HEPTA

HEPTA Contact information, map and directions, contact form, opening hours, services, ratings, photos, videos and announcements from HEPTA, Convenience Store, الامارات العربيه المتحده, Dubai.

23/01/2025

الواحد حقيقي حزين جدًا وهو بيشوف المعالم السودانية المعروفة بتدمر يوم ورا يوم..

كل يوم بتصبح بنلاقي في خراب ودمار في حتة..
مع كل خراب بيحصل نحن بنرجع لورا إقتصادياً، إنسانياً..

كل يوم بنفقد أرواح..
بنفقد ممتلكات..
بنفقد كل حاجة لينا معاها ذكرى جميلة..
ما عارف من الباع الوطن بس نحن الدفعنا الثمن.

22/01/2025

حاجة بتشرح القلب لما نشوف الفرحه والضحك في وشوش الناس مع رجعة الكهرباء والله شعبنا ده ما مفروض يعاني كده أصلو، لكن الحمد لله على كل حال ألف حمد لله على السلامة أهلنا وأحبابنا في أم درمان، ربنا يديم عليكم الفرح يا غالين🩷

22/01/2025

صادفني بوست لواحد قال إنو إشترى كيس سلطة من بتاع الخضار وإكتشف بعد ما وصل البيت إنو خت ليهو تفاحة هدية جوة الكيس..

فالحركة دي خلقت فيهو شعور جميل جدًا وإنها بتعني حاجة كبيرة، لإنو دي عادتنا نحن كسودانيين..
الحجة تشتري منها فول او تسالي تقوم تملأ يدها وتزيدك تاني..

بتاع المطعم تطلب منو فول يديك جرح دمعة بالجنبة..
والعادة دي ما بتلقاها إلا عندنا في السودان..
لإننا ناس جميلين بالفطرة..
بأخلاقنا..
وتعاملاتنا..
وخوتنا..

الواحد فخور جدًا إنو سوداني دم وهوية..
وربنا يرجع ايامنا الحلوة..🩷.

21/01/2025

نجاح غيرك المفروض يعمل فيك حاجتين :
- يفرحك
- يشجعك
أي إحساس غير الإتنين ديل إنت محتاج تراجع نفسك.💁‍♂️

20/01/2025

حقيقي شكراً شديد لكل زول بشاركنا تفاصيلو المفرحة عشان نفرح معاه
شكراً للبشاركونا فرحة نجاحهم..
فرحة عقد قرانهم..
فرحة حصولهم على وظيفة..
فرحة إنو لاقو حاجة بعد كد وتعب..

عشان يدونا حافز إننو ننجز، إنو ما نفقد أمل، وإنو في الحياة في فرص لسة، في أمل لسة..🩷🌾.
صباحكم أمل.

19/01/2025

صباح الخير على الناس الطيبة..🌾🩷..

لو قالوا ليك أوصف السودان بكلمة أو جملة..
شنو الحاجة البتجي على بالك.🇸🇩

18/01/2025

عارفين إنو الفضول كتلكم شديد عن المُنتج بتاعنا..
ولشنو نحن أخدنا الفترة الطويلة دي عشان نزيح الستار، الحقيقة هي مافي حاجة بتجي بالساهل..

ونحن بنحاول نطلع المنتج بتاعنا بأعلى كوالتي وإحترافية ممكنة، عشان نحن بنهتم بالتفاصيل بنهتم بفكرة أي حاجة لازم تأخد حقها بالكامل👏.

عايزين نقول الحمدلله إنو المنتج بتاعنا لاقى قبول وحجز من اي زول شافو..
ونحن بإذن الله وثقة في ربنا حنوعدكم بنقلة كبيرة جداً في المجال دا..

وغير كدا كلمتنا في محلها وفي معيتنا مفأجأت وقروش وآيفونات وتفاصيل نخليها في وقتها..
المهم إنتوا متحمسين؟🙋‍♂️

مباركك لي الشباب الفائزين معانا بالتنشيط الاسبوعي .. من خلال مساهمتهم و اجتهادهم معانا قدرنا انو تكون التشيط و معاهو حق ...
17/01/2025

مباركك لي الشباب الفائزين معانا بالتنشيط الاسبوعي ..

