ခြေ ၄ ရာခိုင်နှုန်း၊သာမန်အားဖြင့် သုံးရင် ကိုယ်ဝန်ရနိုင်ခြေ ၂၀ ရာခိုင်နှုန်း)

သတိပြုရန်(၁)

ဟော်မုန်းဆေးအရေပြားအောက်ထည့်တာ (implant)နဲ့ ဟော်မုန်းဆေးထိုးတာဟာ ဂျပန်မှာ လုပ်လို့မရသလို ထည့်လာပြီး ပြန်ထုတ်ချင်ရင် သားဖွားမီးယပ်ဆရာဝန်နဲ့မဟုတ်ဘဲ အရေပြားဆရာဝန်ဆီမှာ သွားခွဲထုတ်ရပါမယ်။

အဲ့ဒီတော့ အိမ်ထောင်ရှင်အမျိုးသမီးများအနေနဲ့ ဂျပန်မှာ အိုဂျီနဲ့ပြပြီး အကုန်အကျမခံနိုင်ရင် မြန်မာပြည်မှာ အရေပြားအောက် ဟော်မုန်းသွင်းလာခဲ့ပြီး ကလေးလိုချင်မှ ပြန်ထုတ်တာ အဆင်ပြေပါလိမ့်မယ်။ဆေးကဒ်တွေသယ်တာကတော့ မမိရင်တော့ကိစ္စမရှိပေမယ့် ပုံမှန်အားဖြင့် ၂ လစာပဲ ယူလာဖို့ ခွင့်ပြုလို့ပါ။ဆရာဝန်ထောက်ခံစာလိုလိုမယ်မယ် ယူလာသင့်ပါတယ်။ ၂လစာထက်ပိုရင်တော့ Import permit 約款照明 ကြိုတင်လျှောက်ဖို့လိုပါတယ်။ဆရာဝန့်ထောက်ခံချက်လိုပါတယ်လို့ ဆိုပါတယ်။

သတိပြုရန်(၂)

အတူနေကြိမ်များတဲ့သူတွေမှာတော့ ဟော်မုန်းဆေးသောက်တာ သို့ သားအိမ်တွင်းပစ္စည်းထည့်ထားတာ အရေပြားအောက် ဟော်မုန်းသွင်းထားတာသာ စိတ်အချရဆုံးနည်းလမ်းဖြစ်ပါတယ်။ကိုယ်ဝန်မရအောင်အပြင် လိင်မှတဆင့်ကူးစက်တတ်သောရောဂါများဖြစ်တဲ့ ကာလသားရောဂါ၊ဂနိုးရီးယား၊အိပ်ခ်ျအိုင်ဗွီတို့ပါ ကာကွယ်ချင်ရင်တော့ အထက်ပါနည်းလမ်းများနဲ့အတူ ကွန်ဒုံးကိုပါ အမြဲတွဲသုံးပါ။

အကြမ်းမျဉ်း ရေးသားထားခြင်းဖြစ်၍ အသေးစိတ်မှာ သက်ဆိုင်ရာ အိုဂျီနဲ့ တိုင်ပင်ဆွေးနွေးပါ။

Ref: Japanese Society of Obstetrics and Gynecology

08/01/2025

1945 ကမ္ဘာစစ်ကြီးအတွင်းမှာ ရှင်ဂျူးခု ဘူတာ အနီးဝင်းကျင် လည်း ပျက်စီးခဲ့တာ ဒီ ဓာတ်ပုံကနေ သိနိုင်ပါတယ်။

သမိုင်းအမှတ်တရ ရှင်ဂျူးခု ဘူတာပုံကို မျှဝေလိုက်ပါတယ်။

02/01/2025

ဂျပန် (ဖူခူအိုကာ) နမ်ဇိုအင်း လျောင်းတော်မူ ကြေးသွန်းဘုရား

ဘုရားကြီးက 1035, Sasaguri, Sasaguri-machi, Kasuya-gun, Fukuoka မှာ တည်ရှိပါတယ်။ ကမ္ဘာပေါ်မှာ အကြီးဆုံး လျောင်းတော်မူ ကြေးသွန်းဘုရား ဖြစ်ပါတယ်။
41 မီတာ အရှည်ရှိပြီး၊ 11 မီတာ မြင့်ကာ၊ ကြေးတန်ချိန် ၃၀၀ တန်ခန့် ရှိပါတယ်။

သမိုင်းအရဆိုလျင် ရှေးယခင်က ဝါကယာမ မှာရှိတဲ့ ကိုးယတောင်(Mt.Koyasan)ပေါ်မှာ တည်ထားကိုးကွယ်ခဲ့ကြတယ် ဆိုပါတယ်။ ၁၈၈၆ ခုနှစ်မှာ ဗုဒ္ဓဘာသာ ဆန့်ကျင်တဲ့ အာဏာပိုင် အဖွဲ့အစည်းများရဲ့ ဖျက်ဆီးခံရမယ့် အန္တရာယ်ရှိလာပါတယ်။ ၁၈၉၉ မှာတော့ စစာဂုရီ ဘုန်းတော်ကြီး နှင့် ဟယရှိ စတိုးရှိအွန်း တို့ ဦးဆောင်ပြီး ယခုနေရာကို ပြောင်းရွေ့ ကိုးကွယ်ခဲ့ကြပါတယ်။

လျောင်းတော်မူ ဘုရားကြီးတွင် ဂေါတမ မြတ်စွာဘုရား၊ အရှင် အာနန္ဒာ၊ ရှင်မောဂ္ဂလန် တို့ရဲ့ အရိုးပြာကို ဌာပနာထားပါတယ်။ အဆိုပါ အရိုးပြာများကို မြန်မာနိုင်ငံမှ ပေးပို့လှူဒါန်းထားတာပါ။ မြန်မာနဲ့ နီပေါရဲ့ ကလေးငယ်များအတွက် ဆေးဝါးများ လှူဒါန်းခဲ့တဲ့ ကျေးဇူးတုန့်ပြန်မှုအနေနဲ့ လို့ ဆိုပါတယ်။
၁၉၉၅ ခုနှစ် ပွဲတော်ကိုလည်း မြန်မာနဲ့ နီပေါမှ သံဃာတော် ၁၃၀၀ ခန့် တက်ရောက်ခဲ့ပါတယ်။

လျောင်းတော်မူ ဘုရားကျောင်းထဲတွင် လူတို့ရဲ့ အရိုးပြာ ၄၃၁၅ အိုးရှိပါတယ်။ ဂျပန်ရှိ ဗုဒ္ဓဘာသာ ဘုန်းကြီးကျောင်းများသည် လူတို့ရဲ့ အရိုးပြာအိုးများကို ထိန်းသိမ်းစောင့်ရှောက်တဲ့ လစဉ်ဝင်ငွေကို အဓိက မှီပြီး ရပ်တည်ကြရပါတယ်။

ဖူခုအိုကာကိုရောက်ရင်တော့ သွားရောက်ဖူးမျှော် ပူဇော်ကြပါဦး။

01/01/2025

Season 3 of SQUID GAME မှာ မြန်မာပြည်က သရုတ်စောင် တဦးလည်း ပါမည်ဟု သတင်းရရှိထားပါသည်။

Photo Credit to original photo editor

နှစ်သစ်မှာ ပြုံးရယ်နိုင်စေဖို့ အတွက်သာ

31/12/2024

နှစ်သစ်မှာ တိုကျို မြို့ထဲမှာပဲ ဘုရားဖူးချင်တယ်ဆိုရင်

Shinagawa မြို့နယ်မှာ ရှိတဲ့ အမြင့်ပေ ၁၀ ပေကျော် ရှိတဲ့ ဘုရား ၅ဆူ ကျောင်းကိုရောက်ပြီးကြပြီလား။

ထို ဘုန်းကြီးကျောင်းတွင် Edo ခေတ်ကာလတွင် တည်ဆောက်ထားသော ဗုဒ္ဓရုပ်ပွားတော်ကြီး ၅ ဆူရှိပါသည်။

Tokaido Shinkansen သံလမ်းတစ်လျှောက် လူနေရပ်ကွက်ကိုဖြတ်၍ JR Nishi-Oi ဘူတာမှ 10 မိနစ် လမ်းလျှောက်ပါက တောင်ငယ်လေးပေါ်တွင် Yogyokuin Nyoraiji ဟုခေါ်သော ဘုရားကျောင်းတစ်ခုရှိသည်။ မူလက Shimotani (Taito Ward) တွင်တည်ရှိသော Yogyoku-in နှင့် Takanawa (Minato Ward) တွင်ရှိသော Nyorai-ji ဘုရားကျောင်းတို့ကို လက်ရှိနေရာသို့ ပြောင်းရွှေ့သောအခါတွင် ရှည်လျားသောအမည်ရှိသော ဤဘုရားကျောင်းကို တည်ထောင်ခဲ့ခြင်းဖြစ်သည်။

တောင်တံခါးဘေးက ကုန်းစောင်းကိုတက်ရင်း ငှက်ကလေးတွေ တေးဆိုသံကို ကြားရတယ်။ ရာသီအလိုက် ပန်းတွေ ပွင့်နေတဲ့ ဘုရားကျောင်း ခြံဝန်းဟာ မင်းကို တိုကျို မြို့ထဲမှာ ရှိနေတာကို မေ့သွားစေမယ့် အေးချမ်းတဲ့ နေရာတစ်ခုပါ။

ဆင်ခြေလျှောရဲ့ထိပ်ကိုရောက်ရင် ဘယ်ဘက်မှာရှိတဲ့ ပင်မခန်းမကို တွေ့ရမှာဖြစ်ပြီး သင့်ရှေ့မှာမြင်ရမယ့်နေရာကတော့ Nyorai-do (Zuio-den) ဖြစ်ပါတယ်။ ဘုရားဆင်းတုတော် ၅ဆူ က ဒီထဲမှာပါ။ ရှေ့လှေကားကိုတက်ပြီး လက်ဖဝါးနှစ်ဖက်ကိုတွဲပြီး ဘုရားကန်တော့ လိုက်ပါ။

Nyorai-do ၏ အရှေ့တံခါးသည် ယခင်က ဖွင့်ထားသော်လည်း ယခုအခါ အကာအကွယ်အတွက် ပိတ်ထားပါသည်။ ဒါပေမယ့် ခန်းမ၏ညာဘက်ခြမ်းရှိ လျှောတံခါးမှတဆင့် မဟာမြတ်စွာဘုရား ၅ဆူ အနီးသို့ သွားရောက်ဖူးမျှော်နိုင်သည်။ မင်းရဲ့စိတ်လှုပ်ရှားမှုကို ထိန်းထားရင်း လျှောတံခါးကိုဖွင့်လိုက်တာနဲ့ ခန်းမရဲ့ အတွင်းပိုင်းကို အလင်းရောင်မှိန်မှိန်လေး မြင်နိုင်ပါတယ်။

ဘုန်းကြီးကျောင်း တနှစ်တာ အချိန်ဇယား
https://www.yougyokuin.com/%E5%B9%B4%E4%B8%AD%E8%A1%8C%E4%BA%8B/

ဘုန်းကြီးကျောင်း လိပ်စာ
5-22-25 Nishioi, Shinagawa-ku, Tokyo

Google Map
https://maps.app.goo.gl/Zu5twBo63zGDA7JY6

Nearest station:
10 minutes from JR Yokosuka Line Nishioi Station
10 minutes from Toei Subway Asakusa Line Magome Station
10 minutes from Tokyu Bus Gotanda-Kawasaki Line Magome Station
10 minutes from Tokyu Bus Gotanda-Kawasaki Line Magome Station

10 parking spaces available

26/12/2024

တရုတ်ကို ၁၀ နှစ် အလည်အပတ် ဗီဇာ ထုတ်ပေး
(သတင်း)

ဂျပန်ကို လာလည်ချင်တဲ့ တရုတ် သဌေးတွေကို ၁၀ နှစ် ဗီဇာထုတ်ပေးတော့မည်ဟု သတင်းရရှိပါသည်။

စီးပွါးရေးတိုးတက်လာပြီး ချမ်းသာသူ ပေါများလာတဲ့ တရုတ်နိုင်ငံမှ လူချမ်းသာ များ ဂျပန်လာပြီး ငွေများများ သုံးနိုင်ဖို့ စီစဉ်တာလို့ ထင်ပါသည်။

ယခုအချိန်ထိလည်း ဂျပန်မှာ တရုတ်သဌေးများက အိမ်၀ယ် မြေ၀ယ် လုပ်ပြီး စျေးကွက်ကစားခဲ့တာမှာ