من خلال مساهمتهم و اجتهادهم معانا قدرنا انو تكون التشيط و معاهو حق شاي و قهوة كدا 🙃

عشان يستمتعو و هم يتابعونا و بدعمونا ..

المرة الجايه حتكون لي ناس الاضافات و الدعوات 😌

و طبعا ما ناسين الناس البتعمل شير في اي لحظة ممكن نفوزهم برضو ..

يعني في اي حاجة اجتهدت فيها حتلاقينا مقدرنها و مكافأنك عليها
لأنكم تستاهلو السمح دائما ..

مُصطفى سيد أحمد ومحمود عبدالعزيز ما كانوا مجرد فنانين نحن بنسمع ليهم وبس..أبوالسيد وحوتة كانو نسخة مصغرة مننا، وبمثلونا ...
17/01/2025

مُصطفى سيد أحمد ومحمود عبدالعزيز ما كانوا مجرد فنانين نحن بنسمع ليهم وبس..

أبوالسيد وحوتة كانو نسخة مصغرة مننا، وبمثلونا وبحكو عن حالنا وتفاصيلنا..

للسبب دا بتلاقيهم في أي حتة..

صورهم في المواصلات..

الحافلات، الركشات، البصات..

وأصواتهم بتسمعها من كل حدب وصوب..

كل حاجة انت شاعر بيها بتلاقيهم فيها..
كانوا وطن مصغر مليان بالمحبة والأمل..

كانوا ناس عاديين جدًا وبسيطين حد البساطة..

رغم إنو رحلو في أوقات مختلفة بس خلو فينا ذكرى صعب تتمحي بالساهل..

ألف رحمة واسعة ونور ليهم وربنا يجزيهم الجنة يارب العالمين🩷!!

17/01/2025

17 يناير

اليوم ده بصادف ذكرى رحيل اتنين من كبار الفن السوداني .. الاول ( ابو السيد ) والتاني (الحوت ) .. اسمين مافي زول بقدر يتجاوزهم ساااي كده .. وسطرو اغاني خالده جوه كل زول .. لو كنت بتسمع لي محمود ادينا اكتر مقطع بتحبو ليهو ولو لي مصطفى حاسي بيك ح تختار مقطع من يا ضلنا .. ولو بتسمع ليهم الاتنين اتحفنا ...🎼🎶

17/01/2025

من شيّم رسولنا الحبيب التفاؤول..
مهما عصفت بيهو الأحزان بلاقيها بوش باسم وصبوح..

بغض النظر عن الحزن الحايم حوالينا دا، متأكد وواثق تمامًا من إنو ربنا ببدل كل الأحزان دي سرور..
الحاصل دا كلو إختبار سوا نقص الأرواح والمال وربنا أدرى بحالنا مننا..

جمعة مباركة يا أحباب ما تنسوا تصلوا على الحبيب المصطفى وتقروا سورة الكهف..🩷!

16/01/2025

بدون ما نحس لقينا روحنا فقدنا أغلب التفاصيل القديمة الكلنا لينا معاها ذكرى..

حفلات ودالأمين في نادي الضباط..
والجمهور بهاتي:
يا يوم بٌكرة ما تسرع تخفف لي نار وجدي..

السر قدور بضحكتو الرنانة ديك وهو بيقول..

على شاطئ النيل الأزرق الفريد وهذا اللقاء الفني الجديد..
وصوت الفرقة:

أن تريدي يا ليالي تجمعينا كما كنا والحب كتر علينا..

في تفاصيل جميلة جدًا في حياتنا بنعيشها مرة بس، وذكراها بفضل طول العُمر..

شنو التفاصيل البتجي على بالك لما تجي سيرة السودان..
شاركونا بذكرياتكم ولحظاتكم الما بتتنسي..🫶

معانا ومعاكم أول فائزين في السحب بتاعنا لأبرز المعجبين للإسبوع دا..القائمة دي بحددها الفيسبوك على حساب نشاط الشخص وتفاعل...
15/01/2025

معانا ومعاكم أول فائزين في السحب بتاعنا لأبرز المعجبين للإسبوع دا..