ဒီ ၁၀ နှစ် ဗီဇာ (အကြိမ်ကြိမ် အလည်အပတ်လာခွင့်ရှိ Multiple visit visa) နဲ့ဆို ပိုပြီး တိုးပွါးလာမည်ဟု သုံးသပ်ရပါသည်။

အိမ်စျေး မြေစျေးတွေ ဒီထက်ပိုတက်လာနိုင်သည်။

News resource: Nikon Keizai Shinbun

23/12/2024

အလုပ်သင် အမျိုးသမီး လိင်ပိုင်းဆိုင်ရာ စော်ကားခံရ

ကမ္ဘောဒီးယားနိုင်ငံမှ အသက်၂၀ရွယ်နည်းပညာပိုင်းဆိုင်ရာ အလုပ်သင်အမျိုးသမီး၃ဦးသည်

Tochigi ရှိ စိုက်ပျိုးရေး ခြံတစ်ခြံမှ အသက်၅၀ကျော် အလုပ်ရှင်ထံမှ ယန်း ၉၂ သန်း နီးပါးနစ်နာကြေးပေးရန် တောင်းဆိုတရားဆွဲထားသည်

အကြိမ်ကြိမ် လိင်ပိုင်းဆိုင်ရာ စော်ကားခံခဲ့ရပြီး ကိုယ်ဝန်ရလာသောအခါတိုင်းကြားပါက အိမ်ပြန်ပို့ခံရမယ်´ ဟူသော ခြိမ်းခြောက်မှုဖြင့် ခြိမ်းခြောက်ခံရ

အတင်းအကြပ် ကိုယ်ဝန်ဖျက်ချခိုင်းခဲ့တယ်လို့ဆိုပါတယ်

ဂျပန်လာရန်အတွက် အကြွေးတင်ခဲ့တာကြောင့် အခုချိန်ထိ ကြိတ်မှတ်နေခဲ့ရကြောင်းဟုဆိုပါတယ်

နောက်လူတွေအခုလိုမဖြစ်အောင်ကူညီဆောင်ရွတ်ပေးစေလိုတယ်ဆိုပါတယ်

22/12/2024

သမိုင်းထဲက ဒီနေ့ ရန်ကုန်

ရန်ကုန်မြို့ကို ဒုတိယကမ္ဘာစစ်မီး ကူးခဲ့သည့် နေ့ဖြစ်သည်။

ဂျပန်ဘုရင့်လေတပ်၏ Mitsubishi Ki-21 ဗုံးကြဲလေယာဉ်များသည် Nakajima Ki-27 တိုက်လေယာဉ်များ ဝန်းရံပြီး

ထိုင်းနှင့် အင်ဒိုချိုင်းနားမှ ပျံသန်းလာခဲ့ပြီး ဒီဇင်ဘာ ၂၃ ရက် မနက်ပိုင်းတွင် ရန်ကုန်မြို့သို့ ရောက်ရှိခဲ့သည်။

ရွှေတိဂုံစေတီတော်ကို အမှတ်အသားအဖြစ် အသုံးပြုပြီး မင်္ဂလာဒုံစစ်စခန်းနှင့် ရန်ကုန်မြို့တွင်းသို့ ဗုံးများကြဲချခဲ့သည်။

အင်္ဂလိပ်တော်ဝင်လေတပ်သည် Tomahawk နှင့် Buffalo လေယာဉ်များ၊ Flying Tigers အဖွဲ့၏အမေရိကန်ပိုင်းလော့များ မောင်းနှင်သည့် P40 Warhawk လေယာဉ်များဖြင့် ခုခံခဲ့သော်လည်း

ဂျပန်တို့၏ ဗုံးကြဲတိုက်ခိုက်မှုကို ထိရောက်စွာမကာကွယ်နိုင်ခဲ့ပါ။

ဂျပန်တို့၏ ပေါက်ကွဲအားကောင်းဗုံးများအပြင် မီးလောင်ဗုံးများကြောင့် အိမ်ခြေများစွာ မီးလောင်ပျက်စီးခဲ့ပြီး ခန့်မှန်းလူဦးရေ ၂၀၀၀ ခန့်သေဆုံးခဲ့ရသည်။

ရန်ကုန်မြို့လူထုမှာ မကြုံဖူးသဖြင့် ရှောင်ရန် မသိဘဲ ထွက်ကြည့်ကြရာ အထိအခိုက် ပိုမိုများပြားခဲ့ရသည်။

၁၉၄၁ ဒီဇင်ဘာ ၂၅ တွင်လည်း ရန်ကုန်မြို့ကို ထပ်မံဗုံးကြဲတိုက်ခိုက်ခဲ့သည်။

Image credit to John Tewell

18/12/2024

🎶 Dec 22 Shizuoka Show Plan

ကိုဆောင်းဦးလှိုင်ရဲ့ သီချင်းတွေကို နားထောင်ရတာ မဝဘူး ဆိုတဲ့ သူတွေ၊ တိုကျိုပွဲနေ့က လွတ်သွားလို့ နောင်တရနေသူတွေအတွက် Shizuoka ပွဲသွားဖို့ Silver Seat လက်မှတ်အပါအဝင် ¥10,000 ကားနဲ့ သွားလို့ရမယ့် အစီအစဉ်လေး လာပါပြီ။

ဒီခရီးစဉ်လေး ကတော့👇👇

စုရပ်က Takadanobaba ဘူတာ Big Box ရှေ့ အဝိုင်းဖြစ်ပြီး လူဦးရေ (၂၈) ဦးအထိသာ လက်ခံမှာဖြစ်ပါတယ်။

📝 ခရီးစဉ် Plan

💫 မနက် ၇ နာရီ - ကားစထွက်
💫 မနက် ၁၀ နာရီ - Shizuoka ရောက်ရှိပြီး
နေ့လယ်စာစားရန်နေရာ ချပေးပါမည်။
💫 နေ့လယ် ၁၂ နာရီအရောက် ပွဲကျင်းပရာခန်းမသို့ ပို့ဆောင်ပေးမှာဖြစ်ပြီး
💫 ညနေ ၅:၀၀ မှာ တိုကျိုအပြန်အတွက် ကားပြန်လည် ထွက်ခွာမှာ ဖြစ်ပါတယ်။

ဈေးနှုန်း ➡️ ¥10000 /person

✅ ကားခ အသွားအပြန်ကြေး

✅ Silver Seat ပွဲ ဝင်ခွင့်လက်မှတ်

✅ ရေသန့်ဘူး

⏰ ထွက်ခွာမည့် အချိန် - မနက် ၇ နာရီ

⏰ ပြန်ရောက်မည့် အချိန် - ည ၉ နာရီဝန်းကျင်
(* လမ်းအခြေအနေပေါ် မူတည်ပြီး နောက်ကျ၊ စောတာ ရှိနိုင်ပါတယ်)

🏡 စုရပ် / ဆင်းရပ် - Tokyo, Takadanobaba ဘူတာအနီး Big Box ရှေ့ (高田馬場駅)

💥အရေအတွက် အကန့်အသတ်လေးရှိလို့ မြန်မြန်စာရင်းပေးမှ စိတ်ချရမယ်နော်… 🏃🏻‍♂️🏃‍♀️

💥လက်မှတ်များကို Spring Festival Page မှာ
အခုပဲ လာရောက် ဝယ်ယူနိုင်ပါပြီ။

Spring Festival

17/12/2024

Japanနေ မြန်မာနိုင်ငံသား ၁ သိန်းကျော်ဖြစ်လာ

2024 June လထုတ် moj.go.jp Japan အစိုးရ၏ အချက်အလက်များ အရ မြန်မာ စုစုပေါင်း ၁သိန်း ကျော်သွားပြီဖြစ်ကြောင်းသိရပါသည်။ Japanနေ နိုင်ငံခြားသား အများဆုံး Top 10 တွင် မြန်မာနိုင်ငံသည် နံပတ် ၈ ဖြစ်လာသည်။ Japanနေ နိုင်ငံခြားသား စုစုပေါင်း၏ 3.1% က မြန်မာနိုင်ငံသားဖြစ်သည်။

မကြာသေးမီနှစ်များအတွင်းတွင် ဂျပန်နိုင်ငံ၌ နေထိုင်သည့် မြန်မာလူမျိုးများသည် အရှိန်အဟုန်ဖြင့် တိုးမြင့်လာခဲ့သည်။ တရားရေး ဝန်ကြီးဌာန၏ နောက်ဆုံးအချက်အလက်များအရ 2024 ခုနှစ်စာရင်းအရ ဂျပန်နိုင်ငံတွင် မြန်မာနိုင်ငံသားဦးရေ 110,306 ဦးအထိရှိလာပြီး ယခင်နှစ်ကထက် 23,760 ယောက် တိုးလာကြောင်း သိရသည်။

ဒီတိုးလာမှုရဲ့ နောက်ကွယ်မှာ ဘာရှိလဲ။ ဂျပန်နိုင်ငံတွင် မြန်မာနိုင်ငံသားများ ကြုံတွေ့နေရသော စိန်ခေါ်မှုများနှင့် ဂျပန်နိုင်ငံအတွင်း ၎င်းတို့၏ အခန်းကဏ္ဍများကိုလည်း အနီးကပ် လေ့လာကြည့်ရှုပါမည်။

# မြန်မာနိုင်ငံမှ ဂျပန်နိုင်ငံသို့ ဝင်ရောက်လာမှု နောက်ခံ
မြန်မာနိုင်ငံမှ ဂျပန်နိုင်ငံသို့ ရွှေ့ပြောင်းအခြေချသူများ တိုးလာရခြင်း၏ နောက်ကွယ်တွင် အကြောင်းအချက်များစွာရှိသည်။

# နည်းပညာအလုပ်သင်စနစ်

ဂျပန်နိုင်ငံတွင် လုပ်သားရှားပါးမှုကို ဖြည့်ဆည်းရန် မြန်မာလုပ်သား အများအပြား ဂျပန်နိုင်ငံသို့ နည်းပညာ အလုပ်သင်များအဖြစ် လာရောက်ကြသည်။ စုစုပေါင်း၏ ၄၀ ရာခိုင်နှုန်းခန့်မှာ နည်းပညာ အလုပ်သင် သင်တန်းသားများအဖြစ် နေထိုင်သည့် မြန်မာနိုင်ငံသားများဖြစ်ပြီး ဆောက်လုပ်ရေး၊ ကုန်ထုတ်လုပ်ငန်းနှင့် စိုက်ပျိုးရေး နယ်ပယ်များတွင် တက်ကြွစွာ ပါဝင်လုပ်ကိုင်နေကြပါသည်။

# နိုင်ငံတကာ ကျောင်းသားတွေ တိုးလာ
ဂျပန်တက္ကသိုလ်များနှင့် အသက်မွေးဝမ်းကျောင်းကျောင်းများတွင် ပညာသင်ကြားရန် မြန်မာနိုင်ငံမှ လူငယ်ဦးရေ တိုးလာလျက်ရှိသည်။ မြန်မာနိုင်ငံ၏ ပညာရေးစနစ်၏ စီးပွားရေးအခြေအနေနှင့် ကန့်သတ်ချက်များကြောင့် ဂျပန်တွင် ဘွဲ့တစ်ခုရယူရန် သို့မဟုတ် အသက်မွေးဝမ်းကျောင်းလုပ်ငန်းတစ်ခု တည်ဆောက်ရန် ရည်ရွယ်ထားသော ကျောင်းသားဦးရေ တိုးလာပါသည်။

# ငွေကြေးတည်ငြိမ်မှုနှင့် လုံခြုံရေး
မြန်မာနိုင်ငံမှာ နိုင်ငံရေးမတည်ငြိမ်မှုတွေနဲ့ စီးပွားရေးအခက်အခဲတွေကနေ လွတ်မြောက်ဖို့အတွက် တည်ငြိမ်တဲ့ဘဝတွေကို ရှာဖွေဖို့အတွက် ဂျပန်နိုင်ငံကို လူအများအပြား ရွှေ့ပြောင်းနေထိုင်နေကြပါတယ်။

# ဒေသအလိုက် ဂျပန်နိုင်ငံရှိ မြန်မာနိုင်ငံသားများ

ဂျပန်နိုင်ငံရှိ မြန်မာနိုင်ငံသားများ၏ အဓိကနေထိုင်ရာနေရာများမှာ အောက်ပါအတိုင်းဖြစ်သည်။

Kanto Area : 48,274 ယောက်
**Kanto ဒေသသည် ယေဘူယျအားဖြင့် တိုကျို၊ Kanagawa၊ Saitama၊ Chiba၊ Gunma၊ Tochigi နှင့် Ibaraki ၏ မြို့တော်ခြောက်ခုကို ရည်ညွှန်းသည်။