القائمة دي بحددها الفيسبوك على حساب نشاط الشخص وتفاعلوا وتعليقاتو على مدار الإسبوع..

حقيقي تعيش البنات وتكتر جد جد والله..😂
أول خمسة أسماء بالترتيب حواءات👏..

Aamria Hashim,
Wegdan Adêl,
منى حسن,
يارب ازور الكعبه,
صباح صبري احمد..

راسلونا خاص بإسكرين بالشارة بتاعتكم وإستلمو حق التنشيط بنكك أو رصيد على حسب الشريحة🫶.

وسحوباتنا متواصلة لحدي ما نعلن عن السحب الكبير بإذن الله.

15/01/2025

في مقولة إنجليزية محتواها بيقول:
"لا تزحف عندما تشعر بشيء يدفعك إلى الطيران"

لو عندك أي حلم في رأسك..
عندك أي فكرة أو طموح أوعى ترجى بكرة عشان تبدأ تحققو..
فكرة اليوم ممكن تكون واقعك بُكرة..

حاول إنجز بالعندك وعافر ومسألة وقت حتلاقي نفسك وصلت✅️..
كل الناس الإنجزت وعبرت لقت الدافع ومشت وراهو وما إتكاسلت..

قوم إتلحلح🙋‍♂️.

15/01/2025

الليلة المساء بإذن الله حنعلن عن الأبرز المتفاعلين معانا الإسبوع دا..
حنختار ال5 على حسب ترتيب الـ Facebook..

وحنفوزهم بتنشيط نت إسبوع مجاني مقدم مننا🙋‍♂️..
أي زول عندو شارة ابرز المعجبين او المعلقين يحافظ عليها🫶

14/01/2025

واحدة من التفاصيل الخفية وراء البراند بتاعنا إننا ما جايبين حاجة جديدة على الناس..

بالعكس نحن عاوزين نغير نظرة الجيل الجديد عن هويتنا سودانية في أبسط الأشياء..

على سبيل المثال حالياً في مصصمات سودانيات أعادو أحياء التوب السوداني بصورة مُبتكرة وفريدة وبإسلوب عصري عشان يناسب كل المناسبات مش الأعراس والمناسبات الرسمية بس..

في سودانيين كُتار فكروا برة الصندوق وسلطو الضوء على حاجات هي موجودة سلفاً بس بلمسة عصرية..
قربنا..🤩🩷!!

13/01/2025

مدام قاعد زهجان وقافلة معاك حاول أطلع برة وعاين للسماء وإتأمل نفسك حبة يا قمر إنت😔🩷

13/01/2025

عشان خاطركم وعشان خاطر محبتكم ودعمكم اللا مُتناهي قررنا في HEPTA إنو نعمل سحوبات عشوائية للناس العندها شارة الـ TOP FAN..
والناس البتشارك محتوانا طوالي وبتتفاعل معانا..

وحننشط ليهم باقة نت على حسب شرايحهم..
أي زول عندو شارة التوب فان يمسك فيها قوي😂🙋‍♂️..
والما عندو كل ما تتفاعل مع محتوانا تلقائي بتظهر ليم🫶..

نحن هنا عشانكم🙏

Address

الامارات العربيه المتحده
Dubai

Website

Alerts

Be the first to know and let us send you an email when HEPTA posts news and promotions. Your email address will not be used for any other purpose, and you can unsubscribe at any time.

Contact The Business

Send a message to HEPTA:

Videos

#الاحباب .. 💚 إن شاء الله طيبين سالمين .. !! بمنا أننا أصبحنا أسرة واحدة حابين نوضح البدايات و بداية المنتج كانت وين من كان فكرة لحدي ما يصلكم باذن الله .. !! و دا طبعا حيكون عن طريق فديوهات ح تنزل تباعاً عشان تكونو معانا في الصورة خطوة ب خطوة لأنكم مننا و فينا .. مبسوطين أنكم معانا .. سعيدين بوجودكم .. و حابين نسمع رايكم أسفل الفديو لأنو بهمنا جدا 💚 HEPTA #هيبتا #تراث_الجدود #هيبة_الملوك

Shortcuts

Share

Category