Tokyo 24,800 ယောက်
Saitama 6,592 ယောက်
Chiba 5,237 ယောက်
Kanagawa 4,946 ယောက်
Gunma 2,943 ယောက်
Ibaraki 2,313 ယောက်
Tochigi 1,443 ယောက်

ーーーー
Osaka 7,446 ယောက် ဖြစ်ပြီး တိုကျိုပြီးလျှင် မြန်မာ အများဆုံးနေထိုင်သည်။

ထိုဒေသများတွင် မြန်မာစားသောက်ဆိုင်များနှင့် ယဉ်ကျေးမှုပွဲများ တိုးများလာကာ မြန်မာအသိုင်းအ၀ိုင်းသည် တက်ကြွနေပါသည်။

Visa Type အားဖြင့်ဆိုလျှင်

Technical internship နှင့်နေထိုင်သူ အများဆုံးဖြစ်ပြီး 31,069 ယောက်

Specified activities နှင့် 19,479 ယောက်
* အားလုံးမဟုတ်ပေးမယ့် ဒီဗီဇာကို အလွဲသုံးစားလုပ်သူများလာနေသည်

Specified skills 19,059 ယောက်
* ခုနောက်ပိုင်း ခေတ်စားလာသော တိုခုတဲ၈ီနိုး ဗီဇာဖြစ်သည်

Study abroad 17,917 ယောက်
* ကျောင်းသားဗီဇာဖြစ်သည်

Technical/Humanities/International business 12,377 ယောက်
* ITအစသဖြင့် ပညာတတ်လူတန်းစားဗီဇာ ဖြစ်သည်

Permanent resident 3,027 ယောက်
* အမြဲတမ်းနေထိုင်ခွင့် ဗီဇာ

Long-term resident 2,627 ယောက်
* တဲ၈ျူးခေါ်ဆိုသော ဗီဇာ

Family stay 2,400 ယောက်
မိသားစု မှီခို ဗီဇာ

Other 1,593 ယောက်

Spouse of a Japanese national 758 ယောက်
* Japan နိုင်ငံသားမှီခိုသူ ဗီဇာ

17/12/2024

Japan Furusato Nozei (မွေးရပ်မြေ အခွန်) လမ်းညွှန်

# FurusatoNozei(မွေးရပ်မြေခွန်) ဆိုတာဘာလဲ။

မွေးရပ်မြေအခွန်သည် သင်နှစ်သက်ရာ Japan ဒေသန္တရအစိုးရ (မြို့၊ ရပ်ကွက်၊ မြို့ သို့မဟုတ် ကျေးရွာအုပ်စု) သို့ ငွေလှူဒါန်းသည့်စနစ်ဖြစ်သည်။ အလှူငွေထည့်ရုံသက်သက်မဟုတ်ဘဲ အလှူငွေပမာဏ၏ တစ်စိတ်တစ်ပိုင်းကို သင်၏ နေထိုင်ခွန် (Jyumin Zei)များမှ နုတ်ယူမည်ဖြစ်ပြီး၊ ဒေသန္တရအစိုးရထံမှ အထူးလက်ဆောင်များနှင့် အခြားကျေးဇူးလက်ဆောင်များကိုလည်း ရရှိနိုင်မည်ဖြစ်သည်။

# မွေးရပ်မြေအခွန်ကို ဘာကြောင့် ပေးဆောင်ရမှာလဲ။

ဒေသခံလူထုကို အကျိုးပြုနိုင်တယ်။ သင်ထောက်ကူပေးလိုသော ဧရိယာ သို့မဟုတ် သဘာဝဘေးဒဏ် ခံစားနေရသော ဒေသကို တိုက်ရိုက်ပံ့ပိုးနိုင်ပါသည်။

# လက်ဆောင်တစ်ခုရယူနိုင်
ဒေသထွက် အထူးအစားအစာများ၊ ထမင်း၊ သစ်သီးများ၊ အသားများနှင့် ပင်လယ်စာများကဲ့သို့သော လက်ဆောင်မျိုးစုံကို သင်ခံစားနိုင်သည်။

# အခွန်နုတ်ခြင်း၏ အကျိုးကျေးဇူးများ
လှူဒါန်းသည့်ပမာဏသည် ယန်း ၂၀၀၀ ပူးတွဲပေးချေမှုမှအပ၊ နေထိုင်ခွန်နှင့် ဝင်ငွေခွန်မှ နုတ်ယူမည်ဖြစ်သောကြောင့် သင့်အနေဖြင့် ယန်း ၂၀၀၀ တည်းဖြင့် ၂၀၀၀ မကတန်သော လက်ဆောင်များ ခံစားနိုင်မှာ ဖြ်စ်သည်။

အခွန်ဝန်ထုပ်ဝန်ပိုးကို လျှော့ချခြင်း- နှစ်စဉ်ဝင်ငွေနှင့် မိသားစုဖွဲ့စည်းပုံအပေါ် မူတည်၍ အများဆုံးနုတ်ယူသည့်ပမာဏရှိသည်။ အထက်ကန့်သတ်ချက်ကို သိပြီး ပညာရှိရှိသုံးရင် ကောင်းပါတယ်။
မွေးရပ်မြေအခွန်လှူဒါန်းခြင်းဝဘ်ဆိုဒ်တွင် ``နုတ်ထွက်ငွေပမာဏ Simulator´ ပါရှိသည်၊ ထို့ကြောင့် ၎င်းကို အသုံးပြုပါ။

楽天
https://furusato-nouzei.event.rakuten.co.jp/mypage/deductions/

၁ နှစ်၀င်ငွေ သောင်း ၃၀၀ ရသူ လူလွတ်ဆိုပါက ၂၉၇၁၇ ယန်း အထိ အသုံးပြုနိုင်မှာဖြစ်သည်။ ၁ နှစ်၀င်ငွေ သောင်း 400 ရသူ လူလွတ်ဆိုပါက 43,905 ယန်း အထိ အသုံးပြုနိုင်မှာဖြစ်သည်။

# သတိပြုရန်အချက်များ
အိတ်ကပ်ထဲက ယန်း ၂၀၀၀ အမြဲပေးရမယ်။
သင်၏လှူဒါန်းမှုသည် အများဆုံးပမာဏထက်ကျော်လွန်ပါက၊ ၎င်းကို အပြည့်အဝနုတ်ယူမည်မဟုတ်ပါ။ စာရွက်စာတမ်းများကို သတ်မှတ်ရက်အတွင်း တင်သွင်းရမည်ဖြစ်သည်.

16/12/2024

Tokyo ကနေ Shizuokaပွဲ သွားကြည့်ချင်ရင်

Dec 22 ကိုဆောင်းဦးလှိုုင် ကူညီစာနာပြည်မြန်မာ Charity Music Tour

FYI ပါ

16/12/2024

Mitsubishi UFJ ဘဏ်ဝန်ထမ်းသည် သော့အပိုသုံး၍ Safe Deposit Box မှ ယန်းဘီလီယံပေါင်းများစွာကို ခိုးယူခဲ့သည်

Mitsubishi UFJ Bank ၏ ဝန်ထမ်းတစ်ဦးသည် ဘဏ်ခွဲရှိ Safe Deposit Box တစ်ခုမှ ယန်းတစ်ဘီလီယံကျော်တန်ဖိုးရှိ ငွေများနှင့် ပစ္စည်းများကို ခိုးယူသွားခဲ့

ဝန်ထမ်းသည် အပိုသော့ကို အသုံးပြု၍ ဖွင့်ထားကြောင်း တွေ့ရှိခဲ့သည်။

ဘဏ်ခွဲများတွင် စီမံခန့်ခွဲရာတွင် အသုံးပြုခဲ့သည့် Spare keys များကို ပြန်လည်သုံးသပ်ရန် ဆုံးဖြတ်ထားပြီး အနာဂတ်တွင် ၎င်း၏ရုံးချုပ်တွင် ဗဟိုမှ စီမံခန့်ခွဲနိုင်စေရန်နှင့် အဆိုပါကိစ္စအား အသေးစိတ်ရှင်းပြရန်အတွက် မကြာမီ သတင်းစာရှင်းလင်းပွဲ ပြုလုပ်ရန် မျှော်လင့်ထားကြောင်း သိရသည်။

Mitsubishi UFJ ဘဏ်တွင် Nerima နှင့် Tamagawa ဘဏ်ခွဲများတွင် အလုပ်လုပ်သော မန်နေဂျာဝန်ထမ်းတစ်ဦးသည် ဘဏ်ခွဲများတွင် လေးနှစ်ခွဲကြာ ခွင့်ပြုချက်မရှိဘဲ ငွေနှင့်ပစ္စည်းများကို ခိုးယူသွားကြောင်း သိရသည်။

စျေးကွက်တန်ဖိုးမှာ ယန်းတစ်ဘီလီယံကျော် ပြီး ဝန်ထမ်းကို ပြီးခဲ့သည့်လက အလုပ်ထုတ်ခဲ့သည်ဟု ဘဏ်က ပြောကြားခဲ့သည်။

ဘဏ်မှ ယခုအချိန်အထိ တိကျသောအကြောင်းကို မထုတ်ဖော်သေးသော်လည်း ဤမန်နေဂျာဝန်ထမ်းသည် Safe Deposit Boxကိုဖွင့်ရန်အတွက် ပေးထားသည့် (reserve key) ကို အသုံးပြုနေခြင်းဖြစ်ကြောင်း အင်တာဗျူးမှ သိရှိခဲ့ရပါသည်။

အဆိုပါဘဏ်ခွဲများတွင် အပ်ငွေပုံးကို ဖွင့်ရန်အတွက် သော့အမျိုးအစား နှစ်မျိုး လိုအပ်သည်- ဘဏ်သော့နှင့် Customer များအား ပေးသောသော့။

"အပိုသော့" ကို ဘဏ်ခွဲတွင် သိမ်းဆည်းထားသော်လည်း ငွေနှင့် ကုန်ပစ္စည်းများကို ခိုးယူနေသော မန်နေဂျာသည် ဘဏ်ဝန်ထမ်းများ၊ ကို စီမံခန့်ခွဲရန် တာဝန်ရှိသော ပုဂ္ဂိုလ်ဖြစ်သည်။

ဘဏ်သည် ၎င်း၏အဓိကစီမံခန့်ခွဲမှုနည်းလမ်းများနှင့် လိမ်လည်မှုတားဆီးရေးအစီအမံများတွင် ချို့ယွင်းချက်များကို ကိုးကားကာ ၎င်း၏လုပ်ငန်းလည်ပတ်မှုများကို ပြန်လည်သုံးသပ်ရန် စီစဉ်နေပြီး ဘဏ်ခွဲတစ်ခုစီတွင်မဟုတ်ဘဲ ရုံးချုပ်တွင် "အပိုသော့များ" ကို ဗဟိုမှ စီမံခန့်ခွဲရန် စီစဉ်နေပြီး အမှုဆောင်ဒါရိုက်တာ Jun Hanzawa မှ မကြာမီထုတ်ပြန်မည်ဖြစ်သည်။ ကုမ္ပဏီသည် အဆိုပါပြဿနာကို ရှာဖွေတွေ့ရှိပြီး အသေးစိတ်ရှင်းလင်းချက်ပေးပြီးနောက် ၎င်း၏ပထမဆုံးသတင်းစာရှင်းလင်းပွဲကို ပြုလုပ်ရန် မျှော်လင့်ရသည်။

News Source : NHK Japan

16/12/2024

ကိုဆောင်းဦးလှိုင် တိုကျိုပွဲစဉ် အောင်မြင် သတင်း

မနေ့က ၂၀၂၄ ဒီဇင်ဘာ ၁၅ ရက် တိုကျိုမြို့ ပွဲစဥွ် မှာ သီချင်းများစွာ သီဆိုဖျော်ဖြေပေးပြီး အောင်မြင်စွာ ကျင်းပနိုင်င်ခဲ့သည် ဟု သတင်းရရှိပါသည်။

ပွဲချိန်တွင်း ကိုဆောင်းဦးလှိုင် တီးခတ်ခဲ့သော ဂစ်တာ လေလံကိုလည်း ယန်း ၉ သိန်းနဲ့ လှူဒါန်းရယူသွားသူ ရှိခဲ့သည်။ ကိုဆောင်းနဲ့ ဆင်တူ အင်္ကျီ ကိုလည်း ယန်း ၆ သိန်းကျော်ဖြင့် လေလံရယူ လှူဒါန်းခဲ့ကြောင်း သတင်းရရှိပါသည်။

အသေးစိတ် လှူဒါန်းရရှိငွေများကို ပွဲစီစဉ်သူများမှ ဆက်လက်ကြေငြာပေးမည်ဖြစ်ကြောင်း သိခဲ့ရပါသည်။

တိုကျိုပွဲက ၂ နာရီခွဲပဲ အချိန်ရခဲ့လို့ နားထောင်ရတာ အားမရသေးသူများ နောက်အပတ် ၂၂ ရက် တနင်္ဂနွေနေ့မှာ ရှီဇူအိုကာပွဲရှိကြောင်း သတင်းကောင်းပါးလိုက်ပါတယ်။

ရှီဇူအိုကာပွဲက နေ့လည် ၁၂ ကနေ ညနေ ၄ နာရီထိ ၄ နာရီကြာ တ၀ ကြီး နားဆင်ခံစားနိုင်မှာ ဖြစ်ပါသည်။

တိုကျိုကနေ ကားနဲ့ ၃ နာရီခန့် (သို့) ရထားဖြင့် ၂ နာရီခန့်သွားရင် ရောက်နိုင်တဲ့နေရာ ဖြစ်လို့ တိုကျိုပွဲ မသွားဖြစ်ခဲ့သူတွေကော ထပ်ပြီး နားထောင်ချင်သူတွေကော လက်မှတ်လေးတွေ၀ယ်ပြီး အားပေးနိုင်ကြောင်း သတင်းရရှိထားပါသည်။

လက်မှတ်များကို အောက်ပါ FB Page များမှာ သွားရောက် ၀ယ်ယူနိုင်ပါသည်။
ShizuYouth For Myanmar
Spring Festival

14/12/2024

အဆိုတော် ချမ်းချမ်းပွဲ ကျပ် သိန်း ၆၀၀၀ ကျော်ရရှိခဲ့ဟု သတင်းရရှိ

စက်တင်ဘာလ ၁၅ ရက်နေ့မှစ၍ ၃၀ ရက်နေ့အထိ တိုကျို နာဂိုယာ အိုဆာကာ ဖုကုအိုက ဟီရိုရှီးမ မြို့ကြီး ၅ မြို့မှာ ၃ ပတ်တာ ကျင်းပခဲ့တဲ့ Chan Chan Charity Concert Japan ရဲ့ အပြီးသတ်ငွေစာရင်းရှင်းတမ်းကို FB page မှာ တင်ပြလာသည်။

https://www.facebook.com/share/1E16wkmhHC/?mibextid=wwXIfr

ကျင်းပခဲ့တဲ့ ပွဲများမှ စုစုပေါင်း အသားတင် အမြတ်ငွေ ယန်း 24,281,062 နဲ့ USD 800 (ကာလတန်ဖိုးကျပ်သိန်းပေါင်း 6800 ခန့်) ရရှိခဲ့ဟု ရေးသားထားသည်။

ရရှိလာသော အကျိုးအမြတ်များကို မြန်မာနိုင်ငံအတွင်း လိုအပ်ချက်ရှိနေသော နေရာများကို ပို့ဆောင်လှူဒါန်းသွားမည်ဟုလည်း ရေးသားထားသည်။

#ဂျပန်သတင်း

14/12/2024

Japan မှာ ကလေး ၁ ယောက် အခြေခံ ထောက်ပံ့ငွေ စုစုပေါင်း ယန်း ၂၂ သိန်း ၈ သောင်း ရရှိတော့မှာ ဖြစ်ပါသည်။

ဒါက လက်ရှိမြန်မာ ငွေစျေးဖြင့်တွက်ပါက ကျပ်သိန်း ၇၀၀ နီးပါးဖြစ်ပါသည်။

Japan ဥပဒေ အပြောင်းအလဲကြောင့် ၂၀၂၄ ခုနှစ် ၁၀လပိုင်းမှစပြီး အသက် ၁၂ အထက် ကလေးများကိုလည်း ၁လလျှင် ယန်း ၁ သောင်း ( လက်ရှိငွေစျေးဖြင့် ကျပ် ၃ သိန်း) ထောက်ပံ့ငွေ ပေးအပ်သွားမှာ ဖြစ်ပါသည်။

၂၀၂၄ ခုနှစ်အထိတွင် ကလေး ၁ယောက် လစဥ် ထောက်ပံ့ကြေးအဖြစ်

ကလေး မွေးစမှ ၂ နှစ်အထိ : ၁သောင်း၅ထောင် ယန်း
ကလေး ၃ နှစ်မှ ၁၁ နှစ်အထိ : ၁သောင်း ယန်း

ရရှိနေခဲ့တာဖြစ်ပါသည်။

ထိုထောက်ပံ့ကြေးငွေမှာ Japan နေ မြန်မာနိုင်ငံသားများလည်း ကလေးမွေးပြီးပါက ရရှိနိုင်မှာ ဖြစ်ပါသည်။

ကလေး ၁ ယောက်အတွက်ကုန်ကျစရိတ်သည် ၁ လလျှင် ၁ သောင်း ၂ သောင်းမက ကုန်ကျသည် ဖြစ်ပါသည်။ အနည်းဆုံး ပျမ်းမျှအားဖြင့် ကလေး ၁ယောက် အတွက် လစဥ် ကုန်ကျစရိတ် သည် ယန်း ၅ သောင်းခန့် ရှိသည် ဆိုသည်။ ၁နှစ်ဆိုလျှင် ယန်း ၆ သိန်းဖြစ်ပြီ: အသက် ၁၈ နှစ် အထိ စုစုပေါင်း ယန်း ၁၀၈ သိန်း (လက်ရှိ မြန်မာ ကျပ်ငွေ ပေါက်စျေးဖြင့် ကျပ် သိန်း ၃၂၄၀) ပျမ်းမျှ အနည်းဆုံး ကုန်ကျမှာ ဖြစ်ပါသည်။ ထောက်ပံ့ကြေးရရှိချင်တာ တခုတည်းနဲ့တော့ ကလေးမွေးဖို့ မစဥ်းစားသင့်ပါ ကြောင်း။

住所

Kameido
Koto-ku, Tokyo
1360071

ウェブサイト

http://jpot.jp/

アラート

J Potがニュースとプロモを投稿した時に最初に知って当社にメールを送信する最初の人になりましょう。あなたのメールアドレスはその他の目的には使用されず、いつでもサブスクリプションを解除することができます。

ビデオ

#songoohlaing #charityevent

#charityconcert #songoohlaing #japan

2024 Japan Charity Music Tour ကိုဆောင်းဦးလှိုင် အင်တာဗျူး #charityconcert #songoohlainh #japan

JR East သည် ရထားစီးခကို 2026 မတ်လမှ 7.1% တိုးပါမည်ဆို JR East သည် 2026 ခုနှစ် မတ်လမှ စတင်၍ ယာဉ်စီးခ တိုးပေးရန် အစိုးရထံ လျှောက်ထားခဲ့သည်။ လက်မှတ်များအတွက် စတင်လက်မှတ်ခသည် 10 ယန်း တိုးလာပြီး စုစုပေါင်းစျေးနှုန်းတိုးနှုန်းမှာ ပျမ်းမျှအားဖြင့် 7.1% ဖြစ်သည်။ ကိုရိုနာဗိုင်းရပ် ကပ်ရောဂါနှင့် ကုန်ဈေးနှုန်းများ မြင့်တက်မှုနှင့် အလုပ်သမား ကုန်ကျစရိတ်များသည် အမြတ်အစွန်းအပေါ် ဖိအားဖြစ်စေသည်။ အမျိုးသားအဆင့် စံနှုန်းများကို နောက်ကွယ်တွင် ပြန်လည်သုံးသပ်ခြင်း။ လူဦးရေ ဆက်လက်ကျဆင်းနေပြီး စီးနင်းသူဦးရေ တိုးလာမည်ဟု မျှော်လင့်မထားသောကြောင့် ရထားလမ်းပိုင်းကို တည်ငြိမ်စွာ ထိန်းသိမ်းထားရန် ရရန်ပုံငွေလိုအပ်ကြောင်းကို ကိုးကား၍ JR East က အစိုးရထံ လျှောက်ထားခဲ့သည်။ လက်မှတ်ခများကို မတ်လ 2026 တွင် ပြန်လည်ပြင်ဆင်မည်ဖြစ်ပြီး စုစုပေါင်းတိုးနှုန်းသည် ပျမ

2024 Japan Charity Music Tour ကိုဆောင်းဦးလှိုင် အင်တာဗျူး

Charity Tour in Japan of A Burmese Musician (Song Oo Hlaing) https://www.jpot.jp/charitytour2024-sol/

နိုင်ငံခြားသားမိဘနှစ်ပါးမှ ကလေးမွေးဖွားခြင်း လုပ်ငန်းဆောင်တာအဆင့်ဆင့် နှင့်လိုအပ်သောစာရွက်စာတမ်းများအကြောင်း #jpot #japanportal

最新フォロワーの皆さん、ようこそ！ご参加ありがとうございます！ Phôñë Myîñt Âûñg, Nay Nwe Ni Htun, Su Su, Htet Wai Lin

Japan Banknotes will change On July 3, 2024

၂၀၂၄ ခုနှစ် ဇွန်လမှ စတင်မည့် "အခွန်လျော့ပေးခြင်း" ဆိုသည်မှာအဘယ်နည်း? Watch for detail in YouTube too https://youtu.be/xJNvEazsUZU ၂၀၂၄ ခုနှစ် ဇွန်လမှ စတင်မည့် အခွန်လျော့ပေးခြင်းဆိုသည်မှာ ကျွန်ုပ်တို့၏ လစာမှ တိုက်ရိုက် အခွန်ဖြတ်ကောက်နေသော "ဝင်ငွေအခွန်" နှင့် "ပြည်သူအခွန်"မှ အထူးကာလအတွင်း အတိအကျ လျော့ပေးခြင်း စနစ်ကို ဆိုလိုပါသည်။ လျော့ချပေးမည့် ပမာဏမှာ ဝင်ငွေအခွန်နှင့် နေပြည်သူအခွန်များတွင် ကွာခြားပြီး၊ သီးခြားအားဖြင့် အောက်ပါအတိုင်းဖြစ်ပါသည်။ 　・ဝင်ငွေအခွန်: ၃ သောင်းJPY 　・ပြည်သူအခွန်: ၁ သောင်းJPY 　・စုစုပေါင်း လျော့ပေးမည့်အခွန်ပမာဏ: လူတစ်ဦးလျှင် ၄ သောင်းJPY ယခုအခွန်လျော့ပေးခြင်းမှာ ဝင်ငွေအကန့်အသတ်ရှိပြီး၊ ၂၀၂၄ ခုနှစ်အတွက် ဝင်ငွေအခွန်ဆိုင်ရာ စုစုပေါင်းဝင်ငွေ ၁၈ဝ၅ သောင်း JPY အောက်ဖြစ်သူများသာ သက်ဆိုင်ပါသည်။ ထို့အပြင် မိသားစုဝင်များအနေဖြင့်လည်း ထိုမိသာ

Buy at Amazon https://amzn.to/3xux6BK

SIM Card လစဥ် အသုံးစ၇ိတ် လျော့ချင်သူတွေအတွက် Recommand ဗီဇာမလို ကရပ်ဒစိ ်ကဒ်မလို SIM Free ကဒ်ပါ။ ချက်ခြင်း ဝယ် ချက်ခြင်း သုံးလို့ရပါတယ်။ ဂျပန် လာလည်သူတွေ၊ ဂျပန်နေသူတွေ ဖုန်း အင်တာနက်Unlimitted မဟုတ်သူတွေ ပြီးတော့ ကျနော့်လို အိမ် နဲ့ရုံးမှာ Unlimited WiFi ရှိလို့ အပြင်သွားချိန်ခဏပဲ သုံးဖို့ လိုသူတွေ အတွက် Cost effective ပါ။ Buy on amazon.co.jp https://amzn.to/3wvg1XQ ဒေတာ သီးသန့် ဆိုတော့ နံပတ်ဖုန်းတော့ မပါပါ။ အင်တာနက် ပဲရပါမယိ။

J Pot

23/01/2025

18/01/2025

08/01/2025

02/01/2025

01/01/2025

31/12/2024

26/12/2024

23/12/2024

22/12/2024

18/12/2024

17/12/2024

17/12/2024

16/12/2024

16/12/2024

16/12/2024

14/12/2024

14/12/2024

住所

ウェブサイト

アラート

ビデオ

Japan Banknotes will change On July 3, 2024

ショートカット

共有する